Anil Malayath Chamravattam

21/09/2025

🙏🙏

21/09/2025

❤️❤️"കരയിപ്പിക്കുന്ന ബോർഡ് " 🧾❤️
പഴവർഗ്ഗങ്ങൾ അടുക്കിവെച്ച ആ ഉന്തുവണ്ടിയിൽ‌ എല്ലാ പഴങ്ങളുടേയും വില എഴുതി വെച്ചിരുന്നു.
കൂടാതെ ഒരു കാർബോർഡിൽ വൃത്തിയായി‌ ഇങ്ങിനെ എഴുതിയിരുന്നു...
“പ്രായമുള്ള എന്റെ ഉമ്മ വീട്ടിൽ തനിച്ചാണ്,
ഉമ്മയെ പരിചരിക്കാൻ എനിക് ഇടക്കിടക്ക് വീട്ടിലേക്ക് പോകേണ്ടി വരുന്നു.♥️

♥️ നിങ്ങൾക്ക് തിരക്കുണ്ടെങ്കിൽ
ആവശ്യമുള്ളത് തൂക്കിയെടുത്ത് തുക സൈഡിലുള്ള ചെറിയ പെട്ടിയിൽ ഇട്ടേക്കുക,
നിങ്ങളുടെ കൈയിൽ പണമില്ലെങ്കിൽ
എന്റെ വക ആവശ്യമുള്ളത് എടുത്ത് കൊള്ളുക"♥️

♥️അവൻ അങ്ങോട്ടുമിങ്ങോട്ടും നോക്കി
തുലാസിൽ ഓറഞ്ചും നേന്ത്രപ്പഴവും
തൂക്കിയെടുത്തു.
കാശിടാൻ പറഞ്ഞ പെട്ടി തുറന്ന്
നോക്കി.
അതിൽ നൂറിന്റേയും, അമ്പതിന്റേയും
മറ്റു നോട്ടുകളും വേറെയുമുണ്ടായിരുന്നു.
അവൻ തൂക്കിയെടുത്ത സാധനങ്ങളുടെ
വില നോക്കി കണക്ക് കൂട്ടി കാശ് പെട്ടിയിലിട്ടു.♥️

♥️ഫ്ലാറ്റിലെത്തിയ അവൻ
അനുജനോട്,
“ഞാൻ ഇപ്പോൾ വരാം"
എന്ന് പറഞ്ഞിറങ്ങി.
തിരിച്ചു വന്നപ്പോൾ അനുജൻ ചോദിച്ചു,
“എവിടെപ്പോയതാ ...”
“ഒരാൾക്ക് ഒരു സാധനം കൊടുക്കാൻ പോയതാണ്..”
പിന്നെ അവൻ പറഞ്ഞു,
“നമുക്ക് കുറച്ച് കഴിഞ്ഞ് ഒരിടം വരെ പോകണം,
ഞാൻ നിനക്ക് ഒരാളെ കാണിച്ചു തരാം”.♥️

♥️സന്ധ്യയായപ്പോൾ അനുജനേയും കൂട്ടി മാർക്കറ്റിൽ ചെന്നു.
ആ ഉന്തുവണ്ടിയുടെ കുറച്ചു ദൂരെ കാത്തിരുന്നു.
കുറച്ചു നേരം കഴിഞ്ഞപ്പോൾ
അവിടെ മദ്ധ്യവയസ്കനായ ഒരാൾ വന്നു.
താടി പകുതിയോളം നരച്ചിട്ടുണ്ട്
തുണിയും നീളം കുപ്പായവുമാണ് വേഷം.♥️

♥️അദ്ധേഹം വണ്ടി തള്ളി‌‌ പോകാനുള്ള ഒരുക്കത്തിലായിരുന്നു.
അവർ വേഗം നടന്നു അദ്ധേഹത്തിനരികിൽ എത്തി
അവരെ കണ്ടപ്പോൾ
പുഞ്ചിരിച്ച് കൊണ്ട് അദ്ധേഹം പറഞ്ഞു
“സർ,
എല്ലാം തീർന്നു‌‌ പോയല്ലൊ”.♥️

♥️പുഞ്ചിരിച്ച് കൊണ്ട് അവൻ പറഞ്ഞു
”സാരമില്ല”
“ഇക്കയുടെ പേരെന്താ?”
അദ്ധേഹം പറഞ്ഞു, “ഹുസൈൻ”
“ഇക്കയുടെ ഈ വണ്ടിയും ഈ
ബോർഡുമെല്ലാം?”♥️

“എന്താ ഇക്കയുടെ കഥ?"

♥️വണ്ടി തള്ളി നടക്കുന്നതിനിടയിൽ
അദ്ധേഹം പറഞ്ഞു....
“സർ,
കഴിഞ്ഞ ആറു വർഷമായി ഉമ്മ കിടപ്പിലാണ്"
“ഒന്നിനും കഴിയില്ല"
“ഇപ്പോൾ മാനസീകമായും ഉമ്മാക്ക്
ചില്ലറ പ്രയാസങ്ങളുണ്ട്"
“ഞാൻ ഉമ്മയുടെ ഒരേയൊരു മകനാ"
“എനിക്ക് മക്കളൊന്നുമില്ല"
“ഭാര്യ നേരത്തേ മരിച്ചു പോയി"
“ഉമ്മയ്ക്ക് വയ്യാണ്ടായപ്പോൾ എല്ലാവരും പറഞ്ഞതാ മറ്റൊരു കല്ല്യാണം കഴിക്കാൻ"
“ഞാൻ വേറെ കല്ല്യാണം കഴിച്ചില്ല,
എനിക്ക് പേടിയാ എന്റെ ഉമ്മയെ അവർ ശ്രദ്ധിച്ചില്ലെങ്കിലോ?”
“ഇപ്പോൾ ഞാനാണ് ഉമ്മയുടെ കാര്യങ്ങളെല്ലാം നോക്കുന്നത്”.
“പിന്നെ ഈ വണ്ടിയുടേയും ബോർഡിന്റേയും കഥ”
“ഉമ്മ കിടപ്പിലായി കുറച്ചു നാളുകൾക്ക് ശേഷം ഞാൻ ഒരു ദിവസം ഉമ്മയുടെ കാലുകൾ തടവി
കൊടുക്കുകയായിരുന്നു."
ഉമ്മയോട് പറഞ്ഞു,
“ഉമ്മാ..
എന്തെങ്കിലും പണിക്ക് പോകണമെന്നുണ്ട്,
കൈയിൽ ഒന്നുമില്ലുമ്മാ..,
ഉമ്മയാണെങ്കിൽ എന്നെ എവിടെയും പോകാൻ സമ്മതിക്കുന്നില്ലല്ലൊ..
ഞാൻ അടുത്തില്ലെങ്കിൽ ഉമ്മയ്ക്ക് പേടിയാകുന്നു എന്നല്ലേ ഉമ്മ പറയുന്നത്?"
“ഞാൻ എന്താണുമ്മ ചെയ്യേണ്ടത്?"
“ഉമ്മ തന്നെ പറ"
“വെറുതെയിരുന്നാൽ നമ്മുടെ ചിലവിനും,
ഉമ്മയുടെ മരുന്നിനുമെല്ലാം എവിടുന്നാണുമ്മാ കാശ് കിട്ടുക?".
ഒരു ഭാഗം തളർന്നു പോയ മുഖം കൊണ്ട് ഉമ്മ പുഞ്ചിരിക്കാൻ ശ്രമിച്ചു.
ചെറുതായി ഉയർത്താൻ കഴിയുമായിരുന്ന ഒരു കൈ വിറച്ചു കൊണ്ട് മുകളിലോട്ടുയർത്തി
കണ്ണുകൾ നിറഞ്ഞു
ഉമ്മ എന്തോ പ്രാർത്ഥിക്കുന്നത് പോലെ തോന്നി
മറ്റുള്ളവർക്ക് മനസ്സിലാക്കാൻ സാധിക്കില്ലെങ്കിലും എനിക്ക് മനസ്സിലാകുമായിരുന്നു ഉമ്മയുടെ സംസാരം.
പ്രാർഥനയ്ക്ക് ശേഷം ഉമ്മ പറഞ്ഞു.
“നീ ഒരു ഉന്തുവണ്ടിയിൽ
പഴങ്ങളും മറ്റും കൊണ്ട് പോയി
വില എഴുതി അവിടെ ഒരു ബോർഡും എഴുതി രാവിലെ കവലയിൽ കൊണ്ട് പോയി വെച്ചേക്ക്
രാത്രി പോയി എടുത്ത് കൊണ്ടു വന്നോളൂ..
അല്ലാഹു നമ്മെ വിഷമിപ്പിക്കില്ല"
ഞാൻ പറഞ്ഞു,
“ഉമ്മ എന്താണ് ഈ പറയുന്നത് അങ്ങിനെ അവിടെ വെച്ചാൽ സാധനവും ഉണ്ടാകില്ല കാശും ഉണ്ടാകില്ല”
“അങ്ങനെ ആരാ ഉമ്മാ സാധനങ്ങൾ തൂക്കിയെടുക്കാനും പൈസ കണക്കാക്കി
പെട്ടിയിലിടാനൊക്കെ തയ്യാറാവുക?"
ഉമ്മ പറഞ്ഞു,
“നീ ഞാൻ പറഞ്ഞത് അനുസരിച്ചാൽ മതി..
നിനക്ക് ഒരു നഷ്ടവും ഉണ്ടാകില്ല"
“സാർ ഉമ്മ ആ പറഞ്ഞിട്ട് ആറു വർഷത്തോളമായി..
ഉമ്മ പറഞ്ഞതനുസരിച്ച് വണ്ടിയിൽ
സാധനങ്ങൾ നിറച്ച് അതിരാവിലെ
കവലയിൽ കൊണ്ട് വെക്കുന്നു.
രാത്രിയിൽ തിരിച്ച് കൊണ്ട് വരുന്നു.
ഇതേ കച്ചവടം ചെയ്യുന്ന ഒരു കൂട്ടുകാരൻ
എല്ലാ ദിവസവും എനിക്കാവശ്യമുള്ള സാധനങ്ങൾ മാർക്കറ്റിൽ നിന്നും വാങ്ങി വീട്ടിൽ കൊണ്ട് വന്ന് തരുന്നു”
“എപ്പോഴും കണക്ക് കൂട്ടി നോക്കുമ്പോൾ
കാശ് കൂടുതലാണ് എനിക്ക് ലഭിക്കുന്നത്."
ആളുകൾ സാധനത്തിന്റെ വിലയേക്കാൾ കൂടുതൽ ആ പെട്ടിയിലിടുന്നു.
പലപ്പോഴും ചെറിയ തുണ്ടു കടലാസുകളും ഉണ്ടാവാറുണ്ട്
പെട്ടിയിൽ “പ്രാർത്ഥിക്കണം,
ഉമ്മയോട് പ്രാർത്ഥിക്കാൻ പറയണം
എന്നിങ്ങനെ എഴുതിയ തുണ്ടു കടലാസുകൾ"
കുറച്ചു ദിവസം മുമ്പ് ആരോ ഭക്ഷണം ആ പെട്ടിക്കരികിൽ വെച്ചിട്ട് പോയിരുന്നു
അതിനു മുകളിൽ എഴുതി വെച്ചിരുന്നു
“പ്രിയപ്പെട്ട ഉമ്മയ്ക്കും മകനും വേണ്ടി"
എന്ന്.
മറ്റൊരു ദിവസം ഒരു മോബൈൽ നമ്പർ എഴുതിയ കടലാസായിരുന്നു
അതിലെഴുതിയിരുന്നു,
“അങ്കിൾ,
ഉമ്മയെ ഹോസ്പിറ്റലിലോ മറ്റോ കൊണ്ട് പോകണമെങ്കിൽ ഈ നമ്പറിൽ വിളിച്ചോളു ഞാൻ വന്ന് കൊണ്ട് പോകാം”
മറ്റൊരു ദിവസം ഒരു മെഡിക്കൽ സ്റ്റോറുകാരൻ നമ്പർ എഴുതി വെച്ചിരുന്നു.
“ഉമ്മയ്ക്ക് മരുന്നുകൾ വല്ലതും ആവശ്യമുണ്ടെങ്കിൽ വിളിക്കണം,
കാശൊന്നും വേണ്ട,ഞാൻ എത്തിച്ചോളാം"
മറ്റൊരു ദിവസം ഉമ്മയ്ക്കാണെന്ന് പറഞ്ഞ് നല്ല ഒരു സാരി ആരോ വെച്ച് പോയിരുന്നു.
അങ്ങനെ ഇടക്കിടക്കുള്ള ദിവസങ്ങളിൽ എന്തെങ്കിലുമായിട്ടുണ്ടാകും.
പറഞ്ഞു നിർത്തി
ഒരു പ്ലാസ്റ്റിക് കവർ തുറന്നു
അദ്ധേഹം പറഞ്ഞു
“ഇത് നോക്കിയേ സർ"
ഇന്ന് ആരോ കൊണ്ട് വെച്ചതാ
മുന്തിയ തരം ഈത്തപ്പഴം..
റമദാൻ മാസമല്ലെ
നോമ്പ് തുറക്കുമ്പോൾ
ഇത് കൊണ്ട് തുറന്നോട്ടേന്ന് കരുതി
ആരോ കൊണ്ട് വെച്ച് പോയതാ.."
അത് പറഞ്ഞു അദ്ധേഹം പുഞ്ചിരിക്കുന്നത് കണ്ടപ്പോൾ
അവന് ഏറെ സന്തോഷം തോന്നി.
അദ്ധേഹത്തോട് യാത്ര പറഞ്ഞ്
തിരിച്ചു നടക്കുന്നതിനിടയിൽ
അനുജൻ ചോദിച്ചു
“ഇക്കാ..
ആ ഈത്തപ്പഴം, ഇക്കാ?"
അതെ എന്നർത്ഥത്തിൽ
അവൻ അനുജനെ നോക്കി തലായാട്ടി പുഞ്ചിരിച്ചു.
“അതിന്റെ പ്രതിഫലം
മരിച്ചു പോയ നമ്മുടെ ഉമ്മയ്ക്ക് ലഭിക്കുമായിരിക്കും അല്ലെ ഇക്കാ"
അത് പറയുമ്പോൾ അവന്റെ‌ കണ്ണുകൾ
നിറഞ്ഞിരുന്നു...♥️

നന്മ ഉള്ള മനസുകൾ ഇനിയും നിലനിൽക്കുന്നു ഭൂമിയിൽ... അവരാണ് കൂടുതൽ.... ഒന്നോ രണ്ടോ ഒറ്റപെട്ട അവസ്ഥകൾ കൊണ്ട് പ്രതീക്ഷ കൈവിടരുത്......

കടപ്പാട് :- നേരിട്ട് അറിയാത്ത ഒരു സുഹൃത്ത്....

10/08/2025

മോൾക്ക് ക്യാൻസറാണ് മോൻ വേറെ പെണ്ണ് നോക്കിക്കോളൂ.. അന്ന് ജസ്റ്റിൻ പറഞ്ഞ മറുപടി കേട്ട് ഫെബയുടെ അപ്പന്റെ കണ്ണുകൾ നിറഞ്ഞൊഴുകി🥹🥹👏👏

സ്നേഹത്തിന് ഏത് മാറാരോഗത്തേയും മാറ്റാനുള്ള കഴിവുണ്ട് എന്ന് പറയുന്നത് വെറുതേയല്ല. കൊട്ടാരക്കര സ്വദേശിയായ ഫേബ മരണത്തിന്റെ വക്കിൽ നിന്നും ക്യാന്സറിനെ അതിജീവിച്ചു തിരിച്ചു വന്നത് ഒരു മഹാത്ഭുതം എന്ന് തന്നെ പറയേണ്ടി വരും. 3 പെൺകുട്ടികളുള്ള ഒരു സാധാരണ കുടുംബത്തിലെ ഇളയ കുട്ടിയായിരുന്നു ഫേബ. പഠനം കഴിഞ്ഞു നിന്നപ്പോൾ തന്നെ ജസ്റ്റിൻ എന്ന യുവാവുമായി വിവാഹം ഉറപ്പിച്ചെങ്കിലും തന്റെ വീട് ഒന്ന് കരക്ക് എത്തിച്ചിട്ട് മതി വിവാഹം എന്ന തീരുമാനത്തിലായിരുന്നു ഫെബ.

അങ്ങനെയിരിക്കെ സൗദിയിൽ നേഴ്സ് ആയി ജോലി ശെരിയായി. ജോലി സ്ഥിരമായെന്ന് കണ്ടപ്പോൾ ഫെബ തന്റെ സ്വപ്നങ്ങൾ ഓരോന്നായി എത്തിപ്പിടിക്കാനുള്ള ശ്രമത്തിലായിരുന്നു. എന്നാൽ പെട്ടെന്നാണ് എല്ലാം മാറിമറിഞ്ഞത്. ചില ശാരീരിക അസ്വസ്ഥതകളെ തുടർന്ന് പരിശോധന നടത്തിയപ്പോഴാണ് തനിക്ക് കാൻസർ ആണെന്ന് ഫെബ തിരിച്ചറിഞ്ഞത്. തകർന്ന് പോയി ആ പെൺകുട്ടി.

വീടിന്റെ പണി, കാറിന്റെ ലോൺ, ഹൃദ്രോഗിയായ അപ്പൻറെ ചികിത്സ, തന്റെ ജോലിയെ മാത്രം ആശ്രയിച്ചു നാട്ടിൽ കഴിയുന്ന കുടുംബം, മാസങ്ങൾക്കപ്പുറം നടത്താൻ ഉറപ്പിച്ച വിവാഹം. ഇതെല്ലം ആ പെൺകുട്ടിയുടെ മനസ്സിലൂടെ കടന്നുപോയി. വല്ലാത്ത സങ്കടം തോന്നിയെങ്കിലും അവൾ കരഞ്ഞില്ല. ഉടനെ തന്നെ നാട്ടിലെത്തി തുടർപരിശോധനകൾ നടത്തി. ഹോഡ്ജ്കിൻസ് ലിംഫോമ എന്ന കാൻസർ ആണെന്ന് സ്ഥിരീകരിച്ചു. അന്നു വൈകിട്ടു തന്നെ ഫെബയുടെ പപ്പ ജസ്റ്റിന്റെ വീട്ടിൽ വിളിച്ചു. ‘മകൾക്കു കാൻസർ ആണ്, നിങ്ങളുടെ മകനു വേറെ വിവാഹം നോക്കിക്കോളൂ’ എന്നു പറഞ്ഞു. പക്ഷേ, ആരും വിചാരിക്കാത്തൊരു മറുപടി ആണ് അവരുടെ ഭാഗത്തു നിന്നും ഉണ്ടായത്.

"ജസ്റ്റിന് ഫെബയെ തന്നെ വിവാഹം കഴിച്ചാൽ മതി എന്നാണ് അവൻ പറയുന്നത്, ഫെബക്ക് ഇപ്പോൾ വേണ്ടത് മാനസിക പിന്തുണയാണ്, നമുക്ക് എത്രയും വേഗം ഈ വിവാഹം നടത്താം. അതാകുമ്പോൾ അവന് എപ്പോഴും അവക്കൊപ്പം ഉണ്ടായിരിക്കാൻ സാധിക്കുമല്ലോ." ജസ്റ്റിന്റെ അമ്മയുടെ വാക്കുകൾ കേട്ട് ഫെബയുടെ പിതാവിന്റെ കണ്ണുകൾ നിറഞ്ഞൊഴുകി. കാരണം ജീവൻ തിരിച്ചു കിട്ടുമോ എന്ന് പോലും ഉറപ്പില്ലാത്ത ഒരു അവസ്ഥയിലാണ് ജസ്റ്റിൻ ഫെബയെ സ്വീകരിക്കാൻ തയ്യാറാകുന്നത്. ബന്ധുക്കൾ വഴി ജസ്റ്റിനെ പിന്തിരിപ്പിക്കാൻ ശ്രമിച്ചെങ്കിലും തന്റെ തീരുമാനത്തിൽ നിന്നും പിന്മാറാൻ ജസ്റ്റിൻ തയ്യാറല്ലായിരുന്നു.

ചികിത്സ വൈകിപ്പിക്കാൻ കഴിയാത്തതുകൊണ്ട് തന്നെ അധികം വൈകിപ്പിക്കാതെ തന്നെ ബന്ധുക്കളെ വിളിച്ചു കൂട്ടി വിവാഹം നടത്തി. പിറ്റേ ദിവസം ഹണി മൂണായി നേരെ പോയത് വെല്ലൂരിലേക്ക് ചികിത്സക്കായി. വിവാഹം കഴിഞ്ഞു രണ്ടാം ദിവസം ബയോപ്സി ഫലവുമായി കാണാൻ വന്ന പുതുപ്പെണ്ണും ചെറുക്കനും അവിടുത്തെ ഡോക്ടർമാർക്ക് കൗതുകമായിരുന്നു. അർബുദം നാലാം സ്റ്റേജിലാണ്. പക്ഷേ പെറ്റ് സി ടി എടുത്ത ഡോക്ടർ പറഞ്ഞു " സാരമില്ല, നിങ്ങളിതിനെ അതിജീവിക്കും, നിങ്ങളുടെ ഈ ജീവിതകഥ ഒരുപാടു പേർക്ക് പ്രചോദനം ആയിരിക്കും". ആ വാക്കുകൾ വലിയ ആശ്വാസമായിരുന്നു.

പിന്നീടങ്ങോട്ട് കീമോയുടെയും വേദനയുടേയും ദിനങ്ങളായിരുന്നു. മോർഫിൻ എടുത്താൽ പോലും കുറയാത്ത വേദനയും ശർദിയുമായി ഫെബ കട്ടിലിൽ പുളയുമ്പോൾ താഴെ അവളുടെ ശർദിൽ കോരുന്ന ജസ്റ്റിനെ നോക്കി അവൾ അത്ഭുതപെട്ടിട്ടുണ്ട്. ഇതിനും മാത്രം സ്നേഹം ലഭിക്കാൻ താൻ എന്ത് പുണ്യമാണ് ചെയ്തതെന്ന് ഓർത്തു. ജസ്റ്റിന്റെ അച്ഛനും അമ്മയും ഒരുപാട് രാത്രികൾ അവൾക്കുവേണ്ടി ഉറക്കമിളച്ചു. ജോലി പോലും ഉപേക്ഷിച്ചു ഒരു കൊച്ചു കുഞ്ഞിനെ നോക്കുന്ന പോലെ ജസ്റ്റിൻ അവളെ നോക്കി. എപ്പോഴും കൂടെ കാണും. കുളിപ്പിക്കും. ഭക്ഷണം കഴിപ്പിക്കും. അൽപം ആശ്വാസം തോന്നുന്ന ദിവസങ്ങളിൽ അവളേയും കൊണ്ട് ചെറിയ യാത്രകൾ പോകും.

അങ്ങനെ 12 ആമത്തെ കീമോയും കഴിഞ്ഞ ആശ്വാസത്തിൽ ഇരിക്കുമ്പോഴാണ് ഗുരുതരമായ അണുബാധ പിടിപെടുന്നത്. ബിപിയും ഹൃദയമിടുപ്പുമെല്ലാം താളംതെറ്റി, മരുന്നുകളൊന്നും ഏൽക്കുന്നില്ല. അങ്ങനെ ജീവിതത്തിനും മരണത്തിനും ഇടയ്ക്കുള്ള നൂൽപ്പാലത്തിൽ കുറേ ദിവസങ്ങൾ കഴിച്ചു കൂട്ടിയെങ്കിലും അവൾ തിരിച്ചുവന്നു. കാരണം അവളുമൊത്തുള്ള ഒരു ജീവിതം പ്രതീക്ഷിച്ചു ഇരിക്കുന്ന ഒരുത്തൻ ഉണ്ട്. വിധിയെ തോൽപ്പിച്ച് അവൾക്ക് തിരിച്ചുവരാതെ ഇരിക്കാൻ ആകുമായിരുന്നില്ല. ഒരുപക്ഷേ അവരുടെ സ്നേഹത്തിന് മുന്നിൽ വിധി എഴുതിയ ദൈവം പോലും ഒന്ന് കണ്ണടച്ചിട്ടുണ്ടാകാം.

രോഗം ഭേദമായെങ്കിലും ഒരു കുഞ്ഞിനായി അഞ്ചു വർഷമെങ്കിലും കാത്തിരിക്കേണ്ടി വരുമെന്നായിരുന്നു ഡോക്റ്റർമാർ പറഞ്ഞത്. എന്നാൽ അവിടേയും അത്ഭുതം സംഭവിച്ചു, ആ വർഷം തന്നെ ഫെബ ഗർഭിണിയായി. കുഞ്ഞിനൊപ്പം ഒരു വലിയ ഫൈബ്രോയ്ഡ് കൂടി വളരുന്നത് ആശങ്ക ഉണ്ടാക്കിയെങ്കിലും ഒരു കുഴപ്പവുമില്ലാതെ 2024 മാർച്ചിൽ ഫെബ ഒരു ആൺകുഞ്ഞിന് ജന്മം നൽകി. ചില നേരങ്ങളിൽ അവനെ താലോലിക്കുമ്പോൾ ഇതു സ്വപ്നമാണോ യാഥാർഥ്യമാണോ എന്നു തോന്നാറുണ്ട്. അപ്പോഴൊക്കെ ബൈബിളിലെ ജോബിന്റെ പുസ്തകത്തിലെ വരികൾ മനസ്സിൽ എത്തും..."അവിടുന്നു മുറിവേല്‍പ്പിക്കും; എന്നാല്‍, വച്ചുകെട്ടും; അവിടുന്നു പ്രഹരിക്കും; എന്നാല്‍, അവിടുത്തെ കരം സുഖപ്പെടുത്തും."🥰🥰

10/08/2025

10/08/2025

Wow 🥰❤️👏

25/06/2025

ഒന്നാം ക്ലാസിൽ മുതൽ പന്ത്രണ്ടാം ക്ലാസ് വരെയുള്ള വിദ്യാർത്ഥികൾക്ക് ഇനിമുതൽ കെഎസ്ആർടിസിയിൽ സൗജന്യ യാത്ര 😍👌

ഒരുമാസം പരമാവധി 25 തവണയാണ് സൗജന്യ യാത്ര അനുവദിക്കുക. നേരത്തെ കൺസഷൻ കാർഡ് നൽകിയിരുന്നു. അതിന് 150 രൂപയായിരുന്നു ചാർജ്. ഇതിന് ചാർജ് ഉണ്ടാവില്ല എന്നു മാത്രമല്ല ചിപ്പ് ഉള്ള കാർഡ് ആണ് ഇത്തവണ നൽകുന്നത്. ❤️

ഒരു വിദ്യാർത്ഥിക്ക് ഒരു റൂട്ട് മാത്രമാണ് അനുവദിക്കുക. ഒന്നിലധികം ബസ് മാറി കയറിയിട്ടാണ് സ്കൂളിൽ എത്തുന്നത് എങ്കിൽ മുഴുവൻ റൂട്ടിലേക്ക് ആണ് കാർഡിൽ പ്രോഗ്രാം ചെയ്തു നൽകുക. 👌

ഈ തീരുമാനത്തെ നിങ്ങൾ അനുകൂലിക്കുന്നുണ്ടോ? 🤔🤔
Kadappad

04/05/2025

തിരുവനന്തപുരം കണ്ണൂർ ഭാഗങ്ങളിൽ നിന്ന് എറണാകുളം കാണാൻ എന്നേലും വന്നാൽ നിങ്ങൾക് കാണാൻ പോകാൻ പറ്റിയ ഒരു റൂട്ട് പറയട്ടെ..

എറണാകുളം സൗത്തിലോ നോർത്തിലോ ട്രെയിൻ ഇറങ്ങണം.. അവിടെ നിന്ന് ഭക്ഷണം കഴിച്ചിട്ട് അടുത്തുള്ള മെട്രോ സ്റ്റേഷനിൽ ചെന്ന് മഹാരാജസ് മെട്രോ സ്റ്റേഷനിലേക് ടിക്കറ്റ് എടുക്കണം.. അവിടെ നിന്ന് 10മിനിറ്റ് ഇട വിട്ട് ഇലക്ട്രിക് ഫീഡർ ബസ് കിട്ടും.. ഹൈ കോർട്ട് വാട്ടർ മെട്രോ സ്റ്റേഷനിലേക്..അവിടെ നിന്ന് വൈപ്പിൻ ടിക്കറ്റ് എടുത്തു വൈപ്പിൻ ഇറങ്ങിയാൽ ബീച്ചിൽ പോകാം.. അവിടെ ആഴമില്ലാത്ത പൊഴിയും തീരവും ഉണ്ട്.. കുട്ടികൾക്കും സ്ത്രീകൾക്കും ഒക്കെ കടലിൽ കുളിക്കാൻ ഒക്കെ കഴിയും.. ഡ്രസ്സ്‌ മാറ്റാൻ സൗകര്യം ഇല്ല എന്നത് ഒരു കുറവാണ്.. വൈപ്പിൻ ബീച്ചിന്റെ മറുകര ഫോർട്ട്‌ കൊച്ചി ബീച് ആണ്..

അവിടെ നിന്ന് തിരിച്ചു വാട്ടർ മെട്രോ സ്റ്റേഷനിൽ എത്തിയാൽ സൈഡിൽ തന്നെ എറണാകുളം ബോട്ട് ജെട്ടിയിലേക്ക് ബോട്ട് കിട്ടും.. അതിൽ കയറി എറണാകുളം ബോട്ട് ജെട്ടിയിൽ ഇറങ്ങി മെയിൻ റോഡിൽ നിന്ന് വലത്തേക്ക് നടന്നാൽ സുഭാഷ് പാർക്ക്‌ ആയി.. കുട്ടികളുമായി കളിച്ചു.. കായൽ ഭംഗി ഒക്കെ ആസ്വദിച്ചു.. ഭക്ഷണവും കഴിച്ച് അവിടെ നിന്ന് നടന്നു മഹാരാജാസ് മെട്രോ സ്റ്റേഷനിലേക്ക് നടക്കാവുന്ന ദൂരമേ ഉള്ളൂ.. അവിടെ നിന്ന് ലുലുവിൽ ഇടപ്പള്ളി ടികറ്റ് എടുത്താൽ ലുലുവിൽ പോകാം.. ലുലുവും കണ്ട് ഇറങ്ങി അതേ മെട്രോ സ്റ്റേഷനിൽ നിന്ന് ടികറ്റ് എടുത്തു സൗത്തിലോ നോർത്തിലോ എത്തിയാൽ തിരിച്ചുള്ള ട്രെയിൻ പിടിക്കാം..

ലുലുവിൽ നിന്ന് സൗത്ത് സ്റ്റേഷനിലേക് അല്ലേൽ നോർത്തിലേക് വരുന്നത് ആണ് നല്ലത് കാരണം റെയിൽ വേ സ്റ്റേഷന് അടുത്താണ് മെട്രോ സ്റ്റേഷൻ.. ആലുവക്ക് പോയാൽ പിന്നെയും റെയിൽ വേ സ്റ്റേഷനിൽക് ഓട്ടോ വിളിച്ചു പോകേണ്ടി വരും

മെട്രോ ആണല്ലോ മറ്റു ജില്ലയിൽ ഇല്ലാത്ത ഏക സാധനം.. മാളുകൾ അടക്കം എല്ലാം എല്ലായിടത്തും ഉണ്ട്. കുട്ടികൾക്കു ഒരു സന്തോഷം.. ഒരു യാത്രയും..

നമുക്കിനി ചിലവ് കൂടെ നോക്കാം ഒരാൾക്കു വച്ചു..

ട്രെയിൻ സ്ലീപ്പർ -145-200 (Tvm /Kannur to ekm )
Food അവരവരുടെ ഇഷ്ടം
റെയിൽവേ സ്റ്റേഷൻ to മഹാരാജാസ് മെട്രോ - 10Rs
മഹാരാജാസ് to ഹൈകോർട്ട് വാട്ടർ മെട്രോ ഇലക്ട്രിക് ഫീഡർ ബസ് -20Rs

ഹൈ കോർട്ട് to വൈപ്പിൻ വാട്ടർ മെട്രോ -40Rs

വൈപ്പിൻ ബോട്ട് ജെട്ടി to ekm ബോട്ട് ജെട്ടി -6Rs(വെറും ആറു രൂപ )

അവിടെ നിന്നും സുഭാഷ് പാർക്ക്‌ ഓർ മറൈൻ ഡ്രൈവ് ടിക്കറ്റ് ഇല്ല..

അവിടെ നിന്ന് നടന്നു മഹാരാജാസ് മെട്രോ സ്റ്റേഷൻ to ലുലു mall ടിക്കറ്റ് -30Rs

ലുലു മൾ to റയിൽവേ സ്റ്റേഷൻ ടികറ്റ് -30Rs

തിരികെ ഉള്ള ട്രെയിൻ -145Rs-200Rs

Total 600Rs ചിലവ്..

തൊട്ടതിനും പിടിച്ചതിനും ടാസ്ക്കി വിളിച്ചാൽ ചിലവ് കൂടും.. ഒരു സ്ഥലം കാണാൻ വരുമ്പോൾ നടന്നു കാണാൻ മനസ്സുണ്ടാകണം അന്നേരം ആ യാത്ര കുറച്ചു കൂടി കാര്യങ്ങൾ നമ്മളെ കാണിച്ചു തരും

04/05/2025

ഏകദേശം 2,200 വർഷങ്ങൾക്ക് മുമ്പ്, ഒരു മനുഷ്യൻ ഒരു കുറ്റിയും നിഴലും ഉപയോഗിച്ച് ഭൂമിയുടെ വലുപ്പം അളന്നു.
ക്രി.മു. മൂന്നാം നൂറ്റാണ്ടിൽ, ഈജിപ്തിലെ അലക്സാണ്ട്രിയ നഗരത്തിൽ എററ്റോസ്തനിസ് എന്നൊരാൾ ജീവിച്ചിരുന്നു. ചിലർ അവനെ "ബീറ്റ" എന്ന് വിളിച്ച് പരിഹസിച്ചു, അതായത് എല്ലാത്തിലും രണ്ടാമനെന്ന്. പക്ഷേ, അവൻ അറിവിന്റെ കാര്യത്തിൽ ഒന്നാമനായിരുന്നു.
നക്ഷത്രശാസ്ത്രജ്ഞൻ, ഭൂമിശാസ്ത്രജ്ഞൻ, തത്ത്വചിന്തകൻ, കവി, ചരിത്രകാരൻ, ഗണിതശാസ്ത്രജ്ഞൻ, അലക്സാണ്ട്രിയയിലെ മഹാഗ്രന്ഥശാലയുടെ മേധാവി — ഒരു യഥാർത്ഥ പോളിമാത്ത്, നവോത്ഥാനകാലത്തിന് നൂറ്റാണ്ടുകൾക്ക് മുമ്പേ.
ഒരു ദിവസം, ഒരു ചുരുളിൽ അവൻ വായിച്ചു: സൈനി (ഇന്നത്തെ അസ്വാൻ) എന്ന സ്ഥലത്ത്, ജൂൺ 21-ന്, വേനൽക്കാല സംക്രാന്തി ദിനത്തിൽ, ഉച്ചസമയത്ത് ഒരു നേർക്കുറ്റി നിഴൽ വീഴ്ത്തിയില്ല. സൂര്യൻ നേരിട്ട് മുകളിൽ നിന്നിരുന്നു. എന്നാൽ, അലക്സാണ്ട്രിയയിൽ, അതേ ദിവസവും സമയവും, കുറ്റി ഒരു നിഴൽ വീഴ്ത്തി.
മറ്റുള്ളവർ ഈ വിശദാംശം അവഗണിക്കുമായിരുന്നെങ്കിലും, എററ്റോസ്തനിസ് അതിൽ പ്രപഞ്ചരഹസ്യം കണ്ടു.
അവൻ ചിന്തിച്ചു:
ഭൂമി പരന്നതാണെങ്കിൽ, സൂര്യകിരണങ്ങൾ രണ്ട് കുറ്റികളിലും ഒരേപോലെ പതിക്കും നിഴലുകൾ ഒരുപോലെയാകും. പക്ഷേ, അവ വ്യത്യസ്തമായിരുന്നു.
എന്താണ് ഈ വ്യത്യാസത്തിന് കാരണം?
ഒരു വളഞ്ഞ ഭൂമി മാത്രം.
അലക്സാണ്ട്രിയയിലെ നിഴലിന്റെ കോൺ അവൻ അളന്നു. അത് ഏകദേശം 7 ഡിഗ്രിയായിരുന്നു — ഒരു പൂർണവൃത്തത്തിന്റെ 1/50 ഭാഗം.
സൈനിയും അലക്സാണ്ട്രിയയും തമ്മിലുള്ള ദൂരം അളക്കാൻ അവൻ ഒരാളെ നിയോഗിച്ചു: ഏകദേശം 800 കിലോമീറ്റർ.
പിന്നെ അവൻ കണക്കുകൂട്ടി:
800 കി.മീ. × 50 = 40,000 കി.മീ. — ഭൂമിയുടെ ചുറ്റളവ്.
അത്ഭുതകരമാംവിധം കൃത്യമായിരുന്നു ഈ കണക്ക്.
സാറ്റലൈറ്റുകളില്ല. ടെലിസ്കോപ്പുകളില്ല. കാൽക്കുലേറ്ററുകളില്ല.
നിരീക്ഷണം, കൗതുകം, "എന്തുകൊണ്ട്?" എന്ന ചോദ്യം ചോദിക്കാൻ ധൈര്യമുള്ള ഒരു മനസ്സ് — ഇത്രമാത്രം.
ഒരു കുറ്റിയുടെ നിഴൽ നോക്കി, ഒരു ഗ്രഹത്തിന്റെ വലുപ്പം ആദ്യമായി കണക്കാക്കിയ വ്യക്തിയായി എററ്റോസ്തനിസ്.

©️ Carl Sagan

19/04/2025

പൊന്നനിയാ താഴെയിറങ്ങ്❤️
ഫറൂഖ് പുതിയ പാലത്തിന് മുകളിൽ നിന്നും ആത്മഹത്യ ഭീഷണി നടത്തിയ യുവാവ് മാറാട് പോലീസ് സംഘത്തിന്റെ കൈ പിടിച്ച് ജീവിതത്തിലേക്ക്.

19/04/2025

ശ്രീലങ്കയിൽ വച്ചു നടന്ന പഴയ ഒരുസ്റ്റേജ് പ്രോഗ്രാമിൽ ഗാനഗന്ധർവ്വനോടൊപ്പം ബേബി സുജാതയും പാടിയപ്പോൾ 💕a short clip 🎸💕... 🙏
Video courtesy
Sg Abhilash