02/10/2026
真係認真！
結左業先差不多一個月
多謝大家既厚愛🩷, 呢段期間經常收到大家DM💌
您地仲有無扎肉淨啊？仲可以喺邊度買得到果個魷魚絲？
好掛住個船麵啊！可唔可以幫我訂河粉？
個印尼撈麵好好食, 點樣再買到？
您清貨我搶唔到啊, 您地會唔會再做啊？
即使係早幾日分享之前買番黎試食既魚蛋
您地未食過都有唔止一個朋友仔問有無得賣😆
同事頭好認真咁諗過傾過（真係好認真因為佢成日捉住本人傾🙂↕️）
再做番以前超過一百款產品, 要時時都要有好多存貨,
要兩條友訓身FULL TIME去做既網店,
真係暫時唔諗住……
因為件事都幾吃力不討好
原本打算結業後就去做番個打工仔
但係
到底係愛定係責任？係放唔低定覺得可惜？
喺一大堆矛盾中
我地決定, 不如轉個模式試下丫！
既然大家都欣賞我地搵番黎既野
咁我地就一於集結大家既需求
開！ 團！ 購！
呢頭講到好FIRM咁
然後……其實係有一大堆疑問😂
因為基本上都係我地自己直接進口
每個產品都有最低購貨量
加上而家無倉, 只能騰空屋企少少空間去處理訂番黎既貨
所以務求D貨可以快黎快去
唔能夠好似以前咁一批貨可能要幾個月先賣得完
咁我地屋企先有活動空間俾番兩位小姐
如果大家參與團購, 就需要買多少少, 咁可唔可行呢？
唔知大家有無咩意見俾我地？🥹
因為零左倉租, 產品價格應該可以下調
但如果做唔到包郵, 大家要自己俾運費, 您地又點睇？
定如果只可包郵去郵局或便利店自取, 大家又O唔OK？
香港團購好似唔太盛行？ 到底行唔行得通？
如果俾左錢要等成個月先收到貨, 大家又願唔願意等？
或者您地想我地開咩團？
長氣左少少🤏🏻
不過試開團係堅既😌
第一團：印尼撈麵！🍜
詳情稍後公佈，敬請留意！👀
