بيت الحاجة لكسر جاتوهات ايتوال والمجمدات

10/10/2025

شوفوا شغلنا بيتكلم عننا

09/10/2025

أثناء فترة الخطوبة اتفقت أنا و زوجتي رحمة الله تعالى عليها علي عمل صندوق بعد زواجنا نسمية "صندوق الصدقة" و كل يوم نحط فيه قدر معين من المال صدقة لله
و أخر الشهر نطلع اللي فيه لله.
و كان الدافع لذلك هو حديث رسول الله ﷺ
حيث قَال : مَا مِنْ يَوْمٍ يُصْبِحُ العِبَادُ فِيهِ إلا مَلَكانِ يَنْزلاَنِ، فَيقُولُ أحَدُهُمَا: اللَّهُمَّ أعْطِ مُنْفقًا خَلَفًا، وَيَقُولُ الآخَرُ: اللَّهُمَّ أعْطِ مُمْسِكًا تلَفًا.
مُتَّفَقٌ عَلَيهِ.
و بإخراج صدقة يومية تجعلنا نفوز بدعوة الملك الأول بالزيادة و لتجنب دعوة الملك الثاني بالتلف.

و كذلك حديث رسول الله ﷺ ما نقصت صدقةٌ من مال
و أيضا الحديث القدسي الذي قال فيه ربُّنا ..
يا ابن آدم أنفِقْ أُنفق عليك.
و حديث ...المرء في ظل صدقته يوم القيامة
و حديث... إن الصدقة تطفئ حر القبور علي أصحابها.

و كانت رحمها الله تقعد تعددلي نوايا كتير للصدقة ننويها

و بالفعل من أول يوم زواج عملنا كده بفضل الله و توفيقه و الحمد لله و كانت هي رضى الله عنها مبسوطة جدا بالفعل ده و تقولي أنا نفسي نحافظ علي فكرة الصندوق دي علي طول و كانت هي اللي تشجعني و تفكرني بيه باستمرار.

و لا أنسى أبدا هذا المشهد المتكرر يوميا من ذاكرتي
و هو بعد عودتي من صلاة الفجر فأراها تصلي أو تختم صلاتها بالأذكار و الأوراد ثم أول شئ تفعله هو أن تقوم إلي الصندوق فتضع فيه صدقة اليوم و تذكّرني بها
و كل يوم قبل نزولنا الشغل تذكّرني و تقولي
حطيت في الصندوق ؟
و لما نبقى مسافرين كام يوم الاقيها تحط فيه فلوس بعدد الأيام اللي هننزلهم ، المهم ميعديش يوم من غير م نخرج صدقة.

و بعد م عملنا كده بفترة لقيتها بتقولي انت بتعمل حساب بابا ( والدي رحمه الله) في الصدقة ؟
قولتلها اه الحمد لله بنوي ذلك إنه يشاركني الاجر و يبقى لي و له رحمه الله
قالت لي لأ... أنا حابه انك تطلع له صدقه منفصله غير بتاعتك
( رضى الله عنها و أرضاها و جزاها خير الجزاء )

كانت لما نبقى في مكان و تلاقي حد باين عليه الحاجه و كده ( من اللي يبان عليهم بجد و تري فيهم التعفف )
لو واحده ست الاقيها تقولي استني كده و تروح تديها حاجه ، و لو راجل تقولي محمد روح ادي الراجل ده حاجه شكله غلبان أوي 😢 ( كان قلبها طيب و لين جدا رحمها الله)

الصورة اللي تحت دي من وقت وفاتها رحمها الله
و هي اللي حاطه كثير من الفلوس دي بايديها.

بقول كده للدعاء لزوجتي رحمها الله
و لأن دي فكرة عظيمة جدا إنك تعملها باحتساب نوايا الأحاديث اللي فوق ( لو جنيه كل يوم )
و هي مش فكرتي أنا ده كان بوست برضه شوفناه ع الفيس عادي و اتفقنا نطبقه جزى الله صاحبه خير الجزاء
و أسأل الله الاخلاص و القبول يارب

و للتأكيد علي أهمية الزوجة الصالحة بجد
فهي جنة و نعيم ما بعده نعيم في حياتها
و ألم في فراقها للأسف 😢 والله المستعان

رحم الله زوجتي الحبيبة و غفر لها و رضى عنها و أرضاها و جعل كل صدقة تصدقت بها في ميزان حسناتها و نورا لها في قبرها و جعلها ممن يدخلون الجنه من باب الصدقة بلا حساب ولا سابقة عذاب و جزاها عني خير الجزاء و متعها اللهم بلذة النظر إلى وجهك الكريم و تقبلها اللهم في الصالحين و الشهداء برفقة الأنبياء صلوات الله وسلامه عليهم أجمعين هي و أبي و كل حبيبٍ و غالٍ فارقنا
اللهم آمين

03/09/2025

راس البر ♥️

31/08/2025