ລາວວັນໃໝ່ Laowanmai

26/06/2025

ກອງປະຊຸມສະໄໝສາມັນເທື່ອທີ 9 ປິດລົງດ້ວຍຜົນສໍາເລັດຢ່າງຈົບງາມ

ຕອນບ່າຍວັນທີ 26 ມິຖຸນານີ້ ທີ່ຫໍປະຊຸມໃຫຍ່ 2 ທັນວາສະພາແຫ່ງຊາດ, ກອງປະຊຸມສະໄໝສາ ມັນເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ປິດລົງດ້ວຍຜົນສຳເລັດອັນຈົບງາມ ໂດຍການເປັນປະທານຂອງທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ; ເຂົ້າຮ່ວມມີທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ; ບັນດາທ່ານການນໍາຂັ້ນສູງ ແລະ ອະດີດການນໍາຂັ້ນສູງຂອງພັກ-ລັດ, ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ, ບັນດາທ່ານສະມາຊິກລັດຖະບານ, ສະມາຊິກສະພາແຫ່ງຊາດ (ສສຊ) ຈາກ 18 ເຂດເລືອກຕັ້ງ ແລະ ແຂກຖືກເຊີນ.

ໃນວາລະສຸດທ້າຍຂອງການປະຊຸມ, ທ່ານ ນາງ ອຳໄພວອນ ລ້ອມບຸນແພງ ເລຂາທິການສະພາແຫ່ງຊາດ ໄດ້ຂຶ້ນຜ່ານມະຕິວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບ ປະມານແຫ່ງລັດ ແລະ ແຜນເງິນຕາ 6 ເດືອນທ້າຍປີ ແລະ ແຜນການ 6 ເດືອນທ້າຍປີ 2025; ຈາກນັ້ນ, ບັນດາທ່ານ ສສຊ ໄດ້ສຸມໃສ່ປະກອບຄຳຄິດຄຳເຫັນ ແລະ ລົງຄະແນນສຽງຮັບຮອງເອົາດ້ວຍຄະແນນສຽງເຫັນດີເປັນເອກະພາບ.

ຕອນທ້າຍກອງປະຊຸມ, ທ່ານ ປອ. ໄຊສົມພອນ ພົມວິຫານ ໄດ້ກ່າວສູນທອນພົດປິດກອງປະຊຸມສະໄໝສາ ມັນເທື່ອທີ 2 ຂອງສະພາແຫ່ງຊາດ ຊຸດທີ IX ຢ່າງເປັນທາງການ.

ຈາກ:ລາວໂທລະໂຄ່ງ

25/06/2025

ສານຈີນ(ມີມະຕິເອກະສັນ)ປະຫານຊີວິດອາດິດຜູ້ບັນຊາການຕຳຫຼວດປາບປາຢາເສບຕິດ ຮັບສິນບົນ552ລ້ານບາດ(ປະມານ364ຕື້ກີບ)

25/06/2025

ປະກາດແຕ່ງຕັ້ງ ລັດຖະມົນຕີກະຊວງ ໂຍທາທິການ ແລະ ຂົນສົ່ງ ຜູ້ໃໝ່

ຕອນເຊົ້າຂອງວັນທີ 25 ມິຖຸນາ 2025 ໃນວາລະກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ປະກາດແຕ່ງຕັ້ງ ທ່ານ ເຫລັກໄຫລ ສີວິໄລ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງເຊກອງ ເປັນລັດຖະມົນຕີກະຊວງໂຍທາທິການ ແລະ ຂົນສົ່ງ (ຜູ້ໃໝ່).

ຍົກຍ້າຍ ທ່ານ ງາມປະສົງ ເມືອງມະນີ ລັດຖະມົນຕີກະຊວງ ໂຍທາທິການ ແລະ ຂົນສົ່ງ (ຜູ້ເກົ່າ) ໄປຮັບໜ້າທີ່ໃໝ່ຕາມການຕົກລົງຂອງລັດຖະບານ
ທີ່ມາ:ໜັງສືພີມລາວພັດທະນາ

25/06/2025

ວີຊາການເພີ່ນອອກມາອະທິບາຍແລ້ວ
#ລໍຖ້າເບີ່ງນຳກັນດັ່ງທີ່ເພີ່ນກ່າວໄວ້ບໍ່

ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ
---
ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດເພື່ອພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ການສັນຈອນໄປມາມີຄວາມສະດວກສະບາຍ ຕິດພັນກັບໂຄງ ການພັດທະນາດັ່ງກ່າວ, ທາງໂຄງການຈຶ່ງໄດ້ມີການສຶກສາສຳຫຼວດຕໍ່ຜົນກະທົບຂອງຕົ້ນໄມ້ທີ່ຢູ່ລຽບເສັ້ນທາງຖະໜົນເສດຖາທິຣາດໄປພ້ອມໆກັນ ຊຶ່ງລ້ວນແຕ່ເປັນຕົ້ນໄມ້ທີ່ສູງໃຫຍ່ມີອາຍຸ 100 ປີ. ດັ່ງນັ້ນ, ຈຶ່ງໄດ້ມີການຕັດຮອນງ່າໄມ້, ຟື້ນຟູຮາກຕົ້ນໄມ້ ເພື່ອບໍາລຸງຮັກສາຕົ້ນໄມ້ໃຫ້ມີຄວາມສວຍງາມ ແລະ ຍືນຍົງ ເພື່ອຄວາມປອດໄພຂອງປະຊາຊົນໃນການສັນຈອນໄປມາ.

ທ່ານ ດວງຕາ ບົວລະວົງ ຮອງພາກວິຊາເສດຖະສາດເຕັກໂນໂລຊີປຸງແຕ່ງໄມ້, ຊ່ຽວຊານອຸດສາຫະກຳປຸ່ງແຕ່ງໄມ້ ແລະ ພັດທະນາຜະລິດຕະພັນ ໄດ້ຊີ້ແຈງຕໍ່ຂໍ້ຂ້ອງໃຈຂອງສັງຄົມ ຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດຕໍ່ສື່ມວນຊົນໃນວັນທີ 24 ມິຖຸນາ ນີ້ ວ່າ: ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດ ພ້ອມທັງເປັນການຕັດຮອນກິ່ງງ່າໄມ້ໃຫ້ມັນແຕກພຸ່ມໃໝ່ໃນໄລຍະລະດູຝົນ ທັງເປັນການອະນຸລັກປົກປັກຮັກສາຕົ້ນໄມ້ທີ່ມີອາຍຸ 100 ປີໃຫ້ມີຄວາມຍືນຍົງ, ຄຽງຄູ່ກັບການປ້ອງກັນຄວາມປອດໄພ ແລະ ອຸບັດເຫດທີ່ອາດຈະເກີດຂຶ້ນຂອງປະຊາຊົນ ຈຶ່ງຈໍາເປັນຕ້ອງໄດ້ມີການຕັດຮອນກິ່ງງ່າໄມ້ອອກ.

ທ່ານກ່າວໃຫ້ຮູ້ອີກວ່າ: ຕໍ່ບັນຫາການຕັດຕົ້ນໄມ້ທີ່ສັງຄົມມີຄວາມກັງວົນຢ້ານມັນຕາຍ, ຜ່ານການທົດລອງມາຫຼາຍເຂດຢູ່ໂສກປ່າຫຼວງ, ໂຮງໝໍມະໂຫສົດ, ຢູ່ແຂວງຄຳມ່ວນ ແລະ ທາງເລກທີ 13 ໃຕ້ພາຍຫຼັງການຕັດຮອນກິ່ງງ່າ ແມ່ນຈະມີການແຕກປົ່ງໃໝ່ຕົ້ນໄມ້ຈະບໍ່ຕາຍ, ການຕັດເພື່ອບໍ່ໃຫ້ກະທົບກັບແຮງລົມຫຼາຍທີ່ສຸດ ເພື່ອໃຫ້ສັງຄົມສັນຈອນໄປມາດ້ວຍຄວາມປອດໄພ ຊຶ່ງທາງໂຄງການ ແລະ ຜູ້ຮັບເໝົາຈະໄດ້ມີການຟື້ນຟູຮາກຕົ້ນໄມ້ໃນກາງເດືອນກໍລະກົດນີ້ເປັນການເລັ່ງດ່ວນ ເນື່ອງຈາກມີຊາຍມາຖົມເຮັດໃຫ້ຕົ້ນໄມ້ຕາຍ ບໍ່ສາມາດຂະຫຍາຍຕົວໄດ້.

ສະນັ້ນ, ພວກເຮົາຕ້ອງໄດ້ໃສ່ຝຸ່ນໃຫ້ອາຫານພຽງພໍ ເພາະຕົ້ນໄມ້ດັ່ງກ່າວມີອາຍຸ 100 ປີມີຄຸນຄ່າທາງປະຫວັດສາດ. ພ້ອມນັ້ນ, ພວກເຮົາຈະນໍາໃຊ້ເຕັກນິກຫັນຕົ້ນໄມ້ປີລະ 5 ອົງສາ ເພື່ອເຮັດໃຫ້ຕົ້ນໄມ້ກັບຄືນມາຊື່ບໍ່ໃຫ້ເນີ້ງ. ການຕັດລິກິ່ງງ່າເພື່ອຮັກສາສຸຂະພາບຂອງຕົ້ນໄມ້, ປັດຈຸບັນພວກເຮົາເຮັດໃຫ້ມັນປອດໄພກ່ອນ ແລ້ວຈຶ່ງກັບຄືນມາຟື້ນຟູຮາກຂອງຕົ້ນໄມ້ເພື່ອໃຫ້ມີຄວາມຍືນຍົງ ຊຶ່ງໃນກາງເດືອນກໍລະກົດ ຫາເດືອນສິງຫາ ຄາດວ່າຈະໃຫ້ສຳເລັດ 100%, ສຳລັບຕົ້ນໄມ້ທີ່ເນີ້ງພວກເຮົາມີແຜນຢູ່ໃນໄລຍະເດືອນຕຸລາ ຫຼັງຈາກໃບມັນປົ່ງສົມບູນຕົ້ນແຂງແຮງ ຮາກຕິດກັບຕົ້ນແລ້ວພວກເຮົາຈະຄ່ອຍຫັນໃຫ້ຕົ້ນໄມ້ຕັ້ງຊື່ເພື່ອໃຫ້ມີຄວາມສວຍງາມຖືກກັບເຕັກນິກ, ບາງຕົ້ນພວກເຮົາຈະໄດ້ບັອກຮາກຕົ້ນໄມ້ເພື່ອບໍ່ໃຫ້ເຂົ້າໂຄງສ້າງຂອງຮ່ອງລະບາຍນໍ້າເພື່ອບໍ່ໃຫ້ມັນເປ່ເພ.

ສຳລັບຕົ້ນໄມ້ຢູ່ຖະໜົນເສດຖາທິລາດມີທັງໝົດ 59 ຕົ້ນ, ຕົ້ນໄມ້ສ່ຽງທີ່ຈະລົ້ມມີ 12 ຕົ້ນ, ໃນເສັ້ນມະໂຫສົດຕ້ອງໄດ້ຕັດອອກຕົ້ນໜຶ່ງ ເພາະມັນໂດກແລ້ວ, ມີສອງຕົ້ນສ້ອມກິ່ງງ່າໂດກອອກ ມາຮອດປັດຈຸບັນການຕັດຕົ້ນໄມ້ດັ່ງກ່າວສຳເລັດ 80%, ຕັດກິ່ງງ່າສຳເລັດແລ້ວ 51 ຕົ້ນ.

---
©ໜັງສືພິມປະຊາຊົນ

24/06/2025

ກຸ່ມ ບໍລິສັດ ລາວໂທລະຄົມ ( Lao telecom, TPlus, MmoneyX ) ລົງນາມການຮ່ວມມືກັບ “JAS” ເປີດແພັກເກັດພຣີເມຍຫຼີກອັງກິດ ຜ່ານ “Monomax” ໃຫ້ຄົນລາວເບິ່ງບານເຕະແບບລາຍເດືອນ.

ສິ້ນສຸດການລໍຄອຍສໍາລັບແຟນບານເຕະ ພຣີເມຍລີກ ແລະ FA Cup ໃນປະເທດລາວ, ເຊີ່ງ ບໍລິສັດ ຈັສມິນ ອິນເຕີເນຊັ່ນນໍ ຈໍາກັດ (ມະຫາຊົນ) ຫຼື JAS ຜູ້ຖືລິຂະສິດການຖ່າຍທອດສົດບານເຕະພຣີເມຍຫຼີກ ແລະ FA Cup ຢ່າງເຕັມຮູບແບບ ທີ່ຄອບຄຸມທັງການຖ່າຍສົດ, ລີລັນ ແລະ ໄຮໄລທ໌ ໃນລະຫວ່າງ 6 ລະດູການ ຈາກປີ 2025, 2026 ຫາ ປິ 2030, 2031 ໃນ 3 ປະເທດ ຄື: ໄທ, ລາວ ແລະ ກຳປູເຈຍ ໄດ້ປະກາດການຮ່ວມມືຄັ້ງສຳຄັນຮ່ວມກັບ ກຸ່ມ ບໍລິສັດ ລາວໂທລະຄົມ ມະຫາຊົນ (Lao Telecom, TPlus, MmoneyX) ຜູ້ໃຫ້ບໍລິການໂທລະຄົມມະນາຄົມ ເຄືອຂ່າຍອັນດັບ 1 ຂອງປະເທດລາວ ໃນການເປັນພັນທະມິດແບບ Exclusive Strategic partnership ສໍາລັບການຖ່າຍທອດສົດບານເຕະ ພລີເມຍຫຼີກອັງກິດ (English Premier League- EPL) ແລະ ລາຍການ FA Cup ໃນປະເທດລາວ ຢ່າງເປັນທາງການ.

ພິທີລົງນາມ MOU ໄດ້ຈັດຂຶ້ນ ວັນທີ 17 ມິຖຸນາ 2025 ທີ່ Jasmine International Tower ( ປະເທດໄທ ) ຕາງໜ້າ ກຸ່ມບໍລິສັດ ລາວໂທລະຄົມ ຮ່ວມລົງນາມໂດຍ ທ່ານ ນິວັດ ເຢັນກາຍ ຮອງຜູ້ອຳນວຍການໃຫຍ່ ບໍລິສັດ ລາວໂທລະຄົມ ມະນາຄົມ ມະຫາຊົນ, ທ່ານ ທ່ອນແກ້ວ ສີຫາວົງ ຜູ້ອຳນວຍການ ບໍລິສັດ ທີພລັດດິຈິຕອນ ຈຳກັດ ຜູ້ດຽວ, ທ່ານ ຈັນທະລາ ບຸນນະຜົນ ຮອງອຳນວຍການ ບໍລິສັດ ລາວໂມບາຍມັນນີ ຈຳກັດ ຜູ້ດຽວ ແລະ ດຣ. ໂສຣັຊຍ໌ ອັດສະວະປະພາ ປະທານເຈົ້າໜ້າທີບໍລິຫານ ບໍລິສັດ ຈັສມິນ ອິນເຕີເນຊັ້ນນໍ ຈຳກັດ (ມະຫາຊົນ) ຫຼື JAS, ທ່ານ ນະວະມິນ ປຣະສົບເນດ ປະທານເຈົ້າໜ້າທີບໍລິຫານ ບໍລິສັດ ໂມໂນແມັກ ຈຳກັດ (ມະຫາຊົນ) ຫຼື MONO.

ໃນການລົງນາມຄັ້ງນີ້ເປັນການຮ່ວມມືໄລຍະຍາວ ໂດຍ ກຸ່ມບໍລິສັດ ລາວໂທລະຄົມ ມະຫາຊົນ ເປັນຜູ້ໃຫ້ບໍລິການ ແລະ ຮັບຜິດຊອບໃນດ້ານການຕະຫຼາດທັງອອນລາຍ ແລະ ອອຟລາຍໃນປະເທດລາວ.

ສໍາລັບແພັກເກັດບໍລິການຮັບຊົມບານເຕະ ທີ່ຈະເປີດໃຫ້ປະຊາຊົນລາວໃຊ້ງານ ແບບລາຍເດືອນ ລາຄາເປີດຕົວຢູ່ທີ່ (ປະມານ 8X,### ກີບ) ພ້ອມໂປຣໂມຊັ້ນພິເສດ ທົດລອງໃຊ້ຟຣີ 7 ມື້, ສະເພາະລູກຄ້າທີ່ສະໝັກໃໝ່ໃນຊ່ວງເປີດໂຕຢ່າງເປັນທາງການໃນວັນທີ 16 ສິງຫາ 2025, ຮັບຊົມຜ່ານແອັບພລິເຄຊັນ Monomax ເທົ່ານັ້ນ.
ພວກເຮົາ ຕັ້ງເປົ້າຖານສະມາຊິກຜູ້ໃຊ້ບໍລິການໃນປະເທດລາວ ຫຼາຍກວ່າ 500,000 ຜູ້ໃຊ້ງານ, ພ້ອມກັນນັ້ນຍັງເປັນການຍົກລະດັບປະສົບການຮັບຊົມບານເຕະລະດັບໂລກ ໃຫ້ເຂົ້າເຖິງກຸ່ມແຟນບານ ຄົນລາວໄດ້ຢ່າງຄວບຄຸມຫຼາຍທີ່ສຸດອີກດ້ວຍ.

ຂໍ້ມູນຈາກ:M Money X

24/06/2025

ໂຈນຂື້ນເຮືອນປະຊາຊົນ!!!!!!
ຊ່ວຍກັນຈັບໂຈນເຂົ້າເຮືອນ ຢູ່ບ້ານຮ່ອງສຸພາບ ເມືອງໄຊເສດຖາ ນະຄອນຫຼວງວຽງຈັນ ຄືນວັນທີ 23/6/2025
ຂໍ້ມູນຈາກ:LaosToday

23/06/2025

ຫລວງພະບາງ ເມືອງມໍລະດົກໂລກຂອງປະເທດລາວ ຍັງຄົງຄອງຕຳແໜ່ງເປັນເມືອງທ່ອງທ່ຽວອັນດັບໜຶ່ງຂອງປະເທດຢ່າງໝັ້ນຄົງ
ໂດຍໃນໄລຍະ 5 ເດືອນແລກຂອງປີ 2025 ມີນັກທ່ອງທ່ຽວທັງພາຍໃສແລະ ຕ່າງປະເທດເດີນທາງມາຢ້ຽມຢາມຫຼາຍກວ່າ 2 ລ້ານຄົນ

ຕາມບົດລາຍງານຫຼ້າສຸດຈາກພະແນກຂໍ້ມູນຂ່າວສານ ວັດທະນະທຳ ແລະ ທ່ອງທ່ຽວ ແຂວງຫລວງພະບາງ ລາຍງານຕົວເລກດັ່ງກ່າວເພີ່ມຂຶ້ນເຖິງ 129.44% ເມື່ອທຽບກັບໄລຍະເວລາດຽວກັນຂອງປີ 2024 ຊຶ່ງສະທ້ອນເຖິງແນວໂນ້ມການຟື້ນຕົວ ແລະການເຕີບໂຕຢ່າງຕໍ່ເນື່ອງຂອງຂະແໜງການທ່ອງທ່ຽວ.

ປັດໄຈທີ່ສົ່ງເສີມການເຕີບໂຕຂອງຈຳນວນນັກທ່ອງທ່ຽວໃນປີນີ້ ລວມມີ: ການຈັດກິດຈະກຳທາງວັດທະນະທຳຢ່າງຕໍ່ເນື່ອງ, ໂຄງສ້າງພື້ນຖານທີ່ໄດ້ຮັບການພັດທະນາ, ການເປີດເສັ້ນທາງຄົມມະນາຄົມໃໝ່ໆ, ລວມທັງຊື່ສຽງລະດັບໂລກຂອງຫລວງພະບາງໃນຖານະເປັນເມືອງມໍລະດົກໂລກທີ່ມີເອກະລັກທັງໃນດ້ານສະຖາປັດຕະຍະກຳ, ວິຖີຊີວິດ, ແລະທຳມະຊາດອັນງົດງາມ

ທີ່ມາ: TARGET Magazine

23/06/2025

ໂສມໜ້າ ໂຈນລັກເຂົ້າເຮືອນປະຊາຊົນ ບ້ານໄຊສົມບູນ ເມືອງໄຊທານີ
ວັນທີ 21 ມິຖຸນາ 2025 ໄດ້ມີໂຈນເພດຊາຍຜົມສີທອງ ໄດ້ງັດປ່ອງຢ້ຽມເຂົ້າລັກເຄື່ອງຢູ່ເຮືອນປະຊາຊົນ ບ້ານໄຊສົມບູນ ເມືອງໄຊທານີ ນະຄອນຫລວງວຽງຈັນ.
ປັດຈຸບັນ, ເຈົ້າຂອງເຮືອນໄດ້ເຂົ້າແຈ້ງຄວາມກັບເຈົ້າໜ້າທີ່ໄວ້ແລ້ວ, ຖ້າທ່ານໃດມີຂໍ້ມູນ ແລະ ມີເບາະແສໂຈນຄົນດັ່ງກ່າວນີ້ ຊ່ວຍແຈ້ງຫາເຈົ້າໜ້າທີ່ຕຳຫລວດດ້ວຍ ເພື່ອນຳຈັບຕົວຜູ້ກ່ຽວມາລົງໂທດຕາມລະບຽບກົດໝາຍ ແລະ ເພື່ອບໍ່ໃຫ້ຜູ້ກ່ຽວໄປເລາະລັກຂອງຄົນອື່ນອີກ.

ພາບ: Khamheuang Vue

23/06/2025

ມາຕອບໃຫ້ແລ້ວ ຈາກກໍລະນີການເກັບຄ່າບໍລິການຄວາມປອດໄພຈໍານວນເງິນ 3.000 ກີບ/ເດືອນ/ເບີ ກາຍເປັນປະເດັນ ແລະ ຄຳຖາມຄາໃຈສັງຄົມ ແລະ ມີສຽງວິພາກວິຈາກໄປຕ່າງໆ.

ຫຼ້າສຸດ, ວັນທີ 19 ມີຖຸນາ 2025 ທີ່ຜ່ານມາ, ທ່ານ ປະລີນຍາ ພົມມະວິເສດ, ຮັກສາການຫົວຫນ້າກອງເລຂາ ກອງທຶນພັດທະນາໂທລະຄົມມະນາຄົມ ເເລະ ການຫັນເປັນດີຈີຕອນ ກະຊວງເຕັກໂນໂລຊີເເລະການສື່ສານ ໄດ້ໃຫ້ຮູ້ ແລະ ຕອບຄຳຖາມຕໍ່ກັບບັນຫາທີ່ເກີດຂຶ້ນນີ້ວ່າ: ການເກັບເງິນດັ່ງກ່າວ ແມ່ນຄ່າສິດໃນການຄຸ້ມຄອງກ່ຽວກັບວຽກງານໂທລະຄົມມະນາຄົມແລະອິນເຕີເນັດຊຶ່ງລັດຖະບານມີຄວາມຈໍາເປັນຕ້ອງໄດ້ນໍາໃຊ້ເຂົ້າໃນການພັດທະນາແລະປັບປຸງວຽກຕ່າງໆທີ່ຕິດພັນກັບການນໍາໃຊ້ການບໍລິການໂທລະຄົມມະນາຄົມແລະອິນເຕີເນັດໃຫ້ມີຄວາມສະຫງົບແລະປອດໄພ,
ສໍາລັບເລກໝາຍໂທລະສັບທຸກປະເພດບໍລິການທີ່ມີເລກລະຫັດບໍລິການຂຶ້ນຕົ້ນດ້ວຍ 020 ແລະ 030 ທີ່ມີການນໍາໃຊ້ແມ່ນກຳນົດເກັບຄ່າຮັກສາຄວາມປອດໄພປະຈໍາເດືອນໃນອັດຕາ 3.000 ກີບຕໍ່ເດືອນຕໍ່ໜຶ່ງເລກໝາຍ,ສໍາລັບການບໍລິການອິນເຕີເນັດຜ່ານສາຍFTTx ແມ່ນກໍານົດເກັບຄ່າຮັກສາຄວາມປອດໄພປະຈໍາເດືອນໃນອັດຕາ 5.000 ກີບຕໍ່ເດືອນຕໍ່ໜຶ່ງລູກຄ້າ.

ສໍາລັບຕໍ່ກັບຄໍາຖາມທີ່ສັງຄົມຕັ້ງຂື້ນພາຍຫລັງເກັບໄປແລ້ວເປັນຫຍັງຈື່ງມີກຸ່ມເເກ້ງສໍ້ໂກງທາງໂທລະຄົມ ຫລື ຄໍເຊັນເຕີ ລວມເຖີງບໍລິສັດເຊົ່າສີນເຊື່ອໂທມາລົບກວນນັ້ນຕໍ່ບັນຫານີ້ອາດປາສະຈາກບໍ່ໄດ້ ເນື່ອງຈາກວ່າບັນດາກຸ່ມຄົນເຫລົ່ານີ້ໄດ້ຊອກຫາທຸກຊ່ອງທາງເພື່ອຫວັງສ້າງຄວາມບໍ່ສະຫງົບໃນສັງຄົມບໍ່ວ່າຈະຢູ່ປະເທດທີ່ຈະເລີນເເລ້ວກໍ່ມີເຫດການລັກສະນະນີ້ເກີດຂື້ນເຊັ່ນດຽວກັນ, ເເຕ່ໄລຍະຜ່ານມາໄດ້ປະສານສົມທົບກັບພາກສ່ວນກ່ຽວຂ້ອງເເຈ້ງໄປຫາບັນດາທະນາຄານ ເເລະ ບໍລິສັດເຊົ່າສີນເຊື່ອໃຫ້ຢຸດຕີການໂທໄປລົບກວນຜູ້ຊົມໃຊ້,ສ່ວນການຮັກສາຄວາມປອດໄພຈາກກຸ່ມແກ້ງຄໍເຊັນເຕີນັ້ນ ປັດຈຸບັນໄດ້ປະສານສົມທົບກັບພາກສ່ວນກ່ຽວຂ້ອງໂດຍສະເພາະກະຊວງປ້ອງກັນຄວາມສະຫງົບ,ສູນອີນເຕີເນັດເເຫ່ງຊາດ ຈະສ້າງຕັ້ງສູນຮັບເເຈ້ງຄວາມຕ້ານການເຮັດທຸລະກໍາຄວາມປອດໄພທາງໄຊເບີ ຂື້ນມາເພື່ອສະກັດກັ້ນບັນຫາຕ່າງໆທີ່ອາດຈະເກີດຂື້ນທາງໂທລະຄົມໄດ້ຢ່າງທັນການ.

ສ່ວນອັດຕາຫົວໜ່ວຍລາຄາໂທລະຄົມມະນາຄົມ ແລະ ອິນເຕີເນັດທຽບໃສ່ສາກົນ ອີງຕາມຂໍ້ມູນຂອງເວັບໄຊເກັບກຳຂໍ້ມູນກ່ຽວກັບອັດຕາຄ່າບໍລິການໂທລະສັບມືຖື, ອິນເຕີເນັດຜ່ານລະບົບສາຍແລະໂທລະພາບໃນທົ່ວໂລກ (www.cable.co.uk), ຂໍ້ມູນໃນໄຕມາດ 3 ປີ 2023 ເຫັນວ່າລາວເຮົາຖືກຈັດເປັນປະເທດທີ່ມີອັດຕາລາຄາຄ່າບໍລິການອິນເຕີເນັດຜ່ານມືຖືທີ່ມີລາຄາຖືກເປັນອັນດັບ 2 ຂອງບັນດາປະເທດອາຊຽນແລະ ອັນດັບ 14 ຂອງໂລກ, ນອກຈາກນີ້ອັດຕາລາຄາຄ່າບໍລິການອິນເຕີເນັດຜ່ານລະບົບສາຍຫຼື FTTxຂອງລາວຍັງຈັດອັນດັບທີ 10 ຂອງອາຊຽນແລະອັນດັບທີ່ 47 ໃນທົ່ວໂລກ.

ສໍາລັບການສ້າງຕັ້ງກອງທຶນ ພັດທະນາໂທລະຄົມມະນາຄົມ ແລະ ການຫັນເປັນດີຈີຕອນ ເເມ່ນອີງໃສ່ ກົດໝາຍວ່າດ້ວຍການໂທລະຄົມມະນາຄົມໄດ້ຮັບການປັບປຸງໃນປີ 2021, ດໍາລັດ ເລກທີ 278 ວ່າດ້ວຍກອງທຶນພັດທະນາຄົມມະນາຄົມ ແລະ ຫັນເປັນດີຈີຕອນ ເເລະ ໃນພາກທີ 7 ມາດຕາ 39 ຂອງກົດຫມາຍຈຸດປະສົງ ເພື່ອສະສົມແລະລະດົມທຶນຈາກພາຍໃນແລະຕ່າງປະເທດນຳໃຊ້ເຂົ້າໃນການຫັນເປັນເສດຖະກິດດີຈີຕອນ, ການຂະຫຍາຍແລະພັດທະນາໂຄງລ່າງພື້ນຖານໂທລະຄົມມະນາຄົມໄປເຖິງຊົນນະບົດເຂດຫ່າງໄກສອກຫຼີກ, ການພັດທະນາຊັບພະຍາກອນມະນຸດ, ລະບົບຖານດິຈິຕອນ ຄວາມປອດໄພຂອງການນຳໃຊ້ເຕັກໂນໂລຊີດິຈິຕອນແລະສົ່ງເສີມການນຳໃຊ້ເຕັກໂນໂລຊີດິຈິຕອນ ແລະ ມາດຕາ 40ແຫຼ່ງກອງທຶນ ໄດ້ມາຈາກ ການປະກອບສ່ວນຂອງງົບປະມານແຫ່ງລັດ, ການນໍາໃຊ້ລະບົບຖານດິຈິຕອນ ທີ່ກະຊວງເຕັກໂນໂລຊີແລະການສື່ສານໄດ້ສ້າງຫຼືຮ່ວມສ້າງຂຶ້ນ,ການປະກອບສ່ວນຂອງຜູ້ໃຫ້ບໍລິການໂທລະຄົມມະນາຄົມ, ການຊ່ວຍເຫຼືອແລະ ປະກອບສ່ວນຂອງ ບຸກຄົນ, ນິຕິບຸກຄົນແລະການຈັດຕັ້ງທັງພາຍໃນແລະຕ່າງປະເທດ, ງົບປະມານຂອງລັດ, ການປະກອບສ່ວນຂອງບຸກຄົນ, ການຫັກເອົາຈາກຄ່າປັບໃໝຕາມລະບຽບການ, ລາຍໄດ້ຈາກການເຄື່ອນໄຫວກິດຈະການໂທລະຄົມມະນາຄົມ, ຄ່ານຳໃຊ້ຊັບພະຍາກອນໂທລະຄົມ, ການເກັບຄ່າທໍານຽມ 1% ຈາກບັນດາຫົວໜ່ວຍທີ່ດໍາເນີນທຸລະກິດໂທລະຄົມ, ໄປສະນີ ເເລະ ດີຈີຕອນ ແລະ ໄດ້ມາຈາກລາຍຮັບອື່ນທີ່ຖືກຕ້ອງຕາມກົດໝາຍ.

ສໍາລັບເເຫລ່ງທືນທີ່ໄດ້ມາ ເເມ່ນ ນໍາໃຊ້ໃນການສ້າງ, ພັດທະນາ ແລະ ບຳລຸງຮັກສາ ໂຄງລ່າງພື້ນຖານໂທລະຄົມມະນາຄົມ ທີ່ຈຳເປັນ ເພື່ອໃຫ້ໄປເຖິງ ເຂດຫ່າງໄກສອກຫຼີກ,ເຂດຍຸດທະສາດ, ຮັບປະກັນຄວາມໝັ້ນຄົງຂອງຊາດແລະ ເຊື່ອມໂຍງກັບພາກພື້ນ ແລະ ສາກົນ;ສ້າງ, ພັດທະນາ ແລະ ບຳລຸງຮັກສາ ລະບົບຄຸ້ມຄອງເຕັກໂນໂລຊີ ແລະ ການສື່ສານ, ແອບພີເຄເຊິນ, ໂຄງລ່າງພື້ນຖານດີຈີຕອນແລະ ລະບົບຖານດີຈີຕອນໃຫ້ມີຄວາມປອດໄພ, ມີຄຸນນະພາບ, ຮັບປະກັນຄວາມໝັ້ນຄົງຂອງຊາດ ແລະ ເຊື່ອມໂຍງ ກັບພາກພື້ນ ແລະ ສາກົນ;ນຳໃຊ້ເຂົ້າໃນການ ສ້າງ, ພັດທະນາ, ບຳລຸງຮັກສາ ແລະ ຄຸ້ມຄອງລະບົບໂທລະຄົມມະນາຄົມ ແລະອິນເຕີເນັດເພື່ອຮັບປະກັນວຽກງານປ້ອງກັນຊາດ-ປ້ອງກັນຄວາມສະຫງົບ ຕາມການຕົກລົງເຫັນດີຂອງລັດຖະບານ;ຄົ້ນຄ້ວາສ້າງ ແລະ ປັບປຸງນິຕິກຳ, ສະໜອງອຸປະກອນ ແລະ ສິ່ງອຳນວຍຄວາມສະດວກ ທີ່ຈຳເປັນເຂົ້າໃນການພັດທະນາໂທລະຄົມມະນາຄົມ ແລະ ການຫັນເປັນດີຈີຕອນເພື່ອຮອງຮັບໃນການສ້າງ ລັດຖະບານດີຈີຕອນ, ເສດຖະກິດດີຈີຕອນແລະ ສັງຄົມດີຈີຕອນ;ພັດທະນາບຸກຄະລາກອນ ທາງດ້ານໂທລະຄົມມະນາຄົມ ແລະ ດີຈີຕອນໃຫ້ໄດ້ຄຸນນະພາບສູງ ເເລະອື່ນໆ.
ຂໍ້ມູນຈາກ:ລາວໂທລະໂຄ່ງ

22/06/2025

ລັດຖະບັນຍັດ ວ່າດ້ວຍ: ອຸດໜູນເຂົ້າພັກບຳນານ
- ເພດຊາຍ: ອາຍຸ 57 - 60 ປີ
- ເພດຍິງ: ອາຍຸ 55 - 60 ປີ