Hazrat talha madrsa حضرت طلحه رضي الله تعالى عنه مدرسه

26/07/2024

دزده کړی پړاوونه :

که څه هم د هر ډول مهارت، پوهې او لنډه دا چې د زدکړې زدکړه په بیلابیلو پړاوونو کې تر سره کیدای شي خو موږ دلته د درس د زده کړې په پړاوونو باندې غږیږو او هغه په څلورو پړاونو ویشو: - ادراک او پیژندل - پوهه او تحدید - حفظ او یادول - تکرار او بیا راگرځول (مراجعه) ۱- ادراک او پیژندل : که څه هم حسي ادراک او پوهه د معرفت او پیژندنې بنسټ جوړوی او ټول معلومات د حواسو له لارې ترلاسه کیږي ،خو ټول انسان په دې کې سره برابر نه دي او د شيانو په معرفت او ادراک کې یو له بله سره ځینې توپیرونه لري. ځینې معلومات د سترگو له لارې، ځینې یې د غوږونو له لارې تر لاسه کوي او ځینې یې هم د پیژندنې له پاره له خپلو څو حواسونو څخه کار اخلي.

۲- پوهه او تحدید:

کله چې یو زدکوونکی په بشپړه توگه په یوه موضوع باندې پوه شي،دهغې په تحدید باندې پیل کوی، د هغې غټ غټ ټکی او عنوانونه سره جلا کوی او غواړی چې حافظې ته یې وسپاري.خو دیادولو وړ ده چې دا تحدید هغه وخته کیږي چې په یوه موضوع باندې په سمه توگه پوه شي او دهغې آسانه او روښانه ټکې په خپل ذهن کې راټول کړي.

۳- حفظ او یادول :

د معلوماتو راټولول او په ذهن کې د هغې کښینولو ته د حفظ عملیه وایي او دا هغه وخت بشپړه کیدای شي چې موږ په هغه معلوماتو چې راټولول یې غواړو په سمه توگه پوه شو. د یوې موضوع د حفظ کولو له پاره د درس په محتوی باندې ځان پوهونه،د توضیحی رسمونو او اشکالو ویستل، د ځانگړیو سوالونو شفاهی یا لیکلی ځوابونو لیکل ، د کتاب یا اړونده موضوع ټولې برخې لوستل، د موضوع د ټولو برخو یو له بل سره تړل، اورول او په ذهن کې ځای پر ځای کول د پام وړ ټکې جوړوي.

۴- بیا راگرځیدل :

له تکرار یا بیا راگرځولو څخه موخه داده ترڅو یو زدکوونکی ټولو هغه شيانو ته چې تر اوسه یې زده کړی دي یو ځل بیا مراجعه وکړی او ور وگرځی چې دا په حقیقت کې د درس ویلو اصلی موخه گڼل کیږي.(۳)

25/07/2024

د استغفار ويلو فوايد.

الله متعال په قران كريم كي فرمايلي!

١- الإستغفار : - ګناه لۀ منځه وړي: ﴿ إِنَّهُۥ كَانَ غَفَّارٗا ﴾
٢-الإستغفار : - قحطي لۀ منځه وړي: ﴿ يُرۡسِلِ ٱلسَّمَآءَ عَلَيۡكُم مِّدۡرَارٗا ﴾
٣-الإستغفار : - فقر او عقامت لۀ منځه وړي: ﴿ وَيُمۡدِدۡكُم بِأَمۡوَٰلٖ وَبَنِينَ ﴾
٤-الإستغفار : - کمزوري لۀ منځه وړي: ﴿ وَيَزِدۡكُمۡ قُوَّةً إِلَىٰ قُوَّتِكُمۡ ﴾
٥-الإستغفار : - د نجات سبب ګرځي: ﴿ وَٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِۚ إِنَّ رَبِّي رَحِيمٌ وَدُودٌ﴾.

گرانو دوستانو خپله ژبه لۀ استغفار سره عادت کړئ.
أستغفر الله العظيم الذي لا إله إلا هو الحي القيوم و أتوب إليه.

24/07/2024

دوستي يا ملګرتيا د خلکو تر منځ د متقابلې مینې اړیکه ده. [۱]

ملګرتيا يوه مثبته، دوه اړخيزه او ټولنیزه اړیکه ده. ملګرتیا رسمي یا زیږون اړیکه نه ده او ترلاسه کیدی شي. ملګرتيا د يوازېنۍ اشنايي څخه ژوره او ټينګه ده. معمولا، ملګرتیا د پېژندلو په دوام کې اود ګډو او خوندورو تجربو په تکرار سره رامينځته کيږي. د پیژندونکو سره د اړیکو په پرتله لکه د ټولګيوال، ګاونډی یا همکار سره،ملګرتيا د وګړو ترمنځ د اړيکو پياوړې بڼه ده.
په ځینو کلتورونو کې، د ملګرتیا مفهوم په څو ژورو اړیکو پورې محدود دی. په ډیری ځایونو کې یو سړی کولی شي ډیری ملګري ولري، او شاید د یو یا دوه کسانو سره خورا ژورې اړیکې ولري چې ممکن غوره ملګري وبلل شي. [۲]

د ملګرتیا موضوعیتوب په اکاډمیک برخو کې مطالعه شوی لکه ارتباط، ټولنپوهنه ، ټولنیز ارواپوهنه ، انتروپولوژي او فلسفه . د ملګرتيا په اړه بېلابېل علمي نظريات وړاندې شوي، پشمول د ټولنيزې تبادلې تيوري، د مساواتو تيوري، ارتباطي جدلات ، او د ملګرتيا سټايلونه. که څه هم د ملګرتیا ډیری ډولونه شتون لري، چې ځینې یې ممکن له یو ځای څخه بل ځای توپیر ولري، د دې ډیری اړیکو لپاره ځینې ځانګړتیاوې شتون لري. په دې ځانګړتیاوو کې د یوځای کیدو غوره کول، د یو بل سره د تیر شوي وخت څخه خوند اخیستل، او د یو بل لپاره د مثبت او ملاتړي رول لوبولو توان لري. د خلکو په اړه د ترسره شویو څیړنو په ترڅ کې خلکو د ملګرتیا موخه د دوی شخصي پرمختګ ګڼلی. د څېړنې په ترڅ کې چې ترسره شوې، دې نتیجې ته ورسیده چې پنځه اصلي ځانګړتیاوې شتون لري چې دا امکان لري چې خلک یو له بل سره ملګري شي او د دوی ملګرتیا به دوام ومومي:

۱- جغرافيايي نژديتوب: تر ټولو مهم عامل چې خلک ورسره ملګري کوي، جغرافيايي نږدېوالی دی. د ارواپوهنې د ارواپوهنې د یوې تیورۍ له مخې، چې د ارواپوهنې یوه څانګه ده، خلک له هغو خلکو سره ډېره لېوالتیا لري چې دوی ورسره نږدې وي، ځکه چې دا د دوی د ژوندي پاتې کېدو احتمال زیاتوي. په دې حالت کې، دا پایله شوې چې احتمال چې یو څوک به د خپل ژوند په اوږدو کې خپل ورک شوی نیمایي ومومي په هرو دوه ملیونو کې یو دی. نو څه شی د دې لامل کیږي چې خلک واده وکړي یا اوږده ملګرتیا ولري؟ جغرافیایی نږدېوالی ترټولو مهم فکتور دی چې په ورته وخت کې خلک د یو له لاسه ورک شوي نیمایي څخه ډیر لیوالتیا لري چې هیڅکله یې ندي لیدلي.

۲- رسمي فکر: کله چې خلک یو له بل سره وویني، لومړی شی چې د دوی پام ځانته را اړوي د هغوی بڼه وه. دا معلومه شوه چې د یو کس سره د ملاقات په لومړیو 37 ثانیو کې، د هغه شخص ترټولو ذهني انځور په هغه شخص کې جوړیږي، د بیلګې په توګه، جامې، بڼه، مخ او بدن ټول د هغه شخص په ابتدايي انځور کې اغیزمن دي. سړی د دوی د خوښې وړ ګڼي. کله چې له خلکو وپوښتل شول چې دوی د موضوع په اړه څه یادوي، دوی اکثره د لومړۍ او وروستۍ ناستې یادونه وکړه. همدا رنګه، سپین خلک د سپینو خلکو سره ډیر آرام وو او تور خلک د تور خلکو سره ډیر آرام وو.

3- د شخصیت مطابقت: هغه خلک چې د شخصیت له پلوه یو بل سره ډیر ورته وي، که د انتفاضې یا اضطراب له نظره، که هغه مستحکم وي یا بې ثباته (سکون یا کیفی)، یو بل ډیر پوهیږي. د بېلګې په توګه، کله چې متفکران او انټروورټونه یو له بل سره وویني، نو انټروورټس یو بل سره خبرې کوي او فکر کوي چې دا خلک د دوی په خبرو سره د زیان رسولو اراده لري، په داسې حال کې چې د انټروورټ خاموشي د دوی د ځای څخه د وتلو نښه ګڼل کیږي.

۴- یو شان او په ورته کچه درلودل: د یوې څېړنې په ترڅ کې چې په ۴۰ زره برتانوي جوړو باندې ترسره شوې، دا په ډاګه شوه چې هغه جوړې چې د ژوند کچه یې ورته ده، د ژوند د کلونو له لحاظه ډېر دوامدار وي. د خلکو ټول شاخصونه یو اغیزناک عامل دی، د عمر، فزیکي حالت، د پوهنتون زده کړې، مالي حالت، دنده او نور د ورته والي په توګه، خلک یو بل ته نږدې وي، د دوی ترمنځ اړیکې ژورې او ښه پوهیږي. . په همدې ډول، څومره چې شخصي ګټې ورته ډېرې وي، هومره د خلکو تر منځ د جګړې احتمال کم وي. په همدې کچه پاتې کېدل یې دې ته اړ کړل چې نور خلک هم د خپلې درجې په توګه وګڼي او ځان له پوښتنې لاندې کس څخه لوړ یا ټیټ ونه ګڼي. په دې څیړنه کې، حتی ورته سیاسي تمایلات په اړیکو کې اغیزمن دي.

۵- یو له بل سره پیژندګلوي: کله چې خلک یو بل سره ډیر پیژني، د دوی د ملګرتیا احتمال ډیریږي. له همدې امله په سړک کې د یو چا سره د ملګري کیدو چانس خورا ټیټ دی. د نوم پيژندل د ملګرتيا چانس ډيروي، همدارنګه د هغه کس د کورنۍ د تير، شغل، ځانګړتياوو او د هغه شخص په معلوماتو پوهيدل د ملګرتيا چانس زياتوي. [۳]

22/07/2024

ښکلي ترنم

20/07/2024

19/07/2024

بسم الله الرحمن الرحیم

هربې عمله عمل یورنځ وګڼی،! اوهربې عمله علم یو بې ګټي شی

خبرداراوسی،! چي جهاد پرینیږدی ځکه هرقوم چي دالله(ج) په لارکي جهاد پرایښی هغه خواراو‌ذلیل شوی

ډیربد بخته هغه څوک دی چي پخپله مړشي خوګناه یې ژوندی وي، دیوداسي عمل بنسټ یې ایښی وي چي دهغه دمړیني وروسته ادامه پیداکوي

که غواړی هوسایي موپه برخه شي خپله ژبه دشکایتونواوګیلو نه لیري وساتي

دسترګوساتنه وکړﺉ، ځکه داده زړونو وردی اوټول افتونه له همدې لاري زړه ته ننوزي

له غلا اوخیا نت څخه ډډه وکړﺉ، ځکه داعملونه لوږه اوفقررا منځ ته کوي

څوک چي دالله(ج) په لارکي مشغول وي، الله(ج) به دهغه کارونه سرته رسوي

دایمان تکمیل په جهاد، دروژې پوره والی په صدقه، دحج پوره والی په اوضحیه اودلمانځه تیروتنه په سجده سهوي سره پوره کیږي

حقیفت دادی چي انسان یوډیر ضعیف اوناتوانه مخلوق دی،د حیرانتیاخبره داده چي څنګه له ډیرقوي اوزورورخدای(ج) څخه نافرماني کوي

دچاچي ژړاپه وس کي نه وي پوره، هغه به په ژړیدونکوڅه مهرباني وکړي

ښه سړی هغه ده چه په ښو خلکو ګران اود بدو خلکو زښت وی

څوک چه دینی علم ددی په خاطر زده کوی چه دخلکو پام ځان ته راوړی ځای به یی دوزخ وی

ستر سړی څلور صفتونه لري کمینی،ادب ،مهرباني ،او عدالت

کله چی یوسړی بل ته پور ورکړې نو دپور وړي سوغات دی نه قبلوي

څوک چه دظالم په ظلم پوهیږي او سره لدی دهغه دتقوی لپاره زیارباسی کامل داسلامیت له دایری څخه وتلی ده

ښکاره دښمنی د منافقی دوستی څخه ډیره ښه ده

د ملګری په نیمګړتیاو پسی مه ګرځه او کنه بی ملګری به پاتی شی

د چرګ حلالولو لپاره د غوای حلالولو چاړی ته ضرورت نشته

ستر سړی په ځان فشار راولي او کوچنی سړی په نور

هیڅ شی دخدای (ج) په وړاندی دومره غوره نه دی لکه چی څوک خپل قهر دده دخوښی په غرض وزغمي

دقیامت په ورځ د قدر او منزلت له مخی د ټولو ټیټ سړی هغه به وی چه دخپل علم څخه یئ ګټه نه وی اخستی

پاک اوسه بی باک اوسه

ډیری خبری د پوهی دلیل نه ده