24/06/2024
မ ဖျက်ရင်
========
တပည့် ကောင်လေး တစ်ယောက်က မေးလာတယ်
ဘုန်းဘုန်း #မိန်းမ ဖျက်ရင် လူ မပြော နဲ့ တိုင်းပြည်တောင်
ပျက်တယ် ဆိုတာ ဟုတ်သလား? ဘုရား တဲ့။
ဟေ
ငါ့ တပည့် အသဲကွဲ လာပြီ ထင်တယ် ကွ
မဟုတ်ပါ ဘုရား သိချင်လို့ပါတဲ့ လေ။
သူ တကယ် အသဲ ကွဲ မကွဲ တော့ မစပ်စု တော့ ပါ။
ဒီလိုရှိတယ် ငါ့ တပည့်ရဲ့ မင်းကို မေးပါရစေအုံးတော့ မင်းကို ဘယ်သူက မွေးတာလဲ?
အမေ ကလေ ဘုရား
အေး မင်း အမေ ဟာ ဘာလဲ မိန်းမလား ယောက်ျားလား
ဘုန်းဘုန်း ကလည်း အမေ ပါဆို မိန်းမ ပေါ့ ဘုရား။
ဟုတ်ပါပြီ မိန်းမ များစွာထဲက မိန်းမ တစ်ယောက် ဖြစ်တဲ့ မင်းအမေက မင်းကို ပျက်စီးအောင်များ ဖျက်စီး တာ ရှိသလား? ဒါမှ မဟုပ် မပျက်စီးအောင်ကောင်းအောင်များ လမ်းညွှန်သလား? မင်း ဖြေကြည့်
ကောင်းအောင် လိမ်မာ အောင် လမ်းမှား မရောက်အောင်
လမ်းပြတာ ပေါ့ ဘုရား။
ဒါဆို မင်း အမေလည်း မိန်းမ လေကွာ မိန်းမ က ဖျက်သလား ကောင်းအောင် လမ်းပြသလား? စဉ်းစား ပေါ့။
အိမ်း မောင်တို့ နားလယ်မှု့ လွဲ နေတာလေး ကို ငါ ပါချုပ် ဆရာတော်ကြီး တရားနာထားရလို့ သိတယ် ဖြေနိုင်တယ်ကွ။
ဒီ လို ကွာ တို့ မြန်မာ စာပေမှာ တားမြစ်တဲ့ အက္ခရာ ရှိတယ် ဘာဖြစ်မယ် ထင်လဲ?
#မ ဆိုတဲ့ အက္ခရာ လေ ကွာ
ဥပမာ ပြ ပေးမယ် ကွာ မင်း နားလယ် အောင်
သူတပါး အသက် #မသတ်စေချင်ရင်
မ ရှေ့က ခံပြီး မသတ်နဲ့။
မ ခိုးစေချင်ရင် မ ဆိုတာလေးနှင့် တားမြစ်တယ်
#မခိုးနှင့် မကောင်းဘူး
#မသတ်နှင့် မကောင်းဘူး
#မသောက်နှင့် မကောင်းဘူး
#မလုပ်ဘို့ရာ တားမြစ်ချက် မှန်သမျှ #မ ရှေ့က ခံ ရေးတယ် လေကွာ
သစ်ပင် မ ခုပ်ရ
ကွမ်း မ ထွေးရ
လာဘ်။ မ စားရ
အနိုင် မ ကျင့်ရ
ဖဲ မ ရိုက်ရ
ကြက် မ တိုက်ရ
ဘိန်း မ ရှူရ
ဆေးလိပ် မ သောက်ရ
ထို ဥပမာ ထဲက မ အက္ခရာ လေး ဖြုပ်ပြီး အကုန်လုပ်မယ်
ဆိုရင် ဘာဖြစ်မလဲ?။
မလုပ်ရလို့ တားမြစ်ထားတဲ့ မ အက္ခရာ ကို ဖြုတ် အကုန်လုပ်ရင်
ထောင်ကျနိုင်တယ် အပါယ်ကျနိုင်တယ် လူတော မတိုး ဖြစ်နိုင်တယ်
အရှက်လည်း ကွဲတတ်တယ်။
ဘာဖြစ်လို့ လဲဆိုရင် မ ဆိုတဲ့ တားမြစ်ချက်ကို ဖြုတ်ပြီး ချိုးဖေါက်လို့မဟုတ်လား။
ကိုယ့်ရဲ့ ဘဝ ထဲ မှာ #မ ဆိုတဲ့ တားမြစ်ချက် လေး ဖြစ်တဲ့ မ အက္ခရာ ကို ဖျက်ပြီး မလုပ်သင့် တာကို လုပ်ရင် ဘဝ ပျက်တတ်တယ် ဆိုတဲ့ အဓိပ္ပါယ် ပါ ငါ့ တပည့် ရဲ့။
အမျိုးသမီး ဖြစ်တဲ့ မ ဖျက် လို့ ပျက်တာ မဟုတ်ဖူး
တားမြစ်ချက် မ ကို ဖျက်ပြီး မကောင်းတာလုပ် လို့ပါကွယ် လို့ ဖြေလိုက်မိပါရဲ့။
စာ ဖတ် သူ များ သဘော ပေါက်နိုင်ကြပါစေ။
