12/05/2025
تكات البسبوسة
1 ممنوع العجن
2يكون اللبن والسمن فاتر زي دمعه عين الطفل
3 اللبن والسمن والسكر والعسل او الجلوكوز يدوبو مع بعض كويس جدا
4 نسقي البسبوسة ثم تغطي
5ممكن تستغنى عن جوز الهند انما عسل ااجلوكوز لا
لو مش متوفر استبدليه بعسل نحل او شربات تقيل
الشربات التقيل ممكن تعمليه بكوب سكر ونص كوب ميه ونقطتين عصير ليمون ارفعيه على نار متوسطة لمدة ٨ دقايق
مقادير البسبوسة بالكوب العيارى ٢٥٠ مل او بالمج الازاز العادى
----------------------------------------------------------------
٣ اكواب سميد ناعم
كوب الاربع حليب
كوب الاربع سمنة بلدى دايبة
كوب سكر حبيبات
تلت كوب جوز هند ناعم
٢ م.ك من ملاعق الاكل العادية مليانة من عسل الجلوكوز
مقادير الشربات بنفس الكوب
---------------------------------
كوب ونصف ماء
كوب وربع سكر حبيبات
ماء زهر او اى منكه تفضليه
م.ك سمن بلدى
الخبز على حرارة ٢٠٠ فى فرن مسخن قبل دخوى الصينية ب١٠ دقايق على الرف الاوسط ونكون شايلين الصاجة من
تحت
مدة التسوية ٣٠ دقيقة و٥ دقايق على الشواية
قطر الصينية ٣٠ سم
الشيف محمد سيد
