10/08/2026
Sia Do Khup
@
Zogam Khanlawhna Hualpi 2 Na : (Evan. Langh Do Khup)
Ka lunglut penpen thu "English tawh thugen cih vai hi...
Dotnop thu in Sia Do Khup "Mangpau/English athei a thugen maw or Mangpau theilo in Kha Siangtho in theisak maw?" cih thu bel nakpit takin lunglut huai sa ing ei... no e leh...?
Ama Thangthutom
π
Langh Do Khup pen Kansau khua hi-in, tuiphum pawlpi mi ahi hi. Amah in 1990 k*min pianthakna ngah hi. Khangmoi lai ahih mah bangin, amah banga haksatna a nei khangnote vei mahmahin, a lawmte tawh Gospel pai ding kipan uh hi. Camping leh cialpite bawlin, khangno tampite in pianthakna ngah uh hi. A nasepna tungtawnin na lamdangte piang a, damna a ngah leh maang a mu mi tampi tak zong om uh hi (L. D. Khup 2008).
Gentehna-in, Buanli khua-ah innkuan kitam khinsa pen 1991 k*min gawmkik hi. Pumpi bup a zaw Hau Man in 1994 k*min Lamzang khua-ah damna ngahkik hi. Pasian' thu genna zong om het loin Muallum khua-ah 1994 k*min khanlawhna tung hi. Damlohna hanga k*m 21 sung tawntung lupna tung a ngak numei khatin Suangpi khua-ah 1996 k*min damna ngahin, dawivei nupi khat in 1997 k*min Kalemyo-ah damna ngah hi.
Lamzang khua a nupi sisa khat zong kihingkiksak hi. Cialpi a bawl lai-in, amaute pen Lamzang khua-ah a si dektak nupi khat adingin thungetsak dingin kisam hi. Thu a nget laitak un tua nu pen si-in, a inkuanpihte kap ngeingai uh hi.
Langg Do Khup leh a lawmte in tua nu khut tak lam lenin Pasian kiangah a hinkik nadingin nakpi takin thungen uh hi. Langh Do Khup in, "T**a aw, amah na nuntakkik sak madong a khut khah lo ding hi ing ci-in Pasian kal hi. Nakpi tak a thu a nget khit uh ciangin, tua nu pen hong nungta kik takpi hi (L. D. Khup 2008b).
Laitan sang a simloh hangin, Evan.Sia.Langh Do Khup pen thungen siamin, lasak leh laigelh zong siam mahmah hi. Gentehna-in, a laphuak "Itna Sisan Luangin" cih bang pen tuni dongin sumpi donna la-in kizang hi.
Lamdang Lua Aw, Lamdang Lua Sa'ng cih la-in zong Pasian itna hanga khangnote pianthakna thu gen hi. Laigelh mi zong ahi hi. Gentehna-in, a laibu gelh Hauhna leh Khansauna Thusim, 2000 k*ma Kha Siangtho lamlahna tawh a gelh pen Manipur University in College level a Paite pau laibu dingin 2007 k*min sang hi.
Langh Do Khup' video album Ngaih Anglai-ah, 2003 k*ma kisuaksak pen, zatui a zang khangno khatin Jesu a muhna limlahna hi a, Jesu angah khamuanna a muh mah bangin, tuhun khangnote adingin etteh ding lim hoihtak ahi hi (Kham Sian Pau 2007).
π1996 k*min Khitui Gospel Team phuanin in mite adinga khitui tam a luanzia a gennaa ahi hi. Hih Gospel Team pen Law Graduate Thang Khan Khen in makaih a, amaute in i Zogam leitaw lamah ah a om Dai mite lakah nasemin, 2007 k*m dongin missionary 13 bang sawl uh hi (L. D. Khup 2008).
1998 k*min Australia-ah Pasian thu gen dingin kisam a, amah in English in thu gen hi. Amah mah in zong, Kha Siangtho nasep hi, ci-in gen hi. Biakinn khat-ah minute 15 sung thugen dingin kisawl a, ahih hangin amah in nailang sung tak khawl het loin English in gensuak hi. Amah in India, Singapore, Malaysia, Japan leh Australia a om Zomite lakah thugen ngei hi. Cialpi 160 vei bawlin, sermon 1,310 bang 2007 k*m dongin gen hi (K. S. Pau 2007).
Source : GK Nang "Zomi Christianity and Cultural Transformation"
Page 172-173.
