مزارع ابو سلمان للانتاج الحيواني

25/04/2026

البركه للاعلاف
افضل مكان جبت منه علافه فعلا

17/04/2026

مع البركه للاعلاف – حصلت على تقدير منذ قليل لكوني أحد أبرز المعجبين لديه! 🎉

04/08/2025

إنني أحتفل بعامي الأول على فيسبوك. شكرًا لك على دعمك المستمر. لم أكن لأنجح أبدًا دون مساعدتك. ‏🙏‏‏🤗‏‏🎉‏

12/09/2024

"الرّفق بالحيوان ليس فقط واجباً أخلاقياً، بل هو تعبير عن إنسانيتنا وإحساسنا بالآخرين، فالرفق بالحيوان ينعكس على رفاهيتنا وعلى توازن الطبيعة من حولنا."

07/09/2024

لتقوية مناعة العجل الرضيع، هناك عدة خطوات يمكن اتخاذها:

1. **توفير حليب السرسوب (اللبأ):** تأكد من أن العجل يتناول حليب السرسوب خلال الساعات الأولى بعد الولادة، حيث يحتوي على نسبة عالية من الأجسام المضادة التي تعزز مناعته.

2. **التغذية السليمة:** قدّم للعجل تغذية متوازنة تحتوي على كافة العناصر الغذائية الضرورية مثل البروتينات، الفيتامينات، والمعادن.

3. **الحفاظ على نظافة البيئة:** يجب الحفاظ على بيئة نظيفة للعجل لتقليل مخاطر الإصابة بالعدوى. يشمل ذلك تنظيف المكان بانتظام وتوفير فراش نظيف.

4. **التطعيمات:** اتبع جدول التطعيمات الذي يوصي به الطبيب البيطري لتحصين العجل ضد الأمراض الشائعة.

5. **التأكد من رطوبة جيدة:** يجب التأكد من أن العجل يتناول كمية كافية من الماء النظيف للحفاظ على رطوبته ومنع الجفاف.

6. **مراقبة صحته بانتظام:** راقب العجل باستمرار للتأكد من أنه ينمو بشكل سليم ولا تظهر عليه أي علامات مرضية.

27/08/2024

27/08/2024

السلام عليكم احبائى الكرام كما عودناكم مع شركة الامانه الان يوجد علف ممتاز الطن ب ٦٥٠٠ وكمان ايه بروتين ٥٠ ٪؜ والعلف يصلح للأغنام والماعز والإبل والجاموس والجمال والفراخ والبط الحجز بعربون علي الكاش والاستلام أنا وأنت والزمن طويل وطبعا كل الإعلانات دي اشتغاله ومتجريش وراها واي واحد مش هيرمي بضاعته كدة وانت كمان مترميش فلوسك في الارض والله يكرمك حافظ علي مالك متعملش زى اللي بيشتري العتبه والبوست لان لاقيت اعلان علي الجروب عندى وبيقول الطن ب ٦٥٠٠ دة لو مربي النقله رمل هتكون اغلي من كدة دة طن العرش تقريبا بقي بالسعر دة ومستحيل تلاقي علف مش هقول محترم لا هقول شبه محترم اقل من ١٢٠٠٠ الطن 🙏🏻🙏🏻

26/08/2024

Joud Farm - Ahmed Adel

24/08/2024

اسس النجاح في مشاريع تسمين العجول :

● عمل دراسة جيدة قبل الشراء يتم من خلالها تحديد نوع السلالة و تمن الشراء ومدة التسمين مع تحديد تكلفة التغذية طيلة مدة التسمين + باقي التكاليف الاخرى.
● شراء الاعلاف الكافية في موسمها وتخزينها ،لكي نتجنب وقت ارتفاعات الاسعار الغير متوقعة.
● بناء مزرعة وفق تصميم محكم يسهل عملية الخدمة، مع مخازن اعلاف مناسبة تسهل عملية مناولة الاعلاف.
● انشاء مكان مخصص ومعزول عن المزرعه لاستقبال العجول الجديدة، لتفادي امراض النقل وخلافه حتى يتم التأكد من صحتها وسلامتها.
● وضع برنامج يشمل علاجات والتحصيينات اللازمة لحماية العجول وضمان الحصول على نمو جيد بتحصينها ضد جميع الامراض المعدية( تجريع ضد الطفيليات الداخلية،تحصين ضد الحمى القلاعية،الرش لعلاج الطفيليات الخارجية...)
● وضع برنامج تغذية مناسب وملائم بحسب كل فئة عمرية وكذا على حسب وزنها .
● المتابعة اليومية لصحة الحيوان مع المتابعة الشهرية لمعدلات النمو لتأكد من ان العجول تحقق الاوزان المنشودة ،ومعالجة العجول التي لم تحقق المعدلات المطلوبة او استبعادها.
● الشراء بأسعار مناسبة ومن اماكن موثوقه المصدر او مشهود لها بالجودة.

24/08/2024

بسم الله والصلاة والسلام على رسول الله صلى الله عليه وسلم المنشور ده خاص باستقبال العجول والآثار السلبيه الناتجه عن عمليه النقل

النهارده ان شاءالله هانتكلم عن أثر عملية النقل والمعاملات السلبيه ال بتحصل هناك في الأسواق وتجنب الآثار السلبية علي النطاق الصحي والانتاجي قدر المستطاع ولك ان
الآثار السلبية علي صحة الحيوان :
انخفاض مستوي الزنك عن طريق افرازه من الكبد بصوره كبيره مما يؤدي إلى انخفاض المناعه
انخفاض البوتاسيوم وفيتامين b والجليكوجين في الدم ةالعضلات نتيجه للعنف والخوف الذي يتعرض له الحيوان وارتفاع الادرينالين
انخفاض مستوي المناعه العام وبالتالي فرصه كبيره للعدوي او ظهور الامراض التي تكون في فترة الحضانه بجانب اختلاط الحيوان بحيوانات اخري في السوق الله اعلم فيها ايه ولذلك كتير جدا بتجد العجول ظهرت عليها اعراض القلاعيه وريلت وهي جايه علي العربيه من السوق في بعض الأحيان بتكون الرياله البيضا نتيجه للحر والاجهاد وربط العجل جامد لفتره طويله واحيان اخري بتكون اعراض قلاعيه فينبغي الحذر
علشان ما نطولش في النقطه دي
ها تكلم علي بعض الإجراءات ال اعرفها علي حد علمي المحدود والتي يتم تنفيذها في المزارع انا عن نفسي مابعملش كل دا في وقت واحد ولكن أحيانا تضطر لعمله
1- تطهير العربيه القادمه من الاسواق والمحمله بحاجات الله اعلم بها عن طريق بركه مياه بها مطهر قوي واحيانا رش العربيه كلها بلموتور والحقيقه من افضل المطهرات في القصة دي والمصممه لهذا مطهرات زي verkon s او verocidal او مطهرات شبيهة ولكن دول بفضل الله متجربيين ونتايجهم جيده
2-تنزيل العجول علي تبه ramp افضل من نطها من العربيه لتجنب الكسر او الجذع وخاصة العربيات الجامبو وعلشان ماتحتاجش انك تضربه وتكسر ديله وتعذبه كفايه ال شافوا في السكه وفي السوق من بليل لحد لما يوصلك علي الظهر وعلي فكره دي مش رفاهيه للعجل دي اساسيات للاستقبال لان كل الخوف البيتعرض له الحيوان بينعكس علي انتاجه وصحته وانت ال هاتدفع التمن
3-رش العجول كلها بمطهر والتركيز علي الوش والرجول والمطهرات المذكوره مفيش اي مشكله منها لو دخلت في عينه او مناخيره انت عايز تعقمه من اي فيروس ممكن يكون جي شايله معاه
4-وضع العجول في عنبر استقبال hospital pen ودا في المزارع الكبيره ممكن يكون بينه وبين المزرعة ال هايكمل فيها مسافه كبيره لكن لو مش موجود زي غالييتنا فممكن تحطه في مكان لوحده وراعي انه يكون مش في اتجاه الريح يعني حطه في مكان الهوا يعدي علي العجول السليمه القديمه عندك الاول وبعدين يكون هو اخر محطه للهوا
5- حقن مضاد حيوي طويل زي draxin اول ماينزل وحقن مالتي فيتامين قوي لتعويض المفقود وتحفيز الجهاز المناعي واستعادة نشاطه ممكن تحقن حاجه زي antoplex
او vitaboost ودا الميزه الزياده فيه ان بيحتوي علي الحمض الاميني taurin ودا مهم لعضلة القلب وطبعا كلكم عارفين الموت المفاجئ ال شغال وممكن ad3 و سيلينيوم لكن انا مذهبي محاولة تقليل الحقن قدر المستطاع علشان مانزودش الإجهاد والخوف كفايه ال عنده
6- بعض المزارع بتضع المطهرات دي او بيكربونات في مياه الشرب لمحاولة السيطره علي العدوي لا قدر الله
7- احيانا في اوقات الاوبئه بيكون الرش بالمطهرات 2-3مرات يومياً للحيوان كله وللبيئه المحيطه ومش شرط يكون عندك موتور 600 ممكن برشاشه ظهريه ب 100ج ترش العجل مره الصبح ومره العصريه وغالبا انت بتكون رابط العجول في للفتره دي لحد لما تستكمل التحصينات وعلشان الملاحظه في الاكل والمشاكل وعلشان ماتعرضش الحيوان لاجهاد انك تمسكه كل شويه والفكرة من رش المطهر انك بدل ما تعرض الحيوان ل 1000 فيروس محيط به والجهاز المناعي يقاومهم انت بتقلل العدد فتساعد المناعه انها تشتغل وتقاوم
8-في بعض المزارع بتحط في مياه الشرب مضاد سموم زي synertox لمدة 3-5ايام ودا وظيفته في المرحله دي مش مواجهة السموم زي ماهو في ميزه مش موجوده في مضادات تانيه انه بيعمل علي استعادة وظائف الكبد والكلي بكفائتهم وطبعا الكبد دا هو مصنع الطاقه للحيوان والصراحه احيان كتيره بيكون له نتايج جيده علي الصحه العامه وعلي الماده الجافه المأكوله
9-خليك محضر تحصيناتك كلها قبل ماتجيب الحيوانات عندك علشان السوق ملخبط جدا الأيام دي في الادويه والتحصين وحاجات كتير ناقصة والحقيقه انا مش عايز ادخل في حتة التحصينات وبرامجها لان فيها اختلافات كتير بين الدكاترة نفسهم والمذاهب فيها كتير وتدي ايه قبل ايه وقصه كبيره
10 -التحصينات ورافعات المناعه والتجريع ومقاومة الطفيليات الداخليه والخارجيه كلها حاجات مهمه والحقيقة في الايام دي مع انتشار المرض والحمي والهسهس ال احنا فيه ومحاولتك انك تغطي نفسك بستر الله اولا واخرا ثم التحصينات فممكن تضغط البرنامج شويه في الوقت انا هاتكلم عن النظام ال انا ماشي بيه ودي تجربتي الشخصيه وممكن ماتعجبش كتير من اخوانا البياطره لكن انا عملتها بردو بعد مناقشات مع دكاتره كتير مابين مؤيد ومعارض لكن الظروف الحالية صعبه وعلشان ما طولش
انا بحصن حمي قلاعيه وكولستريديا وباستريلا كلهم قي يوم واحد مع رش البيوتوكس مع بعض وشغال كدا من 3سنين حتي يومنا هذا من الخروف وزن 10ك لحد العجل الكبير
القصه دي بتخلي الحيوان مهدود تاني يوم كرد فعل التحصين لكن بيرجع طبيعي 100% بعد 3ايام لكن اهم حاجه انك ماتحطش معاهم تحصين حي زي الحلدي العقدي ال فاتوا دول كلهم تحصين ميت فيجوز تحصينهم في يوم واحد عند المؤيدين وهي اسامي كبيره ولكن بعض الدكاتره لايحبذ هذا ويحب انه يكوت في فاصل أسبوع بين التحصين والتاني ولكن المذهب دا لو تأملته هاتلاقي نفسك محتاج اكتر من شهرين علشان تخلص كل حاجه وكل دا زياده في اجهاد الحيوان وتعطيله عن الوصول لأقصى ماكول في اسرع وقت وفي نفس الوقت شدة اعصاب وخوف لصاحب المال من حدوث اي مرض لاقدر الله وزي مابيقولوا ضربة مرزبه ولا الف شاكوش
الموضوع طاول مني معلش ومقدرتش ادخل في خطوات الاستقبال علي مستوي الانتاح والتغذية واتمني اني ماكونش نسيت حاجه
وان شاءالله نكمل الحلقه القادمة ان شاء الله وقدر
تقبل الله منا ومنكم
دمتم في امان الله

24/08/2024

السلام عليكم ورحمة الله وبركاته
صبحكم الله بالخير
موضوع النهارده مهم فركز معايا جامد
غلطه كبيره بيقع فيها الكثير مننا نتيجه قله الخبره وعدم فهم طبيعة عمل الكرش أو الاستعجال في الوصول لكمية مأكول كبيره ووضع العجل أو الخروف علي المسار الصحيح في أسرع وقت
لازم تعرف ان حيوان اتنقل من مكان لمكان وتغيير لكل ظروف معيشته دا له تأثير قوي جدا جدا علي الكرش بتاعه
الكرش بيحتاج وقت علشان يتعافي والوظائف بتاعته تستعيد كفاءتها لو كبست عليه بسرعه بالعلف انت كدا بوظت الدنيا
النقطه دي هي مربط الفرس في الشكوي ال كلنا بسمعها
"" انا اشتريت عجل كذا أو خروف كذا ومعدل زيادته قليل جدا مع إني مجرعه ومحصنه ومابخلتش عليه
يا جدع دا انا محصنه افوماك امريكي يا جدع يعني واخد حقه و زيادة ""
المشكله هنا لا تحصينات ولا تجريعات
المشكله ان المصنع بتاعك ال هو الكرش مش شغال كويس والهضم عطلان بنسبه كبيره فعمرك ما هاتاخد إنتاج
طيب نعمل ايه علشان نظبط القصه دي ⚠️⚠️🤔
انا عايز اختصر علشان الناس ما تزهقش
1 ➖ اول حاجه إبداء بدريس حجازي لمدة ٣ أيام ودا افضل حاجه تبداء بيها
افضل من الحجازي الأخضر وافضل من الدريس البلدي
ليه دي محتاجه كلام كتير مش وقته now
2 ➖ أبعد عن خامات العلف الغير تقليديه في البدايه لأن الطعم والريحه الغريبه بتوقف الحيوان في الاكل وبتاخره كتير
الكلمتين دول بالذات اتدفع فيهم فلوس كتير فركز فيهم الله يرضي عليك
3 ➖ افضل حاجه تبداء بيها الدره والصويا والرده وتفلة الشعير الجافه
الاستساغه فيهم عاليه وغالبا بيكون العجل أو الخروف عنده فكره مسبقه عنهم حتي لو كميه صغيره لكن الطعم والريحه معروفين عنده
4➖ السيلاج ما تحطش كميه كبيره في الاول وخلطه مع العلف مش لوحده علشان تشجعه اكتر علي الاكل وتداري الطعم والريحه الغريبه شويه بالنسبه له
5➖المجترات عامة الهضم واحتساب كميات المأكول علي اساس الماده الجافه ركز في الحته دي كويس اوي
6 ➖ أبعد عن الأعلاف الرطبه علشان انت في اول المشوار محتاج تغذيه مركزه مكثفه لأن المأكول لسا مش عالي ف انت مش محتاج تملي الحيز في كرش الحيوان بحاجات رطوبتها عاليه يعني شوية مياه
7➖العجول الصغيره ١٢٠-٢٠٠ك شغلها يختلف عن العجول التقيل ٢٥٠-٣٠٠ ك
العجول التقيله محتاجه حرفه اكتر علشان ما تقعش منك وتفرغ
8➖ ⚠️⚠️دي اهم نقطه ⚠️⚠️
احسب مأكولك علي اساس الماده الجافه طبقا لوزن الحيوان
احسب في الاول علي ٢،٨% من وزنه حتي لو هو بياخد اكتر من كدا و قسم الرقم ال هايطلع
٤٠- ٣٠-% مركزات : ٦٠-٧٠% ماليء
حسب وزن الدخول
مثال
عجل بقري ١٥٠ ك
% ١٥٠ × ٢،٨ =
٤،٢ ك ماده جافه
هات الرقم ده ٤،٢ واقسمهم ٦٠% العلف الماليء = ٢،٥٢ ك ماده جافه يعني لو دريس مثلا يبقي انت محتاج ٢،٥٢ ك ماده جافه دول هايطلعوا من ٢،٨،ك دريس مأكول

نرجع للمركزات
قولنا ٤٠%مركز من ال ٤،٢ ك الماده الجافه الكليه ال طلعت لنا فوق يعني ١،٦٨ ك ماده جافه دول هاتقسمهم علي ٩٠% ال هو محتوي الماده الجافه للأعلاف هايطلعوا ١،٨٦ ك

يعني انت محتاج توصل العجل ده ٢،٨ ك دريس +١،٨٦ ك علف مركز
خش علي الزتونه ⚠️⚠️
ال ١،٨٦ علف دول هاتقسمهم علي اربع مراحل وممكن اكتر حسب الوضع قدامك كل مرحله ٣ ايام
يعني
** المرحله الاولي
٤٥٠ جرام علف وباقي ال ١،٨٦ دريس بردو يعني ٢،٨ الدريس الأساسي + ١،٤ ك دريس بردو علشان تدرج العلف

** المرحله التانيه ٩٠٠ جرام علف وباقي ١،٨٦ دريس
يعني ،٩٦٠ جرام دريس + ٢،٨ ك دريس الأساسي + ٩٠٠ جرام علف

** المرحله التلاته
العلف هايزيد يبقي ١،٣٥٠ جرام +٤٥٠جرام دريس +٢،٨ك الدريس الأساسي

** المرحله الرابعه والاخيره هايكون وصلنا للرقم ال طلعناه في الاول
١،٨٦ ك علف +٢،٨ك دريس
معلش عارف إن الموضوع يبدوا مكلكع شويه بس ركز فيه واحده واحده هايظبط معاك

9 ➖ لو اشتغلت دريس مفروم خشن وقلبته مع العلف يبقي افضل من البالات

10➖ لو هاتشتغل سيلاج يبقي كل ك دريس احسب قدامه ٣ ك سيلاج وامشي بنفس النظام

11 ➖ في الاول بالأخص خلي قدامهم قش رز صحيح
مفتوح طول اليوم واتاكد إنه قش نضيف مفهوش عين ويفضل الشيكوريا أو يكون مقطع شويه بس مش مفروم

12➖ لو الجله مش ماسكه كويس خلط مع العلف ربع ك أو نص ك تبن رز أو قمح واخصمه من رصيد الدريس وخلي القش بردوا قدامهم علي جنب لوحده

13➖قسم الاكل علي وجبات علي الاقل ٣ في الاول علشان تحافظ إن الاكل طازه والإقبال بيكون أحسن بجانب ودا الاهم إن الحمل علي الكرش وناتج التخمرات يكون اقل
نكمل المره الجايه إن شاء الله
طولت عليكم وللحديث بقيه إذا شاء الله وقدر
وصلي الله وسلم وبارك على نبينا سيدنا محمد والحمد لله رب العالمين
دمتم في أمان الله