Imala Dhugaa page

03/01/2026

Wantoota nama guddinaa fi milkaa’ina jireenya irraa deebisan keessaa muraasa. Tokkoon tokkoon isaanii bal’inaan haa ilaallu:

1. Namoota hundaa gammachiisuuf yaalu
Namoota hundaa gammachiisuun hin danda’amu. Yeroo hunda fedhii namoota biroo dursa kennuun of dagachuu fida. Kun dadhabina sammuu, aarii fi abdii kutannaa fida. Of kabajuun fi daangaa (boundary) kaa’uun murteessaadha.

2. Hariiroo summii (toxic relationship)
Hariiroon si dadhabsiisu, of amantaa si buusu, yaada badaa si keessa kaa’u hundi summiidha. Hariiroo akkasii keessa turuun guddina sammuu, hojii fi fayyaa miidha. Namoota si deggeran, si jajjabeessan waliin jiraachuun barbaachisaadha.

3. Of shakkuu
Of shakkuun carraa hedduu si jalaa balleessa. “Ani hin danda’u” jechuu irra, “Ani barachuu nan danda’a” jechuu barachuun murteessaadha. Dogoggorri barnoota, kufuun immoo muuxannoo dha.

4. Hojii jibbuu
Hojii jibbuu keessa turuun jireenya hunda ni hadheessa. Yoo jijjiiruu hin dandeenye ta’e, hiika hojii sana keessatti argachuu ykn of qopheessuun gara hojii biraatti ce’uun filannoo gaariidha. Hojii kee jaalachuun yookaan kaayyoo qabaachuun murteessaadha.

5. Yaada namoota biroo irra deddeebiin yaaduu
Namoonni yaada isaanii ni qabaatu; ati immoo jireenya kee qabda. Yaada namoota biroo qofatti xiyyeeffachuun of amantaa si dhabsiisa. Waan sirrii sitti fakkaatu, qajeelfama jireenyaa kee hordofi.

6. Amantaan of daangessuu (limiting beliefs)
“Umrii koo kanaan hin danda’u”, “naaf hin malu”, “namoota akka kootiin hin ta’u” jechuun of daangessuudha. Amantiileen akkasiin soba dha; sammuu kee qofa keessatti uumamu. Amantii of jajjabeessu ijaaruun guddinaaf furtuudha.

7. Yaada badaa (negative thinking)
Yaanni badaan fedhii, humna fi abdii namaa ni xuuxa. Yaada kee to’achuun, waan gaarii irratti xiyyeeffachuun fi galata qabaachuun jireenya ni jijjiira. Yaanni kee kallattii jireenya keeti.
8. Sodaa kufaatii
Sodaan kufaatii namoota hedduu eegalee qofa dhaaba. Dhugaan jiru garuu: namni kufe qofa barata. Milkaa’inni kufaa

14/08/2025

GATIIN NAMA MEEQA?

Bar tokkotu namichi tokko gatii ofii isaa baruu barbaadeetu jaarsa hayyuu tokko bira deeme. Namichi sunis hayyuu sana nagaa erga gaafatee taa'ee booda gara dhimma isaatti darbee dubbatachuu eegale. Akkas jedheen "Abbaa gatii koon baruu dhufe meeqadha jettani yaadduu" isin ittin jedheen.

Jaarsis akka seequu ta'ee isa si beeku biratti gatiin kee guddaadha jedheen. Namichis akkamittiin madaaltan jennaan, jaarsis warqii quba isa irra jiru baasuun amma ati warqee kana warqummaa isaa argiteetta ni beekta miti.? jedhaniin.

Eeyyeen nan beeka jedheen. Warqeen kun yoo haala mijataa keessatti lafa bu'ee utuu hin xuraa'in jiraateef namni hundi ni beeka hamma lubbuu wal keessaa baasee fudhatutti ga'a. Garuu warqeen kun samee yoo bakka kosii garaa garaa jiraate kan dursa warqee ta'uusaa beeku sababa xuraa'eef warqummaan isaa waan hin jijjiiramneef deemee fudhatee dhiqee gatii guddaa waan qabuuf kunuunsee itti fayyadama.

Siif galee ilma koo, Hamma ati haala mijataa keessa hin jirretti gatii kee kan beeku siifii warra si beekan qofadha. Gaafa ati haala mijataa fi bakka mijataatti baatu ammoo hundumatu gatii kee beeka hundumatu si argachuuf wal caccabsa" jedhe.

••• Zeeroo jenne jalqabnus tokko jenne jalqabnus jireenyi itti fufa.
Galatooma!.
Suuran AI dha.

08/08/2025

“si balleessuudhaaf mi'i waraanaa yoo qopheeffame iyyuu, si miidhuu hin danda'u, dubbii warra firdii duratti si hammeessaniis in busheessita; kun wanta garboonni koo ana biraa argatanii dha, isa ani isaaniif dhugaa baasuu dhas" jedhe; Waaqayyo isa kana dubbateera.”
— Isa. 54:17

19/06/2025

👇
Jechoota Luba Dr. Gammachiis Dinqisiisoo Keessaa Muraasa! •
•••

1. Sammuu tokko isa siif kennameen utuu hin hojjetin, sammuu nama shanii naaf kenni jettee Waaqayyoon hin kadhatin!

2. Yoo sooromte tola nyaatta, yoo hiyyeessa taate bittee nyaatta.

3. Yeroo tokkummaa ijaartu harka mirgaan ijaaraa harka bitaan hin diigin!

4. Hiyyeessatu sooressa affeere jechuun abbaa dammaa damma afaan kaa'udha.

5. Mana amantaa keessa yeroo teessu mataa buustee hin taa'in, hirkadhuu ameen/amiiin/leel! jedhi!

6. Onesimos si'a saddeet yeroo gurgurame lafa itti gurgurame jibbe miti Garbummaa jibbe malee.

6. Yeroo hojjettu akka nama waggaa kuma tokko lafa kana irra jiraatuutti hamma dafqi adiin si keessaa ba'utti hojjedhu! Yeroo jiraattu akka nama bor addunyaa kana gadi dhiisee deemuutti of eeggannoon jiraadhu!

7. Waan ati hojjetu baay'ee akka siif guddatu yoo barbaaddeef diinota kee xiqqeessii firoota kee baay'isi!

🫴 Waan dubbistaanif galatoma 🙏

15/06/2025

“Ayyaanni Waaqayyoo kunis, nuyi Waaqayyo malee jiraachuu, kajeellaa biyya lafaa isa hamaas gannee, bara kana keessa of qabuutti, qajeelinatti, namoota Waaqayyoo taanee akka jiraannuu gorsee, gara gaariiitti nu deebisa.”
— Tit. 2:12

15/06/2025

30/05/2025

"Ilma kiyya qarshii 3 kanfalee barsiisuu hin danda'u qarshii 1 naaf taasisaa!".
Harmee Professor Gabbisaa Ejjetaa

Professor Gabbisaa Ejjetaa Godina Shawaa Lixaa Aanaa Ejersa Lafoo Oolankomiitti bara 1942 dhalatan. Umrii daa'imummaa irra osoo jiruu maatiin isaa gargar bahuun harmeen isaa Isa guddisuuf hedduu rakkatte. Ijoolleen isaan walqixa ta'an gara mana barumsaa Qeesii yoo seenan anis seenu malee jechuun harmee isaa rakkisus kanfaltii ji'aa qarshii 3 kafaltee barsiisuu waan hin dandeenyeef gara Qeesichaa deemtee "Ani harka qalleettiidha waa takka hin qabu kanfaltii barnootaa mucaa kiyyaa qarshii 3 argachuu hin danda'u akkuma hiriyoota isaa haa baratu qarshii 1 naa taasisaa!" jettee kadhatte. Barsiisichis tole jedheefii Pirofeesarichi tokko jedhee barumsa eegale.

Hanga kutaa 7tti achuma Oolankomiitti barate. Kutaan 8 toora sana waan hin jirreef km 20 miilaan deemee barachuuf dirqame. Barumsa sadarkaa lammaffaa koolleejjii Qonnaa Jimmaatti barate. Digirii jalqabaa saayinsii biqilootaan Yuunivarsiitii Haramaayaatti 1965 barate. 1968 Yuunivarsiitii Ameerikaa Pardu irraa digirii 3ffaa fudhate.

Qorannoowwan 200 ol hojjateera, kitaabota 4 katabeera. Waggoota 28 oliif Yuunivarsiitii Ameerikaa pardu tajaajileera. Dhaabbilee garaagaraa 70 keessa tajaajileera.
Hojii isaa kanaaf badhaasota gurguddaa akka biyyaa, Ardii fi addunyaatti kennaman 17 ol fudhateera.
Bara 2009 World Food Nobel Prize badhaafamuun nama Afrikaa lammaffaa ta'eera.
- 'Africa Nationality Science Hero Award' qorattoota 7 keessaa nama tokko ta'eera. Ammoo badhaasa guddaa lammii Ameerikaaf kennamu Pirezidaantii Ameerikaa Joo Baayiden irraa meedaaliyaa fi maallaqa doolaara miliyoona 5 argateera.

Looreetii Addunyaa Professor Gabbisaa Ejjetaa!

19/10/2024

Biyyi lafaa raafame borcamaa Jira
Dacheen halluu gadhiiste Kakatee araa
Iddoo qabna baqannee hin baanu biyyaa
Kan isaa kan ittiin dabarsu dhoksee ka'eera
Dhagaa Jiraataa×2
●Addisuu Waayima