17/05/2025
ရာသီဥတုနဲ့လိုက်ဖက်သော မျှစ်အာပူအစပ်ချက်လေး ဒီနေ့အိမ်မှာလုပ်စားဖြစ်လို့ သူငယ်ချင်းတို့လဲလုပ်စားလို့ရအောင် ချက်နည်းလေးကို မျှဝေလိုက်ပါတယ်နော်
#မျှစ်အာပူအစပ်ချက် #မျှစ်လှော် #မျှစ်ငပိချက်
===================================
ပါဝင်ပစ္စည်းတွေကတော့
✅ မျှစ်ပြုတ် ( မျှစ်နုအစို့ပေါက်အတုံးလေးတွေပြုတ်ထားတာပါ)
✅ အစိမ်းစားငပိလို့ခေါ်တဲ့ မျှင်ငပိ ( ကမ်းခြေသူကရောင်းတဲ့ ရှယ်မျှင်ငပိလေးပေါ့ရှင် )
✅ ငရုတ်သီးစိမ်းတောင့်အနည်းငယ်
✅ ကြက်သွန်ဖြူအနည်းငယ်
✅ ပုဇွန်ခြောက်အနည်းငယ်( မျှင်လေးခြောက်လဲရ)
✅ ဆားအနည်းငယ်
✅နနွင်းမှုန့်အနည်းငယ်
✅ ဟင်းအချိုမှုန့်အနည်းငယ်( အစိမ်းစားငပိရဲ့အချိုရယ် ပုဇွန်ခြောက်ကလဲချိုတဲ့အတွက် ဟင်းချိုမှုန့်မထည့်လဲရပါတယ်)
ပါဝင်ပစ္စည်းတွေစုံပြီဆိုရင်တော့ စချက်ပါတော့မယ်ရှင်
🍽️ အရင်ဆုံးမျှစ်ကို အနေတော်အတုံးလေးတွေလှီးပြီး ပြုတ်ထားပါ
🍽️ ငရုပ်သီးစိမ်းနဲ့ကြက်သွန်ဖြူကို ထောင်းထားပါ
🍽️ မျှစ်ကိုချက်မယ့်အိုးထဲထည့်ပြီး မျှင်ငပိလေးရယ်၊နနွင်းမုန့်အနည်းငယ်၊ဆားအနည်းငယ်၊ ဟင်းခတ်မှုန့်အနည်းငယ်နဲ့ ရေကိုမျှစ်ကိုပြုတ်ရုံလေးထည့်ပီးတည်ထားပေးပါ
(ပမာဏကတော့ ဟင်းတစ်အိုးကို မျှင်ငပိကို လက်မပြားလောက်ထည့်ပါတယ်၊ ကျန်တဲ့ အချို၊အပေါ့၊အငံကတော့ကိုယ်လိုသလို ကြည့်ထည့်လို့ရပါတယ်နော်)
🍽️ တည်ထားတဲ့ အိုးဆူပွတ်လာပီဆိုရင် ထောင်းထားတဲ့ ငရုပ်သီးစိမ်းနဲ့ကြက်သွန်ဖြူကိုထည့်ပြီးမွှေပေးပါ၊ ပြီးရင် ရေခမ်းအောင်အထိချက်ပေးပါ
ဒါဆိုရင်တော့ ထမင်းမြိန်စေပြီး အရမ်းစားကောင်းတဲ့ မျှစ်ပူစပ် အာပူဟင်းလေးတစ်ခွက်ရပါပြီရှင်😋
ရာသီစာလဲဖြစ်တယ်၊ ထမင်းလဲအရမ်းမြိန်စေတာမို့လုပ်စားကြည့်လိုက်နော် 💕
ရုံးပတီသီးနဲ့ပင်စိမ်းဟင်းချို၊ ငပိရည်၊ ချဉ်ဟင်း၊ ငါးဟင်း စတဲ့ဟင်းလေးတွေနဲ့လည်းတွဲဖက်စားရင် အရမ်း အရမ်း စားကောင်းတာမို့ ချက်စားကြည့်ပါရှင် တကယ်အကြိုက်တွေ့စေမှာပါ🥰
#မျှစ်အာပူ #မျှစ်လှော် ချက်ရန် မျှင်ငပိရှယ်/ အစိမ်းစားငပိ ကို မှာယူချင်တယ်ဆိုရင်တော့ #ကမ်းခြေသူ ရဲ့ Page မှာ တင်ထားတဲ့ဖုန်း (သို့မဟုတ်) Page Messagerကနေ ဆက်သွယ်မှာယူနိုင်ပါတယ်ရှင် 💕
