mllate_barzan

26/05/2026

26/05/2026

بەبۆنەی جەژنی پیرۆزی قوربانەوە، گەرمترین پیرۆزبایی ئاراستەی مەرجەعی باڵای نیشتمانمان، ڕێزدار جەنابی سەرۆک مەسعود بارزانی دەکەین، کە هەمیشە چەتری ئیرادە و ناسنامەی گەلەکەمان بووە لە قۆناغە سەختەکاندا. سەری ڕێز لەبەردەم بنەماڵەی سەربەرزی شەهیداندا دەچەمێنینەوە و سڵاو بۆ پێشمەرگە قارەمانەکان، خەڵکی کوردستان و سەرجەم موسڵمانان دەنێرین.

ئومێدەوارین ئەم بۆنە پیرۆزە، ببێتە وەرچەرخانێکی نوێ بۆ چەسپاندنی تەبایی، ئارامیی سیاسی و سەقامگیریی کۆمەڵایەتی، و دەروازەیەکی ڕوون بێت بۆ بەدیهاتنی تەواوی ئاواتە باڵا و مافە ڕەواکانی گەلەکەمان.
دووبارە جەژنی هەمووان پیرۆز بێت، و هەمیشە لە خۆشی و تەبایی دا بژین.

23/05/2026

لەسەر ڕاسپاردەی بەڕێز جەنابی سەرۆک مەسعود بارزانی پرۆژەیەکی خزمەتگوزاری تایبەت بە کریستیانان کە لە لایەن نووسینگەی مەلامستەفا بارزانی جێبەجێکرابوو لە گوندی هاودیان کرایەوە.

‎له‌ چوارچێوه‌ی دیدگا و ستراتیژییه‌تی نیشتمانیی بەڕێز جه‌نابی سه‌رۆك مه‌سعود بارزانی بۆ قووڵكردنه‌وه‌ی بنەماکانی پێكه‌وه‌ژیان، ئەمڕۆ شەممە، لە شارۆچکەی هاودیانی سەر بە ئیدارەی سەربەخۆی سۆران، بە ئامادەبوونی بەڕێز مەلامستەفا بارزانی، لە ڕێوڕەسمێکی شایستەدا کە تێیدا بەڕێز پاتریارکی کەنیسەی ڕۆژهەڵاتی ئاشووری لە جیهان (مار ئاوا)ـی سێیەم، بەرپرسانی باڵای ئیداری، حکومی و ژمارەیەک لە خوشک و برایانی کریستیانی ناوچەکە ئامادەی بوون، کۆمەڵگەی خزمەتگوزاری و هۆڵی (مار ئۆراهام) بە فەرمی کرایەوە.

ئەم پرۆژەیە، پێکهاتووە لە:
- هۆڵێکی شایستە و مۆدێرن تایبەت بە بۆنەکان.
- ⁠ یاریگایەکی وەرزشی.
- ⁠هۆڵێکی داخراوی وەرزشی.
وەک دیاری و سۆزێکی شکۆدار، پێشکەش بە خوشک و برایانی کریستیانی ڕەسەن و دێرینی گوندی هاودیان کرا.

ئەم دەستپێشخەرییە، ڕەنگدانەوەی ڕاستەوخۆی بنەما نەگۆڕ و فەلسەفەی قووڵ و مێژوویی ڕێبازی پیرۆزی بارزانە، کە هەمیشە دادپەروەریی کۆمەڵایەتی، ڕێزگرتن لە فرە-ئایینی و پاراستنی شکۆی مرۆڤی وەک ناسنامەیەکی نیشتمانیی باڵا چەسپاندووە، بە جێبەجێکردنی ئەم پڕۆژەیەش قووڵکردنەوەی ئەو مەودا ڕۆحی، مرۆیی و مێژووییەیە کە نەوە لە دوای نەوە، ئاشتیی کۆمەڵایەتی و یەکڕیزیی نیشتمانیی لەم خاکەدا وەک ناسنامەیەکی جێگیر و نەگۆڕ پاراستووە.


٢٣ـی ئایاری ٢٠٢٦