16/05/2025
තේ ශ්රේණිගත කිරීම කියන්නේ මොකක්ද? මොනවද මේ OP/ BOP/ BOPF කියලා කියන්නේ? අද #තේ_ගැන_විස්තරේ මේ තේ ශේණි ගැනයි.
තේ ශ්රේණිගත කිරීම යනු තේ කොළවල ගුණාත්මකභාවය, ප්රමාණය, හැඩය සහ රසය අනුව ඒවා වර්ගීකරණය කිරීමේ ක්රියාවලියකි. තේ නිශ්පාදන ක්රියාවලියෙන් පසු එහි අවසන් නිශ්පාදනයේ තේ කොළවල පෙනුම, රසය, සුවඳ සහ විවිධ යෙදුම් සඳහා යෝග්යතාවය මත පදනම්ව ශ්රේණි නම් කරනු ලැබේ. මෙම ශ්රේණිගත කිරීම තේ වෙළඳාමේදී ගුණාත්මකභාවය පවත්වා ගැනීමට, පාරිභෝගිකයින්ට අවශ්යතාවය අනුව තේරීම් කිරීමට උපකාරී වන අතරම තේ නිෂ්පාදකයින්ට ඔවුන්ගේ නිෂ්පාදනවල වෙළඳපල වටිනාකම තීරණය කිරීමටත් මේ අනුව ඉඩ ලැබෙනවා.
තේ නිශ්පාදන ක්රියාවලියේ අවසාන අදියර වන ග්රේඩ් කිරීම තුලින් මෙම විවිද ප්රමානයන්ට කැඩුනු, නොකැඩුනු සහ ප්රමානය අනුව තේ කොල වෙන් කරගැනීම මගින් තේ ශ්රේණි නිර්මානය වන බව සරලව පැහැදිලි කිරීමට පුලුවන්.
සම්පූර්ණ නොකැඩුනු තේ කොල වල සිට කුඩාම තේ කොල කොටස් දකවා එම ශ්රේණි පහත පරිදි පෙලගස්වන්න පුලුවන්. ඒ වගේම මේ පිලිවෙල නියමයක් නෙමේ කර්මාන්තශාලාව අනුව ඔවුන්ගේ ශ්රේණිගත කිරීම් වෙනස් වෙන්න පුලුවන්. ඒ වගේම මේ අතරමැද හමුවන තවත් අමතර ශ්රේණීන් ගනනාවක් අපිට දකින්නත් පුලුවන්.
1. Special Finest Tippy Golden Flowery Orange Pekoe (SFTGFOP)
2. Tippy Golden Flowery Orange Pekoe (TGFOP)
3. Golden Flowery Orange Pekoe (GFOP)
4. Flowery Orange Pekoe (FOP)
5. Orange Pekoe (OP)
6. Pekoe (P)
7. Broken Orange Pekoe (BOP)
8. Flowery Broken Orange Pekoe (FBOP)
9. Golden Flowery Broken Orange Pekoe (GFBOP)
10. Tippy Golden Flowery Broken Orange Pekoe (TGFBOP)
11. Broken Orange Pekoe Fannings (BOPF)
12. Dust 1
13. Dust 2
මෙහි දැක්වෙන (TGFOP), (TGFBOP), (SFTGFOP), (GFBOP) වැනි තේ ශ්ර්රේණි ශ්ර්රී ලංකාවේදී නිශ්පාදනය ඉතාම සීමිත නිසා සොයා ගැනීම තරමක් අපහසු වන්නට පුලුවන්. ඒ වගේම මෙම ශ්රේනිගත කිරීම කලුතේ සදහා වන අතර ග්රීන් ටී සදහාද විවිධ ශ්ර්රේණි සහ වර්ග නිශ්පාදන ක්රියාවලියේ විවිදත්වය මත දකින්න පුලුවන්.
ඉතින් ඔබට මොකද හිතෙන්නේ? මේ තරම් විවිදත්වයක් තියෙන තේ ශ්රේණී මගින් ඔබට ලබාදෙන තේ අද්දැකීමත් එකිනෙකට වෙනස්. ඔබත් ඉඩක් ලැබෙන වෙලාවට ඒ විවිදත්වය අත්දකින්න. පුරුද්දට තේ නොබී, තේ එකක් නිදහසේ රසවිදින්න. ( උපුටා ගැනීමකි)
