20/08/2024
කුරුඳු - (Cinnamomum verum).
සමීපයේ රඳවා ගැන්මෙන් එහි සුවඳින් ම මොළයේ හා සිරුරේ ක්රියාකාරිත්වත් අධිෂ්ඨාන ශක්තියත් වර්ධනය කර දෙන අපූරු රසකාරකයක් ගැන ඔබ අසා තිබෙනවා ද?
ඒ සැබෑ කුරුඳු (true cinnamon) Ceylon cinnamon යන නම් වලින් ප්රචලිත ශාකයෙන් ලබා ගන්නා ලෝකයේ අංක එකේ කුළුබඩුව ලෙස හැඳින්වෙන කුරුඳු පොතුයි.
මුළුතැන්ගෙ වලත් බේකරි වලත් විවිධ ආහාර රස ගුණ සුවඳ ගන්වන කුරුඳු, පෝෂණ හා ඖෂධීය ගුණ පිරි ශාකයක්.
යකඩ, මැන්ගනීස්, කැල්සියම් හා තන්තු බහුලව පවතින්නක්.
එසේ ම විටමින් C, K, A, E හා B ප්රභේද සහ ප්රෝටීන්. පොටෑසියම් හා පොස්පරස් ආදී තවත් පෝෂක වලින් ද යුක්ත වූවක්.
කුඩු තේ හැඳි දෙකක කිලෝ කැලරි 27.4 ක ශක්තිය අඩංගුයි.
ප්රතිඔක්සිකාරක ගුණ මනින ORAC ගණනය අනුව ලොව අංක එකේ ස්වාභාවික ප්රතිඔක්සිකාරක ප්රභවය වන්නේ ද කුරුඳු යි.
එය ප්රතිශක්තිජනකයි.
දිලීර, බැක්ටීරියා නාශක ගුණ ද සහිතයි.
කුරුඳු වෙළඳ පොළෙහි කැසියා නම් තවත් ප්රභේදයක් චීනය, ඉන්දුනීසියාව වැනි රට වල දක්නට ඇතත් එය ගුණාත්මක බවින් අඩු coumarin නම් පිළිකා කාරකය සහිත වූවක්.
කුරුඳු ආයුර්වේදයේ වා සෙම් පිත් තුන් දොසම සමනය කරන්නක් ලෙස හැඳින්වෙනවා. වඩාත් ප්රතිචාර දක්වන්නේ සෙම් රෝග කෙරෙහියි.
එසේ ම හතිය, කැස්ස බ්රොන්කයිටීස් ඇතුළු ශ්වසන පද්ධති අවහිරතා දුරු කරනවා.
ක්ෂය රෝගය පාලනය කරනවා. ඉන් ඇතිවන තුවාල සුව කිරීමට කුරුඳු කුඩු මෙන්ම තෙල් ද යොදා ගැනෙන බව සඳහන්.
සෙම්ප්රතිශ්යාව සඳහා ඉඟුරු කොත්තමල්ලි සමග කුරුඳු මිශ්ර කෂාය තම්බා බීමෙන් කැස්ස හිසරදය අඩු වී නාසය සිරවීම අවම වී සහනය අත්වෙනවා.
*ඉඟුරු හා කුරුඳු මිශ්ර කර තේ පානයක් සේ සකසා බීමෙන් වෙනත් රෝග වැළඳීම ද අවම වෙනවා.
*සිරුරට අධික සීතල ඇති වූ විට කන් දෙපස කුරුඳු තෙල් ගැල්වීමෙන් සුව සැළසෙනවා.
කුරුඳු පොතු, කුඩු මෙන්ම කුරුඳු කොළ තේ පානය ද පීනස ට ගුණදායකයි.
*අමු හෝ මඳ පවනේ වියලූ තෙල් ගති ඇති කුරුඳු කොළ දෙකක් කැබලි කර තේ කුඩු සමග මුසු කොට උතුරන වතුර දමා විනාඩි තුනක් වසා තබා සීනි යොදා තේ පානය සකසා උදය සවස කාලයක් බීමෙන් පීනස සමනය කරගත හැකි බව සඳහන්.
ආහාර රුචිය වර්ධනය කිරීමටත් අජීර්ණ දුරු කිරීමටත් කුරුඳු වලට හැකියි .
*ඔක්කාරය ට වමනය ට මෙන්ම උගුර වියළීමට ද කුරුඳු පොතු කැබැල්ලක් සැපීම හිතකරයි.
*කුරුඳු කුඩු හා මී පැණි තේ හැන්ද බැගින් මුසුකර ගත් දියෙන් උදෑසන කට සේදීමෙන් මුව දුගඳ දුරු වී යනවා.
කුරුඳු, විදුරුමස් ශක්තිමත් කරන අතර දත් කැක්කුම් පළවා හැර දත් දිරා යාම ද වළකනවා.
දත් කැක්කුමට කුරුඳු තෙල් පෙඟ වූ පුළුන් කැබැල්ලක් ගල්වනවා.
කුරුඳු පත්ර වලින් මෙන්ම පොත්තෙන් ද එම සුගන්ධ තෙල සකසා ගත හැකියි.
පණු රෝග හා පාචනයත් පාලනය කරන්නට ඊට හැකියි.
*පාචනය ඇති විට කුරුඳු කුඩු තේ හැඳි බාගයක් උණු වතුර සමග දිනකට වරක් බීම සුදුසු සේ සැළකෙනවා.
එය සමේ රෝග වලට එරෙහිව ක්රියාකාරී වන අතර දද කුෂ්ට ආදී චර්ම රෝග වල දී කුඩු තලපයක් කර ආලේප කරනු ලබනවා.
කුරුළෑ මකා සම පැහැපත් කරන්නට ඊට හැකියි. තරුණ පෙනුම හා ක්රියකාරීත්වයන් ඇති කරනවා. හිසකෙස් නිරෝගීව වර්ධනය කරන එය රූපලාවණ්ය වර්ධකයක කාර්යභාරය ඉටු කරනවා.
එසේ ම එය වාජීකරණ ගුණ ද ලබා දෙන්නක්.
රුධිර සංසරණ ක්රියාවලිය යහපත් කරන කුරුඳු, හදවත් දුබලතා දුරු කිරීමට සහාය වනවා. එය ලේ කැටිගැසීම් වළකන ගුණයෙන් යුක්තයි..
කුරුඳුකුඩු මී පැණි වලට, මුසු කර ජෑම් මෙන් පාන් පෙත්තක තවරා උදේ ආහාරයට ගැන්මෙන් වියපත් වූවන්ගේ පවා ධමනි ශිරා අවහිරතා වැලකී හෘද රෝග අවම වන බව සඳහන්..
දියවැඩියාවට මහ ඔසුවක් වන කුරුඳු රුධිරගත සීනි පාලනය කළ හැක්කක්. ආහාර වල පිෂ්ටය අවම කිරීමේ ශක්තියක් එහි පවතිනවා.
ඉන්සියුලින් සංවේදිතාව වැඩි දියුණු කරනවා.
එසේ ම මේද දහනය කර දෙමින් සිරුරේ බර අඩු කර දෙන්නත් ඊට හැකියි.
සීනි හා කොලෙසටරෝල් පාලනයට දිනකට කුරුඳු කුඩු තේ හැඳි බාගයක් ගැනීම සුදුසු බව සඳහන් වෙනවා.
කුරුඳු ප්රති ප්රදාහ ගුණයෙන්ද යුක්තයි.
කෝපන්හේගන් සරසවිය ආතරයිටීස් රෝගීන් 200 ක ට උදේ ආහාරයට පෙර කුරුඳු කුඩු තේ හැන්දක් මී පැණි මේස හැන්දක් සමග මුසු කර දිනපතා ලබා දීමෙන් ඉන් 73 දෙනකුගේ වේදනා සමනය කරගත් බවත්, මාසයක් ඇතුළත බොහෝ දෙනෙකුට ඇවිදීමට හැකි වූ බවත් සඳහන්.
කුරුඳුවලට ලියුකේමියා පිළිකාකාරක වසා සෛල ඌණ කරලීමේ හැකියාවක් ඇති බව අමෙරිකානු පර්යේෂණආයතනයකින් සොයාගැනුණා.
කුරුඳු අන්ත්ර හා ගුදමාර්ග පිළිකා මැඩලීමේ ශක්තියෙන් ද යුක්තයි .
මුත්රාශ පිත්තාශ රෝගවලටත් ප්රතිචාර දක්වනවා.
කුරුඳූපොතු අමතකවීම් බහුල ඇල්ෂයමර් රෝගයට එරෙහි ප්රතිචාර දක්වන්නක් බව ටෙල් අවිව් සරසවි අධ්යයනයකින් තහවුරුවුණා.
එසේ ම එය HIV වයිරසයට ඖෂධයක් ලෙස අනෙක් ඖෂධ හා යොදාගත හැක්කක් බවත් හඳුනාගනු ලැබුවා.
කුරුඳු ගර්භාෂරෝග දුරලීමේ හැකියාවෙන් ද යුක්තයි.
එහෙත් ගර්භාෂය සංකෝචනය කරන ගුණ ඇති හෙයින් තෙමස නොඉක්මවූ ගැබිණියන්ටත් දරු සම්පත් බලාපොරොත්තුවෙන් ඉන්නා කාන්තාවන්ටත් වැඩිවශයෙන් ගැනීම හිත කර නැහැ.
ඕනෑම කෙනකුට දිනකට ග්රෑම් 2 ඉක්මවා ගැනීම සුදුසු නැහැ.
අධික ලෙස ගැනීමෙන් වකුගඩු අක්මා අපහසුතා ඇතිවිය හැකියි .
කුරුඳුවල ඇති විවිධ ශක්තීන් මීපැණි ශක්තීන් හා සංයෝගකර දීමෙන් ප්රතිශක්තිය වර්ධනයවන බවත්,
සිරුරේ විඩාපත් බව දුරුවන බවත්
ආමාශ තුවාල සුවවන බවත්,
තවත් විවිධ රෝග ගණනාවක් දුරලිය හැකි බවත් සඳහන්වෙනවා. .
*සිරුරේ බර අඩුකරගැන්මට
කුරුදුකුඩු තේ හැඳි බාගයකට උතුරන වතුර දමා වසාතබා නිවුණු පසු මී පැ ණි දමා ප්රධාන ආහාරවේල් අතරත්, රාත්රි නින්දට පෙරත් පානය කිරීම
* මුහුණ පැහැපත්වීමට
කුරුදුකුඩු තේ හැන්දක් මීපැණි මේස හැඳි 3ක් සමග මිශ්රකර මුහුණේ ආලේපකර පැය කීපයකින් උණු දියෙන් සෝදා හැරීම
*කුරුළෑවලට
ඉහත ආලේපය රාත්රිගල්වා පසුදින උදයේ සෝදා හැරීම
*හිසකෙස් වර්ධනයට
කුරුඳුතෙල් ඔලිව් තෙල් හා මීපැණි සමග@ හිස ගල්වා පසුව සෝදා හැරීම
*දත් කැක්කුමට
කුරුඳු කුඩු තේ හැඳි1 මීපැණි තේ හැඳි 5 මිශ්රකර දිනකට තෙවරක් දතේ ගැල්වීම
*ප්රතිශක්ති වර්ධනයට
කු. කුඩු හා මීපැණි මිශ්රකර දිනපතා අනුභව කිරීම
(මින් වයිරස් හා බැක්ටීරියාවලින් වන හානි වැළකේ)
*කන් ඇසීම වැඩිවීමට
ඉහත දෙවර්ගය සමව ගෙන උදේ හවස අනුභව කිරීම
*පිළිකා.පාලනයටකු. කුඩු තේ හැඳි 1 මීපැණි මේස හැඳී1 මුසුකර දිනකට තෙවරක් බැගින් මාසයක් ගැනීම
*සමේ දද කුෂ්ට කැන්ඩිඩා දිලීර ආසාදනවලට
කු. කුඩු මීපැණි සමව ගෙන අනා ආලේප කිරීම
*කොලෙස්ටරෝල් සීනි පාලනයට
කු. කුඩු තේ හැඳි බාගයක් දිනකට ගැනීම
*ආතරයිටිස් රෝගයට
කු. කුඩු තේ හැඳි බාගයක් මී පැණි මේස හැන්දක් මුසුකර හිස්බඩ පානය කිරීම
කු
ඇතැමුන්ට කුරුඳු. අසාත්මික වන අතර එවැනි අය අභ්යන්තර ඖෂධ ලෙස ගැන්මෙන් වැළකීම යහපත්🌿🌿🌿🌿🌿🌿🌿🌿🌿🌿🌿🌿🌿🌿🌿
