18/01/2026
الإكتئاب الرهيب اللي بيحصل بسبب بعض الابتلاءات ، والاعتراض علي بعض أقدار و أوامر ربنا ، كل ده نتيجة لعدم فهم طبيعة الدنيا ؟
الدنيا لا تمثل إلا مرحلة مؤقتة قبل الحياة الحقيقية ، وسيلة نقل لمكان الإقامة الحقيقي ؟
ربنا سبحانه وتعالى بيقول " و الاخرة خير و أبقى " .. يعني العيش كله هو عيش الأخرة ، هنا يعتبر ولا حاجة ، وعمرك ما هتفهم المشكله دي طالما فاهم إن حياتك آخرها الموت وخلاص كده ، يبقى هتفضل في نفس حالة الاكتئاب بتاعتك دي ؟
ومن ناحية تانيه ، الإنسان أصلا اتخلق في الجنة ، ونزل الأرض لمهمة ما " إِنِّي جَاعِلٌ فِي الأَرضِ خَلِيفَة " .. هيخلصها في 70 أو 80 سنة وهيرجع ليها تاني بإذن الله ، لذلك انت جواك شئ فطري بيقولك إن إحنا هنا كلنا غرباء ، كوكب الأرض كله مش بتاعنا ، إحنا وطنّا هناك " إِنَّا لِلَّهِ وَإِنَّا إِلَيهِ رَاجِعُونَ "
ف ببساطة دي دار اختبار وشقاء ، زى كوبرى مضطر إنك تعدي عليه عشان توصل البر التاني ، ربنا سبحانه وتعالى لو أراد إننا نكون مبسوطين طول الوقت كان خلقنا في مدينة ملاهي والحياة تبقى لذيذة جدا و جميله ، كان ممكن واللهِ ، بس الحكمة بقى إن الملاهي هتلاقيها هناك ، لما تنجح في الاختبار ده وتعدي بإذن الله ؟
لو اتعاملت مع الدنيا بالمنطق دا مش هتستغرب ليه ربنا ضيق علينا في بعض الاشياء ، ليه ربنا بيقدر علينا بعض المصائب ؟
الاجابة عشان كل ده في الآخرة لا يساوي شئ
"وَيَوْمَ يَحْشُرُهُمْ كَأَن لَّمْ يَلْبَثُوا إِلَّا سَاعَةً مِّنَ النَّهَارِ "
لو اتعاملت مع الدنيا بمنطق غير كده ، عمرك ما هتستريح ولا توصل لإجابة كافية "وَلَلدَّارُ الْآخِرَةُ خَيْرٌ لِلَّذِينَ يَتَّقُونَ " ف نصبر بقى
الله يرضى عنكم و عنا.
