23/09/2025
إقليم تاونات… بلاد منسية، وساكنة كتصبر فوق طاقتها!*
تاونات ماشي غير خريطة، تاونات أرواح كتعيش العطش، قهر العزلة، والحرمان من أبسط الحقوق.
فالقرى، الماء ما كاينش، فالدواوير الصغيرة، الطرق محفّرة، والمستشفى؟ كاين بالإسم فقط!
الناس كتمشي تشري قنينات ديال الماء باش تعيش، وكتمشي كيلومترات باش تولّد أو تداوي وليدها.
فين التنمية؟
فين حقنا فالصحة، فالتعليم، فالبنية؟
"تاونات ما بقاتش باغية الصدقات، تاونات باغية كرامة!"
والمصيبة ماشي هنا وبس…
راه تاونات، فكيك، ميدلت، بولمان، أزيلال، شفشاون، الحسيمة، وزان، زاكورة، تارودانت، تنغير، طاطا، شيشاوة، الحوز....
كلها مناطق كتعاني من العطش، من نقص فالأطباء، من مدارس مهترئة،
وزيد عليهم المناطق المنكوبة بالزلزال اللي مزال كتعيش وسط الألم والنسيان: تافراوت، إغيل، أمزميز، أنزي، أداسيل، تاليوين…
*هاذ المغرب العميق كينزف بصمت… وحان الوقت باش صوتو يتسمع.*
واش التنمية غادي تبقى غير فالساحل والمركز؟
فين حق الجبل؟ فين حق القرية؟ فين حق الإنسان البسيط؟
إلى كنتي مغربي، هاد الصوت راه صوت خوتك…
*شارك، وصل صوت تاونات، وخلي المسؤولين يسمعو.*
