25/06/2025
بلا شك كلشي كيعرف هاد السيد لي تشهر بلقب "مول الزعتر" هاد سيد هادي شي ست سنين تشهر وكلشي صور معاه فيديوهات جميع القنوات َدخل لقلوب المغاربة بالبساطة ديالو من بعد كلشي بغا يتعاون معاه وكلشي بغا يسيفط ليه فلوس لكن قالهم انا مبغيتش الصدقة انا بغيت غا نخدم بدراعي مبغيتش فلوس ومتعطيونيش ورفض انه يشد الصدقة.... مول زعتر كان سولوه هادي 6 سنين شنو هو الحلم ديالك وكان قالهم حلمي هو :
"نرجع الجنة ومنضلم حتا واحد فدنيا"
هادشي لي عاودت ليكم عليه دازت عليه 6 سنين راكم غتكونو عارفين....
ليوم شاءت الأقدار أنني نمشي ل اوريكا وفطريقي تصادف مع هاد سيد الملقب ب مول الزعتر
لقيتو فنفس البلاصة وكيفما شفتوه هادي 6 سنين باقي كبيع الزعتر ولقيتو حاط حداه قرااان وخبيز كياكل فيه فرحت فاش شفتو هبطت سلمت عليه وديت وجبت معاه فالهضرة وانا نسولو قلت لو سي حكيم شنو هو الحلم ديالك بكل برودة جاوبني وقالي :
"نرجع للجنة ومنضلم حتا حد فدنيا"
علاش هاد سيد قنوع لهاد درجة منين جاب هاد القناعة كاملة وهاد العقل وهاد الصبر وهاد الهدوء منكدبش عليكم دمعة طاحت من عيني ماشي حي بقا فيا لكن على راسي سيد قانع وباغي غير جنة وحنا ماعرت فين بغينا نوصلو 😭
الله يسهل عليه وكيفما عرفوك المغاربة بقيتي هادا هو المعدن الأصلي ديال رجال سيد عندو مبدأ فالحياة مكاينش لي يغيرو سوا فلوس سوا بنادم برافو مول زعتر ❤️
يستاهل يكون قدوة دالمغاربة ويستاهل شهرة ويستاهل قلب من عندكم ❤️
