13/06/2026
قبل ما نبدأ دَقة، كنا في إيفنت ماشاء الله اللهم بارك فيه عدد كبير من شيفات كاترينج وشيفات مطاعم من أماكن مختلفة...
كنوع من أنواع دراسة السوق ❤️🤭
الأجواء كانت جميلة جدًا الصراحة ، وكل الكلام كان عن الأكل والوصفات وأسرار الشغل والمواقف اللي بتحصل في المطابخ. وكدا 🫢
في وسط الكلام، واحدة سألت شيف معروف:
"إيه أكتر حاجة ممكن تفرق فعلًا في طعم الأكل؟ وهل فعلًا فيه حاجة اسمها نَفَس؟"
بصراحة كلنا كنا متوقعين إجابات زي...
مكونات أحسن.
وصفة مختلفة.
طريقة تسوية مناسبة.
لكن الراجل ضحك وقال:
"بصوا... أكيد كلكم سمعتوا قبل كده عن ان النفس هو إن الأكل يتعمل بحب وكدا، وده صح.
لكن الحقيقة إنك كشيف ممكن جدًا تبقى مضغوط أو تعبان أو حتى مش في مود الشغل، وتطلع أكلة ممتازة عادي.
عشان كده هقولكم حاجة ناس كتير مش بتاخد بالها منها...
التوابل."
الناس كلها استغربت...
إلا أنا طبعًا. ❤️😂
مش عشان كنت فاهم...
عشان اتبسطت وقتها. 😅
فكمل كلامه وقال:
"أنا كنت فاكر زمان إن كل التوابل زي بعض...
لحد ما جربت توابل بجودة مختلفة فعلًا."
طبعًا مش من عندنا...
لأننا وقتها مكناش لسه موجودين. 💔😅
وقال جملة عمري ما نسيتها:
"ساعتها اكتشفت إن عمرنا ما اشترينا توابل قبل كده!"
😅🌿
والغريب إنه أكد على النقطة دي وقال:
"أنا مغيرتش الوصفة...
ولا غيرت طريقة الطبخ...
ولا حتى غيرت المكونات.
لكن أول ما فتحت الكيس حسيت بالفرق.
واللون كان أوضح...
الريحة كانت أقوى...
ولما الأكل استوى، الطعم كان مختلف فعلًا."
ساعتها تقريبًا كل الشيفات الموجودين فهموا هو يقصد إيه.
إحنا أوقات كتير بنلوم الوصفة...
أو نقول الأكلة ناقصها حاجة...
وفي الحقيقة المشكلة ممكن تكون بدأت من التوابل نفسها.
وده بالضبط السبب اللي خلانا نهتم في دَقة بكل خطوة...
من اختيار الحبوب...
للغربلة والفرز...
"ثم الطحن والتغليف... لحد ما توصل لبيتك."
علشان لما تفتح الكيس، تعرف فورًا إنك ماسك توابل حقيقية. 🌿
زي ما الشيف حس وقتها.
وبالمناسبة...
وأنا بكتب البوست ده افتكرت إني أبعتله هدية من دَقة. ❤️😂
استنونا... وان شاء الله لما توصل هنقولكم كان رأيه إيه، رايكم هتعجبة ؟❤️🤔
🌿 دَقة | توابل ريحتها سبقاها
