10/10/2024
🌿 හොයල දෙන්න ඕනේ ගැලපෙනම සහකරුවෙක් ....
🍁 කාටද ? - "ගම්මිරිස් වැලට"
ගම්මිරිස් වැලට ... 🤔
🍁 ගම්මිරිස් වැලක සහකරුව කවුද ? -
" ගම්මිරිස් වැල එතිලා උඩට යන ආධාරක ඉන්න "
අපේ ජිවිතේට වගේම තමයි ...
ගම්මිරිස් වැලත් මුළු ජීවිතකාලෙම ගත කරන්නේ අපි එයාට හොයල දෙන ආධාරක ඉන්නත් එක්ක ...
ගැලපෙනවනම් ජිවිතකාලේ පුරාම ඇතිවෙන ප්රශ්න අඩුයි ...
යහපත්, දිගුකාලීන රඳාපැවැත්මට, යහපත් අස්වනු ලබාදෙන්න , ගැටළු අඩුවෙන් ජීවත් වෙන්න ගැලපෙනම කසාදයක් ගම්මිරිස් වැලට කරල දෙන්න අපි වගබලාගන්න ඕනෙමයි ...
🍁 ගම්මිරිස් වැලේ සහකරුවට තියෙන්න ඕනේ සුදුසුකම් මොනවද ? -
• මුදල් වැයනොවීම හෝ අඩු වියදම
• හොයාගැනීමේ පහසුව
• කල්පැවැත්ම (පැලවීම)
• පහුරු මුල් අල්ලා ගැනීමේ පහසුව
• පැල වෙන කෙනෙක් නම් මුල්, රිකිලි දැමීම ඉක්මන් වීම
• අවශ්ය විදිහට කප්පාදු කරන්න පුළුවන් වීම
• හානිකර පළිබෝධ , රෝග හානි අවම වීම
• නිතර කප්පාදුවට ඔරොත්තු දීම
• ඕනෑම දේශ ගුණික කලාපයකට හුරුවී තිබීම
🍁 සුදුසුකම් එක්ක ගැලපෙන අය කවුද ?
🌸 මේ හැමදේමත් එක්ක අපේ රටේ ගම්මිරිස් වැලට ගැලපෙන , අපිට හොයාගන්න පුළුවන් හොඳම කෙනා තමයි " ග්ලිරිසීඩියා " ශාකය ...
(වැටහිර/ වැටමාර/ ලිංසීරියා/ මකුලත/ලාඩප්පා කියන නම් ඔක්කොම කියන්නෙත් ප්රදේශයෙන් ප්රදේශයට මේ ග්ලිරිසීඩියා ශාකයට)
🌸 අපිට හිතෙනවනේ මේ ආධාරක ශාකය ගම්මිරිස් පැලේට දෙන පෝෂණය අරගන වැල බාල වෙයි කියලා ...
එහෙම නොවෙන්න රූප සටහන් වලට අනුව පැල කරන්නත්, ග්ලිරිසීඩියා ශාකයේ කොළ ක්රමවත්ව කප්පදු කරලා කොළ පොහොර විදිහට නැවත ගම්මිරිස් වැලට දෙන්නත් අපිට පුළුවන් ...
🍁 ඊට අමතරව ගැලපෙන සහකරුවන් නැද්ද?
ඉන්නව, ඉන්නව ...
🌸 අවුරුදු පහලොවට වඩා වැඩි වයස පුවක් ගස්
🌸 අවුරුදු විසිපහට වඩා වැඩි පොල් ගස්
🌸 තේ වගා වල හෙවනට ඉන්න සබුක්කු ගස්
🌸 මූලිකව සල්ලි වියදම් කරන්න පුළුවන් නම් කොන්ක්රිට් කණු, ගඩොල් කුළුණු, ආධාරක ඉන්නක් මැදිකරලා ඒ වටා දැලකින් වටකරලා ඒ අතර හිදැසට පහුරු අල්ලන මාධ්ය පුරවපු ආධාරක ඉනි (කොළම් )
🍁 තෝරගත්ත ග්ලිරිසීඩියා සහරුගෙ තියෙන්න ඕනේ ගති ගුණ මොනවද?
🌸 තෝරා ගන්නා ග්ලිරිසීඩියා ආධාරකය මධ්යස්ථව මෝරපුව වෙන්න ඕනේ ...
🌸 ඒවා උස අඩි 8 කුත් විශ්කම්භය සෙ.මි 3-5 වත් වෙන්න ඕනේ ...
(උදලු මිටක එහෙමත් නැත්තන් ලොකු බැට්රි කෑල්ලක ප්රමාණයේ මහත)
🍁 කොහොම ද සහකරුව ගලපගන්නේ ?
🌸 ග්ලිරිසීඩියා ඉනි හුඟක් කල් කපල තියාගන සිටුවීමෙන් පැලවීමේ හැකියාව අඩුවෙන බවත් මතක තියාගන්න ඕනේ...
🌸 රූප සටහන් වල ආකාරයට කැපුම් තල යොදා ගැනීම තියුණු පිහියකින් පොත්තට හානි නොවන විදිහට යොදාගන්නත් වගබලා ගන්න ඕනේ ...
(මුදුන කෙලින් කැපුමත්, සිටවන පැත්ත ඇල කැපුමත්)
🌸 ඒ වගේම පැල කර ගැනීම ඉක්මන් වෙන්නත්, වේළෙන එක වලක්වාගන්නත්,
මුදුන තෙත මැටි ගුලියක් තියලා පොලිතීන් කැබැල්ලකින් ආවරණය කරලා ගැටගහලා, රූප සටහනේ විදිහට සකස්කරගන්නත් ඕනේ...
🌸 ග්ලිරිසීඩියා ඉන්න ක්ෂේත්රයේ සිටුවල මාස හයක් විතර තියලා, පැල උනහම ගම්මිරිස් පැලේ පැල කරන්න පුළුවන් නම් වඩාත්ම සුදුසු වෙනවා ...
🍁 දිග, පළල, ගැඹුර අඩි එක හමාර ප්රමාණයන්ට වලවල් කපා ගන
ඒ වලේ එක් කෙලවරකින් වල අඩියේ ඉඳන් අඩි භාගයක් විතර යටට හතරැස් වලක් ග්ලිරිසීඩියා අධාරකය ගිල්වන්න පුළුවන් පළලට අලවංගුවේ තලය පැත්තෙන් සකසා ගන්නත් ඕනේ ...
අන්න ඒ වලේ ග්ලිරිසීඩියා අධාරකය සිටුවා ගන්න ඕනේ ...
🌸 වේගයෙන් ඇනලා සිටුවා ගැනීම කරන්න නම් එපා ...
එහෙම උනොත් වෙන්නේ පොත්ත තැලිලා හානි වෙලා පැල නොවීම හරි පැලවීම ප්රමාද වීම හරි සිදුවෙන එක ...
🍁ඔන්න ඔය වගේ ගැලපෙනම සහකරුවෙක්ම ගම්මිරිස් වැලට හොයලා කසාදයක් බන්ඳල දුන්නොත් ජීවිතේ වැඩි කාලයක් හොඳ බැඳීමකින් ගතකරන හින්දා හොඳ අස්වැන්නක් ලබන්න බැරි නෑ ...
🍁 මම ඇඳපු රූප වලින් පැහැදිලි කරගන්න වඩාත් පහසු වෙයි ...
එච්. ඒ. එල්. සමිත්රී,
ව්යාප්ති නිලධාරිනි,
අපනයන කෘෂිකර්ම දෙපාර්තමේන්තුව
