تربية دجاج التسمين فى كبسولة

03/07/2026

23/06/2026

25/05/2025

يوم صعب جدا وصهد درجات الحراره سجلت 40☀️ فى بعض المدن وجه بحرى مابالك بقا بالصعيد 😭
طيب احنا المفروض نعمل ايه فى الحر ده ونحافظ على فراخنا ازاى !؟ 🐔🐔
هننزل ب ( فيتامين C ) 1سم على اللتر هننزله عالساعه 2 بليل لحد الساعه 10 كده قبل الضهر
فيتامين C بيعمل ايه فى جسم الفرخ !! 🐥🐥
عد فوايده عندك ياغالى .. 💦💦
* تخفيف آثار الإجهاد الحرارى
* تعزيز جهاز المناعه وزياده مقاومه الامراض الصعبه
زى النيوكاسل والاكولاى والجمبرو والماريك
* بيحسن النمو وبيساعد على زياده التحويل
* بيساعد على تحسين استخلاص المعادن المهمه وبيزود مستوى الكالسيوم فى العظام ولو بتربي فراخ بياض بيحسن قشره البيض..
ماتنساش تتابعنا هتستفاد جدا ❤️
تربية دجاج التسمين فى كبسولة 💊💊
هنساعدك تطلع فرخه سوبر ان شاء الله

23/05/2025

لاصحه لوجود فيروسات خطيره تهدد صناعه الدواجن فى مصر ملخص الموضوع
الوقت ده من السنه شهر 4 وشهر 5 بالاخص بنتعرض لتغيرات كبيره فى درجات الحرارة مابين النهار والليل وده بيأثر على الفرخ بشكل سلبي وعلفكره فى بعض المربيين بيسمهوها دورات التوت الكتكوت ياكل ويموت 😂🐥
يعنى المقصد الحورات دى بتحصل كل سنه واشاعات بتظهر ف لو لم يتم الرعايه والتهويه والتدفيه الصحيحة فى الشهرين دولى # ممكن طبعا يؤدى الى نافق مش قليل الخلاصه منصدقش الاشاعات واشترى يحج انت والحجه فراخ عادى ليس هناك اى فيروسات ومتصدقش كلام خالتك الى بتقولك الفراخ فيها مرض 😂 ❤️

12/05/2025

معلومه عالسريع كده فى #كبسولة 💊
ازاى تحسب كميه العلف للقطيع الى عندك ؟! 🐥🐥
حساب كميه العلف للكتكوت الواحد = العمر × 5 = العلف بالجرام
مثال : لو الطائر عمره 20 يوم هياكل علف قد ايه
استهلاك العلف للطائر = 20 × 5 = 100 جرام للطائر الواحد
طيب لو عايز احسبها للقطيع كله بحسبها ازاى = عمر الطائر × 5× عدد القطيع
مثال لو بتربى 200 طائر والعمر عندك 20 يبقا حساب كميه العلف = 200×5 ×20 = 20000 جرام
بالقسمه على 1000 = 20 كيلو جرام استهلاك ال200 فى اليوم
طبعا فى اكتر من طريقه لحساب العلف والمياه دى اسهلهم وينفع تحسبها سواء بتربي عدد كبير او عدد صغير بس يفضل تحسب بالمعادله دى لو بتربي فى اعداد صغيره اقل من 1000
مع تربية دجاج التسمين فى كبسولة هنساعدك توصل بدورتك لبر الامان وتطلع فرخه سوبر 🐔🔥

09/05/2025

لو بتفكر تحجز كتاكيت اليومين دول يبقا لازم تقرا البوست دا 🐥
طبعا الكتكوت الجيد من اهم العوامل الى بتوصلك لدوره ناجحه وسهله
هنكلم فى البوست ده عن مواصفات الكتكوت الجيد وبعض العوامل الى بتؤثر على جوده الكتكوت 🐥
هنبتدى ب اهم العوامل الى بتؤثر على جوده الكتكوت 🐣
* لازم تتأكد ان الكتكوت الى هتنزله الحاله الصحيه لقطيع الامهات والمناعه بتاعته كويسه جدا يعنى اوعا تسترخص فى الكتكوت وتجرى تجبلى كتكوت ارخص من المعروض ب ١٠ ولا ١٥ جنى عشان سعره اقل لا انت لازم تسئل عن الشركه او المكتب الى هتنزل منها سمعتها ايه والقطعان بتاعتها اخبارها ايه دى نقطه مهمه جدا لازم تاخد بالك منها
* جودة بيض التفريخ المنتج ووضع البيضة حتى الفقس
* المعاملات التي تجرى داخل معمل التفريخ وحالات الفرز والتجهيز
* عملية نقل الكتاكيت الى المزرعة (لابد من توافر الشروط البيئية أثناء نقل الكتاكيت (درجة الحرارة 23-28 م و الرطوبة النسبية حد أدني 50% ، معدل تغيير الهواء 0.7 متر/دقيقة/1000 كتكوت) .
طيب احنا كده اكلمنا عن اهم العوامل الى بتؤثر على جوده الكتاكيت ايه هى بقا مواصفات الكتكوت الجيد !؟ 🐥💊
* الكتكوت يكون خالى من اى ألتهابات سره ، السره تكون ملتئمة بشكل تام وتكون خالية من التشوهات ونظيفه بعد الفقس
* يجب أن تتمتع بالحيوية والنشاط (عمل اختبار الحيوية عن طريق وضع الكتكوت على ظهره فيجب ان يكون قادر على الوقوف في خلال 3 ثواني)
* أن تكون العين نظيفة جافة لامعة
* القدرة على الوقوف بثبات، والتحرك بشكل جيد
* أن تكون الارجل دافئة تخلو من الخدوش أو التآكل، ولا يوجد بها احمرار او ورم بالعرقوب .
دى كانت اهم العوامل الى بتؤثر على جوده الكتكوت واهم مواصافات الكتكوت الجيد
لو استفدت من البوست متنساش تتابع صفحتنا الجديده وتدعمنا
تربية دجاج التسمين فى كبسولة
هنساعدك توصل بدورتك لبر الامان وتطلع فرخه سوبر زى ماقال الكتاب عن طريق شرح مبسط جدا 🐔💊
تحت اشراف مهندسون متخصصون فى مجال تربيه دجاج التسمين 🐔🐔
#جمعهـمباركة