ENFO PLIS

03/08/2026

Nan kad ranfòsman Pati Politik Kongrè 18 Novanm, Prezidan Jèn pati a te òganize yon rankont ak yon gwoup etidyan jodia dimanche ki se 2 dawout la rankont sa moutre enpòtans angajman jenès la nan lavi politik ak devlopman peyi a.

Rankont sa te pèmèt patisipan yo pataje vizyon yo sou lidèchip, fòmasyon politik ak patisipasyon sitwayen. Pati Politik Kongrè 18 Novanm reafime angajman li pou kontinye mobilize ak fòme jèn yo pou yo vin aktè prensipal nan konstriksyon yon Ayiti ki pi djanm ak pi pwospè.

15/05/2026

Nan dat 15 me 2026 sa, se avèk anpil fyète ak emosyon OFAEDDH ap selebre 2 lane egzistans li depi kreyasyon li 15 me 2024. De zan angajman, de zan batay, de zan sakrifis pou akonpaye jèn yo, fòme yo epi pote espwa nan sosyete a.

Depi premye jou a, OFAEDDH te chwazi mache sou chemen konsyans, solidarite ak devlopman. Malgre difikilte peyi a ap travèse, òganizasyon an pa janm sispann kwè nan kapasite jenès la pou transfòme Ayiti. Se nan lespri sa anpil jèn te jwenn fòmasyon nan antreprenarya, kouti ak lòt domèn ki kapab ede yo vin itil tèt yo ak kominote yo.

Jodi a, pandan OFAEDDH ap make 2 lane li, se pa sèlman yon dat yo ap selebre, men se yon vizyon, yon espwa ak yon angajman politik pou yon lòt Ayiti. Yon Ayiti kote jèn yo jwenn opòtinite, kote tèt ansanm ranplase divizyon, epi kote devlopman vin tounen yon reyalite pou tout moun.

OFAEDDH rete kwè lavni peyi a dwe konstwi sou edikasyon, disiplin, lidèchip ak patisipasyon aktif jenès la. Paske ansanm, nou kapab debloke Ayiti epi prepare yon pi bon demen pou jenerasyon k ap vini yo.

15/05/2026

Nan yon anbyans fratènèl ak anpil respè, manm ak envite ki te prezan nan selebrasyon fèt OFAEDDH la te pwofite bèl moman sa pou selebre anivèsè Branly Garnier Lydent tou.

Prezans li nan aktivite a te bay plis valè ak enpòtans ak jounen an, kote plizyè jèn ak aktè politik te salye angajman li nan batay pou chanjman, tèt ansanm ak devlopman peyi a.

Nan diskou ki te fèt yo, anpil moun te mete aksan sou nesesite pou jèn yo rete ini, kontinye travay ansanm epi pote kontribisyon pa yo pou yon Ayiti miyò. Se te yon moman espesyal ki te makonnen selebrasyon, solidarite ak vizyon politik pou lavni.

15/05/2026

Nan yon anbyans fratènite, respè ak angajman pou devlopman sosyal peyi a, òganizasyon OFAEDDH te selebre fèt li avèk anpil emosyon ak fyète. Aktivite sa te rasanble plizyè manm, zanmi ak pèsonalite enpòtan ki kwè nan vizyon òganizasyon an pou ede jèn yo avanse.

Pami envite espesyal ki te make prezans yo nan okazyon sa, te genyen Elian Wilner ak Branly Garnier Lyden, de pèsonaj politik ki te vin pote sipò ak ankourajman yo pou travay OFAEDDH ap reyalize nan sosyete a.

Nan entèvansyon yo, yo te felisite responsab ak manm OFAEDDH yo pou efò y ap fè nan domèn fòmasyon, antreprenarya ak ankadreman jèn yo. Yo te souliye enpòtans inisyativ konsa nan moman peyi a bezwen plis estrikti serye pou ede jenès la jwenn espwa ak direksyon.

Fèt la te dewoule nan yon lespri tèt ansanm ak solidarite, kote plizyè manm te pwofite renouvle angajman yo pou kontinye travay pou avni òganizasyon an ak pou devlopman kominote yo. Se te yon moman espesyal kote anpil mesaj motivasyon ak vizyon pou yon Ayiti miyò te pataje.

Responsab OFAEDDH yo te remèsye tout envite, patnè ak sipòtè ki toujou kanpe bò kote òganizasyon an. Yo te fè konnen objektif yo rete menm jan : fòme, ankadre epi ede jèn yo devlope kapasite yo pou yo kapab patisipe nan konstriksyon yon nouvo Ayiti.

Fèt sa rete yon gwo siy espwa ak angajman pou lavni, pandan OFAEDDH ap kontinye ekri istwa li nan sèvis kominote a ak jenès ayisyèn nan.

15/05/2026

Reprezantan ofisyèl pati politik Angajman 18 Novanm lan ap pwofite salye epi felisite travay remakab òganizasyon OFAEDDH ap reyalize nan sosyete a.

Nan yon moman kote peyi a bezwen plis angajman, plis solidarite ak plis aksyon konkrè, OFAEDDH montre li pran responsablite li nan batay pou ede jèn yo jwenn fòmasyon ak espwa pou demen. Travay òganizasyon an ap fè nan domèn antreprenarya, kouti ak ankadreman jèn yo se yon gwo pa nan direksyon devlopman peyi a.

Pati politik Angajman 18 Novanm kwè fòmasyon ak konsyantizasyon jèn yo se youn nan pi gwo zam pou konbat chomaj, vyolans ak ensekirite kap ravaje sosyete a jounen jodi a. Se pou rezon sa nou apresye efò OFAEDDH ap fè pou prepare yon nouvo jenerasyon ki kapab pran responsabilite yo nan sosyete a avèk diyite ak disiplin.

Nou salye vizyon ak detèminasyon responsab OFAEDDH yo, espesyalman tout jèn gason ak jèn fi ki chwazi mete tèt yo ansanm pou travay nan enterè kominote a. Yon peyi pa ka avanse san estrikti serye ki deside mete enterè pèp la an premye.

Reprezantan ofisyèl Angajman 18 Novanm lan ankouraje OFAEDDH pou kontinye sou menm chimen angajman, inite ak devlopman an, paske se nan tèt ansanm nou kapab rebati Ayiti epi bay pèp la espwa ankò.

Viv jenès la!
Viv tèt ansanm!
Viv yon Ayiti ki chita sou fòmasyon, respè ak devlopman!

09/04/2026

Pèp la dwe pran konsyans ke galon la deja depase salè minimòm lan. Sa pa nòmal, sa pa jis, e sa montre klèman jan lavi a vin pi difisil pou majorite sitwayen yo. Lè yon travayè pa menm ka peye gaz pou deplase ak salè li touche, se yon siy ke sistèm nan bezwen chanje.

Nou pa ka kontinye viv nan yon sosyete kote pri lavi ap monte chak jou pandan revni pèp la rete menm jan. Sa mande desizyon serye, lidèchip responsab, ak mezi konkrè pou pwoteje diyite chak Ayisyen.

Se moman pou nou leve vwa nou, mande plis jistis sosyal, plis transparans, ak yon pi bon jesyon pou lavni peyi a.

Wilner Joseph

05/04/2026

05/04/2026

Nan non OFADH, nou swete tout pèp ayisyen an yon Bon Dimanche Pak.
Pak la pote mesaj espwa, renesans ak viktwa. Nan moman difisil sa yo, se nan inyon, fòs ak detèminasyon nou n ap jwenn chemen pou rebati peyi a.
Ansanm, ann leve Ayiti!
Kanon Darline
Coordinatrice OFADH