Tahtay Adyabo communication office

Tahtay Adyabo communication office Contact information, map and directions, contact form, opening hours, services, ratings, photos, videos and announcements from Tahtay Adyabo communication office, Grocers, Sheraro, Sheraro.

ምምሕዳር ወረዳ ታሕታይ ኣድያቦ ብምኽንያት መበል 14 ዓመት ዝኽሪ መስዋእቲ ብሉፅ መራሒ ነበር 1ይ ሚኒስተር ተጋዳላይ መለስ ዜናዊ ጥዋፍ ብምውላዕ ኣክቢሩ።‎‎ኣብቲ መድረክ ከም ህዝቢ ገጢሞሙ...
19/08/2026

ምምሕዳር ወረዳ ታሕታይ ኣድያቦ ብምኽንያት መበል 14 ዓመት ዝኽሪ መስዋእቲ ብሉፅ መራሒ ነበር 1ይ ሚኒስተር ተጋዳላይ መለስ ዜናዊ ጥዋፍ ብምውላዕ ኣክቢሩ።
‎
‎ኣብቲ መድረክ ከም ህዝቢ ገጢሞሙና ዘለዉ ፀገማት በዲህና ክንሰግር ሌጋሲታት መለስ ዜናዊ ተላቢስና ስርዓት ብልፅግና ንምእላይ ብሓድነት ክንቃለስ ከምዝግባእ ዋና ኣማሓዳሪ ተጋዳላይ ገ/ሂወት ኪዱ ገሊፆም።
‎
‎መለስ መርኣያ ጀግንነትን ፅንዓትን ኮይኑ ዝሓለፈ ህያው ጥበብኛ መራሒ ምንባሩ ይዝከር።
‎
‎ ሓበሬታን ርክብን ወረዳ ታ/ኣድያቦ
‎ 13 ነሓሰ 2018ዓ/ም
‎

ብኣወዳድባ ኣብ ቅድመ ድልውነት ህዝባዊ መኸተ ምርግጋፅ ዝዓለመ፣ ናይ ኩለን ጣብያታት ኣባላት ፍትሒ፣ ክርቢት ፣መድሕን ብፆይን ህዝባዊ ምልሻን ብድምር ፍትሒ ሓባር ኮሚቴን ወረዳ ታሕታይ ኣድያ...
19/08/2026

ብኣወዳድባ ኣብ ቅድመ ድልውነት ህዝባዊ መኸተ ምርግጋፅ ዝዓለመ፣ ናይ ኩለን ጣብያታት ኣባላት ፍትሒ፣ ክርቢት ፣መድሕን ብፆይን ህዝባዊ ምልሻን ብድምር ፍትሒ ሓባር ኮሚቴን ወረዳ ታሕታይ ኣድያቦ መድረክ ኣብ ምስላጥ ይርከብ።
‎
‎ ኣብቲ መድረክ ዝተረክቡ ሓላፊ ቤት ፅሕፈት ውዳበታት ዞባ ሰ/ምዕራብ ተጋዳላይ ሙሉ ብርሃነንን ዋና ኣማሓዳሪ ወረዳ ታ/ኣድያቦ ተጋዳላይ ገ/ሂወት ኪዱን ከምዝገለፅዎ፦
‎
‎ኣብ ግዝኣትና እንደሃለና ኣይትነብሩን ዝብሉና ፀላእቲ ሓድነትና ኣስጢምና፣ ንኽይንጠፍእ ኢና ክንቓለስ ዘለና፣ ካብ ሕማቕ ኣረኣእያ ወፂና ኣብ ህዝባዊ ዕላማ ዓሲልና ውዳበና ብምጥንኻር ንቅፃሊ ወለዶ ሓሲብና ኣብ ዕላማ ህዝቢ ክንቓለስ ከምዝግባእ ብምግላፅ ሌጋሲታት 1ይ ሚኒስተር ነበር ተጋዳላይ መለስ ዜናዊ ተሓንጊጥኻ ንዘይተርፍ ዓወት ድልዋት ምዃን ከምዘድሊ ኣተሓሳሲቦም።
‎
‎ሓበሬታን ርክብን ወረዳ ታሕታይ ኣድያቦ
‎ 13 ነሓሰ 2018ዓ/ም

ሕፅረት ዝናብ ብምህላው ኣብ ዘራእትን እንስሳን ንዝበፅሕ ሓደጋ ስግኣት ከምዝፈጠረሎም ሓረስቶት ወረዳ ታሕታይ ኣድያቦ ገሊፆም።‎‎ዋላ ዝናብ ድሕሩ ይውቃዕ ዝሐሸ ቦቕሊ ብምህላዉ ፅቡቅ ምህርቲ ...
18/08/2026

ሕፅረት ዝናብ ብምህላው ኣብ ዘራእትን እንስሳን ንዝበፅሕ ሓደጋ ስግኣት ከምዝፈጠረሎም ሓረስቶት ወረዳ ታሕታይ ኣድያቦ ገሊፆም።
‎
‎ዋላ ዝናብ ድሕሩ ይውቃዕ ዝሐሸ ቦቕሊ ብምህላዉ ፅቡቅ ምህርቲ ንምርካብ ተስፋ ጌሮም ምንባሮም ዝገለፁ ሓረስቶት ጣብያ ዝባን ገደና፣ ኣብዚ ወርሒ ነሓሰ ሕፅረት ዝናብ ብምህላዉ ግን ከቢድ ስግኣት ከምዝፈጠረሎም ገሊፆም። ነዚ ድርቂ ንምፅዋር ዝነጠበት ማይ ናብ ረበሓ ንምውዓል ናይ ጠሊ ዓቀብቲ ስራሕቲ ይሰርሑ ከምዘለዉ እውን እቶም ሓረስቶት ተዛሪቦም።
‎
‎ሓላፊ ቤት ፅሕፈት ዘፈር ልምዓት ቁጠባ ወረዳ ታ/ኣድያቦ ኣይተ የማነ ብርሃነ ከምዝበልዎ፣ ኣብዚ ዓመት ዝናብ ድሕሩ ብምውቅዑ ካብ ባሕቲ ሓምለ ግን ሓረስታይ ክንድዝካኣል ብእንስሳን ብመካናይዘሽንን ተረባሪቡ ልዕሊ 12 ሽሕ ሄክታር መሬት ብክላስተር ተዘሪኡ ኣብ በቑሉ ፅቡቅ እዩ ይኹን እንበር ሕዚ እውን ሰፊሕ ሕፅረት ዝናብ ብምህላዉ ኣብ ዝራእትን እንስሳን ንዝበፅሕ ሓደጋ ሻቅሎት ከምዝፈጠረሎም ገሊፆም። ነዙይ ንምፅዋር ከም ወረዳ ብሰብ ሞያ ዝተደገፈ ናይ ጠሊ ዓቀብቲ ስራሕቲ ይሳለጡ ከምዘለዉ ሓቢሮም።
‎
‎ኣተሓባበሪ ሕርሻ ገጠር ልምዓት ጣብያ ዝባን ገደና ኣይተ ክፍላይ ተኽላይ ብወገኑ ከም ጣብያ ብዝተፈላለዩ ዓይነታት ዘራእቲ ልዕሊ 5807 ሄክታር መሬት ንምዝራእ ከምዝተካኣለ ብምግላፅ እቲ 1954 ሄክታር መሬት ብክላስተር ከምዝተዘረኣ ድሕሪ ምግላፅ ዋሕዲ ዝናብ ብምህላው ግን ዝባኽን ማይ ከይህሉ ብዝተዋደደ ናይ ጠሊ ምዕቓብ ስራሕቲ ይስራሕ ከምዘሎ ገሊፆም።
‎
‎ሓበሬታን ርክብን ወረዳ ታሕታይ ኣድያቦ
‎ 12 ነሓሰ 2018ዓ/ም

ተሓታትነት ንምስፋን ሕብረተሰብ ሓጋዛይ ጌርኻ ምስራሕ ከምዘድሊ ኣባላት ቤት ምክሪ ወረዳ ታሕታይ ኣድያቦ ገሊፆም።‎‎እዙይ ዝተገለፀ ቤት ምክሪ ወረዳ ታ/ኣድያቦ 4ይ ዘበን መበል 43 ሰሩዕ ጉ...
03/08/2026

ተሓታትነት ንምስፋን ሕብረተሰብ ሓጋዛይ ጌርኻ ምስራሕ ከምዘድሊ ኣባላት ቤት ምክሪ ወረዳ ታሕታይ ኣድያቦ ገሊፆም።
‎
‎እዙይ ዝተገለፀ ቤት ምክሪ ወረዳ ታ/ኣድያቦ 4ይ ዘበን መበል 43 ሰሩዕ ጉባኤ ኣብ ዘኻየዶ እዩ።
‎
‎ነቲ ስሩዕ ጉባኤ መኸፈቲ ዝገበራ ኣፈ ጉባኤ ወረዳ ታ/ኣድያቦ ወ/ሮ ኣዜብ ወላይ ከምዝበልዎ፣ መበል 43 ስሩዕ ጉባኤ መንግስቲ ኣብ ስርዓት ቁፅፅርን ክትትልን ተሓታትነት ንምንጋስ ይስራሓሉ ኣብ ዘሎ ወቅቲ ምህላውና ድሕሪ ምግላፅ ናይቲ ጉባኤ ኣጀንዳታት መብርሂ ሂበን።
‎
‎ዓመታዊ ኣፈፃፅማ ዘቕረቡ ዋና ኣማሓዳሪ ወረዳ ታሕታይ ኣድያቦ ኣይተ ገብረሂወት ኪዱ ከምዝበልዎ፣ ሎሚ ነካይዶ ዘለና ጉባኤ መንግስትና ናብ ስርሑ ኣብ ዝተመለሰሉን መኸተና ናብ ዝለዓለ ብርኪ ዝበፅሐሉን መድረኸ ብምህላውና፣ ህዝብና መኸተና ንምሕያል ናይ ግንባርን ደጀንን ሰራሕትና ብዝተዋደደ ክሰርሓሉ ከምዝግባእ ብምግላፅ ኣብ ሕሉፍ ዓመት 2018ዓ/ም ዝነበሩ ፍፃመታት ብድክመትን ብጥንካረን ኣቅሪቦም እዩም።
‎
‎ ኣብ ሕሉፍ ጉባኤ ኣብ ናይ ኣይተ ሓየሎም ፀጋይ ጉዳይ ብክትራንን ዘይሕጋዊ ኣፅዋር ዝዉውርን ብተደጋጋሚ ገበን ብምፍፃም ዝተጠርጠረ ውልቀ ሰብ ገበኑ ብጥፋኣተኛ ከይሕተት ሓላፍነቶም ብቅንዕና ንዘይተዋፅኡ ሓላፊ ገበን ምፅራይ ፖሊስን ሓላፊ ዓቃቢ ሕግን ብፈፀምቲ ኣካላት ተፃርዮ ውሳነ ንክዋሃቦም ኣባላት ቤት ምክሪ ብዘቅረብዎ መሰረት እቲ ዓቃቢ ሕጊ ብመጠንቀቅታ፣ ሓላፊ ገበን ምፅራይ ፖሊስ ካብ ወረዳና ንክልዓል ከምዝወሰኑ ብዋና ኣማሓዳሪ ንዝቀረበ ውሳነ ሓሳብ እቶም ኣባላት ቤት ምክሪ ብሙሉእ ድምፂ ኣፅዲቆም እዩም።
‎
‎√ዝቀረቡ ሕቶታትን ሪኢቶን ብውሱን መልክዑ፦
‎ኣብ ብርሰት ኣግራብ 100% ተፈፂሙ ዝብል ንምንታይ መዓት ኣግራብ እንዳበረሱ? ተበፃሓይነት መስተ ማይ የለን ተጀሚሩ ኣይፍፀምን ? ኣብ ክረቸር ጣብያ ኣፅረጋ ንምዕዳል ዝተሓተተ ዘይፍፀም፣ ልቓሕ ምምላስ ኣይስራሓሉን ዘሎ? ውራ መሬት ይስፋሕፋሕ ኣሎ ክትትል ዘይግበሮ? ኣብ ምሕደራ መሬት ኣይስረሓሉን ዘሎ ንምንታይ?
‎ኣብ መንጎ ጣብያታት ዘሎ ጎንፂ ዘይምፍታሕ ንኣብነት መንጠብጠብን ዓዲ-ኣሰርን ? ኣብ ፕሮጀክት ፀፀር መንገዲ ሸራሮ ፍቅያ-ገብረ/ዓዲፀፀር/ ብፅሬት ኣይተሰረሐን ሓደ ክረምቲ ዘይሓለፎ ፈሪሱ ናይ መን እዩ እቲ ፀገም ?
‎ኣብ ድልድል መንገዲ ከላውሎ ተጀሚሩ ተቛሪፁ ንምንታይ ? ኣብ ስራሕ ዕድል ፈጠራ ምርባሕ ሃፍቲ እንስሳ ብሓገዝ ለገስቲ ትካላት ድጋፍ ተገይርሎም ይዋሃቡ ኣብ ተግባር ስራሕ ግን የለውን እንታይ እዩ እቲ ፀገም? መንእሰይ መንበሪ መሬት ዘይዋሃብ፣ ሕብረተሰብ ግልጋሎት ኣይረክብን ዘሎ እንታይ እዩ እቲ ፀገም እቲ መሃያ ግን ዋላ ይዘንግዕ ይረክብ ኣሎ?
‎ኣብ ታርፍ ቁፅፅር ትራንስፖርት ኣይግበርን ንምንታይ ? ኣብ ገበን ኢድ ብኢድ መዛግብቲ ውሳነ ኣይዋሃብን ንምንታይ? ናይ ፀጥታ ኣካላት ካብ ተልእኮ ወፃእ ይከዱ እዩም ንምንታይ? ዘይሕጋዊ ኣፅዋር ክትትል የለን መሳርሒ ገበን ይክውን ኣሎ? መንእሰይ ናብ ስደት ይክይድ ኣሎ ንምንታይ ዘይስራሓሉ፣ ግብሪ ዝተኣከበ ትሑት እዩ ንምንታይ ?
‎ተማሃሮ ብቅዓት የብሎምን ምንባብ ኣይክእሉን ምሕላፍ ጥራሕ እዩ ዝክውን ዘሎ እንታይ እዩ እቲ ፀገም ? ናይ ኣምቡላንስ ተበፃሓይነት የለን ? መድሕን ጥዕና ተጠቀምቲ ኮይና መድሓኒት የለን ኢና ንበሃል ዝብሉን ካሎኦትን ብርክት ዝበሉ ሕቶታት ተላዒሎም ብዝምልከቶም ኣካላት ሓለፍትን ዋና ኣማሓዳሪ ኣይተ ገብረሂወት ኪዱን ግቡእ መብርሂ ተዋሂብዎም እዩ።

‎ ሓበሬታን ርክብን ወረዳ ታሕታይ ኣድያቦ
‎ 27 ሓምለ 2018 ዓ.ም
‎

ቤት ምክሪ ወረዳ ታ/ኣድያቦ 4ይ ዘበን መበል 43 ሰሩዕ ጉባኤኡ ን ሕሉፍ ቃለ ጉባኤ፣ ስራሕ ኣፈፃፅማ መደባት 2018፣ ሕሉፍ ውሳነ ሓሳብን ፀብፃብ ቤት ፍርድን ንምርኣይ ጉባኤኡ ኣብ ምክያ...
02/08/2026

ቤት ምክሪ ወረዳ ታ/ኣድያቦ 4ይ ዘበን መበል 43 ሰሩዕ ጉባኤኡ ን ሕሉፍ ቃለ ጉባኤ፣ ስራሕ ኣፈፃፅማ መደባት 2018፣ ሕሉፍ ውሳነ ሓሳብን ፀብፃብ ቤት ፍርድን ንምርኣይ ጉባኤኡ ኣብ ምክያድ ይርከብ። 26 ሓምለ 2018 ዓ.ም
‎
‎ ሓበሬታን ርክብን ወረዳ ታሕታይ ኣድያቦ
‎

ዝቐፀለ መድረኽ ዘተ ሰ/መንግስቲ፦ ‎ሰራሕተኛ መንግስቲ ወረዳ ታሕታይ ኣድያቦ "ዘበት ንብሄራዊ ብርሰት" ብዝብል መሪሕ ሓሳብ ኣብ ህልው ኩነታት ትግራይን ኣዋጅ 366/2018 ዓ/ም መሰረት ዝ...
22/07/2026

ዝቐፀለ መድረኽ ዘተ ሰ/መንግስቲ፦
‎ሰራሕተኛ መንግስቲ ወረዳ ታሕታይ ኣድያቦ "ዘበት ንብሄራዊ ብርሰት" ብዝብል መሪሕ ሓሳብ ኣብ ህልው ኩነታት ትግራይን ኣዋጅ 366/2018 ዓ/ም መሰረት ዝገበረ ዘተ ኣኻይዶም።
‎
‎እቲ ዘተ ኣብ ልዕሊ ህዝቢ ትግራይ ኣጋጢሙ ዘሎ ብሄራዊ ሓደጋን መዋፅኦታትን መሰረት ገይሩ ኣብ ዝቀረበ ፅሑፍን ብመንግስቲ ትግራይ ኣብ ዝወፀ ኣዋጅ 366/2018 ዓ/ም ተግባራዊ ንምግባር በቲ ዝወፀ ኣዋጅ ተገዛኢ ንምኳንን ዘተኮረ መድረኽ ምኳኑ ተገሊፁ።
‎
‎እቲ ዘተ ብዋና ኣማሓዳሪ ወረዳ ታሕታይ ኣድያቦ ተጋዳላይ ገብረሂወት ኪዱን ብሓላፊት ቤት ፅሕፈት ህወሓት እቲ ወረዳ ራህዋ የማነን እንዳተመረሐ ቀፂሉ።
‎
‎ ሓበሬታን ርክብን ወረዳ ታሕታይ ኣድያቦ
‎ 15 ሓምለ 2018 ዓ.ም
‎

መድረክ ዘተ መናእሰይ‎ምምሕዳር ወረዳ ታሕታይ ኣድያቦ ካብ ኩለን ጣብያታት ወኪሎም ምስ ዝመፁ መናእስይ " ዘበት ንብሄራዊ ብርሰት" ብዝብል መሪሕ ጭርሖ መድረክ መንእሰይ ሎሚ 14 ሓምለ 2...
21/07/2026

መድረክ ዘተ መናእሰይ
‎ምምሕዳር ወረዳ ታሕታይ ኣድያቦ ካብ ኩለን ጣብያታት ወኪሎም ምስ ዝመፁ መናእስይ " ዘበት ንብሄራዊ ብርሰት" ብዝብል መሪሕ ጭርሖ መድረክ መንእሰይ ሎሚ 14 ሓምለ 2018ዓ.ም ኣብ ምክያድ ይርከብ።
‎
‎እቲ መድረክ ብሓላፊ ቤት ፅሕፈት ውዳበታት ዞባ ሰ/ምዕራብ ትግራይ ተጋዳላይ ሙሉ ብርሃነ፣ ብዋና ኣማሓዳሪ ወረዳ ታሕታይ ኣድያቦ ተጋዳላይ ገብረሂወት ኪዱን ብሓላፊት ቤት ፅሕፈት ህወሓት ወረዳ ታ/ኣድያቦ ራህዋ የማነን እንዳተመረሐ እዩ ዝሳለጥ ዘሎ።
‎
‎መንእሰይ እዋናዊ ኩነታት ትግራይ ተረዲኡ ብመንእሰይ ዘድሊ ኩሉ ዓይነት ድልውነትን ምርድዳእን ብምግባር ግደ መንእሰይ ኣብ ሃለዋትና ምርግጋፅ ክሳብ ሕዚ ዝነብረና ድክመታት ኣሪምና ንዝላዓለ ተልእኮ ንምብቃዕን ህዝቢ ትግራይ ንምውሓስን ዝዓለመ ወሳኒ ምዕራፍ ብምኳኑ ብትኩረት ሓደ ዓይነት ርዲኢት ሒዝና ድልውነትና ንምርግጋፅ እዩ ኢሎም ዋና ኣማሓዳሪ ተጋዳላይ ገ/ሂወት ኪዱ።
‎እቲ ዘተ እንዳቀፀለ እዩ።
‎
‎ ሓበሬታን ርክብን ወረዳ ታሕታይ ኣድያቦ
‎ 14 ሓምለ 2018 ዓ.ም
‎

ኮንፈረስ ንምውሓስ ብሂራዊ ህልውና !!‎‎ምምሕዳር ወረዳ ታሕታይ ኣድያቦ "ዘበት ንብሄራዊ ብርሰት " ብዝብል መሪሕ ሓሳብ ምስ ኩለን ጣብያታት ወኪሎም ዝመፁ ክፋል ማሕበረሰብ፣ አመራርሓ ደገፍ...
19/07/2026

ኮንፈረስ ንምውሓስ ብሂራዊ ህልውና !!
‎
‎ምምሕዳር ወረዳ ታሕታይ ኣድያቦ "ዘበት ንብሄራዊ ብርሰት " ብዝብል መሪሕ ሓሳብ ምስ ኩለን ጣብያታት ወኪሎም ዝመፁ ክፋል ማሕበረሰብ፣ አመራርሓ ደገፍቲ ጣብያታት፣ ስቪክ ማሕበራት፣ ኮሚሽን ሃርበኛ፣ ፖሊስ መናጅመንት፣ ፀጥታ መናጅመንትን ካሎኦትን ህዝባዊ ኮንፈረስ ሎሚ 12 ሓምለ 2018ዓ.ም እንዳሳለጠ ይርከብ።
‎
‎መክፈቲ ዘስምዑ ዋና ኣማሓዳሪ ወረዳ ታሕታይ ኣድያቦ ተጋዳላይ ገብረሂወት ኪዱ ከምዝበልዎ፣ ህልዉናና ኣብ መቃብር ጅኖሳይደር ስርዓት ብልፅግና ንምርግጋፅ ከም ህዝቢ ንብረስ ዶ ? ንንበር ? ዝብል ንህልውናና ኣብ እንገብሮ ቃልሲ ምህላውና ድሕሪ ምግላፅ ኩሉ ህዝብና ንህዝባዊን ፍትሓዊን ቃልሲና ንምድጋፍ ዝዓለመ ምኳኑ ገሊፆም።
‎
‎ሓበሬታን ርክብን ወረዳ ታሕታይ ኣድያቦ
‎ 12 ሓምለ 2018 ዓ.ም
‎

‎@ወፍሪ ተኸላ ፈልሲ ‎ኣብ ወረዳ ታሕታይ ኣድያቦ ሰቪል ሰርቫንትን ሓይልታት ፀጥታን ''ተኽሊ ብምትኻል ሓምለዋይ ልምዓት ንህነፅ'' ብዝብል መሪሕ ሓሳብ ዝባደሙ ኣግራብ ንምሕዋይ ኣብ መፋስስ...
18/07/2026

‎@ወፍሪ ተኸላ ፈልሲ
‎ኣብ ወረዳ ታሕታይ ኣድያቦ ሰቪል ሰርቫንትን ሓይልታት ፀጥታን ''ተኽሊ ብምትኻል ሓምለዋይ ልምዓት ንህነፅ'' ብዝብል መሪሕ ሓሳብ ዝባደሙ ኣግራብ ንምሕዋይ ኣብ መፋስስ DRDIP-2 ጣብያ ኣፅረጋ ቁሸት ምቓዕ ነጋሪት ወፍሪ ፈልሲ ተክላ ኣካይዶም።
‎
‎ኣብቲ ፈልሲ ተኽላ ዝተረክቡ ሓላፊ ቤት ፅሕፈት ዘፈር ልምዓት ቑጠባ ወረዳ ታ/እድያቦ ኣይተ የማነ ብርሃነ ከምዝበልዎ፣ ሎሚ ዘበን ምስቲ ናይ ኢሊኖ/ድርቂ/ ተተሓሒዙ ዘሎ ንዕኡ ዝምጥን ናይ ምሕዋይ ሃፍቲ ተፈጥሮን መፍራያይነት ሕርሻ ዓርሳ ምርኮሳ ምርግጋፅን ስራሕቲ ንምስራሕ ከም ወረዳ ኣብ ዓብይ ርብርብ ከምዘሎ ድሕሪ ምግላፅ ህዝቢ ኣብ ዝተከለለ መፋስስን ገዙኡን ነብሰ ወከፍ ልዕሊ 50 ፈልሲ ብምትካል ድርቂ ዝፃወር ሓምለዋይ ልምዓት ኣብ ምፍጣር እጃሙ ክዋፃእን ኣብ ኣግራብ ግቡእ ሓልዋን ክንክን ክገብር ኣተሓሳሲቦም።
‎
‎መተ/ከ/ሃፍቲ ተፈጥሮ ወረዳ ታ/ኣድያቦ ኣይተ ፊልሞን ደስታ ብግዲኡ ሓምለዋይ ልምዓት ንምርግጋፅ ከም ወረዳ ኣብ 2018 ዓ.ም ልዕሊ 391 ሽሕ ፈልሲ ኣብ መፋሰስ፣ ትካላትን ገዛውትን ማእኽል ብምግባር ከምዝትከል ብምሕባር፣ ድርቂ ዝፃወር ኢኮኖሚ ንምህናፅ ብዝተፈላለየ ብርሰት ዝበፀሖም ከባቢታት ንምሕዋይ ህዝቢ ናይ ጠሊ ዓቀብቲ ስራሕቲ እንዳሰረሐ ምፅንሑ ገሊፃም።
‎
‎ናይዚ መቀፀልታ ሎሚ ተጀሚሩ ዘሎ ናይ ፈልሲ ተኸላ ብቀፃልነት ብምጥንካር ናይ ሓልዋን ክንክን ሰራሕቱ ከሕይል ኣይተ ፊልሞን ኣተሓሳሲቦም።
‎
‎ኣብቲ ወፍሪ ተክሊ ዝተረክቡ ብወገኖም ሓምለዋይ ልምዓት ንምንባርን ዘይምንባርን ሂወት ሰለ ዝኮነ ኣብዚ ፈልሲ ተኸሊ ምትካል ምስታፎም ከምዘሐጎሶም ገሊፆም።
‎
‎ ሓበሬታን ርክብን ወረዳ ታሕታይ ኣድያቦ
‎ 11 ሓምለ 2018 ዓ.ም

ኣብ ወረዳ ታሕታይ ኣድያቦ ኣብ ዘበነ ምህርቲ 2018/19 ዝላዓለ ምህርቲ ንምሕፋስ ይስራሕ ከም ዘሎ ተገሊፁ።‎‎ኣብ ክላስተር ጣብያ ለምለም ብመከናዜሽንን እንስሳን ኣብ ምዝራእ ምስ ዝርከቡ ...
15/07/2026

ኣብ ወረዳ ታሕታይ ኣድያቦ ኣብ ዘበነ ምህርቲ 2018/19 ዝላዓለ ምህርቲ ንምሕፋስ ይስራሕ ከም ዘሎ ተገሊፁ።
‎
‎ኣብ ክላስተር ጣብያ ለምለም ብመከናዜሽንን እንስሳን ኣብ ምዝራእ ምስ ዝርከቡ ሓረስቶት ዝተረኽቡ ሓላፊ ቤት ፅሕፈት ዘፈር ልምዓት ቁጠባ ዞባ ሰ/ምዕራብ ኣይተ ክብሮም ብስራት ከም ዝበልዎ፣ ኣብዚ ዓመት ከም ዞባ ዝናብ ዘንጊዑ ዝጀመረ ክራማት ብምዃኑ፣ ኣብ ሓረስታይና ዓብይ ስክፍታታት ዝፈጠረ ወቅቲ ከምዝነበረ ብምሕባር ኣብቲ ዝተረክበ ዝናብ ግን ኩሉ ሓረስታይ እታዎታት ሙሩፅ ዘርእን መዳበርያን በቲ ዝተዋሃቦም ናይ ሰብ ሞያ ድጋፍን ኣስተምህሮን ተጠቂሞም ዓርሰ ሙርኮሳ ንምርግጋፅ ኣብ ሃይሃይታ ማሕረስ ከምዝርከቡ ገሊፆም።
‎
‎ኣብ ቤት ፅሕፈት ዘፈር ልምዓት ቁጠባ ወረዳ ታ/ኣድያቦ መተ/ከ/ስ/ዘራእትን ሆልቲካልቸርን ኣይተ ተኽለሃይማኖት ገብሩ ብወገኖም ሓረስታይ ናይ ተግባር ሰልጠና መሰረት ብምግባር እታዎታት ብኣግባቡ እናተጠቐሙን ብመስመር በቢ ክላስተሩ ብኩታ ገጠም ብበዓል ሞያ እውን እናተሓገዙ ይዘርኡ ምህላዎም ድሕሪ ምግላፅ ከም ወረዳ 15 ሽሕን 8 ሚኢትን 56 ሄክታር መሬት ብክላስተር ሰሊጥን መሸላን ንምዝራእ ትልሚ ተታሒዙ፣ ኣብ 36 ሽሕን 8 ሚኢትን ሄክታር ተሓራሲ መሬት ሙሉእ ብሙሉእ ዘራእቲ ብምሽፋን ልዕሊ 1 ሚልዮን ኩንታል ምህርቲ ንምሕፋስ ይስራሕ ምህላዉ ገሊፆም።
‎
‎ዘዘራረብናዮም ሓረስቶት ክላስተር ብወገኖም ብናይ DRDIP-2 ዝተወሃቦሞ ሞያዊ ስልጠናንን እታዎታት ዘራእትን ተጠቂሞም ብክላስተር ተወዲቦም ብመስመር ብምዝረኦም ብዙሕ ረብሓን ምህርትን ከምዝረክቡ ተስፈኦም ተዛሪቦም።
‎
‎ ሓበሬታን ርክብን ወረዳ ታሕታይ ኣድያቦ
‎ 08 ሓምለ 2018 ዓ.ም
‎

Address

Sheraro
Sheraro

Website

Alerts

Be the first to know and let us send you an email when Tahtay Adyabo communication office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category