26/01/2025
வெள்ளை முட்டை (White Egg), கபில முட்டை (Brown Egg) என்ன வித்தியாசம்?
வெள்ளை முட்டை மற்றும் கபில முட்டை இடையே உள்ள முக்கிய வித்தியாசம் அவற்றின் ஓட்டின் நிறம் மட்டுமே. இந்த நிற வேறுபாடு முட்டையின் ஊட்டச்சத்து அல்லது சுவையில் எந்த விதமான மாற்றத்தையும் ஏற்படுத்துவதில்லை.
இந்த நிற வித்தியாசத்துக்கு காரணம் என்ன?
முட்டை இடும் கோழியின் இனத்தை பொறுத்தே இதன் நிறம் அமைகிறது.
பொதுவாக இலங்கையில் வெள்ளை நிற முட்டை இடும் பிரதான கோழி இனம் White Leghorn Chicken (ஆமா! தேவா பாடிய பாட்டு "வைட்டு லகான் கோழி ஒன்னு கூவுது. அது Fast Food கடைய பார்த்து ஏங்குது" ஞாபகம் வருதா?)
அதே நேரம் இலங்கையில் கபில நிற முட்டை இடும் பிரதானஇனம் "Bovans Brown
இருவேறுபட்ட இனங்கள் என்பதாலேயே முட்டை ஓட்டின் நிறம் வேறுபடுகிறது.
கபில முட்டைகளின் ஓட்டில் உள்ள புரோட்டோபார்பிரின் என்ற நிறமிதான் அதற்கு அந்த நிறத்தைத் தருகிறது.
ஏன் கபில நிற முட்டைகளுக்கு விலை சற்று அதிகம்?
இதற்கு காரணம், கபில முட்டை இடும் கோழி இனங்கள் குறைவாக இருப்பது மற்றும் அவற்றை வளர்ப்பதற்கான செலவு அதிகமாக இருப்பது ஆகியவையே.
(இதற்கு மேல் Brown Sugar நல்லது போன்ற நல்லெண்ணம் மக்கள் மத்தியில் நிலவுவதும் ஒரு காரணமாகலாம்.
ஊட்டச்சத்த்தை பொறுத்தவரை இரண்டு வகை முட்டைகளிலும் ஒரே அளவு புரதம், கொழுப்பு மற்றும் வைட்டமின்கள் உள்ளன. நீங்கள் எதைத் தேர்வு செய்கிறீர்கள் என்பது உங்கள் விருப்பத்தைப் பொறுத்தது.
