12/08/2026
多謝光顧😊 大埔為食友
最近發現原來仲有好多人未好認識草飼牛，comment有好有唔好...有人話：D人因為平先食草飼牛姐。有人話：太健康，唔岩食（內心一定係諗...唔方好食啦🤭）。亦有人話：太貴！
好多次受訪都會被問係咪想做中高價市場？其實完全相反😆一直既目標都係想搵最平既貨品，但更重要既宗旨係佢必須要係乾淨無添加。當然~舖頭有唔同價位既貨品選擇，有部分會被認為貴添。想做到既唔係賣貴野，係想賣健康野，想賣值得食既野。個人好相信you are what you eat，先唔好講唔同既diet，就算只係將日常既飲食都用乾淨既材料，都會睇得到身體既變化架。
希望大家可以多D認識下Meatwork，得閒交流下健康飲食tips啦🥰
《1間在大埔只賣草飼牛的奇怪凍肉店？》 （仁興街 美和凍肉）
去完太和樂園魚旦專家食下午茶 便去咗仁興街（俗稱棺材街）揾1間凍肉店！在疫情時間大埔開咗好多間凍肉店亦執咗好多間 咁呢間在開關之後先開 只開咗年幾未夠兩年既凍肉店又有乜咁特別呢？介紹既朋友話這店賣既牛全部也是草飼牛 雞翼全部也是無激素 好多貨品唔係平時既凍肉店可以見到！5點幾去到兜咗個灣 同店中兩位可能係老闆既傾吓計同問吓佢哋有乜好嘢？卒之買咗：
英國草飼封門柳 200g $85
烏克蘭無激素雞中翼 $30/包
波蘭無激素雞中翼 $60/包
Gr08澳洲草飼肉眼280g $110
埋單$300 唔駛 個人覺得起碼係物有所值！
