08/05/2026
☕ الناس على مدار سنين اتعودت على طعم الإندونيسي فى التوليفة… اتعودت على الوش والتقل والقوام والطعم اللى مالي الفنجان 👌
لدرجة إن أى حد يجرب نوع تانى مختلف شوية يقولك:
"إيه ده؟ البن ده وحش!" 😄
وده يفكرك بكلام البهظ بيه لما قال:
الناس كانت بتشرب شاى بالنشارة… ولما النشارة غليت وشربوا الشاى من غيرها قالوا عليه مغشوش 😂
الفكرة مش دايمًا إن الحاجة وحشة…
الفكرة إن الناس اتعودت على طعم معين وبقت شايفاه هو الصح.
☕ المختصر المفيد فى التوليفة المصرية اللى تمشى مع أغلب الزباين:
✅ ٧٠٪ إندونيسي
✅ و الـ٣٠٪ الباقيين شوية فيتنامي على حبشي على برازيلي ريو
او تلعب بشوية هندى روبيستا ولما تعمل توليفة العميد تشيل الحبشي وتحط كولومبي
كده إنت ماسك المعادلة الصح:
الطعم اللى الناس متعوده عليه وماشي مع سعر السوق
