16/09/2025
ပြီးဆုံးသွားခဲ့ပြီဖြစ်သည့် "The International 2025" အကြောင်း ထွေရာလေးပါး
The International 2025 ပြိုင်ပွဲကြီးကတော့ Team Falcons Champion ဖြစ်လာခဲ့ခြင်းနဲ့အတူ ပြီးဆုံးသွားခဲ့ပြီ ဖြစ်ပါတယ်။ The International ဆိုတာ ကျနော်တို့အားလုံးရဲ့ စိတ်ခံစားချက်တွေဆုံစည်းရာ ၊ မမေ့နိုင်တဲ့ Memorable moments တွေ ဖြစ်တည်ရာ တခုဖြစ်ခဲ့တဲ့ ပြောစရာတွေကတော့ များလွန်းခဲ့ပါတယ်။ အောက်မှာတော့ TI 2025 နဲ့ ပတ်သတ်တဲ့ အကြောင်းအရာတွေကို တတ်နိုင်သမျှ စုံလင်အောင် ရေးပေးလိုက်ရပါတယ်။ မေ့ကျန်ခဲ့တာမျိုး ၊ အမှားပါခဲ့တာမျိုး ဖြစ်ခဲ့ရင်လည်း စာရေးသူရဲ့ အမှားသာ ဖြစ်ကြောင်းပါ။
Champion - Team Falcons
Team Falcons 3 - 2 Xtreme Gaming
ပြိုင်ပွဲဆိုတာ Champion ဘယ်အသင်းလဲဆိုတာမျိုး အဖြေထုတ်တာဖြစ်တဲ့အတွက် ကျနော်တို့တွေ Champions တွေအကြောင်းနဲ့စလိုက်ရအောင်ဗျာ။ ဒီ Falcons ဆိုတဲ့အသင်းဟာ ပြီးခဲ့တဲ့ နှစ်မှာတုန်းကတော့ အရမ်းကြမ်းပြနိုင်ခဲ့ပြီး TI မှာတော့ လက်ချော်ခဲ့တဲ့အသင်းတသင်းပါ။ ဒါပေမယ့်လည်း နည်းပြနဲ့ကစားသမားတွေဟာ ခွာပြဲခဲ့တာမျိုး မရှိခဲ့ပဲ ယုံကြည်မှုနဲ့ ရှေ့ဆက်ခဲ့ပြီး
လက်ရှိအချိန်မှာတော့ ဒီ ယုံကြည်မှုဟာ Paid off ဖြစ်ခဲ့ပြီ ဖြစ်ပါတယ်။ ATF နဲ့ Malr1ne တို့အတွဲဟာ အသက် ၂၀ သာ ရှိသေးတဲ့အတွက် ATF ဖြေခဲ့သလိုပါပဲ "It is Just The Beginning" ဆိုရင်လည်း မမှားပါဘူး။ Sneyking နဲ့ Skiter တို့ကတော့ Tundra နဲ့အတူ ၂၀၂၂ မှာ Aegis ကိုင်မြှောက်နိုင်ခဲ့ပြီး ဖြစ်တဲ့အတွက် Two Times TI Champions တွေ ဖြစ်လာခဲ့ပြီ ဖြစ်ပြီး Wraith Pact ကို Abuse လုပ်ခဲ့လို့သာ TI Champions တွေ ဖြစ်လာခဲ့တယ်ဆိုတဲ့ ဝေဖန်သံတွေကို တိတ်စေခဲ့ပြီ ဖြစ်ပါတယ်။နောက်ထပ် ဂုဏ်ပြုရမယ့် ကစားသမားကတော့ Cr1t ဖြစ်ခဲ့ပြီး Aegis အိမ်မက်အတွက် The International စင်မြင့်ပေါ်မှာ ၉ ကြိမ်ဆက်တိုက် ကြိုးစားခဲ့ပြီး နောက်ဆုံးမှာတော့ TI Champion ဖြစ်လာခဲ့ပြီ ဖြစ်ပါတယ်။
စံချိန်များရှင် "IQ_2000"
မိတ်ဆွေတို့ အမြင်မမှားပါဘူး။ AUI_2000 ကို Community က ပေးထားတဲ့နာမည်ဖြစ်ပြီး ဥာဏ်ကောင်းလွန်းခဲ့ပြီး ဒီ Game အပေါ်မှာ နားလည်နိုင်စွမ်း မြင့်မားလွန်းတဲ့အတွက် ဒီလိုနာမည်ပေးကြခြင်း ဖြစ်ပါတယ်။ လက်တွေ့မှာလည်း AUI ရဲ့ Drafting တွေဟာ Xiao8 ထက် ခေါင်းတလုံးမကပိုမြင့်ခဲ့ပြီး Falcons ကို သိသိသာသာ အသာရစေခဲ့ပါတယ်။ AUI ဟာ Dota သမိုင်းအတွက်တော့ The International Champion သုံးကြမ်အထိ ဖြစ်ခဲ့ပြီ ဖြစ်တဲ့ ကစားသမား/နည်းပြဖြစ်လာခဲ့ပါတယ်။ ကစားအဖြစ် EG နဲ့ ၂၀၁၅ မှာ Champion ဖြစ်ခဲ့ပြီး နည်းပြအဖြစ် Tundra (2022) နဲ့ Falcons (2025) တို့မှာ နှစ်ကြိမ် စုစုပေါင်း ၃ ကြိမ် Aegis ကိုင်မြှောက်နိုင်ခဲ့ပြီ ဖြစ်ပါတယ်။
TI Grand Finals, Ame နှင့် 3-2, 3-2 ,3-2 များ
Ame ဟာ Community တခုလုံးရဲ့ ချစ်ခင်နှစ်သက်မှုနဲ့ အားပေးမှုရရှိထားတဲ့ Professional ကစားသမားတဦးပါ။ အောင်မြင်မှု ပေါင်းများစွာကို အကြိမ်ကြိမ် ရရှိခဲ့ပြီးဖြစ်ပေမယ့်လည်း Uncrowned King လို့ခေါ်ခဲ့ရတဲ့အထိ TI မှာတော့ အမြဲ ကျဆုံးရလေ့ရှိပါတယ်။ AUI ရဲ့ မှတ်တမ်းနဲ့ ပြောင်းပြန်ဖြစ်ခဲ့ပြီး Dota သမိုင်းတလျှောက် Grand Final သုံးကြိမ် ကစားခဲ့ရပြီး ၃ ပွဲလုံး ရှုံးနိမ့်ခဲ့ရတဲ့ ပထမဆုံး Professional Player ဖြစ်လာခဲ့ပြီ ဖြစ်ပါတယ်။ ထူးထူးခြာခြား ပြောရမယ်ဆိုရင် အဆိုပါ Grand Final တိုင်းရဲ့ နောက်ဆုံး Game 5 တိုင်းမှာ Ame ရဲ့ တဖက်အသင်းဟာ Magnus ယူပြီး အနိုင်ယူနိုင်ခဲ့တာဖြစ်ပါတယ်။ 3-2 နဲ့ Grand Final ၃ ပွဲလုံးရှုံးခဲ့ပြီး ရှုံးနိမ့်ခဲ့တဲ့ Grand Final နောက်ဆုံးပွဲတိုင်းမှာ Offlane Magnus နဲ့ ရှုံးခဲ့ရတယ်ဆိုတာကတော့ Ame အတွက် ကျိန်စာဆိုးဖြစ်လာခဲ့ပြီဆိုရင်လည်း မမှားပါဘူး။ ကျတော်တို့အားလုံး Ame အတွက် ငိုခဲ့ရတာကတော့ အမှန်ပါ။
ပွဲချိန်အကြာဆုံး ဖြစ်ခဲ့သည့် TI 2025
ဒီနှစ် TI ဟာ ၁ နာရီကျော်ကြာခဲ့တဲ့ပွဲ အများဆုံးဆိုတဲ့ စံချိန်တခုကို တင်သွားခဲ့ပါတယ်။ ၁ နာရီကျော်ခဲ့တဲ့ပွဲ ၂၁ ပွဲအထိ ထွက်ခဲ့ပြီး ဒါဟာ TI သမိုင်းတလျှောက် အများဆုံး ဖြစ်လာခဲ့ပါတယ်။
မေးခွန်းထုတ်ရမည့် " Xiao8 "
အများ စွပ်စွဲခဲ့သလို 322 လို့တော့ အမည်မတပ်ချင်ပေမယ့်လည်း Xiao8 ရဲ့ Pick / Ban တွေဟာ အားနည်းချက်တွေ ရှိခဲ့တာကတော့အမှန်ပါ။ နောက်ဆုံးပွဲမှာ Ame ကို Juggernaut ပေးခဲ့တာဟာ မေးခွန်းထုတ်စရာဖြစ်ခဲ့ပြီး သူ့ရဲ့ရှေ့မှာ Satanic ရဲ့ 6 Slots + Shard + Scepter Juggernaut တောင် အလုပ်မဖြစ်ခဲ့တာကို ကျနော်တို့ တွေ့ခဲ့ရပြီး ဖြစ်ပါတယ်။ ဘာကြောင့် Jug Last Pick ယူခဲ့သလဲဆိုတာကတော့ Director 8 လို့ခေါ်တဲ့ Xiao8 တယောက်သာ သိမှာဖြစ်ပြီး ဒီအတွက် Ame နဲ့ Xtreme အတွက်တော့ ပေးဆပ်မှု ကြီးမားသွားခဲ့ရပြီ ဖြစ်ပါတယ်။
Hero အသစ် မကြေငြာခဲ့သည့် TI
ကျနော်အမှတ်မမှားရင်တော့ TI တိုင်း TI တိုင်းနီးပါးမှာ Valve ဟာ Hero အသစ်တကောင်ကို အမြဲ ကြေငြာပေးလေ့ရှိခဲ့ပါတယ်။ ဒါပေမယ့်လည်း ဒီနှစ်မှာတော့ Valve ဟာ ဒီ Trend ကို Cancel ခဲ့ပါတယ်။ ဘာ Heroes ဘာ Patch ဘာ Event မှ မကြေငြာခဲ့ပါဘူး။ နောက်နှစ် TI ကို ရှန်ဟိုင်းမှာ August လ အတွင်း ကျင်းပသွားမယ်ဆိုတာကိုတော့ ပြောသွားခဲ့ပါတယ်။ Off topic ဖြစ်နေပေမယ့်လည်း Lord Gaben တယောက် TI ဖွင့်ပွဲကို သူကိုယ်တိုင်မတက်ရောက်ခဲ့တာ ၇ နှစ် ဆက်တိုက်ရှိလာခဲ့ပြီ ဖြစ်ပါတယ်။
Our Personal View
Covid နောက်ပိုင်း အရမ်းကို ကြည့်ကောင်းခဲ့တဲ့ TI တခုဖြစ်လာခဲ့ပါတယ်။ Spirit နဲ့ Liquid တို့လို Fan Favourites တွေ အစောကြီး ထွက်သွားခဲ့ရပေမယ့်လည်း Nigma တို့ Heroic တို့ဟာ တာဝန်ကျေတာထက် ပိုခဲ့ပါတယ်။ Champion Falcons မှသည် နောက်ဆုံးအဆင့်ကနေပြီး ထွက်ရတဲ့ Team Nemesis အထိ အသင်းအားလုံး ရှိသမျှ အစွမ်းအကုန်ညှစ်ထုတ်ပြီး ကစားပြသွားနိုင်ခဲ့ပါတယ်။
ကျနော်တဦးတည်းအမြင်အရတော့ TI 5 တို့ TI 7 တို့တုန်းကလို Vibe မျိုး ပြန်ရခဲ့ပြီး ကြည့်ရတာ အချိန်ပေးရတာ လုံးဝ တန်လွန်းခဲ့ပါတယ်။ The International ကြီး ပြီးသွားပေမယ့်လည်း နောက်ဆက်တွဲ After Effect တွေအဖြစ် ကစားသမားအပြောင်းအလဲတွေနဲ့ Event သတင်းတွေ လာဖို့ရှိနေသေးတဲ့အတွက် ကျနော်တို့ Gaming Noodle ကနေပြီး ဆက်လက်တင်ဆက်ပေးသွားဖို့ ရှိနေကြောင်း သတင်းကောင်းပါးလိုက်ရပါတယ်ခင်ဗျာ။
နောက်ဆုံးအဆုံးသတ်အနေနဲ့ Big Congratulation ပါ Falcons ရေ၊ Big Congratulation ပါ AUI_2000 ရေလို့ ဒီကနေပဲ ဂုဏ်ပြုပေးလိုက်ရပါတယ်ခင်ဗျာ။
@ gaming noodle
