17/12/2023
නොසිතූ ගුණ ඇති Golden Berries. ...
Golden berry නැතහොත් Gooseberry (Physalis peruviana) ශාකය නිවෙස් ආශ්රිතව මෙන්ම අලුතින් වගා කිරීම සඳහා පිලිස්සූ ඉඩම් වල, වෙල් ආශ්රිතව ඉබේ වැවෙන ශාකයකි.
දීප්තිමත් කොල පැහැති තරමක් මාංශල ගතියකින් හෙබි පත්ර පිහිටයි. අඩියක් දෙකක් අතර උසකට ශාකය වැඩෙන අතර අතු බෙදෙමින් පැතිරුණු ශාකයක් ලෙස වැඩෙයි. කහපාට කුඩා පුෂ්පයක් හටගන්නා අතර එම පුෂ්පය ක්රමයෙන් ඵලයක් දක්වා වර්ධනය වේ. මනි පත්ර වලින් වැසුනු කේතුවාකාර කොටසක් තුල තිබ්බටු ගෙඩියක ආකාරයේ ඵලයක් හටගනී.
බොහෝ අය මෙම ශාකයෙහි නියම වටිනාකම නොදැන වල් පැළෑටියක් ලෙස උදුරා දැමීමට පෙළඹේ. නමුත් සැබවින්ම මෙම ශාකයේ ඵලය ඉතාමත් රසවත් මෙන්ම ගුණවත් පලතුරකි. ඵලය පමණක් නොව ශාකයේ පත්ර පවා වටිනා ඖෂධීය ගුණ සහිතය. මෙහි ඵලය ඉදෙන්නට පෙර තිත්ත රසක් ගන්නා අතර ඉදුණු පසු මිහිරි පැණි රසයකින් යුක්තයි. පැශන් (වැල් දොඩම්) රසයට බොහෝසෙයින් සමාන රසයක් ගනී. අමු ගෙඩිය ලා කොල පාටකින්ද ඉදුණු පසු තැඹිලි පාටට හුරු තද කහ පාටකින්ද පිහිටයි.
මෙම ඵලයේ ඖෂධීය ගුණ සලකා බැලුවහොත් ඉතාම ඉහළ ප්රතිඔක්සිකාරක ගුණ සහිතය. ශරීරයේ ප්රතිශක්තිකරණය ඉහළ නැංවීමට හැකි ගුණ සහිතය.
💛 එමෙන්ම තන්තු බහුල ආහාරයක් නිසා මල බද්ධයට ඉතාමත් ගුණදායකය.
💛 එමෙන්ම විටමින් C වලින් බහුල පලතුරකි.
💛 රුධිරය පිරිසිදු කිරීමේ සහ සම පැහැපත් කිරීමේ ගුණ සහිතය.
💛ඵලයේ අක්ෂි රෝග සුව කිරීමේ ගුණ සහිතය.ඇසේ සුද මතුවූ පුද්ගලයන් මේ පලතුර ආහාරයට ගත් විට සුද වර්ධනය වීම නැවතී ක්රමයෙන් රෝගය සුවකරන බව සොයාගෙන ඇත.
💛එමෙන්ම මොළයේ සෛල වර්ධනය කිරීමේ හැකියාවද මෙම පලතුර සතු බව පිලිගැනේ.
💛 විදේශීය වෛද්යමය පරීක්ෂණ තුලින් පිළිකා සෛල නාශක සංඝටකයක් මෙම පලතුරෙහි පිහිටන බව තහවුරු කරගෙන තිබේ. බටහිර වෛද්ය විද්යාවේ පවා මෙම ශාකයෙහි පවතින එම පිළිකා සෛල නාශක සංඝටකය යොදාගෙන ඖෂධ නිෂ්පාදන කරනු ලබයි.
ඵලය පමණක් නොව මෙම ශාකයේ පත්රද ඖෂධීය ගුණ සහිතය. මේ පැළෑටියේ කොළවල අත්යවශ්ය ඇමයිනෝ අම්ල 18ක් අන්තර්ගත වේ.
තනි මැල්ලුමක් ලෙස මෙම පත්ර ආහාරයට ගැනීමනම් ටිකක් අපහසුය. හේතුව තිත්ත රසයෙන් යුත්ත වීමයි. එමනිසා එදිනෙදා පිළියෙල කරන සාමාන්ය කොළ මැල්ලුමටම මේ ශාකයේ කොළ කීපයක් එකතු කර ආහාරයට ගත හැකිය. එතුලින් මෙහි පත්ර සතු අත්යාවශ්ය ඇමයිනෝ අම්ල අප ශරීරයට ලබා ගත හැකිය.
එමෙන්ම ශරීරයේ රුධිරගත සීනි ප්රමාණය පාලනය කරන නිසා දියවැඩියා රෝගීන්ටද මෙම කොළ යොදා පිළියෙල කරන මැල්ලුම් ඉතාමත් ගුණදායක.
අප රටේ ඉබේම වැවුනත් ලොව බොහෝ රටවල හරිතාගාර තුල පවා මෙම ශාකය වවා පලතුරක් ලෙස මෙන්ම ඖෂධයක් ලෙස භාවිතයට ගැනේ. එමෙන්ම එම රටවල මිලෙන් අධික පලතුරක් ලෙස මෙම පලතුර වෙලඳපොලේ දක්නට ලැබේ.
