You are my sunshine

21/01/2025

17/03/2024

06/03/2024

TSY VITANAO IZANY IO...

Indraindray mahasorena ihany ilay motivation be loatra eto amin'ny tambazotra hoe: tonga dia alefaso fa VITANAO IO!

Tsy misy bagage mihitsy ve izy ao anaty lohany ao dia ho vitany io?
Tsy misy expérience na ny kely aza, dia ho vitany ahoana io?

Mbola tsy nahavita nianatra nitsangana akory izy nefa asainao mitsambikina sahady?



Mifona tompoko fa mora miakarapoka ny taitai-baombina rehefa tsy ampy fahalalana.

Ringana ny oloko nohon'ny tsy fisian'ny fahalalana
Hosea4:6

Mino aho fa tsy te ho ringana ianao?
Aza maika handingana dingana ary

Ny fandraharahana tsy ohatran'ny pâte matsiro salone ka cuisine afaka accélérena na maika toy ny ahoana aza... NON!!

Aza maika handingana dingana

Fenoy fahalalana sy expérience aloha ny lohanao.
Vitanao io rehefa misy bagagem- pahalalana ianao.

Tsara ity zoma ity

29/01/2024

Mandalo "désert" ve ianao androany?
Tsy maninona izany... Saingy tandremo tamana ao

Mandalo fahasahiranana?
Fomban-javatra izany... Saingy tandremo tamana ao

Manifinify ny fidiram-bola, kelikely ny efitrano, ny hohanina androany tadiavina androany?
Fomban-javatra oa zany... Saingy tandremo tamana ao

Aza tamana ao anaty inconfort
Fandalovana ny "désert" fa tsy destination.

Zay koa nandalo tamin'io toeranao io.
Saingy izahay tsy nijanona teo...

Tsara ity alatsinainy ity

28/01/2024

TANTARAN'ILAY GATEAU sy ILAY ALIKA nampidi-doza...

Hitantara dona mafy indrindra tamiko aho tamin'ny sehatrin'ny fandraharahana

Amin'ny maha mpahandro matihanina moa dia mivelona amin'ny service traiteur aho...

Be dia be ny olona mbola miantso ahy hoe "chef"; tsy diso ry zareo satria Chef cuisinier aho taloha...

Tamin'ny fotoana mbola tsy nahalalan'ny olona ahy dia voatery ny tenako hanao zavatra mora vidy ( na dia tena tsara aza ny kalitaon'ny zavatra nataonay).

Raikitra ny contrat nifanaovana tamin'ny mpanambady iray...

Raikitra fa izahay no manao ny sakafo rehetra; anisan'izany ity gâteau amin'ny sary ity izay nataoko 1.000.000fmg monja pour 100personnes. Marihiko fa tena zara fa vola ny tombony hazonay amin'izany saingy nataonay am-pitiavana sady mbola nampianay gadô (ireo gateau kely 4 kely ireo). 😁

Tonga ary ny fotoana, vitanay ny installation rehetra...

Tampotampoka teo nisy akoho nohenjehin'ny alika avy any amin'ny tsy fantatray tany, nilefa tao ambany latabatra ilay akoho dia nohenjehin'ilay alika tao; voadonany ilay tongodatabatra dia nihongana ilay gâteau...

Izahay mbola nivanaka sy nifampiantso hoe jereo jereo jereo... nisy serveur iray niazakazaka sy tezitra be avy any an-dakozia any nanenjika an'ilay alika tamin'ny kifafa, dia satria moa mbola misy crème ilay lalana nodiavin'ilay alika dia nisolifatra ilay serveur dia nianjera t@carreau: vaky ny machoir'ny. Izahay nikoropaka namonjy an'ilay serveur sy nampiakatra azy tany anaty fiara iny, hay niverenan'ny alika sy tsy haiko izay biby hafa tao ilay gâteau....

Mora kely ny mitantara an'ilay izy saingy mafy ry zareo zany hoe: sady tsy nangalanao tombony ilay zavatra no mila manao remboursement sady afa-baraka amin'ny invitée rehetra teo izany a.

Nolatsaina, nataon'ny olona be dia be resaka nandritran'ny mariage iray manontolo...

Vao mipoitra dia tondro-molotra hoe iny iny iny ilay fotsilahikely tsy matotra...

Ianao nanantena ny hahazo félicitation fa matsiro be, fangidiana sy henatra no nolanjaina.

Na za aza menatra ny hanazava amin'ny micro hoe: alika anie no nananjera an'io e...
Ilay vola kely mba azo teo nandehanana tany amin'ny Colbert*** nanaovana commande rapide pour 100personnes= 3.000.000fmg tamin'izany andro izany; efa hariva be koa vao tonga(tsy hanomezan-tsiny anzareo izany fa tamin'ny 1ora antoandro vao afaka nanao commande).

Ny nampalahelo dia tsy noraisin'ilay mpanambady koa ilay gâteau vao novidiana teo na dia mbola betsaka aza ny olona mbola tao anatin'ilay salle.

Nody izahay, maty antoka:
- ilay serveur tsy maintsy tsaboina,
- ny karaman'ny olona rehetra tsy maintsy aloa,
- ny fitaovana natao location tsy maintsy aloa sns sns...
- ilay gâteau teo tsy maintsy zaraina amin'ny mpiara-miasa

Nitanondrika saingy tsy maintsy nitraka e.

Tadidio fa ny "échec" no tena hahazahoan-tsika lesona fa tsy ny "succès".

Ankehitriny, hoy aho hoe nahafinaritra iny échec iny: nampianatra be ahy izy iny.

PS: Ao amin'ny commentaire ao ny sarin'ilay gâteau nazeran'ilay alika raha misy te hijery

Tsara ity sabotsy ity

09/01/2024

⚠️ AZA MAMITA-TENA

Raha fisehoana ny manodidina fa olona afaka no tanjonao dia mamita-tena ianao.
Raha laninao amin'ny fandaniana entina hisehoana ivelany ny atsasaky ny fidiram-bolanao dia tena diso làlana ianao.

🍁 Raha fihetsiketsehana entina hisarihana tovolahy na tovovavy halaina vady no antony mety mba azo ekena ihany. Fombam-piainana izany.

🍂 Fa raha olona efa manam-bady manan-janaka ianao no mbola mandany vola amin'ny fisehoana ivelany dia mila mandinika ianao.

👉 Ireto no toro hevitra:

1️⃣ Ilaina ny manao metimety satria mariky ny fanajanao ny tenanao izany.
2️⃣ Ny metimety tsy voatery ho akanjo na kiraro "marque".
3️⃣ Manaova fitafy madio, tsy miforiporitra, ary manaja sy maotina.
4️⃣ ary Ampifanaraho amin'ny fari-piainanao ny fandanianao: fiara, finday raitra, sns.

✅️ Tahirizo ny vola ho an'ny tetikasanao sy ireo zava-dehibe amin'ny fiainana.
Mitahiriza koa hitsinjovana ny vody merik'andro

Mahaiza mandanjalanja..

08/01/2024

Littéraire aho.

1,25/20 ny mathématique'ko tamin'ny bacc. Nefa afaka soamantsara aho.

Tsy aiko amin'izao vanim-potoana izao fa tamin'ny andronay dia nolazaina fa sarotra be aminay litteraire hono ny ho tafita; vitsy hono ny handray anay hiasa ao aminy... nefa dia tena tsy nety nahay an'io matière iray io aho

Mifantsika ato amin'ny eritreritro hatramin'ny salova-tavan'ny prof de math rehetra nampanao punition ahy tamin'izany fotoana izany...

Raha nampahomby ny nanao punition, za no nahomby indrindra.

Vao manomboka ny cours dia manoaka aho, tsy fanahiniako fa tena tsy misy zavatra azoko hatramin'ny voalohany ka hatramin'ny farany...
Ohatran'ny omby mijery flora aho...

Zao foana ny zavatra naverimberiko tato an-tsaiko, izay sehatr'asa tsy misy mathématique no ho ataoko rehefa vita ny bacc.
Izany indrindra no nifidianako ny filière hôtellerie sy restauration, izay nahafahako nilefa mathématique... hay kay tratran'ny gestion hôtelière koa kay tany... dia tsy misy zavatra azoko hatramin'ny voalohany ka hatramin'ny farany indray 😃

(dinganiko kely ny tantara)

18taona taty aoriana, mpandraharaha aho... tsapako fa misy zavatra mampatahotra ahy ao anaty orinasa: inona ary oh???

Natahotra ny resaka chiffres rehetra ny tenako!!

Haiko ny manisa vola saingy rehefa nitombo ny isan'ny orinasako, ny clients, ny mpiasa, ny fournisseurs dia ohatran'ny tsapako fa miasa maina aho...

Miditra ny vola fa tsy fantatro hoe mankaiza?

Mifangaro ny volan'ny orinasa samihafa, mifangaro amin'ny volako...

Tsy fantatro akory hoe very vola aho, tsy fantatro hoe misy mikepoka ny vola ato!

Tsy fantatro akory hoe manao bénéfice ohatrinona mazava tsara aho...

Nanomboka teo dia tsapako fa tsy maintsy mianatra comptabilité aho. Dia tsy napoiziko fa nahay aho...

Ny nahagaga dia ity, mora tamiko ny ni'comprendre an'ilay izy satria nanana antony amin'izay aho!

Hoy aho hoe: potika ny orinasako raha tsy raisiko an-tanana zao dia zao

Hoy aho hoe: very vola aho rehefa tsy mahay...

Mitodika aminao manokana aho androany...

Mahay mitady vola ve ianao fa tsy mahay mitantana?

Voafehinao ve ny fizotran'ny vola mihodina rehetra ao amin'ny orinasanao?

Sa ianao ilay manao sonia an-jambany an'izay asain'ny comptable'nao soniavina fotsiny?

Na mpandraharaha ianao na tompona orinasa, na hanangana orinasa, na madinika na goavana... ilainao ny mahalala "bases" mba hahafantaranao ny "opérations" miainga rehetra sy ny tokony ho atao rehetra hahatratrarana tanjona.

Nosivaninay ary natambatambatray izay tokony ho ilain'ny mpandraharaha vao manomboka rehetra momban'ny GESTION, FINANCE, COMPTABILITE ary FISCALITE... ary natambatray ao anaty harona iray antsoina hoe: "FINANCE STARTER PACK 2024"

Mahaliana ve izany rehetra izany?

Misy remise taona vaovao atolotray anao raha zao dia zao ianao dia miditra sahady.

Tsy fampianarana fotsiny izy io fa fampitaovana mihitsy.

☎️034 11 250 00