10/08/2026
🌿 اليوم حبيت نديكم في جولة صغيرة داخل مناج السعادة للأطفال العلمة ❤️
شوفوا وين راه موجود المناج… في وسط الغابة، وسط الطبيعة 🌳، بعيد على الضجيج والزحمة. هنا تلقاو الهدوء، الراحة، والنسمة اللي تردّ الروح.
🎠 الألعاب راهي متباعدة، وكل عائلة تقدر تقعد مرتاحة وتستمتع بوقتها بكل أرياحية.
👨👩👧👦 وفرنالكم الكراسي والطاولات مجانا، والدخول ثاني مجاني، وتلقاو عندنا الأكل والمشروبات، يعني تجيو مع عايلتكم وتقضيو وقت مليح.
📍 والمناج راه قريب من الطريق الرئيسي وساهل الوصول ليه.
وحاجة مهمة بزاف حابين نطلبوها منكم ❤️
حافظوا على نظافة المكان، لأن النظافة مسؤولية الجميع.
كيما راكم تشوفو في الفيديو، وفرنا حاويات معلّقة وفي أماكن مختلفة، باش كل واحد يلقى وين يرمي النفايات.
وعلّموا ولادكم يحافظوا على نظافة المكان كيما يحافظوا على نظافة دارهم، لأن الطبيعة هذي أمانة، ولازم نخليوها نظيفة وجميلة لينا ولأولادنا.
قال الله تعالى:
﴿وَلَا تُفْسِدُوا فِي الْأَرْضِ بَعْدَ إِصْلَاحِهَا﴾
[الأعراف: 56]
ربي يبارك في كل واحد يساهم في الحفاظ على نظافة المكان ❤️
لا إله إلا الله، محمد رسول الله ﷺ.
مرحبا بيكم كامل في مناج السعادة للأطفال العلمة 🌳❤️
تفرحوا، تستمتعوا، وتخلّيو المكان ديما نظيف وجميل.
