https://www.facebook.com/102200472660496/

Waajjira Liigii Dargaggoo Bul/Magaalaa Roobee, oromia, Robe (2026)

06/09/2025

Qaammee lama Guyyaa walooma sababeefachuun sochiin ispoortii qaamaa guutuu Oromiyaatti qophaayee jira. Isinis kana beektani bakka jirtan hundatti sochii ispoortii kana irratti akka hirmaattan afeeramtanii jirtu!
Ispoortiin Jaalala!
Ispoortiin tokkummaa dha!
Ispoortiin Nageenya!
Biiroo Dargaggoo fi Ispoortii Oromiyaa

18/01/2024

Leenjiin ''Dargaggoota sababawoo Ijaarsa Biyyaaf Qopheessu'' jedhuun guyyoota shaniif kennama ture goolabame.
=========
Magaalaa Roobeetti Leenjiin Ijaarsa Biyya irratti Dargaggotaaf kennama ture Sadarkaa Magaalaatti iddoo Kore Ol'aannoon magaalaa IG waajjira Paartii Badhaadhinaa Magaalaa Roobee Obbo Ayyuub Dullee argamanitti guduunfamee jira.

Obbo Ayyuub Duullee haasaa taasisaniin Oromoon Biyya Ijaaru kessatti lafee isaa itti caccabee, dhiiga itti dhangalaasuun Birmadumma biyya kennaa kabachiisuun har`a gahee jira.

Kanaaf dargaggonni amma imaana wareegamtoota gootota keenyaa eeguun gahee isaani bahuu akka qaban dhaaman.

gama biraatiin Dargaggootni beekkumsa fi dandeettii qabaniin hawaasa keessaa bahaniif humna ta'uu akka qabanifi Mootumman damee dargaggootaa irraatti xiyyeeffachuun carraawwan hojii gara garaa irraatti gurma'uun gara hojiitti akka seenaniifis hojjachaa jiraachuu himan Obbo Ayyuub Duullee IG waajjira Paartii Badhaadhinaa Magaalaa Roobee.

Itti gaafatamtuun Siyaasa paartii Badhaadhina Addee Fayyisee Alamuu fi It/G Ijaarsa Paartii Badhaadhina Magaalaa Roobe Obbo Dirribaa Raggaasaa Cufiinsa leenjii kanaa irratti argamuun Leenjiin kun kan kennameef jiruu fi jireenya dargaggootaa fooyyessuu keessatti humna cimaa ijaaruu akka danda'u eeruun, diinagdee fi siyaasaan dargaggota sababawoo/dhiibbaa geessisuu danda'an horachaa jiraachuus dubbatan

Oromoon qabsoo jarraa 150 taasiseen hin jifannoo argatee kunuunfannee haala siyaasa yeroo amma gaggeffamaa jiru hubannee ,tokkummaan fi waldhageettiin nageenyaa naannoo keenyaa eegisisuun akka dargaggootti gahee leencaa nurraa eeggamuu bahuudhaaf akkasumas Humna qabnu beeknee ijaarsa biyyaa keessatti gahee keenna bahachuuf qophiidha jedhan dargaggoonni magaalaa Roobee.

Gama biraatiin dargaggootni leenjicha irra turan hojii tajaajila lammumaatiin Bittaa boondii laga abbayyaa , Dhiigaa arjoomuu fi Qussanna isaanii dhuma leenjicha kana irrattii hojjetanii jiru.

29/05/2023

Magaalaa Roobeetti,Jaarmiyaaleen Dargaggootaa karaalee fi tooftaawwan ijaaromsa dargagootaa ittin cimsan irrati marii gaggeessan

Imala paartiin badhaadhinaa qabate galmaan gahuuf ijaaromsi dargaggootaa sadarkaa magaalaa irraa hanga gandattii akka lafa qabatuuf ijaaromsi dargaggootaa cimuu akka qabu marii kanaan irratti waliigalanii jiru.

Akkasumas ijaaromsa dargaggootaa kana lafa qabsiisuuf koreewwan sadarkaa sadarkaan jiran carraa kanaan kan guuttatan ta'uu fi "Dargaggoo ijaarametu sabaa fi Biyya ofiis ijaara" jechuun kallattii hojii itti aanuus kaawwachuun waltajjichi goolabamee jira.

06/05/2023

Mallattoo Birmadummaa Biyya keenya kan ta'e Hidha Haaromsa Abbayya Akkuma Eegalleen ni xumurra Misooma Keenyaaf Boondii Bitanna!
========
[Ebla 28/2015 WPBMR] Magaalaa Roobeetti Sosochiin Bittaa Boondii Hidha Haaromsaa Jarmiyaalee Dargaggootaafi Dubartootaa Bulchiinsa Magaalichaatiin Gaggeeffame.

Sosochii bittaa boondii Hidha Haaromsa Guddicha Itoophiyaa akka magaalichaatti har'a irraa eegalee hanga Ebla 30/2015'tti turuu fi qindeessummaa Jarmiyaalee Dargaggootaa fi Jarmiyaalee dubartootaa Bulchiinsa Magaalaa Roobeetiin gaggeeffamaa jiru kanaan maallaqa gurgurtaa boondii qarshii Miiliyoona Saddeet walitti qabuuf kan hojjetamaa jiru ta'uun ibsameera.

Guyyaa har'aas bittaan boondii Iddoo IG waajjira Paartii Badhaadhinaa Magaalaa Roobee Obbo Ayyuub Duullee ,IG Siyaasa Aadde Fayyisee Alamuu ,IG Ijaarsa Obbo Dirriba Raggaasa ,hoggansa Magaalaa Roobee fi Kutaa Magaalaa akkasumas Hoggansa Ganda ,Haadholii sinqee,jiraattota magaalaa argamanitti miseensota jarmiyaalee dargaggootaafi dubartootaan ifatti eegalameera.

Sagantaa sosochii bittaa bondii kana irratti barreeffama Ka'umsa marii IG Waajjira komnikeeshinii Obbo Masfin Girmaatiin dhiyaate jira.

Namoonni boondii bitatanis hidhi haaromsaa mallattoo birmadummaafi calaqqee gootummaa Ummattoota Itoophiyaa akkasumas misooma waloo akka biyyaatti qabeenya, beekumsaafi humna keenya walitti qindeessuun hojjetaa jirru waan ta’eef, hanga xumuramee guyyaan riivanii muruu gahutti waan qabaniin kan tumsan ta’uu dubbataniiru.

10/04/2023

@@@@ 2/8/2015@@@
¥Bulchiinsa Magaalaa Roobeetti.¥
Leenjiin dargaggootaa Mata duree Ijaarsa biyyaa fi Qabsoo ummata oromoo jedhu irratti guyyaa 5f kan kennamu eegale.
Biyya ijaarannee walqixxummaan keessa jiraanna malee warra diiguuf carraa hin kenninu.

18/03/2023

Kabajamoo Nigaatuu Mootummaa irra deebii'n kantiibaa Bul/Mag/Roobee ta'uun mudaman !!!
===================================
Mudamani haaraan gaggeefameen gootnii misoomaa fi waan hundattii tolan, Keessattuu seenaa guddina kilabii kubbaa miilaa magaalaa Roobeetin seenaa guddaa Kan hojjatan mudamani haaraan gaggeefameen Kabajamoo Nigaatuu Mootummaa irra deebii'n kantiibaa Bul/Mag/Roobee ta'uun mudamaniiru.
BARA HOJII GAARII !!!!

28/01/2023

Murtoowwan yaa’ii 1ffaa Liigii Dargaggootaa Paartii Badhaadhinaatiin darban irratti dargaggoota waliin mariin gaggeefamee jira.
*******
Liigiin dargaggootaa Paartii Badhaadhinaa Bulchiinsa magaalaa Roobee mata duree ‘Dargaggeessa Badhaadhina Itoophiyaa fi Afrikaatiif Tattaafatu’ jedhuun marii yaa’ii 1ffaa liigiin paartii badhaadhina gaggeesseen murtoowwan jajjaboo yaa’ii kanaan darban irratti hubannoo dargaggootaa cimsuudhaaf jecha marii gaggeessee jira.

Waltajjiin mariin kun caasaa liigichaa sadarkaan jiran cimsuu, nageenyaa fi tokkummaa itti fufiinsa qabu mirkaneessuu akkasumas fayyadamummaa dargaggootaa dhugoomsuu fi dargaggeessa obbolummaa sab daneessa dagaagsuun badhaadhina biyyaatiif tattaafatu horachuuf gumaacha ol’aanaa akka qabu ibsuudhaan miseensotni, gaggeessitootni fi qooda fudhattootni sadarkaan jiran galma gahiinsa marii kanaatiif gumaacha barbaachisaa taasisanii jiru.

Qooda fudhattootni marii kanaa hirmaannaa dammaqina qabu taasisuudhaan gahee isaanii akka bahatan kan dhaamame yemmuu ta’u, yaadotaa fi galteewwan marii kana irraa argaman cimsuu fi gabbisuudhaan galmoota fayyadamummaa dargaggootaa mirkaneessuu fi badhaadhaadhina waloo dhugoomsuuf xiyyeeffannaan akka hojjatamus ibsameefii jira.

13/01/2023

Ida'amuu, furmaata rakkoo hundaa!
********
Ida'amuun adeemsa eenyuunuu hin miine fi hin dirqisiifnedha yaadama mo'ataadha. Kan nagaa fi araara filate, jaalalaa fi tokummaaf dursa kenne akkasumas bilisummaa fi wal qixxummaaf dhaabbate, darbees badhaadhinaaf onnate hunduu ida'amuuf carraa bal'aa qabaata.

Dirreen ida'amuu bal'aa, carraa fi daandiin isaatis hedduudha. Kanaaf, balballi isaatis kanneen fedhinnaa qabaniif yaroo mara saaqamaadha.

Daa'imman jaalala isaaniitiin, dargaggootni tattaaffii isaaniitiin, ga'eessotni ogummaa qabaniin akkasumas maanguddootni muuxannoo horataniin, daldalaan maallaqaan, barsiisaan beekumsaan, qonnaan bulaan oomishaan, hunduu waan qabuun ida'amuu ni danda'a.

Sabaa fi sablammiin tokkoomee, aadaa, amantii fi eenyummaa walii waliif kabajee kan qabuun wal cimaa dhaabbatee yemmuu socho'u ida'amuun gochaan ifee mul'ata.

Lammiin hunduu ida'amuun furmaata rakkoo hundaa ta'uu hunachuudhaan yaadama mo'ataa kanatti qixaan kunuunsuu fi hojiitti hiikuun murteessaadha.

07/11/2022

Onkoloolessa 28,2015-Yaa'ii Jijjiirama Haala Qilleensaa Biyyoota Gamtoomanii cinatti, hoggantoota biyyoota hedduu waliin dhimmoota garlameefi tarsimoo irratti marii'achusaanii Ministirri Muummee Dr. Abiyyi Ahimad ibsan.

Kana malees, hoggantoota dhabbilee sadarkaa ardiifi idil-addunyaatti jiran waliin dhimmoota xiyyeeffannoo waloo irratti mari'anneerra jedhan Dr. Abiyyi ergaa karaa fuula feesbuukii isaaniin dabarsaniin.

Itiyoophiyaan yaaddoofi yaadama hawaasa idil-addunyaa kan qooddattu yoo taatu, qaama furmaataa tokko ta'uufis kutattuudha jedhaniiru.

09/10/2022

Guyyaa 29/01/2015

Mariin haala ijaaromsa Dargaggootaa irrati Ganada walta'ii Caffee waliin taasifame jira.
᯾᯾᯾᯾᯾᯾᯾᯾᯾᯾᯾᯾᯾
Marii kana kan gaggessee jaarmiyaalee sad.magaalaa bakka kaabineen gandaa hundi argamanitti keessattuu hallii gurmaa'insa dargaggootaa maalirra akaa jiruu fi ijaaromsa isaanii Cimsaa akka deeman irrattii mariin bal'aan dargaggoota Gandichaa walii gaggeefamee jira.

05/10/2022

Dhaloota ga'umsa qabuufi addunyaa irratti dorgomaa ta'e uumuuf qaamonni hunduu ga'ee isaanii ba'uu akka qaban ibsame
=====
Naannoo Oromiyaatti barattoota miil.11.3 galmeessuuf karoorfme keessaa hanga ammaatti barattoonni miiliyoonni 9.9 ol ta’an galmaa’uun barnoota isaanii kan eegalan ta'uu Biiroon Barnootaa Oromiyaa beeksiseera

Hoogganaa Itti Aanaa Biiroo Barnoota Oromiyaa Obbo Girmaa Baay’isaa ibsa addatti Biiroo Kominikeeshinii Oromiyaaf keennaniin barattoonni gara miiliyoona 10tti siqan galmaa’anii baruumsa isaanii kan hordofaa jiraniifi hanga ammaa sababa garaa garaatin barattoonni hin galmoofne galmaa’anii baruumsa akka eegalan hojjetamaa akka jiru himaniiru.

Maatiin ijoollee isaanii hanga ammaa gara manneen barnootaatti hin ergines akka ergan dhaamaniiru.

Mootummaan Naannoo Oromiyaa dhaloota dorgomaa ta’e uumuuf bu'uurarraa ka'uun akka barbaachisu amanuun hojjetaa kan jiru yoo ta’u bara 2014 manneen barnootaa Bu’uura Boruu 3000 ijaaruuf karoorfamee 3377 ijaaruun hojiin baruuf barsiisuu akka eegalamu taasifameera.

Bara kanas hirmaannaa ummataan manneen barnootaa Bu’uura Boruu 6000 ijaaruuf karoorfamee hanga ammaatti manneen barnootaa 6415 kan jalqabaman yoi ta'u 1200 xumuramaniiru. Manneen barnootaa 1200 xumuraman keessaa ammoo 675 hojii baruu barsiisuu eegalaniiru.

Harcaatii barattootaa hir'isuun qulqullina barnootaa dabaluuf akkasumas dhaloota fayyaa qabeessa uumuu keessatti shoora olaanaa kan qabu sagantaan nyaata barattootaaf dhiyeessuu akka Naannoo Oromiyaatti sadaasa 1/2015 guutummaa guutuutti kan eegalamu akka ta’ees ibsameera.

Sagantaa kanaan akka Naannoo Oromiyaatti bara kana barattoota manneen barnootaa Mootummaa sadarkaa 1ffaa keessatti baratan miil 7.5 ta’aniif nyaata dhiyeessuuf karoorfamee milkaa’ina isaatif qindoominaan hojjetamaa jira.

Koreen sadarkaa Naannootti Itti Aanaa Pireezidaantiin hoogganamu ijeeramee sektaroonni 11 qooda akka fudhatan taasisuun boqonnaa qophii keessatti hojiin qabeenya walitti qabuu eegalame kan itti fufe ta’uus Obbo Girmaan himaniiru.

Dhaloota boru biyya ceesisuu danda’u uumuu keessatti hunduu ashaaraa isaa kaa’uu akka qabu kan dubbatan obbo Girmaan hojii gama kanaan mootummaan eegalee jiru akka milkaa’uuf hunduu tumsa akka taasisus gaafataniiru.

Waajjira Liigii Dargaggoo Bul/Magaalaa Roobee

06/09/2025

18/01/2024

29/05/2023

06/05/2023

10/04/2023

18/03/2023

28/01/2023

13/01/2023

07/11/2022

09/10/2022

05/10/2022

Address

Telephone

Website

Alerts

Contact The Business

Shortcuts

Share