19/03/2026
Qafar agatih inkittiinoh uguugumoh fooca
****** (1447 H.L.L. عيد الفطر مبارك *******
Qiid mubaarak ...
Qafar agatih inkittiinoh uguugumoh foocak Naharsi saqal Wakliita Cajji Qaliyyu inkih yan baad muslimiiniiy, baxsaluk Qafar ayyuntah tatrusa Qiddi diyaarah unkaqiinoh farmo
Aakamah Sudaaducul sigoh geytimta Qafar ummattak hijrâ liggidih loowok 1447 heele ramadaan qiidih unkaq muquk sin sugseeh nee sugsem axceeh, edde sugneh nan ramadaan alsay Yalli (S.W) alsittek inkih yeynebeh yanih iyyak sakkaysiteh raaqe mara nee abay sin abay,
ramadaan alsat tan muxxooy abak sugne qibaadaa kee meqe taama yalli neh oggolay siinih oggolay.
Tohut axawah anuk qiddî ayro farcat ayroy baadal tan muslimiin ummattâ inkih edde walittâ ayro kinnuk ni dariifal geytimta raqte qayxiixaa kee , tonnah kaadu Qafar baaxoh taagah giclot axbâ wayitteeh amô raaqe sinni tooboko, dudda haynaamal ximoome waytuh ken gamisnaah, hanaawisnam kee fanhaabosnam faxximtam kassiisaah.
Tonnah kaadu asanatih Qiid dumak baxsa edde lem Qafar ummatta farmô farmoh gubaytiitiy isinnih raabiten xukko wadir Qafar ayyuntih amoh baahak Qafar ayyunta xukkô gubih xukko raabissam faxxah iyya isi amok kaltuh Qafar baxiini goorih gicloy bakaqteh iyya garbol edde geytimta qiid kinnim dumak baxsa bahsissu duddam kinnuk away assakaxxuk geytimna qiid Qafar ayyuntih manol saami maqaane yakke qiid yalli neh abam qaagitanaah,
Tohuk gamadal Qafar agatih inkittiinoh uguugumoh fooci awayih uddur Qafar ayyunti edde geytimah yan ceyak Qafar ayyunta yayyaquh gexisak geytima birtale gaadih giclo away edde nan qasri faxsiisa gurral gexisnuh hadalneh nan afkanittey gulgulussot akak sugneh iyyat abinah culluh yaakume bicak gaba kalleh geytimnam Kibaal nel leeh xalootut nee qambaltah tan qafar ummattah aytil hayna,,
Qafar qunxaaneytah tatrusa farmoh tu-gactek Qafar qunxaaneyti beera yan barah uma aydaadih sumaaqak naggoowuh
Qafar ayyuntih sarrimaane bohoyut tabbixeeh umaa-doobaa kee garqal muumeemteeh, maqarrowteh tan garaaqâ butta afiito akak beyta baaga-bandoh xiinisso Qafar ayyunta edde tabbixe gidbaabinak Qafar ayyunta nayyaaquh gexisak geytimna birtale goori giclot inkih yan Qafar qunxaaneyti baaxô baxiini dirkii kee Qafar baxiini gooril rakitak inkih gabah assagolla edde haysitam faxximtam massakaxxaay kunnabna luk sin essera
( Mayso Qafar ummattah imiiy aysenno )
Ni Shohodah yalli racmatay!!!🤲🤲
Qiid mubaarak
Afar National Unity Revolutionary Front/ANURF/
