23/05/2026
首先，想由衷多謝晒所有嚟幫襯同支持我哋嘅街坊朋友。無論你地係遠或近，都專程過嚟捧場、打氣，特別係一班百忙之中都抽空嚟幫手嘅會友，真係無言感激。你哋嘅每一份心意，我地永遠都在心中 ❤️🙏🏼❤️
由無到有，從來都唔係一件簡單嘅事，為咗準備呢個市集，我地投入嘅心機同努力真係唔少。今年真係破晒記錄賣左超過700隻乳鴿，last day 最後4個鐘內仲賣咗200隻，對於我地一個檔口仔嚟講真係一個相當驚人既數字。
好老實講我哋都唔係好叻做生意嘅人，雖然睇落好似好好生意，但係我哋連續兩年其實都係蝕錢收場 🫢，今年仲要飽受紅雨、水浸嘅困擾，落雨令到啲爐壞哂，呢條數真係有排計 😓。
呢段時間，我哋都非常辛苦、亦非常勞累。下年我哋究竟仲會唔會繼續，講真其實都要再認真諗清楚同評估。好多街坊朋友都好想我哋繼續玩、話期待下年再見我哋，我哋都好感動；俾啲時間我地再諗一諗，有最新消息會同大家宣告。
另外，如果大家覺得我哋啲嘢好食，歡迎PM我哋安排到會。仲有個個食完都大讚嘅豬腳薑，而家仍然繼續有售，分別有1L、3L或者5L俾大家選購，想食就留言或者PM我地啦 😋
#多謝晒
#感恩
#無言感激
#青衣天后誕
#馬灣小店
馬灣乳鴿王
用心製作
