10/01/2024
無論幾忙，農藝祭一定到。約定大家今個星期日見。
【冬日農藝祭 — 幕後功臣】
要辦好一個 #農藝祭，除了要有好嘅 #推手 ，更重要嘅係有成班兄弟支持!
講到最疊馬，緊係要靠出錢又出人力嘅Permaculture Institute Hong Kong 香港永續栽培學苑 ，總之有大型活動，就一定要喺學苑搵熱血義工。雖然近年因疫情關係，停辦了PDC課程及很多活動，但近5年來與 O-Farm 一起拼出 #復耕者聯盟，都唔野少。 正所謂〝爛船都有三分釘〞，學苑內有一群熱愛永續生活及農業嘅朋友，每每在最需要人嘅時候就會出現呢👨👨👧👦
好玩嘅活動，需要發生在好嘅場地。咁就要多謝 O-Farm 借出場地，事前事後為場地設定佈局，搬搬抬抬不在話下，更要打造出〝麻雀雖小，五臟俱全〞嘅境界，真係小點創意都唔掂呀!
當然，還需要 Project Roll-up 手作影像 嘅阿君 (佢係我哋聯盟嘅特委義務設計師)，為活動場地佈置設計添姿采，佢嘅藍晒展區去年已成為大家打卡勝地呢📸
今年聯盟各成員，好少聚埋一齊，大家都在變幻莫測嘅環境中，繼續沉著應戰，努力磨練，積極發展新路向。 好似 再一次 ，仲記得上年農藝祭食過他集合聯盟成員菜蔬、別出心裁嘅聯盟沙律吧🥗。今年，他專注於自己多年嘅拿手手藝食品，並會在農藝祭使出真本領，千祈唔好錯過呀🍕
啡農 就繼續發揮科研精神，鑽研咖啡豆不同處理法，並與大家分享心得，務求尋找最有香港味嘅香港咖啡☕
鄉騲習作 精益求精，不斷改進已經香氣四溢嘅醃梅菜、真雪菜；一試難忘充滿薑味嘅薑糖；用上正中台灣冬瓜(都係自己種)炮製嘅冬瓜糖磚……，呢啲真係功夫嘢，自己種自己醃，在急速步伐嘅香港，有幾多新一代願意承繼這種生活手藝？
B記農莊 Billy終於大個仔喇，成立了自己農場，自己傾生意，最近仲肯開金口搞咗個 #甘筍見學日 添！
生態日常 話要於1年內於香港攝下200種雀鳥，唔知喺 #綠遊丹山 這條生態徑，又影到幾隻? 嚟緊1月7日，Alan 有個前導活動：《 好好欣賞》 【丹竹坑民俗植物】 報名請到👉： https://docs.google.com/....../1FAIpQLS....../viewform......
臺灣小鐵腿 繼續佢捉不住腳影嘅寫意生活，四處做跑腿，係真正跑步嘅腿呀🏃♂️
農夫又好，都市人又好，我們都要好好積極生活下去，好好熱愛生命。 一於喺2024年1月14日嚟 #冬日農藝祭，好好地輕鬆玩一天!
📍早鳥網上登記，可獲印花5個👉：https://seedtocuphk.odoo.com/event/dong-ri-nong-yi-ji-2023-10/register
📅活動詳情，密切留意👉：https://www.facebook.com/events/1807794229694047?acontext=%7B%22event_action_history%22%3A[]%7D
#冬日農藝祭 #復耕者 #農青 #嘉年華
