20/06/2026
ការធ្វើជា «មេ» (Boss) ឬ «អ្នកដឹកនាំ» (Leader) ដែលល្អ និង
ទទួលបានការគោរពស្រឡាញ់ពីកូនចៅ គឺទាមទារទាំងចំណេះដឹង និងសិល្បៈក្នុងការប្រកបកិច្ចការងារ។ ដើម្បីកុំឱ្យក្លាយជាមេដែលបរាជ័យ ឬដឹកនាំគេមិនស្ដាប់ នេះជា ៩ ចំណុចសំខាន់ៗដែលអ្នកដឹកនាំ «មិនគួរធ្វើដាច់ខាត»៖
១. មិនស្ដាប់យោបល់កូនចៅ (យកគំនិតខ្លួនឯងជាធំ)
អ្វីដែលមិនគួរធ្វើ៖ គិតថាខ្លួនឯងជាមេ ដឹងគ្រប់យ៉ាង ត្រូវគ្រប់រឿង ហើយបដិសេធរាល់មតិយោបល់ ឬការរិះគន់ក្នុងន័យស្ថាបនារបស់ក្រុមការងារ។
ផលប៉ះពាល់«ធ្វើឱ្យកូនចៅបាក់ទឹកចិត្ត លែងហ៊ានបញ្ចេញគំនិតច្នៃប្រឌិត និងមានអារម្មណ៍ថាខ្លួនឯងមិនសំខាន់»។
២. គ្រប់គ្រងខ្លាំងពេក (Micromanagement)
អ្វីដែលមិនគួរធ្វើ៖ តាមដានគ្រប់ពេលវេលា ចាប់កំហុសសូម្បីតែរឿង
តូចតាច និងមិនទុកចិត្តឱ្យកូនចៅធ្វើសម្រេចចិត្តលើការងារដែលបាន
ប្រគល់ឱ្យ។
👉ផលប៉ះពាល់៖ សម្លាប់ភាពម្ចាស់ការ និងសមត្ថភាពដោះស្រាយបញ្ហារបស់បុគ្គលិក ធ្វើឱ្យពួកគេមានសម្ពាធខ្លាំង។
៣. យកគាប់គួរម្នាក់ឯង ទម្លាក់កំហុសឱ្យអ្នកដទៃ
អ្វីដែលមិនគួរធ្វើ៖ នៅពេលការងារបានជោគជ័យ យកមុខមាត់ និង
ការសរសើរមកដាក់ខ្លួនម្នាក់ឯង ប៉ុន្តែនៅពេលមានបញ្ហា ឬខុសឆ្គង បែរជាទម្លាក់កំហុស និងស្តីបន្ទោសឱ្យកូនចៅ។
👉ផលប៉ះពាល់៖ បាត់បង់ទំនុកចិត្ត និងការគោរពពីក្រុមការងារទាំងស្រុង។
៤. លម្អៀង និងគ្មានតម្លាភាព
អ្វីដែលមិនគួរធ្វើ គឺស្រឡាញ់កូនចៅមិនស្មើគ្នា លើកជើងតែអ្នកណាដែលចេះអែបអប ឬផ្តល់តម្លៃលើបក្សពួកនិយម ជាងសមត្ថភាពការងារពិតប្រាកដ។
👉ផលប៉ះពាល់៖ បង្កើតឱ្យមានការបែកបាក់សាមគ្គីភាព និងការច្រណែនឈ្នានីសនៅក្នុងស្ថាប័ន។
៥. ប្រើអំណាច ឬអារម្មណ៍ក្នុងការដោះស្រាយបញ្ហា
អ្វីដែលមិនគួរធ្វើ និយមប្រើមាត់ធំៗ ស្រែកគំហក ប្រើពាក្យសម្តីមើលងាយ ឬយកអារម្មណ៍ខឹងសម្បារផ្ទាល់ខ្លួនមកដាក់លើការងារ។
👉ផលប៉ះពាល់៖ បង្កើតបរិយាកាសការងារដែលពោរពេញដោយការភ័យខ្លាច មិនមែនការគោរពឡើយ។
៦. មិនឲ្យតម្លៃ និងមិនលើកទឹកចិត្ត
អ្វីដែលមិនគួរធ្វើ គិតថាការដែលកូនចៅខំធ្វើការគឺជារឿងកាតព្វកិច្ច (ព្រោះបានប្រាក់ខែ) ដោយមើលរំលងការសរសើរ ការផ្តល់រង្វាន់
លើកទឹកចិត្ត ឬការដំឡើងតំណែងដល់អ្នកដែលមានស្នាដៃ។
👉ផលប៉ះពាល់៖ បុគ្គលិកពូកែៗនឹងដើរចេញ (Turnover ខ្ពស់) ព្រោះមានអារម្មណ៍ថាការខំប្រឹងរបស់ពួកគេគ្មានតម្លៃ។
៧. និយាយច្រើនជាងធ្វើ (មិនធ្វើជាគំរូ)
អ្វីដែលមិនគួរធ្វើ៖ បញ្ជាឱ្យកូនចៅធ្វើរឿងនេះរឿងនោះ (ដូចជា មកធ្វើការឱ្យទាន់ពេល គោរពវិន័យ) ប៉ុន្តែខ្លួនឯងជាមេ បែរជាធ្វើផ្ទុយពីអ្វីដែលខ្លួនឯងនិយាយ។
👉ផលប៉ះពាល់ ពាក្យសម្តី និងបទបញ្ជារបស់មេនឹងបាត់បង់ទម្ងន់ គ្មានអ្នកណាចង់ធ្វើតាម។
៨. មិនច្បាស់លាស់ និងផ្លាស់ប្តូរគោលការណ៍តាមចិត្ត
អ្វីដែលមិនគួរធ្វើ គឺគ្មានគោលដៅច្បាស់លាស់ ព្រឹកនិយាយផ្សេង
ល្ងាចនិយាយផ្សេង ធ្វើឱ្យកូនចៅវង្វេង មិនដឹងថាត្រូវដើរទៅទិសដៅណា។
👉ផលប៉ះពាល់៖ ខាតបង់ពេលវេលា ថាមពល និងធ្វើឱ្យការងារមិនមិនមានប្រសិទ្ធភាព។
៩. រារាំងការរីកចម្រើនរបស់កូនចៅ
អ្វីដែលមិនគួរធ្វើ ខ្លាចកូនចៅចេះជាងខ្លួន ខ្លាចគេបានតំណែងខ្ពស់ជាង ទើបព្យាយាមលាក់ចំណេះដឹង ឬមិនព្រមបណ្តុះបណ្តាលពួកគេបន្ថែម។
👉ផលប៉ះពាល់៖ ស្ថាប័នទាំងមូលនឹងនៅទ្រឹងមួយកន្លែង ព្រោះគ្មានការអភិវឌ្ឍធនធានមនុស្ស។
🧠មេដែលល្អ (Leader) គឺប្រើ "ឥទ្ធិពល និងការដឹកនាំ" ដើម្បីឱ្យកូនចៅដើរតាមដោយស្ម័គ្រចិត្ត ចំណែកឯមេដែលមិនល្អ (Boss) គឺប្រើតែ "អំណាច និងការបង្គាប់បញ្ជា" ដើម្បីឱ្យគេខ្លាចតែប៉ុណ្ណោះ
