06/04/2025
🔴 اسرائيل امبارح احتلت رفح الفلسطينية بالكامل، وبدأت الخطوة الثانية في مشروع التهجير..
الجيش الإسرائيلي سيطر بالكامل على مدينة رفح الفلسطينية في جنوب قطاع غزة، بعد ما خلوا السكان يهربوا منها بسبب الضرب والقصف الشديد وغير المسبوق قبل كده في أي فترة خلال الصراع.. ودلوقتي الفرقة 36 المدرعة الإسرائيلية، اللي هي أكبر فرقة في الجيش الإسرائيلي، موجودة هناك ومسيطرة على المدينة كلها ومنتشرة فيها.. ودي أول مرة تدخل فيها جنوب القطاع بالمناسبة، يعني المرة دي اللي بيحصل غير أي مرة فاتت..
طب ده معناه أيه؟
معناه إن الحدود الشرقية مع مصر بقت دلوقتي كلها تحت السيطرة الإسرائيلية.. يعني اسرائيل بقت ع الحدود مباشرةً، ومفيش أي منطقة فيها فاصل بيننا وبينهم.. وفي خطة صهيونية محطوطة بالفعل للتحرك سريعًا لتنفيذ مشروع التهجير، وكل اللي مستنيينه هو وصول دعم عسكري من فرقتين مدرعتين اضافيتين عشان يساعدوا في فتح ممرات للتهجير نحو سيناء..
⚫️ طب وغزة.. إيه اللي بيحصل في غزة دلوقتي؟
الجيش الإسرائيلي دلوقتي محاصر الفلسطينيين في منطقة المواصي جنوب غرب قطاع غزة، الموجودة جنب ساحل البحر، وقطع عنهم الامدادات والأكل والمواد الغذائية وكل مقومات الحياة، وبيقصف خيامهم كل يوم... والهدف الظاهر من كل ده دلوقتي هو انهم عايزين ينقلوا السكان من المدينة دي، ويودوهم على الحدود المصرية بشكل مباشر، ومش عايزين يسيبوهم في مدينة رفح الفلسطينية اللي بالفعل سيطر عليها الجيش الإسرائيلي بالكامل..
🟣لحد هنا تمام.. بس المقبض بقى في الموضوع هو الكلام اللي جاي ده..
🔴 أمريكا خلال الأيام اللي فاتت خدت خطوات كبيرة لمحاصرة الشرق الأوسط كله عسكريًا بحاملات الطائرات والطائرات الشبحية المقاتلة بتاعتها.. وده من خلال حشد قوات كبيرة في قواعد عسكرية زي قاعدة "العديد" في قطر وقاعدة "دييجو جارسيا" في المحيط الهندي...
في 4000 جندي أمريكي هناك دلوقتي، بجانب 7 طائرات B2 الشبحية، وحوالي 3 حاملات طائرات ضخمة في البحر الأحمر والمتوسط.. وأمريكا بتقول انها بتسعى لزيادة عدد جنودها في الشرق الأوسط خلال الفترة الجاية بمقدار عشرات الآلاف من المقاتلين.. ده كله السبب الحقيقي له هو انه جاي لدعم إسرائيل عسكريًا في مشروعها اللي بيتنفذ دلوقتي، برغم ان السبب المعلن اللي بيقولوه للصحافة هو التحرك ضد برنامج إيران النووي..
🔴 وجود حاملات الطائرات ا
