Өмнөговь аймгийн Хүлэмжийн Цогцолбор

18/08/2026

Чавга жимсний хатаамал, компот бас варьень хийлээ. Өмнөговь аймгийн Хүлэмжийн Цогцолборт жимсний олон төрлийн мод бут туршин ургуулж буй. Чавганы модны ургац түрүү жилийнхээс нэмэгджээ. Багахаэ жимс түүж 8 цаг давстай усанд сойж хонууллаа. Угаасан жимсээ зөөлөн гал дээр чанаж, эхний чаналтаас бага хэмжээний компот хийж, бяцарсан хэсгийг нь яснаас нь салгаж дахин жаахан чанаж варьень хийж туршлаа. Яснаас бүрэн салаагүй үлдсэн махлаг хэсгийг дахин цэвэрлэж миксердээд дуковт 75 градуст 5-6 цаг байлгаад ийм хатаасан жимс хийж үзлээ. Амт бол ванлий л байна.

15/08/2026

Өмнөговь аймгийн Хүлэмжийн Цогцолбор дээр энэ жил туршин тариалсан нэг наст гоёлын цэцгүүдээ бага хэмжээгээр худалдаалж байгаа шүү. Орон нутгийн цэцгийн дэлгүүрүүд, хувь хүмүүс сонирхож байвал манай хүлэмжийн цогцолбор дээр хүрч ирээд худалдан аваарай.

02/08/2026

Хеликобактертай бол үхрийн нүдний навчийг хандалж уугаарай

Мэдээж хэрэг үхрийн нүд "ЭМ" биш, ямар ч эмийг орлож чадахгүй. Гэхдээ олон төрлийн өвчний эрсдэлийг бууруулж, шинж тэмдгийг хөнгөвчилж, эрүүл мэндийг дэмждэг талаар судалгаа их бий.

https://urgamal.com/product/black-currant.html

Үхрийн нүд бол манай дэлхийн хамгийн шим тэжээлтэй жимснүүдийн нэг. Жимс болон навч нь С витамин, антоцианин, полифенолоор маш баялаг. Идэхэд амин дэм ихтэй, аюулгүй.

Харин дараах шинж тэмдэгтэй хүмүүс хэт их ХЭРЭГЛЭХ ЗОХИМЖГҮЙ, болгоомжтой хэрэглэх хэрэгтэй шүү.

1. Цус шингэлэх эм (варфарин, апиксабан гэх мэт) уудаг.
2. Мэс заслын өмнөх 2 долоо хоногт өндөр тунтай ханд, нэмэлт бүтээгдэхүүн хэрэглэхгүй.
3. Цусны даралт маш бага хүмүүст их хэмжээгээр хэрэглэхгүй.
4. Харшилтай бол хэрэглэхгүй.
5. Жирэмсэн, хөхүүл үед жимсийг хүнсний хэмжээгээр идэж болно, харин ханд, капсул, үрийн тосыг болгоомжтой хэрэглэнэ.
6. Чихрийн шижинтэй бол элсэн чихэртэй чанамал, сиропыг хязгаарлах хэрэгтэй шүү.

17/07/2026

Өргөст хэмх дарах арга:

Шил болон тагийг ариутгах нь хамгийн чухал хэсэг. Хөшиж онгойлгосон хуучин таг битүүмж алдагдуулдаг эрсдэлтэй. Аль болохоор шинэ, шинэвтэр таг сонгоорой.
1. Шил, тагаа савангаар хөөсөртөл нь сайтар угааж, усаар зайлна. Монгол үйлдвэрийн органик барааны саван ямар ч химийн нэмэлтгүй байдаг шүү. Бас ариутгах чанар өндөр.
2. Угаасан таг шилээ 3-5 минут усанд чанаж эсвэл жигнүүрт жигнэж ариутгана.

Шингэн бэлдэж буцалгана. Давс сахараа сайн уусгана шүү.
1. 3 литр ус
2. Алимны цуу (5%) 300-350мл
3. Давс 130гр
4. Сахар 160гр

Хийх дараалал:
1. Өргөст хэмхээ сайн угаасны дараа, 4-5 цаг хүйтэн усанд сойно.

2. Шилэн савандаа лаврын навч 2-3, горьд, үрлэн хар перец 5-6 ширхэг, сармис 2-3 ширхэг, тэгээд өөрийн хүссэн бусад нэмэлт орцоо амтлагч болгож нэмнэ.

3. Дээрээс нь өргөст хэмхээ хийнэ. Хүссэн хэлбэрээрээ хэрчиж жижиглэж болно.

4. Бэлдсэн шингэн бэлдэцээ шилэн дээрээсээ хийнэ. Шингэн өргөст хэмхийг бүрхэж байх ёстой.

5. Шилээ хагас таглаад жигнүүрт 15-18 минут жигнэнэ.

6. Жигнүүрээс гаргаад тагийг авч шилээ ширээн дээр өргөж хэд хэд тавина. Ийм аргаар доторх хийг гаргаад бүрэн таглана.

7. Сайхан тагласан шилтэй өргөст хэмхээ тагаар нь доош харуулж тавиад хонуулна.

Хадгалах арга:
Дараа өдөр нь шилнээс шингэн гоожоогүй, бас таг дээр нь дарахад хийгүй байх ёстой. Ингээд л хөргөгчинд, эсвэл зоорь гэх мэт сэрүүн, хуурай, харанхуй орчинд урт хугацаанд хадгалж хэрэглэнэ.

Даршилсан хэмх урт хугацаанд ус нь тунгалаг, ямар ч тундасгүй байх учиртай шүү. Нэгэнт онгойлгосон бол хөргүүрт хийж 7-10 хоногт идэж дуусгадаг дадалтай байгаарай.

16/07/2026

Усан үзмийн болц гүйцлээ
Манай Өмнөговь аймгийн Хүлэмжийн Цогцолбор гуравдахь жилдээ усан үзэм туршин тариалж буй. Энэ жилийн ургацаа хурааж эхэллээ. Онцгой сайхан амттай, чихэрлэг болжээ. Бидний туршилт амжилттай болбол Өмнөговь аймгийнхаа өрхийн тариаланчдад ямар сортын усан үзэм, яаж тариалах талаар мэдлэг түгээж эхлэх болно оо.

22/06/2026

15/06/2026

Удахгүй эрт ургацын огурцы, помидор худалдаанд гарна аа
Брокколийн навч, ишээр өнөөдөр зутан хийж туршиж үзлээ. Янзын сайхан амттай болж байна шүү, манайхаан.

Брокколийн навч зарим талаар толгой хэсгээсээ илүү их амин дэм, уурагтай байдаг шүү. Жишээ нь навчинд нь Витамин A (бета-каротин), Витамин C, Витамин K, Фолат (В9), Кальци, Төмөр, Магни, Эслэг, ургамлын гаралтай уураг бий. 100 грамм шинэ навчинд 3–4 грамм уураг агуулагддаг.

Брокколийн гол иш нь маш өндөр эслэгтэй. Витамин C агуулдаг, Кали ихтэй, бас ургамлын гаралтай уураг агуулдаг. 100 грамм тутамдаа 3гр хүртэл уурагтай гээд л бод доо. Амт нь брокколийн толгойноос арай чихэрлэг.

Брокколийн навч, иш нь огт гашуун биш. Амт нь бөөрөнхий байцаа, Кэйл байцааны дундын амт шиг санагдлаа. Гашуун зүйл алга. Брокколийн навч, ишийг ногоотой шөл, хуурганд байцааны оронд, бууз, банш, хуушуурын шанзанд хийвэл амттай, бас амин дэмтэй.

Жич: Өмнөговь аймгийн Хүлэмжийн Цогцолбор маань удахгүй эрт ургацын огурцы, помидороо худалдаалж эхэлнэ шүү. 89114586 дугаараар холбогдож байгаад талбай дээр хүрч ирээд авах боломжтой шүү.

14/06/2026

Брокколийн навч, иш нь амин дэм ихтэй шүү
Брокколигийн гол иш болон далбагар навчнууд нь шим тэжээлээр ямар их баялаг гээч. Энэ ургамлаас хаях зүйл байхгүй. Бүхэлд нь идэж болдог.

Брокколийн навчинд Витамин A (бета-каротин), Витамин C, Витамин K, Фолат (В9), Кальци, Төмөр, Магни, Эслэг, ургамлын гаралтай уураг бий. 100 грамм шинэ навчинд 3–4 грамм уураг агуулагддаг.

Брокколийн гол иш нь ман өндөр эслэгтэй. Витамин C агуулдаг, Кали ихтэй, бас ургамлын гаралтай уураг агуулдаг. 100 грамм тутамдаа 3гр хүртэл уурагтай гээд л бод доо. Амт нь брокколийн толгойноос арай чихэрлэг.

Брокколийн навчаар ногоотой шөл хийж идлээ. Амт нь бөөрөнхий байцаа, Кэйл байцааны дундын амт шиг санагдлаа. Гашуун зүйл алга. Брокколийн навч, ишийг ногоотой шөл, хуурганд байцааны оронд, бууз, банш, хуушуурын шанзанд хийвэл амттай, бас амин дэмтэй.

Ногоотой хуушуур, ногоотой шөл хийж өгсөн Өнөр эгчдээ баярлалаа.

Жич: Хэрэв брокколийн навч, ишийг хүнсэнд хэрэглээд туршаад үзье гэвэл Өмнөговь аймгийн Хүлэмжийн Цогцолбор дээр 89114586 дугаараар холбогдож байгаад хүрч ирж брокколийн навч иш үнэгүй авч болно шүү. Гэхдээ өнөө маргаашдаа л боломжтой шүү.

14/06/2026

Брокколийн навч илүү их уурагтайг мэдэх үү?
Уураг ихтэй хүнсний ногоон дундаа брокколи бол "хаан ногоо". Гэхдээ манайхан брокколийн толгой хэсгийг л хоолонд хэрэглэдэг. Гэтэл брокколийн навчинд илүү их уураг агуулагддаг. Брокколийн толгой хэсэгт 100 гр тутамд 2.8–3.0 гр уураг агуулагддаг бол навчинд нь 100 гр тутамд 4 гр хүртэлх уураг агуулагддаг. Хаягдаад байдаг бүдүүн гол, ишинд нь ч 100 гр тутамд 3 гр уураг агуулагддаг.

Таван хошуу буянт малаас хаях зүйл байдаггүй гэдэг шиг үнэндээ брокколигоос хаях зүйл даанч байхгүй. Хэрэв брокколийн навч, ишийг хүнсэнд хэрэглээд туршаад үзье гэвэл Өмнөговь аймгийн Хүлэмжийн Цогцолбор дээр 89114586 дугаараар холбогдож байгаад хүрч ирж брокколийн навч иш үнэгүй авч болно шүү. Гэхдээ өнөө маргаашдаа л боломжтой шүү.

14/06/2026

Эрт ургацын броколи худалдаанд гарлаа
Нутгийн хөрсөнд тарьж ургуулсан, 100% органик, эко эрүүл броколигоо өнөөдрөөс Хур жимсний дэлгүүрт худалдаалж эхэлж байгаатай холбогдуулан агрономич Zaagaa Zagdragchaa-гийнхаа яриаг хүргэж байна. Ихээр авах бол Өмнөговь аймгийн Хүлэмжийн Цогцолбор-т 89114586 утсаар холбогдож байгаад хүрээд ирээрэй.

Удахгүй манай хүлэмжээс өргөст хэмх, улаан лооль гарч эхэлнэ ээ.