09/08/2024
Food Safety and Standards (FSS) Act 2006, Rules & Regulation 2011 in a sawi angin India ram chhunga mihring ei tur kaihhnawih a sumdawnna nei (ei tur zuar, eitur siam, etc) zawng zawng te’n FSSAI (Food Safety and Standards Authority of India) hnuaiah License/Registration an nei ngei ngei tur a ni a.
He channel hi chumi lama hriattur leh license/registration buaipui duh te tana tih dan tur in hrilhhriatna a ni.
Channel join tute kan lo lawm a che u!
Food Safety Office Address :
2nd Floor, Food & Drugs Section, Old DHS Building, Dinthar.
Food license hi chi thuma țhen a ni:
1. Registration – K*m khat chhunga sum lut zawng zawng 12 Lakhs aia tam lo te tan
2. State License - K*m khat chhunga sum lut zawng zawng 12 Lakhs – 20 Crores inkar te tan
3. Central License - K*m khat chhunga sum lut zawng zawng 20 Crores pel chin te tan
Sumdawnna nei tute hi Food Business Operator (FBO) tih an ni.
Food license dil dawn a document ngai te:
Registration:
1. Passport size photo – 1
2. ID Card (Voter ID / Driving License / Travel Passport / PAN Card / Arms License / Passbook / Freedom Fighter ID Card / Department ID / Aadhaar Card / Senior Citizen Card / Ration Card) xerox copy - 1
State License:
1. Proof of possession of premise (heihi kan dawr luah kha a neitu phalna leh hriatpuina nen ngei a an building luah sak kan ni tih entirna, eg. Rent Agreement. Kan dawr luah building kha kan ta anih chuan, dawr Electric Bill a hman theih. Dawr khan electric connection hranpa a neih loh chuan current pawhna te electric bill kha a hman theih.)
2. ID Card (Voter ID / Driving License / Travel Passport / PAN Card / Arms License / Passbook / Freedom Fighter ID Card / Department ID / Aadhaar Card / Senior Citizen Card / Ration Card) xerox copy – 1
Central License:
Hei hi chu a khirh deuh a, office lo tlawh phawt ni mai se.
Thil siam chawp, siam ni a ei zawh nghal tur hisap nilo,dahțhat theih tur siam te tan chuan kan thil siam te test tir phawt tur a ni a, State Food Testing Laboratory ah test tir phawt tur a ni.
State Food Testing Laboratory Address:
2nd Floor, Central Medical Store Building, Near Cancer Hospital, Zemabawk.
