06/07/2025
~~ පොල් තෙල් ~~
~ තාල වර්ගයට අයත් පොල් ගසෙහි හට ගන්නා ඵලය වන පොල් වල මේරු මදය නිස්සාරණය කර පොල්තෙල් සාදනු ලබයි.
~ මෙය ශ්රි ලාංකීය ජනයාගෙ එදිනෙදා හා බොහෝ ආහාරයන් වල ප්රාථමික මුලාශ්රය ලෙස හැදින්විය හැක.
~ ආහාර, බෙහෙත් හා කර්මාන්තයන්හි බොහෝ ආකාරයෙන් උපයෝගි කරගන්නා පොල්තෙල් ගැන වර්තමානයේ ලොවක් කතා කරන තත්වයට පත්ව ඇත.
~ මෙයට ප්රධානතම හේතුව වන්නෙ,එය ගුණාත්මක බවින් ඉතාමත් ඉහළ තත්වයක පවතින බව විවිධ පරීක්ෂණ මගින් තහවුරු වී ඇති බැවිනි.
~ පොල්තෙල් සංතෘප්ත මේද ගණයට අයත්වේ.
~ අතීතයේදී හරකුන් විසින් අදිනු ලබන සෙක්කුවක් භාවිතයෙන් පොල්තෙල් නිපදවීම සාම්ප්රදායික ක්රමය වූවද වර්තමාන වෙළදපල තුල ඇති පාරිභෝගික ඉල්ලීම හේතුකොට ගෙන මෙය මද්ය හා මහා පරිමාන කර්මාන්ත ශාලා වල යන්ත්රානුසාරයෙන් නිපදවනු ලබයි.
පොල්තෙල් නිෂ්පාදන ක්රියාවලිය,
~ මේරු පොල් මද කටුවෙන් උලුප්පා ඉන් අනතුරුව කොප්පරා තැනීම සදහා ගින්නෙන්, තද අව් රශ්මියේ හෝ පෝරණු භාවිතා කර පොල් මදය වියළීම සිදු කරයි.
පසුව කොප්පරා දැඩි තෙරපීමකට (මිරිකීමකට) ලක් කිරීමෙන් පොල්තෙල් සාදනු ලැබේ.
~ කොප්පරා මිරිකීමෙන්
පොල්තෙල් සෑදෙන අතර එහි අතුරුඵලයක් ලෙස ඇඹරුන කොප්පරා,
පල්පයක්වී ශේෂ වේ.
මෙම කෙඳි සහිත අධි ප්රෝටීන් පල්පය(පුන්නක්කු) මානව පරිභෝජනය සදහා සුදුසු නොවන බැවින් එය වමාරා කන සත්ව ආහාර ලෙස වෙළදපොළට නිකුත් කරයි.
~ පොල්තෙල් නිෂ්පාදන කිරීමට භාවිතා කරන ක්රියාවලය තුළින් පොල්තෙල් වල ගුණාත්මක භාවය තීරනය වේ.
එයට හේතුව ලෙස,
~ අඩු උෂ්ණත්වයක් තුළ වියලා ගත් කොප්පරා අඩු උෂ්ණත්වයක් තුළ නිස්සාරණයට ලක් කිරීමෙන් සාදනු ලබන පළමු ගණයේ හොද පොල්තෙල් නොහොත් වර්ජින්/සුදු පොල්තෙල් තුල ශරීරයට අවශ්ය හිතකර පෝෂණ රැසක් රැදී පවතී.
වෙළද පොළ තුල පවතින පොල්තෙල් වර්ගයන්,
1- සුදු පොල්තෙල්/වර්ජින් පොල්තෙල්
~ සුදු පැහැති පොල් මදය පමනක් භාවිතා කිරීමෙන්(කුරුට්ට රහිත) සාදා ගන්නා සුපිරිසිදු වර්ජින් පොල්තෙල් අවර්ණ පැහැයක්(ඝන වූ විට සුදු පැහැයක්) ගනී.
මෙය වෙළද පොළ තුළ ඇති අනෙකුත් පොල්තෙල් වලට වඩා මිළ අධිකය.
මෙය පොල්තෙල් වල උසස්ම ප්රමිතිය ලෙස නම් කළ හැක.
~ සුදු පොල් තෙල් නිෂ්පාදනය කරනුයේ සාම්ප්රදායික ක්රමවේදයන් වලට වඩා වෙනස් දියුණු ක්රම වේදයන් හරහාය.
මෙහිදී,
~ සුදු යකඩවලින් සෑදූ යන්ත්ර මගින්
අඩු උෂ්ණත්වයක්,අඩු පීඩනයක් යටතේ (Cold press method) 50-60° C සුදු පොල්තෙල්/වර්ජින් පොල්තෙල් නිපදවනු ලබයි.
~ මෙම සුපිරිසිදු පොල්තෙල් වල අඩංගු සම්පූර්ණ ගුණයන් ඒ අයුරින්ම ශරීරයට එකතු කර ගැනීමට නම් එය ආහාරයට එකතු කරගත යුත්තේද අවම උෂ්ණත්වයක් යටතේ පිස ගැනීමෙනි.
උදා,
- පිසු ආහාර වලට අවසානයේ එක් කිරීම.
- ලිපෙන් බෑමට ප්රථම ආහාර වලට එක් කිරීම.
- අමුවෙන් ආහාරයට එක් කිරීම.
- පොල්තෙල් එකතු කල පසු ආහාරය අඩු ගින්දරෙහි පිසීම.
~ නැතහොත් එහි පෝෂක කොටස් අධික තාපයට විවෘත වීම නිසා විනාශ වේ.
"ලොවක් වටින සුදු පොල්තෙල් අප රට තුළින් සොයා ගැනීමේ මුල්ම ගෞරවය හිමිවන්නේ ලුනුවිල පොල් පර්යේෂණ ආයතනයටයි."
2- පිරිපහදුවට ලක්වූ සාමාන්ය පොල්තෙල්,(Refined dry)
~ මෙය අප හැමෝම දන්නා සාමාන්ය කහ පැහැයට හුරු පොල්තෙල් වේ.
ලා කහ පාට සිට තද දුඹුරු පාට දක්වා පැහැය වෙනස් වූ පොල්තෙල් ඔබට වෙළදපලේදී දැක
ගත හැක.
~ පොල් මදය කුරුට්ට සහිතවම නිස්සාරණයට පත් කරන හෙයින් තෙල් නිපදවීමේදී පොල්තෙල් වලට ලා පැහැයේ සිට තද දුඹුරු පැහැය තෙක් මේ වර්ණ ලැබේ.
~ කොප්පරා නිස්සාරණයට පත්
කරන උෂ්ණත්වය අනූව පාට සංකලනයන් ලා පැහැයේ සිට තද පැහැයක් දක්වා වෙනස් වේ.
~ ඉහළ උෂ්ණත්වයක් තුළ රත්කර වියලා ගත් හා වැඩි උෂ්ණත්වයේ නිස්සාරණය කර නිපදවාගත් පොල්තෙල් තත්වයෙන් බාල වන අතර නිෂ්පාදන ක්රියාවලියේදීම එහි අඩංගු වටිනා ගුණයන් නැසීමට ලක්වේ.
~ නමුත් මෙම තෙල් වැඩි උෂ්ණත්වයට ඔරොත්තු දේ.
තෙල් වලින් විෂ දුම පිටවෙන තාප උෂ්ණත්වය ඔලිව් තෙල්,සුදු පොල්තෙල් වලට වඩා පිරිපහදුවට ලක්වූ සාමාන්ය පොල්තෙල් වල සාපේක්ෂව ඉහල අගයක් ගනී.
~ එබැවින් වැඩි වේලා හා වැඩි ගින්දරේ පිසෙන ආහාර සදහා,(බැදීමට) ඉහත කී සාමාන්ය පොල්තෙල් පරිභෝජනයට සුදුසු වේ.
~ පිරිපහදු කල (refined oil) පොල්තෙල් ද කොටස් දෙකකට වෙන්කල හැක.
- කිහිපවරක් රත්කළ හැකි පොල්තෙල්.
- එක්වරක් පමණක් රත්කළ හැකි පොල්තෙල්
මෙය දැනගත හැක්කේ ඔබ මිලදී ගන්නා පොල්තෙල් වලට අදාලව ඇති ඇසුරුමෙහි සදහන් කර ඇති දත්තයන් වලිනි.
නැවුම් පොල්තෙල් සතු විශේෂ ගුණයන්;
- ශරීරයේ අහිතකර කොලෙස්ට්රෝල් මට්ටම පහත හෙලා හිතකර මේදය ඉහළ නංවයි.
එබැවින් හදවත් රෝග වලට ඇති අවදානම පහත හෙලයි.
- මහබඩවැල හා පපුව ඇතුළු ශරීරය පිළිකා වලින් ආරක්ෂා කරයි.
- මහබඩවැල ඉදිමීම් හා ආසාදන වීම් වළක්වයි.
- ප්රතිශක්තිකරණ පද්ධතියට අවශ්ය උපකාර ලබාදේ.
- ඔස්ටියෝපොරෝසිස් අවදානමෙන් ආරක්ෂා කරයි.
- දියවැඩියා රෝගයෙන් ඇති සෞඛ්යමය ආසාදන අවම කරන අතර ආසාදනයන් මුදාහැරීමට උදව් කරයි.
- ඉන්සියුලින් වැඩි කර ශරීරයේ ඇති සීනී ප්රමාණය පාලනය කරයි.
- තෛරොයිඩ් හා අන්තරාසර්ග පද්ධතියේ ක්රියාකාරිත්වය වර්ධනය කරයි.
- පටක වල උපශමනය හා නැවත සකස්කිරීමට උපකාරී වේ.
- කැල්සියම් හා මැග්නීසියම් උරා ගැනීමෙන් දත් හා අස්ථි ශක්තිමත් කිරීමට හා වර්ධනය කිරීමට උපකාරී වේ.
- විටමින්,ඛනිජ හා ඇමයිනෝ අම්ල අවශෝෂණය කිරීමට පහසු කරවීම.
- ආහාර දිරවීම පහසු කරයි.
- එච්.අයි.වී (HIV),හර්පීස්, ඉන්ෆ්ලුවන්සා සහ වෙනත් රෝග කාරක බැක්ටීරියාවන් විනාශ කිරීම.
- පටිපනුවා,උකුනන් වැනි පරපෝෂිත සත්ත්වයන් විනාශ කිරීමට උපකාරී වේ.
- චර්ම රෝග,සෙංගමාල,සරම්ප වැනි රෝග මර්දනය කරයි.
- මියගිය මොළයේ සෛල වලට නව ජීවයක් ලබාදී ඇල්සයිමර් රෝගය යම්තාක් දුරකට සමනය කරයි.
~ රූපලාවණ්ය කටයුතු වලට පොල්තෙල් වලින් ලබා දෙන විස්මිත කාර්ය්යන්
- හිස්කබල මත ගල්වා ඇගිලි තුඩුවලින් ලබා දෙන උත්තේජනය තුළින් හිස් කබලට මනා පෝෂණයක් ලැබීම හා හිස් කබලෙහි තෙතමනය රැකීම.
- බොහෝ ආලේපන ද්රව්යයන් වලද ප්රාථමික මුලාශ්රය වන්නෙ පොල්තෙල්ය.
උදා,
බොඩි ක්රීම්
හෑන්ඩ් ක්රීම්
සමහරක් ෆේස් ක්රීම්
ක්ලෙන්සර්
ස්ක්රබ්
- සම මත ඇතුවුන කැලැල් මත දීර්ඝකාලීනව පොල්තෙල් ආලේප කලවිට රෝගි ලප කැළල් සුවකිරීමට උපකාරී වේ.
- මුහුණේ ඇති කුණු දුහුවිලි ඉවත් කිරීමට ගන්නා සේදුම්කාරකයන් ලෙසද භාවිතා කරයි.
- අවපැහැ ගැන්වු දත් වලට දීප්තිමත් පැහැයක් ලබාගැනිමට දත් මතුපිට ආලේපන කළ හැකි ද්රාවනයක් ලෙස යොදා ගැනේ.
- නියපොතු වලට ප්රාණවත් බවත් ලබාදී මැරුන සෛල ඉවත් කිරිම සදහා මතුපිට ආලේපනයක් ලෙස ගල්වා හොඳින් සම්භානය කරනු ලබයි.
- උෂ්ණ කාලයන් වලදී තොල් වියළීම වැළැක්වීමට තොල්මත ආලේපනයක් මෙන් තැවරීමට භාවිතා කරයි.
- මේකප් කිරීමේදී භාවිතා කරන මේක්අප් බුරුසු පිරිසිදු කර ගැනීමට බැක්ටීරීයා නාශක සබන් වර්ගයකට පොල්තෙල් මිශ්ර කර මේක්අප් පින්සල්,බුරුසු යනාදීය පිරිසිදු කරගත හැක.
- පිරිමි පාර්ශවයෙ අය රැවුල බෑමට ප්රථම පිරිසිදු කරගත් මුහුණ මත පොල්තෙල් ස්වල්පයක් ආලේප කර රැවුල බෑම මගින් ඉතා පහසුවෙන් රෝම ඉවත් වේ.
පොල්තෙල් වල ඇති ස්වාභාවික තෙතමනය මෙයට හේතුව වේ.
- ගර්භණී කාන්තාවන්ගෙ උදරය ආදී ප්රදේශ වල සම ඇදීම නිසා ඇතිවන කැළැල් තත්වයන් වලින් වැලකී සිටීමට සම මත තෙතමනය ඇති වීමට ආලේප කිරීමට යොදා ගනී.
- විෂ ද්රවයක් හෝ විෂ සහිත සත්ත්වයන්,කෘමියන් සම මත දෂ්ට කල විට ගෑවුන විට එම ස්ථානය මත පොල්තෙල් ආලේප කර හොදින් පිරිමැදීම තුලින් වේදනාව අඩුකර ඉදිමීම් ගතිය පහ කරයි.
මීට අමතරව,
~ සපත්තු,බෑග් වැනි සම් වලින් නිෂ්පාදනය කර ඇති භාණ්ඩ වලට දිදුලන දීප්තිමත් බවක් ලබා දීමට පිරිසිදු රෙදි කඩකට පොල්තෙල් ස්වල්පයක් දමා ඔප දමන්න.
~ ගෙබිම ඔබ දැමීමට,
පාවිච්චියට ගෙන ඉවතලන පොල්කුඩු වලට පොල්තෙල් ස්වල්පයක් එක් කර දුර්වර්න වූ බිත්ති මතුපිට,ගෙබිම ඔප දැමීම කළ හැක.
(ලිස්සා යාම වැළැක්වීමට පසුව උණු වතුරින් ඔපදැමු මතුපිට සෝදා හරින්න)
මේ ආදී හා තවත් බොහොමයක් කාර්ය්යන් සදහා පොල්තෙල් උපකාරී වේ.
~ රසායනික ද්රව්යයන් අඩංගු නැති පිරිසිදු ප්රමිතිගත පොල්තෙල් උෂ්ණත්වයට සංවේදී වේ.
එබැවින් උෂ්ණත්වය සෙල්සියස් අංශක 27 දී පමණ පිරිසිදු පොල්තෙල් ඝන බවට පත්වේ.
~ මෙය සැලකිල්ලට ගෙන ඔබ පාවිච්චියට ගන්නා පොල්තෙල් වර්ගයෙහි ප්රමිතිය මැනීමට එය ශීතකරනයෙහි පහළ තට්ටුවෙහි (24 °C) මද වේලාවක් තැබුව හොත්
එය ප්රමිතිගත පොල්තෙල් නම් අනිවාර්යයෙන්ම ඝන විය යුතුය.
පොල්තෙල් රත් කිරීමේදී විෂ වන උෂ්ණත්වය (Smoking point)
~ වර්ජින් පොල්තෙල් (Vergin Coconut oil) - 350°F - 177°C
~ පිරිපහදු කල පොල්තෙල් (Refined Coconut oil)- 450°F - 232 °C
~ ඉහත සදහන් කර ඇති උෂ්ණත්ව ප්රමාණයට වඩා තෙල් රත් නොකරන්න වග බලා ගන්න.
සෑම තෙල් වර්ගයකටම උපරිම රත් කල යුතු උෂ්ණත්ව ප්රමාණයක් ඇත.
~ එය අභිබවා රත්කිරීමේදී එම තෙල් වලින් මිනිස් සිරුරට විෂ වෙන පිළිකා කාරකයන් නිදහස් කිරීමක් සිදුවේ.(Toxins)
~ ඇසුරුම් කර ඇති පොල්තෙල් මිළදී ගැනීමේදී ඇසුරුම කියවා තෙල් වල ප්රමිතිය ගැන අවබෝධ කර ගැනීමට විශේෂ අවධානය දක්වන්න.
~ ඒ හැර ඔබ ජිවත් වන ප්රදේශයේ කුඩා හා මධ්ය පරිමාණ තෙල් හිඳින තෙල් මෝලකින්ද පිරිසිදු, වර්ණක හෝ රසායනික ද්රව්ය අඩංගු නොවන පිරිසුදු පොල්තෙල් මිලදී ගත හැකිය.
~ කාල වේලාව හා හැකියාව ඇති ගෘහනියන්ට නිවසේදීම පිරිසිදු පොල්තෙල් සාදා ගැනීමට හැක.
~ පොල්තෙල් 100g ක කැළරි (Kcal) 862 ක් අඩංගු වේ.
~ මේදය බහුල ආහාරයක් බැවින්,
සෑම විටම ආහාර පිසීමේදී දිනකට මිනිස් සිරුරට අවශය මේද ප්රමානය ඉක්මවා නොයන පරිදි පොල්තෙල් පරිභෝජනය කිරීමට මතක තබා ගන්න.
ලිපිය සැකසීමේදී,ලිපියට අදාල කරුනු උපුටා ගත්
-හෙළ අරණට හා
-පොල් වගා මණ්ඩලයට
මාගේ හදපිරි ප්රණාමය පුද කරමි .
ගයානි සුධීරා ලියනගේ
