دَقة - DAQAH

دَقة - DAQAH توابل.. ريحتها سبقاها 🌿
حبوب مختارة بعناية • طحن طازج • جودة ثابتة
شحن لجميع المحافظات 🚚
للطلبات والاستفسارات: واتساب 📩
(3)

جماعة إيه الأخبار؟ ❤️😍سريعًا كده عشان فيه ناس مش عارفة 👀لو إنتِ عروسة وبتجهزي مطبخك ومش عارفة هتحتاجي توابل إيه… خليكي ش...
15/08/2026

جماعة إيه الأخبار؟ ❤️😍

سريعًا كده عشان فيه ناس مش عارفة 👀

لو إنتِ عروسة وبتجهزي مطبخك ومش عارفة هتحتاجي توابل إيه… خليكي شاطرة واعملي زي العروسة دي 😂❤️

هاتي الاستاند بتاعك وتعالي، هتاخدي 18 صنف توابل أو أكتر من اختيارك ، بأوزان مناسبة وبأقل من 300 جنيه! ️❤️✌️

ملاحظة: الاستاند اللي في الصورة ده واخد توابل بـ 265 جنيه بس 🤭❤️

يعني بدل ما تحتاري هتجيبي توابل إيه…
هاتي الاستاند، وإحنا نجهزهولك. ❤️🌿

دَقة - DAQAH
توابل.. ريحتها سبقاها🌿

صباح الخير جدا ❤️✨️صحينا الصبح على الرسالة القمر دي.. والصراحة دي من أجمل الحاجات اللي ممكن حد يصحى عليها.ربنا يبارك فيك...
11/08/2026

صباح الخير جدا ❤️✨️
صحينا الصبح على الرسالة القمر دي..
والصراحة دي من أجمل الحاجات اللي ممكن حد يصحى عليها.

ربنا يبارك فيكم ويرزقنا وإياكم من واسع فضله يارب. 🌿❤️

دَقة - DAQAH
توابل.. ريحتها سبقاها 🌿

10/08/2026

جماعة إيه الأخبار؟ ❤️👋

حاولت الفترة اللي فاتت أصور المنتجات، وأستعين بالـAI في تعديل بعض الصور، لكن بصراحة النتيجة ما كانتش مرضية بالنسبالي.

فاعذروني الفترة الجاية لو لقيتوا بوستات كتير من غير صور
أو فيديوهات. 😅

خصوصًا إني حاسس إن الصور المعدلة بالـAI كلها شبه بعض، ومن غير روح، وفي نفس الوقت الصور اللي بصورها بالموبايل حاليًا مش مديّة منتجاتنا حقها، وده آخر حاجة أحبها الصراحة.

أكيد حضراتكم لاحظتوا إننا بقالنا فترة غايبين، وده كان أحد الأسباب. 💔😅

فبدل ما أنزل صورة لمجرد إن البوست يبقى فيه صورة، أو أفضل ساكت ومأنزلش حاجة خالص، فضّلت إن المحتوى نفسه يوصل بشكل كويس، حتى لو كان عبارة عن تيكست أو نص بسيط. ❤️

وإن شاء الله ده لفترة مش كبيرة، لحد ما أقدر أطلع صور تليق باسم دَقة - DAQAH وتوثّق فعلًا خطوات ومراحل المنتج من أول ما بنستلمه لحد ما يوصل لحضراتكم.

وطبعًا لو حد محتاج صورة أو فيديو لأي منتج، في أي مرحلة من مراحل التجهيز، يبعتلي خاص وهبعتله الصور المتاحة عندي بكل حب. 🙏❤️

عارف إن مش كل الناس بيشدّها النوع ده من المحتوى، لكن عارف برضه إنكم دايمًا بتدعمونا وبتشجعونا. ❤️

وحقيقي، وجودكم ودعمكم بيفرق معانا أكتر مما تتخيلوا...

شكرًا ليكم. 🌿❤️

ما شاء الله، اللهم بارك ✨️وصل أخيرًا! 🫒زيت زيتون بكر ممتازمعصور على الباردحموضة أقل من 0.8%مستنينكم تنورونا:📍 محافظة الب...
26/07/2026

ما شاء الله، اللهم بارك ✨️

وصل أخيرًا! 🫒
زيت زيتون بكر ممتاز
معصور على البارد
حموضة أقل من 0.8%

مستنينكم تنورونا:

📍 محافظة البحيرة – مركز أبو حمص
شارع الدكتور طه الشرقاوي، متفرع من شارع محمد عامر،
أمام حلواني الصردي، بجوار مصنع البركي.

✈️ متاح شحن وتوصيل جميع المحافظات.

دَقة - DAQAH
توابل.. ريحتها سبقاها 🌿

جماعة.. إيه الأخبار؟ ❤️🫣سريعًا كده، اكتبولنا رأيكم في الكومنتات...لو دخلتوا المحل ولقيتوا إن كل صنف له كارت خشبي خاص بيه...
23/07/2026

جماعة.. إيه الأخبار؟ ❤️🫣

سريعًا كده، اكتبولنا رأيكم في الكومنتات...

لو دخلتوا المحل ولقيتوا إن كل صنف له كارت خشبي خاص بيه، محفور عليه اسمه، وبلد المنشأ، وهل هو صحيح ولا مطحون...

هتفرق معاكم نعتمدها بدل الاستيكر العادي الموجود حاليا ؟ ❤️
ولا شايفين إنها تفاصيل زيادة أو مش مهمة؟ 👀

🌿 دَقة | توابل.. ريحتها سبقاها

فيه ريحة معينة...أول ما نشمها، بنرجع سنين لورا.ريحة القهوة الصبح.ريحة القرفة في الشتاء.ريحة السمنة البلدي وهي بتسخن.أو ح...
18/07/2026

فيه ريحة معينة...

أول ما نشمها، بنرجع سنين لورا.

ريحة القهوة الصبح.

ريحة القرفة في الشتاء.

ريحة السمنة البلدي وهي بتسخن.

أو حتى ريحة الفطار قبل ما ننزل المدرسة.

الغريب...

إننا ممكن ننسى مواقف كتير، لكن عمرنا ما بننسى الريحة المرتبطة بيها.

علشان كده حابين نسألكم سؤال بسيط النهاردة...

إيه الريحة اللي أول ما تشموها... ترجعوا بيها لأيام زمان؟ ❤️

دَقة - DAQAH
توابل.. ريحتها سابقاها 🌿🧂

الناس الجميلة بتوع الحلويات والمخبوزات... ❤️🌿لو قولتلكم إن اللي في الصورة ده منتج جديد وصل دَقة...تفتكروا ممكن يكون إيه؟...
11/07/2026

الناس الجميلة بتوع الحلويات والمخبوزات... ❤️🌿

لو قولتلكم إن اللي في الصورة ده منتج جديد وصل دَقة...

تفتكروا ممكن يكون إيه؟ 🤔

متأكد إن أول حاجة جت في بالكم إنه كاكاو... 😂❤️

لكن الحقيقة...

دي قرفة إندونيسي ناعمة.

ناعمة لدرجة إن شكلها يخليك تفتكر إنها كاكاو من أول نظرة. 🤎

والأجمل من شكلها...

إن ريحتها ماشاء الله اللهم بارك عطرية مميزة، وطعمها متوازن جدًا، وحدّتها أقل بكتير من القرفة الصيني.

وده بيخليها اختيار ممتاز لمعظم وصفات الحلويات والمخبوزات.

وكمان تقدروا تستمتعوا بيها كمشروب صحي مفيد بنكهة القرفة الطبيعية ☕🤎

لازم تجربوها بجد. ❤️🤝

دَقة - DAQAH
🌿✨️

جماعة... السلام عليكم. ❤️🌿فيه غلطة بنعملها كلنا تقريبًا...أول ما ندوق الأكل ونحس إنه ناقص حاجة، ومش عارفين إيه هي...نزود...
06/07/2026

جماعة... السلام عليكم. ❤️🌿

فيه غلطة بنعملها كلنا تقريبًا...

أول ما ندوق الأكل ونحس إنه ناقص حاجة، ومش عارفين إيه هي...

نزود التوابل.💔🙂

وفي الآخر نستغرب...

إن النكهات دخلت في بعضها، ومنوصلناش للطعم اللي كنا عاوزينه... والأسوأ إن الطعم الأصلي للأكلة ممكن يختفي.

وده ببساطة...

لأن دور التوابل إنها تبرز طعم الأكل... مش تغيّره.

وعلشان كده...

قبل ما تزود معلقة كمان...

افتكر الجملة دي:

اختيار توابل طبيعية، خالية من المنكهات الصناعية، والألوان الصناعية، وموانع التكتل واستخدمها بالقدر المناسب هو الحل الافضل .

وافتكروا دايمًا...

مش كل ما نزود توابل... الأكل هيبقى أطعم.

الطعم المميز... يبدأ من اختيار جودة المكونات ونِسَبها، مش بالكمية. ❤️😂

أول كومنت مهم ... ❤️👇

🌿❤️ جماعة إيه الأخبار؟لما شاركنا معاكم قرار قصر الشحن على عبوات 50 جرام، كان هدفنا واضح...إن التوابل المطحونة توصل لحضرا...
01/07/2026

🌿❤️ جماعة إيه الأخبار؟

لما شاركنا معاكم قرار قصر الشحن على عبوات 50 جرام، كان هدفنا واضح...

إن التوابل المطحونة توصل لحضراتكم بأفضل جودة ممكنة.

وصلتنا تعليقات ورسائل كتيرة، وقرأناها كلها باهتمام.

وكان أكتر اقتراح اتكرر:

💬 "سيبوا كل عميل يختار الكمية اللي تناسب احتياجه."

وقتها سألنا نفسنا سؤال مهم...

إزاي نحافظ على الجودة، وفي نفس الوقت نسيب لكل عميل حرية اختيار الوزن المناسب له؟

وكان الحل...

مش تقليل الأوزان... لكن تنظيم طريقة تجهيز الطلبات.

لذلك، هيكون متاح لحضراتكم طلب جميع الأوزان مرة تانية بإذن الله. ❤️🫣

وفي المقابل، هنبدأ نستقبل عددًا محددًا من الطلبات يوميًا، علشان كل طلب ياخد حقه كامل من الفرز، والطحن، والمراجعة، والتعبئة.

ولو اكتمل عدد طلبات اليوم، هنبلغ حضرتك بأقرب موعد متاح للشحن قبل تأكيد الطلب.

ممكن نحتاج يوم أو يومين إضافيين لتجهيز بعض الطلبات قبل شحنها، لكن هنكون واضحين مع حضرتك من البداية، وإن شاء الله نلتزم بالموعد اللي نوعدك بيه. لأن الحفاظ على الجودة كان، وما زال، أولويتنا. 🌿

وبس كده...

شكرًا لكل حد شاركنا رأيه... لأن رأيكم هو اللي ساعدنا نوصل للحل ده. ❤️

وحقيقي كل مرة بنسمع فيها آراء حضراتكم، بنتعلم اكتر ونطور من نفسنا .

حضراتكم مش مجرد عملاء... أنتم جزء من رحلة دَقة، وشركاء في نجاحها. 🌿🤍

━━━━━━━━━━━━━━

📋 لو حابين تعرفوا قائمة الأصناف وأسعار الكيلو، اكتبوا "تم" في الكومنتات، وهنبعتها لحضراتكم بكل سرور. ❤️🌿

في دَقة عندنا قاعدة... 🌿❤️لو في قرار هيخلّي المنتج يوصل لحضراتكم بشكل أفضل... هنختاره، حتى لو كان القرار ده مش الأسهل عل...
30/06/2026

في دَقة عندنا قاعدة... 🌿❤️

لو في قرار هيخلّي المنتج يوصل لحضراتكم بشكل أفضل... هنختاره، حتى لو كان القرار ده مش الأسهل علينا.

لما بدأنا دَقة من حوالي أربع سنوات، كنا فاكرين إن توفير كل الأوزان هو أفضل خدمة ممكن نقدمها.

لكن بعد سنين من الشغل، ومراجعة مئات الأوردرات، اكتشفنا إن أغلبكم بيختار تشكيلة من الأصناف، وبعد فترة بيرجع يطلب نفس الأصناف تاني، مع تغيير بسيط أو إضافة أصناف جديدة.

وساعتها وقفنا وسألنا نفسنا سؤال مهم...

هل هدفنا إن حضرتك تشتري كمية أكبر... ولا إن كل مرة تفتح فيها الكيس تحس بنفس الريحة اللي شميتها أول مرة جربت
فيها دَقة؟

وطبعًا... الإجابة كانت واضحة. 🌿

أفضل وقت لاستخدام التوابل، وخاصة المطحونة...
هو بعد طحنها مباشرة، مش بعد شهور من التخزين.

وده اللي هتفضل دَقة تشتغل عليه كل يوم.

ومن هنا، وبعد تفكير طويل...

قررنا إن الشحن، خلال الفترة الجاية، باذن الله هيكون متاح لعبوات 50 جرام فقط.❤️🫢

يمكن القرار ده يعجب ناس...

ويمكن ناس تانية تختلف معاه...

وده حقكم، ورأيكم يهمنا أكيد.

لكن لو في قرار هيخلينا نحافظ على الطحن الطازج، وجودة ثابتة، ويوصل لكم المنتج في أفضل حالاته...

فبالنسبة لنا، ده القرار الصح.

وبما إننا بنطلب منكم تغيروا طريقة الطلب شوية، ويمكن تحتاجوا تطلبوا أكتر من مرة خلال الشهر...

قولنا أقل حاجة نعملها إننا نشارككم في مصاريف الشحن، أو نتحمل جزءًا منها.

🎉 علشان كده، إن شاء الله من النهارده، أي طلب بقيمة 600 جنيه أو أكثر، الشحن عليه هيكون مجانًا بالكامل. 🚚❤️

ودي المنيو الجديدة من دَقة. 🌿

وفي الآخر...

يهمنا نسمع رأيكم بكل صراحة. ❤️

إنت شايف إن التوابل المطحونة الأفضل تُستخدم بعد طحنها مباشرة... ولا بعد ما تفضل متخزنة لحد ما تبدأ ريحتها ونكهتها تضعف؟ 🌿

شاركونا رأيكم في الكومنتات، لأن رأيكم فعلًا بيفرق معانا، ويمكن يكون سبب في إن دَقة تبقى أحسن. 🤍✨️

دَقة - DAQAH
توابل.. ريحتها سابقاها 🧂🍃

Address

Abou Hommos

Telephone

+201200063707

Website

Alerts

Be the first to know and let us send you an email when دَقة - DAQAH posts news and promotions. Your email address will not be used for any other purpose, and you can unsubscribe at any time.

Contact The Business

Send a message to دَقة - DAQAH:

Shortcuts

Share

Category