https://www.facebook.com/177601248763622/

Paung Paung, ငါးထပ်ကြီးဘုရားလမ်း, Yangon (2026)

Q: What is the address?

ငါးထပ်ကြီးဘုရားလမ်း

25/08/2024

ဈေးကြီးမီးလောင်နေတာကိုမြင်တော့...
ဪ ဈေးကြီးမီးလောင်နေတာကိုး လို့ တွေးလိုက်ပြီး...
ခဏအကြာပြန်ချောင်းကြည့်မိတယ်။

ဪ ဈေးကြီးမီးလောင်နေတာ,မငြိမ်းသေးဘူးကိုးလို့, ထပ်တွေးတယ်။ အေးဆေးပါပဲ...
ဒါနဲ့ ....ကျောင်းအောက်ဆင်းလိုက်တာ

ငါ့ဖိနပ်ကပျောက်နေသကိုး ။
ပြာပြီ . . .

ဘာလို့ ဈေးကြီးမီးလောင်တာကို အေးဆေးနေနိုင်ပြီး
ဖိနပ်ကလေးပျောက်ကာမှ ပြာနေသတုန်း ဆိုတော့ ...
" ငါ " ပါလာပြီကိုး ။

နိဗ္ဗာန်ကို ရောက်ဖို့ အဲ့ဒီ ' ငါ ' ပဲ ဖြုတ်ဖို့လိုတာပါကွ။

- ဆရာတော်ရှင်ဥက္ကဌ

09/08/2024

တချို့အရာတွေက ဖြစ်ရမှာမို့ကို ဖြစ်လာကြတာ
**********************************

-၉/၁၁ တိုက်ခိုက်မှုဖြစ်ပြီးနောက် World Trade Centre မှာ ရုံးခန်းတွေရှိတဲ့ ကုမ္ပဏီတစ်ခုက သူ့ရဲ့အသက်ရှင်ကျန်ခဲ့တဲ့ ဝန်ထမ်းတွေကို ခေါ်ယူမေးမြန်းခဲ့ပါတယ်

-အလွန်အရေးမပါတဲ့ အကြောင်းပြချက်လေးတွေကြောင့် ဒီလူတွေ အသက်ဆက်ရှင်နေကြတာတွေ့ခဲ့ရတယ်

-ကုမ္ပဏီဒါရိုက်တာတစ်ယောက်က သူ့သားလေးရဲ့ သူငယ်တန်းတက်မယ့် ပထမဆုံးနေ့မို့ နောက်ကျခဲ့တယ်

-အမျိုးသမီးတစ်ယောက်ကတော့ နာရီ alarm မမြည်တာကြောင့် နောက်ကျနေခဲ့တယ်

-တစ်ယောက်ကတော့ လမ်းမှာ ယာဉ်တိုက်မှုတစ်ခုရှိလို့ ကားပိတ်နေခဲ့တယ်

-နောက်တစ်ယောက်ကတော့ ဘတ်စ်ကားလွတ်သွားလို့

-တစ်ယောက်ကတော့ ကိုယ်ပေါ်ကို မုန့်တွေမှောက်ကျလို့ အဝတ်အစားပြန်လဲလို့ နောက်ကျနေခဲ့တယ်

-တစ်ယောက်က ကားစက်နှိုးမရလို့

-တစ်ယောက်က ဖုန်းထွက်ပြောနေလို့

-နောက်တစ်ယောက်က မီးဖွားနေလို့

-တက္ကစီငှားမရလို့

-နောက်ဆုံး တစ်ယောက်ကတော့ အဲ့ဒီနေ့မှာ ရုံးကို ရှူးဖိနပ်အသစ်လေး စီးခဲ့ရာကနေ ဖိနပ်ပေါက်ပြီး ရေကြည်ဖုထလို့ ဆေးဆိုင်မှာ ပလာစတာ ဝင်ဝယ်နေရာကနေ အသက်ရှင်ကျန်ခဲ့ရတယ်

-အခု ကျွန်တော်တို့ ကားတွေပိတ်တဲ့အခါဓာတ်လှေကားမမီလိုက်တဲ့အခါ

-အိမ်အပြင်ရောက်ပြီးခါမှ အိမ်ဖုန်းထမြည်လို့ အိမ်ထဲပြန်ဝင်ပြောရတဲ့အခါ

နှင့် အခြားအခြားသော စိတ်အနှောက်အယှက်ဖြစ်စရာများ ကြုံရတဲ့အခါ

ဒီနေရာမှာ ငါ ရောက်သင့်လို့ရောက်နေတာ"လို့ ပထမဆုံးတွေးလိုက်တယ်

-နောက်တစ်ခါ သင့်ရဲ့မနက်တွေကို စိတ်ရှုပ်စရာနဲ့ စတင်ရတယ်... ကလေးတွေ အဝတ်လဲတာ ကြာနေတယ်... ကားသော့ရှာမတွေ့ဘူး... မီီးနီဘဲ ဆက်တိုက် မိနေတယ်ဆို

-ဒေါသမထွက်ပါနဲ့ စိတ်မပျက်ပါနဲ့

သင်ဟာ ဒီနေရာမှာ ရှိကို ရှိရမှာမို့ ရှိနေတာပါ ။

ကံကောင်းခြင်းတွေဟာ တစ်ခါတစ်ရံ ကံဆိုးတယ်ထင်သယောင်အရင်ပြပြီးမှ ရလာတတ်တာလဲ မမေ့ပါနဲ့လို့ ။

**စိတ်ရှုပ်ရတဲ့ နေ့တွေတိုင်း ဒီစာလေးကို ပြန်ဖတ်ပါ**

Crd :

25/07/2024

https://www.facebook.com/share/r/6ew1e2VvSCwCsTJ9/?mibextid=oFDknk

14/02/2024

. #သမိုင်းမှာမင်းတရားခံဖြစ်မယ်
~~~~~~~~~~~~~~~~~~~~~

* မင်း မမှန်ရင် မင်းတရားခံဖြစ်မယ်
ငါ မမှန်ရင် ငါ တရားခံဖြစ်မယ်။

* တရားဆိုတာ
ညာ လည်း မညာ
ညှာ လည်း မညှာ
ပကတိ သူ့သဘောသူ ဆောင်ခြင်းပဲ။

* ဒီနေ့ မင်းရဲ့လုပ်ရပ်ဟာ
နောက်နေ့ မင်းရဲ့အနာဂတ်
ဒီနေ့ မင်းရဲ့လုပ်ရပ်ဟာ
နောက်နေ့ မင်းရဲ့ အတ္ထုပ္ပတ်။

* မပတ်သက်ချင်လို့ မရ
မစပ်ဆက်ချင်လို့ မရ
မင်းဘဝကို မင်းက သာ ပြဋ္ဌာန်းတယ်။

* မင်း ဘာလဲ
* မင်း ဘယ်သူလဲ
* မင်း ဟာ မင်းပဲ ။

( တင်မိုး )

28/01/2024

#ပုံသွင်းသူ မဖြစ်ပါစေနဲ့
#ပျိုးထောင်သူပဲ ဖြစ်ပါစေ...
🎄🌲🌳🌴🌱🌿☘️🍀🎍🪴
😞 5 နှစ်...
"သားသူငယ်ချင်းအိမ် သွားချင်တယ်"
"မသွားနဲ့ အိမ်မှာပဲဆော့"
"အော် ဟုတ်ကဲ့"
(ဘယ်သူငယ်ချင်းအိမ်မှ သူမသိဘူး။
သူ့မှာ အချစ်ဆုံးသူငယ်ချင်း မရှိဘူး။ သူအထီးကျန်တယ်)

😞 8 နှစ်...
"ဟို ပါဝါရိမ်းဂျားအရုပ် လိုချင်တယ်။ ဝယ်ပေးပါလား"
"အဲဒါတွေက အလကား ဗိုက်ပြည့်တာမဟုတ်ဘူး"
"အော် ဟုတ်ကဲ့"
(ကလေးဘဝ အမှတ်တရတွေကို ပြန်ကြည့်တိုင်း သူဟာ ကလေးတစ်ယောက် မဟုတ်ခဲ့ဘူး)

😞10 နှစ်...
"ကျောင်းဘောလုံးပြိုင်ပွဲမှာ ဘောလုံးဝင်ကန်ချင်တယ်"
"ခြေထောက်ကျိုးမယ်၊ ကွဲပြဲကုန်မယ်၊ ကျိုးကန်းချင်လား မကန်နဲ့"
"အော် ဟုတ်ကဲ့"
(အဲဒီအချိန်ကစ ဘာအားကစားမှ မပါဝင်ဖြစ် ကျန်းမာရေးလှုပ်ရှားမှုမရှိ ကြံ့ခိုင်မှုမရှိ)

😞13 နှစ်...
"လပြည့်ည သူငယ်ချင်းနဲ့ တူတူပုန်းတမ်း ကစားချင်တယ်"
"မကစားနဲ့ ၈နာရီရှိပြီ နတ်ဖွက်မယ်၊ သရဲရှိတယ်၊သံခရာခေါင်းဖြတ်မယ်"
"အော် ဟုတ်ကဲ့"
(ကြီးတဲ့အချိန်ထိ အမှောင်ကိုကြောက်၊ သရဲတစ္ဆေတွေကြောက် အမြဲစခံရ)

😞15 နှစ်...
"စီးပွားရေးသမားဖြစ်ချင်တယ် Eco တွဲ ယူမယ်နော်"
"ဟိုကောင် အာကာ တောင် Bio ယူတယ် Bio က ပိုမြင့်တယ် အဲဒါယူ"
"အော် ဟုတ်ကဲ့"
(သူစိတ်မဝင်စားတဲ့ ခန္ဓာအစိတ်အပိုင်းတွေအကြောင်း၊ တိရစ္ဆာန်၊ အပင်တွေအကြောင်း
ငြီးငွေ့အောင် သင်ခဲ့ ကျက်ခဲ့ရ)

😞16 နှစ်...
"အမှတ်လည်းကောင်းတယ် စီးပွားရေးတက္ကသိုလ် တက်ချင်တယ်"
"နင့်အမှတ်နဲ့ ဆေးကျောင်းတက် နင့်ကို ဆရာဝန်ဖြစ်ဖို့ ကျောင်းထားတာ"
"အော် ဟုတ်ကဲ့"
(သူ့အကြီးမားဆုံးဆန္ဒကို ဖျက်ဆီးခံလိုက်ရပြီး ဘဝတစ်လျှောက်လုံး ဝါသနာမပါရာအသက်မွေးဝမ်းကျောင်းကို ရွေးချယ်ခဲ့ရ")

😞19 နှစ်...
"ရည်းစားရှိနေပြီ သူက စီးပွားရေးကျောင်းက"
"ရူးနေလား ဆရာဝန်ဟာ ဆရာဝန်နဲ့ပဲယူ အဆင့်တူ ငွေကြေးချမ်းသာတာနဲ့ယူ ခွေးမဖြစ်ချင်နဲ့"
"အော် ဟုတ်ကဲ့"
(သူ့ဘဝရဲ့ တစ်သက်လုံးလက်တွဲရမယ့်သူကို
ဆုံးရှုံးခဲ့။ အချစ်ဆိုတာကို ငွေကြေးနဲ့ဂုဏ်ဒြပ်က ဖျက်ဆီးခဲ့)

😞20 နှစ်...
"အဲဒီနေရာကို မရောက်ဖူးဘူး"
"မင်းက အဲ့မြို့မှာမွေး အဲ့မှာကြီးတာလေ။ ဒါလေးတောင် မရောက်ဖူးဘူး မသိဘူးလား"
"အော် အေးပါကွာ"
(သူငယ်ချင်းတွေကြားထဲ သူဟာ ဘာမှမသိသူ
တစ်ယောက်)

😞25 နှစ်...
"ဒါလေးကို ဒီလိုလုပ်လိုက်ရင် ကောင်းမယ်နော်"
"အဲဒီလို ဘယ်သူမှမလုပ်ဖူးဘူး ဟိုးအရင်လူကြီးတွေက ဟိုလိုပဲလုပ်လာတာ အဲလိုလုပ်"
"အော်ဟုတ်ကဲ့"
(ကိစ္စတစ်ခုအပေါ် မိမိအမြင်သစ်တွေနဲ့ မဖြေရှင်း၊မဖန်တီးတတ် တခြားသူအမြင်တွေပေါ် မှီခိုခဲ့)......
အိမ်က သဘောတူတဲ့သူနဲ့ ယူခဲ့တယ်။ ချစ်တဲ့သူနဲ့ဝေးတယ်။

ကိုယ့်ဝါသနာကို စွန့်လွှတ်တယ်။
မိဘရွေးပေးတာ လုပ်တယ်။

ကိုယ့်အလုပ်ကိစ္စတွေကအစ ကိုယ်တိုင်ဆုံးဖြတ်ခွင့်မရှိ။

စွန့်စားလိုစိတ်တွေ ပျောက်ကွယ်၊ စဉ်းစားနိုင်စွမ်းတွေ ပျောက်သွားတယ်။

သူငယ်ချင်းတွေ ကိုယ့်မြို့လာလည်လို့ သွားသင့်တဲ့နေရာတွေ မေးရင် မသိ။

ဒါပေမယ့်
လူကြီးတွေရဲ့ မိတ်ဆွေတွေနဲ့ တွေ့တဲ့အခါ

"ဒါက ကျွန်မတို့ သား/သမီးလေးလေ
မိဘစကားကို တစ်သွေမတိမ်းလိုက်နာတယ်။အရမ်းလိမ္မာတာ အမေက ဒါဆိုဒါပဲ"

"သား/သမီး လိမ္မာလေး"

မိဘကို စိတ်ကျေနပ်ပျော်ရွှင်မှုတွေ ပေးနိုင်ခဲ့တယ်။ သူရဲ့ အကျင့်၊ ဝါသနာ၊ အချစ် ဖြစ်ချင်စိတ်တွေကို အဖျက်ဆီးခံပြီးတော့ပေါ့။

ဘဝတစ်လျှောက်လုံး အမိန့်နာခံတတ်အောင် သင်ကြားခံခဲ့ရပြီး လူတစ်ယောက်ရဲ့ ပင်ကိုယ်စွမ်းရည်တွေမရှိ၊ ဦးဆောင်မတတ်၊ လူရှေ့သူရှေ့စကားမပြောရဲ၊တစ်ယောက်ထဲ ဘာမှ မလုပ်ရဲ။ ဒါပေမယ့် သူဟာ သား/သမီးလိမ္မာ...

တစ်သက်လုံး ပင်ကိုယ်စွမ်းရည် ဆုံးဖြတ်နိုင်စွမ်းတွေကို နင်းချေခံခဲ့ရပေမယ့် နင်းချေခဲ့တဲ့သူတွေကိုယ်တိုင် တစ်ခါတစ်ရံ ဒါတောင်မသိဘူးလား ဒါလေးတောင် မလုပ်တတ်ဘူးလားလို့ ဆူလေရဲ့...

ဘာအကျိုးသက်ရောက်မှုတွေပဲ ရှိပါစေ လူကြီးတွေကတော့ ကောင်းစေချင်လို့ဆိုတဲ့ အဖြေတစ်ခုသာရှိပါတယ်။

စောဒကတက်မိရင် လူကြီးစေတနာနဲ့ပြောတာ
နားမလည်ဘူးလားဆိုတဲ့ အဖြေမဲ့မေးခွန်းတွေ အမေးခံရတတ်ပါတယ်။

လူကြီးတွေ တကယ်စေတနာရှိရင်
လူငယ်တွေကို နားလည်ပေးသင့်တာပေါ့။
ကိုယ်က လူကြီးဖြစ်ပြီး နားမလည်ခိုင်းသင့်ဘူး။

လူကြီးတွေကို သိစေချင်တာက ကိုယ့်မျိုးဆက်သစ်တွေကို ကိုယ်လုပ်ချင်တာ၊ ကိုယ်ဖြစ်ချင်တာကို တစ်သွေမသိမ်းလိုက်နာပြီး သူဖြစ်ချင်တာကို ဘာမှမသိတဲ့ (ကိုယ်လည်း သိစရာမလို) ကိုယ်ပါမှ ကိုယ်ပြောမှ လုပ်တတ်တဲ့သူအဖြစ် ပုံသွင်းနေတာလား။

ဒါ့အပြင် နှင်းဆီနဲ့တူတဲ့သူကို
စံပယ်နဲ့တူတဲ့သူနဲ့
ယှဉ်လေ့ရှိကြပါတယ်...

ဆရာဝန်နဲ့ အင်ဂျင်နီယာ ဘယ်သူပိုတော်သလဲဆိုတာ...

လှေသမားနဲ့ ဆရာဝန်
ဘယ်သူပိုတော်သလဲ...

လယ်သမားနဲ့ အင်ဂျင်နီယာ
ဘယ်သူပိုတော်သလဲ မေးနေသလိုပါပဲ...

နှင်းဆီရဲ့ထူးခြားချက်က အရောင်ဖြစ်သလို
စံပယ်ရဲ့အားသာချက်က ရနံ့ဖြစ်ပါတယ်...

နှင်းဆီက ပိုလှတယ်လို့ဖြေရင်
သင်ဟာ နှင်းဆီကြိုက်လို့ဖြစ်ပြီး...

စံပယ်က ပိုလှတယ်ဖြေရင်
သင်ဟာ စံပယ်ကိုကြိုက်လို့ပါ...

ပန်းချင်းတူပေမယ့်
အရည်အချင်းမတူပါဘူး...

တစ်ချိန် မိဘဖြစ်မယ့် သင်လည်း
ပုံသွင်းသူနဲ့ ပျိုးထောင်သူကို
သေချာနားလည်ပြီး ပန်းပျိုးတဲ့လက်ကလေးဖြစ်ပါစေ...

နှင်းဆီကို ပိုရဲစေပြီး
စံပယ်ကို ပိုမွှေးစေနိုင်သူ
ဖြစ်ပါစေ....။။ ။

#မူရင်းရေးသားသူကို
ပေးပါသည်။

26/01/2024

စာဖတ်ခြင်း ဆို တာ

စာအုပ် တစ်အုပ်ကို ဖတ်ခြင်းအားဖြင့် ရသစာအုပ်ပဲဖြစ်ဖြစ်၊ သုတစာပေပဲဖြစ်ဖြစ် တခြားတစ်ဦးတစ်ယောက်ရဲ့ စိတ်ထဲ၊ ဦးနှောက်ထဲကို ၀င်ကြည့်လိုက်သလိုပဲ့
အဲဒီတော့ ကိုယ့်ရဲ့ကမ္ဘာကြီးက အများကြီးပဲ ကျယ်သွားတယ်။ ဆိုတော့ လူတစ်ယောက်မှာဆိုရင် ဦးနှောက်တစ်ခုပဲ ရှိတယ်၊ စိတ်တစ်ခုပဲ ရှိတယ်။ အဲဒီစိတ်၊ အဲဒီ ဦးနှောက်ကနေ မြင်မယ်ဆိုရင် အင်မတန်မှ ကျဉ်းမြောင်းတယ်။

တခြားလူတွေရဲ့စိတ်၊ တခြားလူတွေရဲ့ ဦးနှောက်ကနေပြီးတော့ ၀င်ကြည့်လိုက် ရတဲ့ အခွင့်အရေးရတယ်ဆိုရင် ကိုယ့်ရဲ့ကမ္ဘာကြီးက အများကြီးကျယ်သွားတယ်။ အဲဒီတော့ စာဖတ်ခြင်းဆိုတာ ဒါပဲ။

ကျွန်မတို့က တခြားပုဂ္ဂိုလ်တွေရဲ့ ဦးနှောက်ထဲ၊ တခြားပုဂ္ဂိုလ်တွေရဲ့
စိတ်ထဲ၊ နှလုံးသားထဲ၀င်ပြီးတော့ ကြည့်လိုက်ရတဲ့ အခွင့်အရေးတွေရသလို ဖြစ်သွားတယ်။

အဲဒီတော့ ကျွန်မတို့ ဒီလိုအခွင့်အရေးတွေ ရတဲ့အခါမှာ အချင်းချင်း နားလည်မှုကို ပိုပြီးတော့ ထူထောင်နိုင်တဲ့ အခြေအနေဖြစ်သွားတယ်။ တခြားလူတွေကို နားလည်တယ်။ ကိုယ်နဲ့မတူတဲ့ဟာတွေ၊ ဘာကြောင့်မတူတာလဲဆိုတာကို နားလည်တယ်။ ကိုယ်နဲ့မတူသော်လည်း ကိုယ့်ထက်သာတဲ့ဟာတွေလည်း ရှိတယ်ဆိုတာကို သဘောပေါက်သွားတယ်။

ဒေါ်အောင်ဆန်းစုကြည်

#မဟာချိုင်
#ထိုင်းနိုင်ငံ
#ဒေါ်အောင်ဆန်းစုကြည်

26/01/2024

"မျက်စိ မလည်နဲ့"
★ ★ ★ ★ ★ ★

"မကောင်း"တာတွေလုပ်ပြီး-
"ကောင်းတာဖြစ်လာတယ်"-တို့၊
"ကောင်းတာ" လုပ်ပြီး
"မကောင်းတာတွေဖြစ်လာတယ်"တို့
ဆိုတဲ့အခါမှာ တစ်ချို့ ပုဂ္ဂိုလ် တွေဟာ
"ဓမ္မ"နဲ့"အဓမ္မ"ကို မျက်စိလည် သွားတာမျိုး
တွေ ရှိတယ်။

အဲဒါဟာ "သဘာဝတရား"ရဲ့
ဖောက်ပြန်တာ မဟုတ်ဘူး။
ဆိုပါစို့-
အခု "မကောင်းတာ လုပ်နေတယ်"။
ဒါပေမယ့် ဒီလူဟာ
-ကြီးပွားနေတယ်၊
-ချမ်းသာနေတယ်။

ဒါအခုလုပ်နေတဲ့
"အဓမ္မ"(မကောင်းတဲ့အကျိုး)ကို
သူ ခံစားရတာ မဟုတ်သေးဘူး။
တစ်ချိန်တုန်းက-
"ကောင်းတာတွေ လုပ်ခဲ့တဲ့အကျိုး"ကို
ခံစားနေရတယ်။

အဲ့ဒီ "ကွက်လပ်ကလေးကို မမြင်ဘူး"ဆိုရင်-
လူတွေကပြောကြတယ်။

"မကောင်းတာ လုပ်တဲ့သူလည်း ကောင်းစားတာပဲ။ကောင်းတာ လုပ်တဲ့ကောင် က ဆင်းရဲတယ်"။

အဲဒါမျိုး "သဘာဝတရား"ဟာ
သူ့ရဲ့ Law ကိုပြောင်းလဲပစ်တာမျိုး
ဘယ်တော့မှ မရှိနိုင်ဘူး။

ဒါစိတ်ချ။
ဘယ်တော့မှ မပြောင်းဘူး။
လူတွေမျက်စိလည်သွားတာပဲ ရှိတယ်ပေါ့။
ဒါက"လောကကြီးမှာအချိန်စောင့်ရတယ်"
ဆိုတာက ရှိတာပဲလေ။

"ထမင်း"ချက်တာ တောင်မှ ကျက်ဖို့
အချိန်ပိုင်းလေး စောင့်ရသေးတယ်။
ဒီထက်လွယ်တဲ့"ခေါက်ဆွဲခြောက်"လေးတောင်
"(၃)မိနစ်"လောက် စောင့်ရသေးတာပဲ။

မစောင့်လို့ ရမှမရပဲ။
အခုလုပ် အခုကောင်းစားချင်လို့ ဘယ်ရမလဲ။

အေး ဒါ့ကြောင့်မို့-
ကောင်းတဲ့အပေါ်မှာလည်း သံသယမရှိနဲ့။
မကောင်းတဲ့အပေါ်မှာလည်း သံသယ မရှိနဲ့။

⚫"မကောင်း"တာဟာ-
"မကောင်းတဲ့အကျိုး"ပဲ ပေးမယ်၊

⚪"ကောင်းတာ"ဟာ-
"ကောင်းကျိုးပဲပေးမယ်"ဆိုတာ။
ဒါ The Law of Nature ပဲ။

⚪-ဘယ်တော့မှ မပြောင်းလဲတဲ့
-ဘယ်တော့မှခေတ်မတိမ်တဲ့
"သဘာဝတရားကြီးရဲ့ ဥပဒေသ"ပဲ။

"ပါမောက္ခချုပ် ဆရာတော်ကြီးဒေါက်တာ နန္ဒမာလာ ဘိဝံသ"

Credit
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်

#ဓမ္မဒါန
အဖြူရောင် နှလုံးသား

25/01/2024

"လူ ကြီး လူ ကောင်း"
===============

မနက်ပိုင်း လူကျတဲ့အချိန်ဖြစ်သည်။
လက်ဖက်ရည်ဆိုင်ရဲ့ထောင့်စွန်း ဝိုင်းလေးမှာ ထိုင်ကာ
လက်ဖက်ရည်တစ်ခွက် မှာလိုက်တယ်။

ခဏကြာတော့ ဆိုင်ဝန်ထမ်း ညီလေးက
မှာထားတဲ့ လက်ဖက်ရည်တစ်ခွက်ကို လာချပေးရင်း
ရုတ်တရက် လက်ချော် လွတ်ကျပြီး
လက်ဖက်ရည်ခွက်က ကွဲသွားတယ်ဗျ။

ဆိုင်ထဲမှာ စားသုံးနေတဲ့ လူတွေအားလုံးရဲ့မျက်လုံးတွေဟာ
ဝန်ထမ်းကောင်လေးဆီ ရောက်လာကြတယ်။

ဝန်ထမ်းကောင်လေးက ကြောက်ကြောက်ရှက်ရှက် မျက်နှာဖြစ်နေတယ်။

ဆိုင်ရှင်ရဲ့သားဖြစ်သူက
ဒီကောင်ကွာ "သေချာမလုပ်ဘူး"ဆိုပြီး
ငေါက်မယ်လုပ်တုန်း။

အဖေဖြစ်သူက သားဖြစ်သူကို ဆက်မပြောဖို့ လက်ကာပြရင်း
"နောက်တစ်ခွက် ယူခဲ့သားရေ"ဆိုပြီး
ဝန်ထမ်းကောင်လေးကို ပြုံးပြီးပြောလိုက်တယ်။

ဝန်ထမ်းကောင်လေးဟာ
နောက်ထပ် လက်ဖက်ရည်တစ်ခွက်ကို
ဂရုတစိုက်ယူလာရင်း လမ်းတစ်ဝက်မှာ
ထပ်ပြီးလွတ်ကျကာ ကွဲပြန်တယ်။

ကောင်လေးက ဒီတခါတော့ အငေါက်ခံရမှာ
သေချာသွားပြီးဆိုတဲ့အတွေးနဲ့
မျက်နှာလေးညှိုးငယ်နေရှာတယ်။

ဆိုင်ရှင်ရဲ့သားက ဝန်ထမ်းကောင်လေးကိုငေါက်ဖို့ ဟန်ပြင်တုန်း.....
အဖေဖြစ်သူက သားဖြစ်သူကို လက်ကာပြပြီး တားပြန်တယ်။

"ကွဲသွားတာ ဘယ်တတ်နိုင်မလဲ သားရယ်
နောက်တစ်ခွက် ထပ်ယူခဲ့ပေါ့" ဆိုပြီး
ဆိုင်ရှင်ဦးလေးက ပြောလိုက်တယ်။

ဒီတစ်ခါတော့ ဆိုင်ထဲက စားသုံးသူတွေဟာ
ဝန်ထမ်းကောင်လေးထက် ဆိုင်ရှင်ဦးလေးကြီးကို
ပိုပြီး စိတ်ဝင်စားနေကြတယ်ဗျ။

ထိုစဥ် ဝန်ထမ်းကောင်လေးက
လက်ဖက်ရည် နောက်တစ်ခွက် ထပ်ချပေးတယ်။

ဒီတစ်ခါတော့ လွတ်မကျတော့ဘူး အေးအေးဆေးဆေးပဲ။
ဒါပေမဲ့ ကောင်လေးမျက်နှာလေးက
သိပ်တော့ မကောင်းရှာဘူး။

ဆိုင်ရှင်ဦးလေးကြီးက
ဝန်ထမ်းကောင်လေး ပုခုံးကို ဖက်ပြီးတော့
စိတ်ထဲသိပ်မထားပါနဲ့ သားရ။

ဒါသင်ခန်းစာပဲကွ။
******************
"လူ့ဘဝမှာလည်း ဒီလိုပဲ
တစ်ခါတလေ မထင်မှတ်ပဲ မှားတတ်ကြတယ်.....
တစ်ခါတလေ မှားမှာကြောက်လို့ ဂရုစိုက်နေရင်း ကြားက
အမှားလုပ်မိသွားတာလည်း ရှိတယ်.....
အရေးကြီးဆုံးက ရည်ရွယ်ချက်ရှိရှိနဲ့
အမှားမလုပ်မိဖို့ပဲ။ '' လို့ပြောပြီး.....

ကောင်လေးကို လုပ်စရာရှိတာ လုပ်ဖို့
စိတ်ထဲဘာမှမထားဖို့ ပြောပြီး
ကောင်လေးကို သွားခိုင်းလိုက်တယ်။

ခဏနေတော့ ဆိုင်ရှင်ဦးလေးကြီးက
သူ့သားကိုခေါ်ပြီး စကားပြောတယ်။
မနက်ကတည်းက ဝန်ထမ်းကောင်လေးဟာ
မနားတမ်း အလုပ်လုပ်နေရတာ
သူလည်း ပင်ပန်းနေရောပေါ့။

ကိုယ့်ဆိုင်ရဲ့ဝန်ထမ်းဟာ
ကိုယ့်မိသားစုပဲ။
တစ်ခုခုဖြစ်ရင် အဖေတို့က
ကိုယ့်ဝန်ထမ်းဘက်က ကာကွယ်ပေးရမယ်။

မနက်ကတည်းက
သူကောင်းကောင်း အလုပ်လုပ်နေတာ
ဒီတစ်ခါပဲ မှားတာပါ။

လူတွေဟာ မွေးရာပါ
အဆိုးမြင်စိတ်ရှိကြတယ် ငါ့သားရ။
လက်ခုပ်တီးဖို့ထက်
လက်ညှိုးထိုးဖို့ ပိုပြီး စိတ်အားထက်သန်ကြတယ်။

လူတွေဟာ
အကောင်းတွေ အများကြီးကြားက
အဆိုးတွေကို ရွေးပြီး မြင်တတ်ကြပေမယ့်
အဆိုးတွေကြားက
အကောင်းတွေကိုတော့
မသိချင်ယောင် ဆောင်နေတတ်ကြတယ်။

အဆိုးတွေ အများကြီးကြားက
အကောင်းကို ရွေးပြီးမြင်တတ်အောင် ကြိုးစားပါ။

ကောင်းမွန်တဲ့ လုပ်ရပ်တွေအတွက်
လက်ခုပ်တီးဖို့ ဝန်မလေးပါနဲ့သားရေ ဆိုပြီး
အဖေဖြစ်သူက သားဖြစ်သူကို ဆုံးမစကား ပြောနေတယ်။

ဒီအဖြစ်အပျက်တွေကို ကြည့်ရင်း
အေးနေတဲ့ ကျနော်ရှေ့က လက်ဖက်ရည်ခွက်ကို
တကျိုက်တည်း အပြီးမော့လိုက်တယ်။
လက်ဖက်ရည်ရဲ့အရသာက
လူကြီးလူကောင်း ဆန်လိုက်တာ။

#အလုပ်အကိုင်လုပ်ငန်းများ_အောင်မြင်တိုးတက်ကြပါစေ။

& Photo

Paung Paung

25/08/2024

09/08/2024

25/07/2024

14/02/2024

28/01/2024

26/01/2024

26/01/2024

25/01/2024

Address

Website

Alerts

Shortcuts

Share