الريان لفلاتر المياه ومحطات التنقيه

12/07/2026

15/06/2026

انا حابب بس أوجة رسالة بسيطة للعميل .

حضرتك أول ما بتسمع سعر السبع شمعات وليكن مثلا من اول 1200 جنية وقتها حضرتك بتفكر ان أحنا كفنيين عايزين نستغلك ونسرقك ،،، وقتها كمان حضرتك بتقول للفني انا سمعت أسعار اقل منك دة انا المحل جمبي هيدينى السبع شمعات ب 300 جنية او 400 جنية او 500 جنية وطبعا هتتصل بالفني تقولة انا جبت السبع شمعات وليكن شمع تانك او هتقول للفني انا جبت من المحل شمع محفور تايواني من برة وعايز حد يجى يركبه .

حضرتك كعميل مستهلك حقك انك تتشتت مابين الاسعار لكن عايز حضرتك بعد أذنك تحكم عقلك واسوء الظروف خالص قبل ما تركب أي شمع وشايف انه غالي أطلب صورة للسبع شمعات وتكون صورة حقيقية علي الطبيعة وأعرض الصور علي خبراء المجال وحضرتك بنفسك هتعرف مين بيقولك شمع شغال وكويس ومستعد يركبلك أي حاجة عشان يكسب وهتشوف بنفسك مين بيحذرك من جودة الشمع انه ممكن يكون ريسيكل .

يعنى ايه ريسيكل :-
للاسف في مصر يمكن أخر 10 سنيين بعض التجار بقيت تجيب شكاير كربون مغسول ومغسول دى يعني كان راكب في محطة واتغسل بمادة بوطاس واتنقع في الشمس لحد ما يشرب ما ينشف وبعد كدة يتعبي في شكارة كربون علي انه كربون جديد ودة للاسف قمة الغش والخداع وتلاقي بعدها حضرتك الشمعات سعرها 300 جنية بمكسبها عشان هيا أصلا شمع مضر ولا هو جديد ولا هو خامات بيور وصحية ولكن عشان طبعا حضرتك متفهمش في انواع الشمعات ودة مش مجال ممكن جدا تتعرض للنصب والخداع وتقع مع حد معدوم الضمير .

لذلك انا بنصح كل العملاء المقبله علي شراء اي منتج من منتجات فلاتر المياة انها تدخل علي جروبات خبراء فلاتر المياة وتعرض فقط لاغير الشمع اللي هتشترية قبل ما تشترية أصلا وكمان يعرض صورة حقيقية للفلتر وهو برة الكرتونة بتاعتة قبل ما يشترية ويشوف رأي الخبراء والفنيين ويسال مرة واتنين وميتسرعش .

ياريت كل العملاء تسأل قبل ما تشتري ومتتسرعش لان دى صحتك وصحة أولادك وربنا يسترها علي الجميع ويحفظكم ويحفظ أولادكم من كل شر ومن كل سوء بأذن الله تعالي

01/06/2026

للجوده عنوان

01/06/2026

تم بحمد الله