Aniis Anniyyaaf

24/02/2026

Ministeerri barnootaa gochoota isaa seeraafi heera biyyattiin ala ta'an kan itti fufe yoo ta'u, salaata Juma'aa hin beeku jechuun haqee sagantaa qormaataan bakka buuseera
*********
Ministry of Education (Ethiopia)n Qormaanni bahiinsaa (Exit Exam) guyyaa Juma’aa sa’aatii 5:00 hanga 7:30tti kennuuf sagantaa baaseera!

Haala fakkaatuun waggaa waggaatti barattoota Musliimaa mirga isaanii bu’uuraa tuquu danda’an sagantaalee fi hojmaatawwan baasuudhaan kan beekamu Ministeerri Barnootaa, bara kana illee guyyaa Juma’aa sa’aatii 5:00–7:30tti Exit Exam kennuuf murteesseera. Bara darbe illee sagantaa walfakkaataa baasee ture; Garuu Waldaan Barattoota Musliimaa Dhaabbilee Barnoota Olaanoo gaaffii barattootaa Ministeerichaaf dhiyeessuun booda sirreeffamni taasifamuu isaa ni yaadatama.

Barana immoo dogoggorri walfakkaataan irra deebi’uun barattoota biratti komii cimaa uumeera. Tarkaanfiin Ministeerichi fudhatu barattoota Musliimaa yaada keessa galchuu dhabuufi mirga isaanii sarbuu akka ta’e agarsiisa.

Guyyaan Juma’aa dhaabbilee mootummaa keessatti sa’aatii 5:30 hanga 7:30tti tajaajilli akka hin kennamne seeraan kan tumame dha; akkasumas yeroo san keessatti salaanni Juma’aa kan gaggeeffamu ta’uun ni beekama. Haaluma kana beekamaa osoo jiruu sagantaa kana baasuun dogoggora guddaa ta’uu isaa ni hubachiisa.

Kanaafuu, Ministeerri Barnootaa dogoggora irra deddeebiin uumamaa jiruuf barattoota Musliimaa dhiifama gaafachuun, namoota dogoggora kana uumuu keessatti hirmaatan irratti tarkaanfii fudhachuun, qormaanni sun osoo hin kennamin dura sirreeffama akka godhu ni gaafanna.

Gamtaa Barattoota Muslimaa

30/10/2025

Dhaadannoo fi oduun gurra nu duuchuu malee Qaawwa qawwee uummata keenya irraa duuchuu hin dandeenye!

28/10/2025

Abbaa manaa moo haadha manaatu irra dadhaba? gaaffiif deebii kana yoo dubbiste waa hubatta.
👇👇👇👇

: Maaliin jiraattu?
Manaa: Baankii keessatti ‘Accountant’ ta’een hojjadha.
: Haati warraakeehoo?
Manaa: Isheen hojii hin qabdu, mana oolti.

: Ganama ciree eenyutu hojjata?
Manaa: Isheedha, hojii hin qabdu waan ta’eef.
:Haati manaa keeti saatii meeqatti hirriibaa kaati?
Manaa: Ganama saatii 11’tti kaatee mana qulqulleessitee, ciree hojjachuutti deebiti…
:Ijoolleehoo eenyutu mana barumsa geessa?
Manaa: Isheetu itti uffisee, nyaachisee M/B geessa, hojii hin qabdu waan ta’eef.

: Ijoollee M/B geessiteen booda deebitee maal hojjatti?
Manaa: Gabaa deemtee meeshaa manaa bibbittee galti. Sana booda uffata miiccitee/dhiqxee, nyaata hojjatti, hojii hin qabdu waan ta’eef.
: Ati hojiirra ooltee galgala yoo galtu maal hojjatta?
Manaa: Guyyaa guutuu hojiirra oole waan ta’eef galeen boqodha, boqonnaa fudhadha.
: Haati manaakeehoo maal hojjatti?

Manaa: Nyaata hojjatteen booda ijoollee M/Barumsaatii deemtee fiddi, sana booda anas, ijoollees nyaachisteen booda meeshaa nuuti irraa nyaanne qulqulleessiti.
: Sana boodahoo?
Manaa: Mana qulqulleessiteen booda ijoollee raffisti…

: Sana boodahoo?
Manaa: Ani guyyaa guutuu hojii hojjachaa waan dadhabaa ooleef, isheenimmoo hojii waan hin qabneef waan mana ooltuuf, kootiikoo narraa fuutee, kaalsii narraa baastee miila naaf qulqulleessiti…itti fufa…
============
akka abbaan manaa jedhu hojii hin qabduu haati manaa isaa?...Eenyutu caalaatti dadhaba?
hin arrabsinaa, gorsa kennaaf malee…
manaas akka irraa baratan ‘Share’ godhaaf!

Galatoomaa
Odeefannoo gaggaariifi barsiisoo, bashannansiisoo kallattiin akka si qaqqabuuf follow godhaa!.

28/10/2025

"Qaamni saalaa koo halkan ka'aa bula ganamas na dura ka'a. Kun rakkoo fayyaa ta'uu danda'aa?"
**********************************************
Qaamni saala dhiira ga'eessa tokkoo halkan tokkotti yeroo 3 hanga 5 ka'aa. Yeroo ka'e kana daqiiqaa 25 hanga 35 tura. Yeroo tokko tokkos odoo karaa deemanii, odoo taa'anii, odoo nama wajjiin dhaabbatanii, odoo walga’ii gaggeessaniifaa wanni miira/fedhii namatti kaasu tokko odoo hin jiraatin cal jedhee dhaabbachuu danda'a. Ganama Ganamas hormooniifi dhiigni qaama saalatti yaa'u waan dabaluuf ka'ee dhaabbata. Kun fayyummaa waan ta'eef qaana'us ta'ee baayyee cinqamuun hin barbaachisu. Yeroo inni ka'e kanatti dhoksuuf olii gad mimicciirun, ol deebisanii qabattoon/waraansilleen hidhuun qaama saalaa keessan rakkoof saaxiluu danda'a waan ta'eef gocha akkasii irratti raawwachuun hin barbaachisu. Hojiin isaa ka'uudha waan ta'eef ka'uun fayyummaa yoo ta’u ka'uu diduun ammoo rakkoo fayyaati. Garuu ka'ee sa'aa 4 ol yoo kan turu ta'e rakkoo fayyaa ta'uu waan maluuf gara mana yaalaa deemun barbaachisaadha.
**********************************************
Ulfaadhaa! Fayyaa ta'aa! Fayyaa dahaa!
©️ Dr. Hamza Jemal

03/10/2025

Waraanni yemmuu jalqabu: abbootiin siyaasaa rasaasa gumaachu, dureessonni nyaata gumaachu, hiyeessonni ammoo ijoollee isaanii gumaachu. Waraanichi yemmuu xumuramu: abbootiin siyaasaa rasaasa waraanarraa hafe walitti qabatu, qabeenyi dureessotaa inni waraanarraa hafees guddachuu eegala, hiyyeessonni ammoo reeffa ijoollee isaanii naannoo awwaalaa barbaadu."haqni yoomiyyuu injifataadha...

murteen kan RABBIIN murteesseetu caala

26/08/2025

Kaayyoo kee galmaan gahuuf wantoota 5 kana godhi!

1. Jechoota namaa "Maal naan jedhan" sammuu kee ol otuu hin ta'in miila kee jala kaa'i.

2. Rakkina amma keessa jirtuu fi cinqii sitti jirtu kana kaleessa kee yaadachuun, Fuul-dura kee Abdachuun bira kuti.

3. Ogummaa keetii fi cimina kee namatti himuu osoo hin ta'in hojjachuun agarsiisi.

4. Kaayyoo qabaachuu kee malee kaayyoo kee maal akka ta'e namatti hin odeessin. Maalif yoo jatte? Namni kaayyoo kee yoo itti himte karaa itti kuftu siif mijjeessa waan ta'eef.

5. Taatee argamuu, (Ofitti amantummaan hojjachuu).

16/08/2025