31/03/2024
💁🏻 အိမ် အကြမ်းထည်ဆိုသည်မှာ
==========================
🧑🏻💻အကြမ်းထည်ဆိုတာ Foundation ကစ အမိုးမိုးတဲ့အထိ ကိုယ်ထည်ကြီးနဲ့ အုတ်စီ ပလာစတာချောပြီးအဆင့် ပါဗျ။ကြွေပြားလုပ်ငန်း။ရေလုပ်ငန်း။
မီးလုပ်ငန်း။ဆေးလုပ်ငန်းတွေ မပါဘူး။ ကျည်းဘောင်ထောင်၊တခါးတပ်၊ဘာတခုမှ မပါဝင်ဘူး။
ကိုယ်ထည်ဖရိမ်ကြီး နဲ့ အုတ်စီ ချောတာဘဲပါမယ်။
ကျည်းဘောင်ထောင်၊တခါးရွက်တပ်၊Topping လောင်း၊လှေခါးချော စတဲ့ လုပ်ကွက်ဟူသမျှ
Extra Work လို့ခေါ်ပါတယ်။အပိုထပ်တိုးလုပ်ငန်းပေါ့။
🙄အိမ်ဆောက်ပါတယ်ဆို တခါးရွက်တို့ ကျည်းဘောင်တို့ တော့ ပါမှာဘဲလေ ❗️ဆိုတော့ကာာ❗️
🧑🏻💻ကျွန်းတံခါး၊ပျဉ်ကတိုးတံခါးUPVC တံခါး၊အလူမီနီယံ ၊Mild_Steel မျိုးစုံ ရှိတယ်။မှန်ထည့်ချင်
ထည့်ချင်ထည့်မယ်။ ဖန်ဘလောက်တုံးလဲတပ်လို့ရတာဘဲ။ပစ္စည်းတန်ဖိုး၊ပစ္စည်းအရည်အသွေး၊ပစ္စည်းအမျိုးအစား နဲ့ တပ်ဆင်ခတွေက မတူညီဘူး။စျေးဖြတ်ရတာ အတိုးအလျော့နဲ့ အာရုံစားတယ်။ အဲတော့ သေချာတဲ့ Structure ကိုယ်ထည်နဲ့ စီချော ဘဲ အကြမ်းထည် ဖြတ်တယ်။ကျန်တာ Extra Work
🙄အိမ်သာခွက်တောင် ထည့်တပ်မပေးဘူလား ???
🧑🏻💻ဗမာထိုင် ၊ဘိုထိုင် ၊ကော်ခွက် ကြိုက်ရာလာ Extra Work. လုပ်ငန်းပိုင်းကိုအကန့်တွေ တကန့်စီ သွားလို့ရတော့ ဖြတ်ချင်သလိုဖြတ် အပ်ချင်သလိုအပ်လို့ရတယ်။အိမ်ရှင်အနေနဲ့ ကိုယ်တပ်ဆင် ထည့်သွင်းချင်တဲ့ ပစ္စည်းတန်ဖိုး၊အရည်အသွေးကအစ စဉ်းစားရွေးချယ်ချိန်ပိုရတော့ အဆင်ပြေစေတယ်။
🧑🏻💻အရှုပ်ထဲမှာ ရှင်းအောင်လုပ်နေရတာမျိူးပေါ့။ မလုပ်ခင်ထဲက ရှုပ်တာက ရှင်းလို့ရတယ်၊လုပ်ပြီးမှရှင်းရင် ရှင်းမကောင်းတော့ဘူး။ငြင်းခုန်စရာမလိုတဲ့သဘောပေါ့။
🧑🏻💻အချောထည်ဆိုတာက ရေလုပ်ငန်း၊မီးလုပ်ငန်း၊ဆေးလုပ်ငန်း၊ကြွေပြားလုပ်ငန်း၊ပါကေးလုပ်ငန်း၊ မျက်နှာကျက်လုပ်ငန်းတွေထိ အပြီးအစီးပြု
လုပ်ပေးတာကို ပြောတာပါ။အဲဒီအပိုင်းမှာလဲ အသုံးပြုပစ္စည်းရဲ့ တန်ဖိုး၊အမျိုးအစား၊ဒီဇိုင်းအလိုက် တပ်ဆင်ခဆိုတာအမျိုးမျိုးထပ်ရှိသေးတယ်။
ဒီ့ထက်ရှုပ်ယှက်ခက်နေသေးရင် အလွယ်လေးပါ။
🧑🏻💻ရှင်းသွားအောင် ကိုယ်လိုချင်တဲ့ ဒီဇိုင်းနဲ့ အသုံးပြုချင်တဲ့ ငွေကြေး၊ပစ္စည်းအရည်အသွေး၊တန်ဖိုး၊အမျိုးအစား အားလုံးတိတိကျကျ ပါဝင်အောင်
ဒီဇိုင်းဆရာကို ပြောပြပီး ဒီဇိုင်းအပ်လိုက်ပါ။
🙏🏻ခေတ်ပျက်၊ခေတ်ကြပ်တွေကြားထဲမှာလဲ အဆင်ပြေကြပါစေ။ 🙏🏻
#အောင်မြင်မှုဆောက်လုပ်ရေး
#အိမ်လှလှလေးဆောက်ကြမယ်
#အိမ်