03/06/2026
የኮሎኔል መንግስቱ ኃይለማርያም ወቅታዊ መልዕክት !
የተከበርከው የኢትዮጵያ ህዝብ ሆይ !
እናንተ ዛሬ የታሪክ አደራ የተረከባችሁ ወገኖቼ፤ በእኔ የስልጣን ዘመን የተሰሩትን ስህተቶች በድጋሚ እንዳትደግሙ በአጽንኦት አሳስባችኋለሁ፣ ታሪክ ሊደገም የሚገባው በጥንካሬው እንጂ በስህተቱ መሆን የለበትም።
ዛሬም እንደ ትላንቱ የሀገርን አንድነት የሚፈታተኑ የውስጥና የውጭ ጠላቶች ሴራቸውን አላቆሙም፣ የውስጥ ባንዳዎች ለውጭ ባዕዳንና ታሪካዊ ጠላቶቻችን መጠቀሚያ እንዳይሆኑ ነቅታችሁ ጠብቁ።
ትላንት የኢትዮጵያን ህዝብ የባህር ወደብ አልባ ያደረጉት እነዚሁ ታሪካዊ ጠላቶችህ፤ ዛሬ ደግሞ ጽምዶ በሚል የዳቦ ስም ተሰባስበው የመጡት ሙሉ በሙሉ ሀገር ለማድረግ መሆኑን ልትገነዘቡ ይገባል። ለእነዚህ ኃይሎች ለአፍታም ቢሆን ዕድል አትስጧቸው።
አንተ የአድዋ ፤የጉንደት፤ የካራማራ እና የዚህ ዘመን የአባይ ግድብ የስኬት ባለቤት የኢትዮጽያ ሕዝብ ሆይ፦ ሀገርህንና መንግስትህን በፅናት ጠብቅ።
መንግስት ሆይ፦ ሉዓላዊነቷ የተከበረች ሀገርን ለማስቀጠል የሕዝብህን ደህንነትና አንድነት በቅድሚያ ጠብቅ።
ኢትዮጵያ በልጆቿ አንድነትና መስዋዕትነት ለዘላለም ትኖራለች።
