21/12/2023
ဟိုး ငယ်ငယ်ကလေ
ပထမဆုံး သင်္ကြန်ရယ်
ဒုတိယ သီတင်းကျွတ်ရွာဘုရားပွဲတော်ရယ်
တတိယ သေခဲလှဘုရားပွဲဆိုပြီး
ငါတို့တွေ စောင့်မျှော်ကြရင်း
တစ်နှစ်ပြီးတစ်နှစ်ကုန်ဆုံးခဲ့ရတယ်။
ဒီသုံးရာသီပဲ
အဝတ်အစား အသစ် ရတတ်တော့
ကလေးဘဝက လက်ချိုးရေတွက်နေခဲ့ရတာ လွမ်းမိပါရဲ့။
နတ်တော်လှရောက်ပြီဆို
မနက်မိုးလင်းတာနဲ့ ပြက္ခဒိန်ကြည့်ပြီး
သေခဲလှဘုရားရက် ရောက်ဖို့ဘယ်နှရက်ပဲလိုတော့တယ် ရေတွက်ရင်း
ရောက်လဲလာရော ငါတို့အိမ်က ဘယ်နေ့သွားမှာ သူတို့အိမ်ကဘယ်နေ့သွားမှာနဲ့
အဲ့တုန်းက ဆိုင်ကယ်တွေရှားပါးသေးတော့
ပေါင်းမိုးလှည်းကိုယ်စီ
ခြေလျင်အဖွဲ့အစုများနဲ့
ခေါင်းလောင်းဘောင်းဘီရှည်ခေတ်စားတုန်းကပေါ့။
ဪ အချိန်တွေရယ်မြန်လိုက်တာ
မှတ်မိသားမိ
အဆိုတော် ရော်ရွက်
ဘာညာCele ဖြူဖြူထွေး
MRTV4 မင်းသမီး ပိုးကြာဖြူခင်(ဆိုင်းမိုင်)ဆိုပြီး နာမည်ကြီးတဲ့နှစ်ကပဲ
စည်စည်ကားကားကျင်းပလို့
ကျွန်တော်လဲ အသက် ၂၀ကျော်လူပျိုပေါက် ရည်းစား၁၅ယောက်နဲ့တုန်းကပေါ့။
အဲ့နှစ်က ၁၁ရက်နေ့ကတိုင်းသွားတာ
ပိုက်ဆံကုန်ရင် အိမ်ပြန်တယ်
ပေးရင်ယူတယ် မပေးရင်ခိုးပြီးသွားတယ်။
လပြည့်နေ့ ညနေ၅နာရီထိုးထိ ဘုရားမှာ သောင်းကြမ်းခဲ့တုန်းကပေါ့။
ပြီးတော့ မနှစ်က အနည်းငယ်ပြန်ဖွင့်တော့ သွားလိုက်ရသေး။
အဲ့တာလဲနေ့တိုင်းသွားတာပဲ
သုံးခေါက်မြောက်နေ့မှာ
အခရာနဲ့အမေနဲ့က ပြန်ခေါ်လို့
လူကမူးနေ အမူးကမပြေသေးနဲ့
ပျော်ခဲ့ရတာပေါ့။
လွမ်းလိုက်တာအညာရယ်။....
