What are the opening hours?

Monday 09:00 - 19:00 Tuesday 09:00 - 19:00 Wednesday 09:00 - 19:00 Thursday 09:00 - 19:00 Friday 09:00 - 19:00 Saturday 09:00 - 19:00

https://www.facebook.com/133523516521043/

OPG Dušić - voće

Home
Croatia
Cerovlje
OPG Dušić - voće

Peteročlana obitelj iz Istre koja nudi svježe voće - breskve, šljive, jabuke...

07/08/2026

Trenutno imamo

🍎 SVJEŽE JABUKE - sorta Gala - slatka i sočna jabuka

✅ Voćni namaz od 100% šljiva

✅ Voćni namaz od dunje bez konzervansa

✅ Jabučni ocat

✅ Ekstra djevičansko maslinovo ulje

GDJE nas možeš naći?

📌 na OPG-u uz prethodnu najavu

📌 moguća je dostava u Pazin

📌 bit ćemo na žminjskoj Bartulji

📌 i na Učkarsken samnju

Ako te zanima bilo ča od tega ili nešto više, piši mi u dm ili se javi na 099 509 9916 🤗

Vidimo se!

02/08/2026

Črčki črčiju, a ja bin s tobon podijelila neke informacije ⬇️

KADI SU BRESKVE?

Veći dio smo ih povadili, ono ča je ostalo počinje zrijat oko 15 osmega. Male, ograničene količine za koje uglavnon ne organiziramo dostave nego ih se proda na OPG-u, poznanicima, kolegama...

KADI SU ŠLJIVE?

Šljivah je nešto više i moru duže stat na deblu pa je s njima malo lakše. Ovu prvu sortu su nan uglavnon pojili tići ili su zagnjijale, ali doć će druga sorta - najbolje šljive ku nas pitaš - pokle 10 osmega. Ne moren ti reć jušto dan, ali nu, će bit.

ČA JE S JABUKAMA?

Njih je, počela nan je sorta Gala i imamo je na zalihi. Imat ćemo ih još ko i vajka kroz zimu samo druge sorte. Bez jabuk ne bimo smili ostat.

KADI MORETE KUPIT VOĆE I PROIZVODE?

✅ Na OPG-u u Podmeji - potreban dogovor
✅ Na Bartulji u Žminju
✅ Na Učkarsken samnju
✅ Moguća je dostava u Pazin - potreban dogovor

ČA JE S DOSTAVAMA?

Vjerojatno ih ne bude do pole Učkarskega samnja, a on će bit na 6 devetega. Tu gori san napisala kadi nas moreš nać ✅
Dostave će krenut opet od sredine devetega s jabukama i domaćin proizvodima (ku bude sve šlo po planu).

Ako je još nešto ča te intereša - pitaj u komentaru 😁

29/07/2026

🥳 Povratak naših BESPLATNIH DOSTAVA

Najavljujem ti dostavu prema

PULI, Vodnjanu, Žminju i Pazinu

Ponedjeljak, 03.08.2026.

U ponudi su

🍎 Slatke, sočne jabuke GALA

NARUDŽBE prikupljamo isključivo putem obrasca u opisu profila na Instagramu ili putem ove veze

https://forms.gle/eRm3NUhT7EN6nQ3U8

*biti će i dostava u druge gradove kroz 15 dana (prema Poreču, Preluci i Labinu)

*mogućnost dostave proizvoda i drugog voća biti će u narednim dostavama

28/07/2026

Puno je tu ručnega dela koji se na van ne vidi,
ki je prova će kapit,
svaka čast onima koji nisu provali i kapiju...

Kreće nan sezona besplatnih dostavah friškega voća i domaćih proizvoda, a gremo prema

📌 Puli, Vodnjanu, Žminju i Pazinu

📌 Poreču, Baderni i Tinjanu

📌 Lupoglavu, Preluci, Lovranu, Vozilići, Labinu i Potpićnu

Baš mi je lipo ča ste s nami!

Se vidimo!

27/07/2026

Ki stoji iza obitelji Dušić?

Andrija, Đenis, Amanda, Karla i Vito 👨‍👩‍👦

5 aktivnih članova koji svaki ima otprilike svoj zadatak
ča ne znači da ih jedni drugima ne preuzimamo ili pomoremo s njima.

❤️ Volimo fameju, kad se skupimo za mizu, ćekulamo o svačemu i kad je ta miza puna dobre hrane, volimo bit u prirodi i zbog svega tega delamo to ča delamo.

Sadimo voće, prodajemo ga friškega, ali i prerađujemo pa prodajemo i proizvode.

✅ Voće koje moreš kupit od nas se ji zajno i bez prat direktno s debla - baren tako dela cila naša fameja, anke mali Mate koji ima sedan miseci sad.

Kreće sezona besplatnih dostavah friškega voća i domaćih proizvoda, a gremo prema

📌 Puli, Vodnjanu, Žminju i Pazinu

📌 Poreču, Baderni i Tinjanu

📌 Lupoglavu, Preluci, Lovranu, Vozilići, Labinu i Potpićnu

Ku nisi od tih kraji, vajka moreš doć i na OPG i kupit si ča ti rabi.

Svakako ostani s nami na profilu da saznaš sve dodatne informacije o ponudi i dostavama.

Valje pa ćemo ih najavit i baš mi je drago da ćemo se opet vidit!

24/07/2026

Karla mi ni potpisala GDPR pa moran priložit ovakove slike.

Nešto ča ona sigurno ne bi je da posadimo breskve opet,
a mi nismo još odlučili ku ćemo ku ne.

Sa svin drugin nas zeza da posadimo još kad ne rivamo
nanke to delat... sarkazam njoj je drugo ime 😆

Inače je zadužena da su nan police krgane.
Boce napunjene, etikete zalijepljene.
Vajka sve pobriše i vodi računa da je kako rabi.

Ima oko i brine za stvari koje mi drugi ne
bimo nanke vidili (osim mame nu).

Glavna je anke za rezat loze kad zarastu.

Vajka je ona anke u berbi, prorjeđivanju, ali
tu san napisala dvi stvari koje su njoj profesija bimo rekli.

I tako, lipo je kad svaki dela ono ča voli mi se pera.
Ča ti govoriš?

22/07/2026

"Omnia mea mecum porto"

Ipak san finila gimnaziju 😉

Baš mi je drago da voli bit vani koliko i ja,
u momentu se smiri kad zajdemo kroz vrata.

Valje nas čeka i berba, ćemo vidit ku će anke to volit 🥰

Dostave svježeg voća i domaćih proizvoda kreću sredinon osmega miseca, a gremo

21/07/2026

Vito ima najbolji dan vani kad je na traktoru definitivno 😁

Berba, prorjeđivanje - nisu mu neke omiljene aktivnosti,

ali zato malčiranje, frezanje, pasivat s linijon, košnja trimeron - tu je najjači 💪

Ima takovega dela cilo lito.

To je nešto ča se na krajnjen proizvodu ne vidi, a
bez svega tega ne bi bilo ni berbe jer

NE MORE RAST ONO ČA POSADIŠ KU JE OKOLO BARED!

Valje će nan počet šljive, breskve, jabuke, nar, dunje, grojze, ulike...

To znači da ćemo pomalon počet i s dostavama, a gremo u

📌 Pulu, Vodnjan, Žminj i Pazin

📌 Poreč, Badernu, Tinjan i Kičer

📌 Lupoglav, Preluk, Lovran, Voziliće, Labin i Potpićan

Anke dva samnja smo sigurni da ćemo odradit

📌 Žminjska Bartulja

📌 Učkarski samanj

Se vidimo! Kuraja!

20/07/2026

Mislin da je ovo ispalo puno bolje nego smo uopće mogli zamislit 🥰🤭

Ovega lita moreš ovo prelipo misto posjetit u sklopu radionica koje imamo, a jena od njih je 24.08 u suradnji s Punticom.

Nemoj da ti promakne, bit će hrane i pića 🥰

18/07/2026

Naša štorija počela je 2000. leta.

Tata je ima neku viziju dodatne zarade, a mama ga je podržala.

Kambijali su sve ča su do onda noneti delali, osim brajdah - one su ostale dan danas.

Nisu od drugih imali neke vele podrške jer niki do onda ni ima voće ku ne ono malo za se. Svi su imali krave, sijali šenicu i rabašpanju, sadili kumpire...

Bili su uporni, hrabri i težaki - to sve su anke dan danas. Samo ča uz sebe imaju anke troju dicu. Štimamo se. To je ono najlipče.

Ustvari san pred malo skužila da sve to delamo jer ljudima fali onega okusa voća iz nonetovih brajdi i onega mirisa iz nonine kuhinje.

Imamo za tebe friško voće u sezoni i štabele domaće proizvode
i najlipče mi je čut kad otpremo taj naš kombi komentare da kako to miriše ili da niste nanke došli doma, a skoro sve se je već pojilo.

To onda riva napred i znaš da su ljudi kapili ča i kako delaš.
Štabelo. Tako znamo, drugajče jako nanke ne.

Ča se tiče cilja dodatne zarade mislin da su zaradili više nego ča su mislili - fameju koja je skupa više nego ča je danas normalno i dicu koja ih stvarno štimaju i voliju kad su svi skupa.

I tako, karoca gre je reka Maružin, a novi projekti anke pa je tu neko izletište koje pomalon pomalon počinje bit jeno jako lipo misto za se frmat i popit i pojis ča dobrega.

Jer ku stojimo na mistu su rekli da pomalon počnemo hodit za nazad, a vero nismo tolika lita delali da bimo se tornali na huje.

Ostani s nami - sigurno će bit nečega anke za te 🤗

Address

Podmeja 46
Cerovlje
52402

Opening Hours

Monday	09:00 - 19:00
Tuesday	09:00 - 19:00
Wednesday	09:00 - 19:00
Thursday	09:00 - 19:00
Friday	09:00 - 19:00
Saturday	09:00 - 19:00

Telephone

+385995099916

Website

facebook.com

Alerts

Be the first to know and let us send you an email when OPG Dušić - voće posts news and promotions. Your email address will not be used for any other purpose, and you can unsubscribe at any time.

Contact The Business

Send a message to OPG Dušić - voće:

Want your business to be the top-listed Grocery Store in Cerovlje?