18/11/2022
පහළ හේවාහැට ජෙම්ස් ටේලර්ගේ
ලංකාවේ පළමු තේ වත්ත පිහිටා ඇති
ලූල්කඳුර වතුයාය.
=============================
කන්ද උඩරට මලය දේශය එදා අනුරාධපුර යුගයේ සිටම පිහිටි රට ඇතිවු
යුධමය සංග්රාම වලට රණවිරැවන්
සැපයීම හා රජ පවුල් වල කුමාරවරැ
මෙන්ම රජවරැ පවා යුධ කෝලාහල
වලදී සැඟවුනේ මලය දේශයේය.
එයට කදිම උදාහරණ ලෙස දුටුගැමුණු කථාව ,පණ්ඩුකාභය කථාව ගත හැකිය.පණ්ඩුකාභය කුමාරයා තම
මාමාවරැන්ගෙන් බේරීම සඳහා මලය
රට,දූමරකඛත පබ්බත,නොහොත්
දොළුගල>වර්ථමාන කොණ්ඩගල
ආශ්රීත ලෙන්වල සැගවී සිටිබවට
සාධක තිබේ .මේ දූම්සහිත කන්දෙන්
ඇදහැලෙන දියදහරට දොල ගල=
දොලුගලකියා සඳහන්වුනද වර්ථමාන
යේ ,ලූලන්සිටි±කඳුර=ලූල්කඳුර යන
නමින් ප්රසිද්දියට පත්ව ඇත.නමුත් 19වන සියවස වනවිට මේ ලුල්කඳුර
ලෝපුරා ප්රචලිතවිය.ඒ වර්ෂ 1867දී
ස්කොට්ලන්ත ජාතික ජෙම්ස් ටේලර්
මහතා ලංකාවේ මුල්ම තේ වත්ත
හේවාහැට ලූල්කඳුර නම් මනරම්
භුමියේ ස්ථාපනය කීරීමත් සමඟ ය.
වර්ෂ 1835 මාර්තු 29 දින ස්කොට්ලන්තයේ ඇබර්ඩීන් හි කුඩා
ගමක මොන්බෝඩියා නම් වත්තේ
නිවසක මයිකල් ටේලර් ට හා මාගරට් මෝදර් දෙපලට දාව උපන් ජේම්ස් ටේලර් පවුලේ ළමුන් 6 දෙනෙකුගෙන් එක් සාමාජිකයෙකි.
ටේලර් ඉපදී වයස අවුරැදු 9කදී තම මව මියයෑමත් සමඟ පියා තම දෙවැනි කසාදය කරගනී.එම කුඩම්මාගේ තාඩන පීඩන මත දිවිගෙවු කුඩා ටේලර් තමාට වයස අවුරැදු 16 වන විට තම මවගේ නෑයෙකු වන පීටර්
නොයෙර් නම් ලංකාවේ වැවිලි කර්මිකයාගේ ආධාරයෙන් වර්ෂ 1852 පෙබරවාරි මස 21ක්වන දින ලංකාවේ කොළඹ වරායට සේන්දු විය.
පසුව පේරාදෙණියේ උද්විත උද්යනයේ
රාජකාරි නියළුණු ජෝජ් ප්රයිඩ මහතාගේ සහකාර වතු අධිකාරි වරයෙකු ලෙස කටයුතුකළ ටේලර් තරැණයා කේෂ්ත්ර රාජකාරිය සඳහා 1852 පමණ දෙල්තොට වතුයායට අයත් නාරංහේන නම් කෝපි වතු
යායේ සහකාර වතු අධිකාරිවරයෙකු
ලෙස මහත් දුෂ්කරතා මැද්දේ සිලිං
100ක වැටපකට තම රාජකාරිය
අරඹන ලදී.
වර්ෂ 1857 ජූනි 18 වන දින
තරැණ ටේලර් වෙත මහත් භාරදූර
කාර්යකට අතපෙවීමට සිදුවිය.එ
ලුල්කඳුර කෝපිවත්තේ කළමනාකරැ
ලෙස සේවය සිදුකරමින් සිටියදී එම
කෝපිවගාවට හැම්ලට නම් දිලීරයක් ව්යප්ත විය.මේ හේතුවෙන් එතුමා විසින් ඉන්දියාවේ ඇසෑම් ප්රාන්තයෙන් මෙරටට පේරාදෙණියේ උද්යනයට ගෙන එන ලද තේ බීජ කිහිපයක් ගෙන කෝපි වතුයායේ අත්හදා බැලීමක් ලෙස
තැනින් තැන රෝපණය කරනලදී.
එම බීජ රෝපණයසමගින් කෙටි කලකදී දළු නොලීමද සිදුවිය .තමා විසින්
ම නෙලාගත් ලපටි තේ දළු ගලක
දමා අඹරා තාච්චියක දමා වියලා තම
මිතුරන්හට පානය සඳහා ලබාදීමට
අමතක කළේ නැත.අදටත් එම ගල
හා තාච්චිය හන්තාන තේ පර්යෂණ
කෞතුකාගාරයේ දැකගත හැකිය.
වර්ෂ 1865 මුල්ම තේවත්ත ලූල්කඳුරේ කොණ්ඩගල සකසා මේ තේ වගාව පිළිබඳ ඇල්මක් දැක්වූ එතුමා වැඩිදුර අවබෝධය
සඳහා වර්ෂ 1866දී ඉන්දියාවට ගොස්
වගාව හා යන්ත්රසුත්ර වල දැනුම ලබා
නැවත 1867 ලංකාවට පැමින මේ
ලූල්කඳුර තේ වගාව අක්කර 10 සිට 19 දක්වා ව්යප්ත කරන ලදී.මුහුදු මට්ටමේ සිට උස අඩි 2500 සිට අඩි 4500 දක්වා උස් භූමිය දක්වාම තේ ව්යාප්ත කළ එතුමා වර්ෂ 1872 දී
ලූල්කඳුර තේ කර්මාන්ත ශාලාව ආරම්භ කරන ලදී.එහි කම්කරැවන්
200කට අධික විය.උන් දකුණු ඉන්දියානුවෝ විය.වර්ෂ 1873 දී තේ රාත්තල් 23 පලමුවරට පිටරටට අලවියට යවන අතර වර්ෂ 1875 දී ලූල්කඳුර
සමාගමේ තේ ලංඩන් නුවර තේ වෙන්දේසියට ඉදිරිපත්කළේය.ඉන්
උසස් ප්රතිචාර පවා ලැබීය.වර්ෂ 1865
සහ 1900 යුගය අතරතුර යුගය ලංකාවේ කඳුකර තේවගාවේ ස්වර්ණ
මය යුගය ලෙස සැලකිය හැකිවුයේ
1865==ජෙම්ස් ටේලර් මහතා සහ
1890==තෝමස් ලිප්ටන් මහතා
උඩරට තේ පලසක් නිර්මානය කිරීම
නිසාවෙනි.
යාන්තම් අවුරැදු 17 වියට පාතැබු ටේටර් තරැණයා වසර 57ක්
ආයුවළදා ලංකාවේදී මියයන අතර
ඉතා ප්රියමනාප ආරෝහ පරිනාම
දේහයකින් යුත් ටේලර් මහතාගේ
බර කිලෝ 112 ක් විය.එතුමා තම
නිවහන වශයෙන් තෝරාගත්තේ කොණ්ඩගල පාමුලය.දැවයෙන් තනන ලද අලංකාර නිවසක හිරිකිත
යේ තනියම දිවිගෙවු ටේලර්ව උණුසුම් කිරීමට කිසිවෙකු නොවීය.
තනිකඩව ජීවත්වු එතුමාට උණුසුමට ලඟ සිටියේ දර පෝරණුව
පමණි අදටත් එම පෝරණුව දැකගත
හැකිය.
Taylor,s seat යනුවෙන් හදුන්වන
ලබන ස්ථානය දෙස බලන විට
සෙංඛඩගල,දුම්බර,තලගල ,ලකේග
ල ආදි ප්රදේශ නෙතගැටීමට ඉමහත්
රැචියක් දැක්වූ ටේලර් දිනපතා සිරි
නැරඹිමට ශෛලමය ආසනය වෙත
පිවිසීම තම දවසේ එක් අංගයකි.
ඒ වතුබංගලාවට පහලින් අදත්
ටේලර් තම සුරතින් සිටවනලද තේ
පැලය අද රෑස්ස ගසක්ලෙස දැකගත
හැකිය.
තම වෘත්තිමය ජිවිතය තේවගාව සඳහාම කැපකළ ජේම්ස්
මහතා හුදකලාව තම විනෝදාන්සය
ක් කොට ලුල්කඳුරවතුයායේම ජීවත්
විය .තරමක් ලැජ්ජාශීලී අයෙකු වු එතුමා කිසිදිනක ප්රිය සංභාෂණවලට
සහභාගීවී නොමැත.නිතරම උත්සහයෙන් ජයගත් අයෙකි.වර්ෂ
1891 උසස් වැවිලිකර්මාන්ත කරැවන්
වෙත ලබාදුන් ත්යාගමුදල පවා ලබා
ගැනීමට නොගිය පුස්ගලයෙකි.1852
න් පසුව මැරෙන තුරාවට සිය මව්
රටට නොගිය එතුමා වසර 35ක්ම
නොකඩවා ලූල්කඳුර වතුයායේ අධිකාරි වරයා ලෙස සේවයකර වසර
57 ආයුවළදා දැඩිලෙස රෝගාතුරවී තම නිවසේදීම මියයන එතුමා තමා
ළඟ සිටි වතුකම්කරැවන් කීපදෙනෙ
කුගේ කර මත ගලහ,හන්තාන මහනුවර මාර්ගයේ ලී මැස්සක ආධා
රයෙන් මහයියාව රාජකීය සුසාන
භූමියේදී දෙව් මව් තුරැලට ගියේය.
පුරා වසර443ක් අපරට පාලනය
කරනලද අදිරදවාදීන් අපේරටේ මුතු,
මැණික්,පමණක් නොව වටිනා සම්පත් සියල්ල කොල්ලකා ගියබව
ඉතිහාසයේ පෙන්වාදේ.1815 ගිවිසුමෙන් උඩරට පාලනය අතට
ගත් අධිරදවාදීන් කීපදෙනෙකු රටේ
යහපත පිණිස සිදුකරන ලද වතු
වගාව නිසා අදටත් අපරටට සම්පත්
උදාකරනබව නොරහසකි.එසේ හේවාහැට වතුවගාවෙන් ඉමහත්
ප්රයෝජනයක් මෙරටට ලබාදුන්
ජෙම්ස් ටේලර්මහතා එවැනි සදා අමතක කළ නොහැකි සිහිවටනයකි.
*සටහන නුගලියැද්දේ බුවනෙක බණ්ඩාර දුග්ගන්නාරාළ මහතාගෙන් උපුටා ගන්නා ලදී.
