06/12/2025
2025 оны 12-р сард 9–12-р ангийн сурагчдын дунд зохион байгуулсан Чинаагийн Галсангийн “Хөх тэнгэр сонсож бай” зохиолын номын хэлэлцүүлэг амжилттай боллоо. Уг үйл ажиллагаанд нийт 32 сурагч оролцож, зохиолын агуулга, дүрийн шинжилгээ, зохиолчийн үзэл санаа, хүн ба байгаль, өв уламжлалын үнэ цэнэ зэрэг олон чухал сэдвийн хүрээнд санал бодлоо солилцов.
Зочин оролцогчид
Багш Н.Уранцэцэг – хэлэлцүүлгийн явцад сурагчдын асуултад дэлгэрэнгүй хариулт өгч, зохиолын уран сайхны үнэт зүйлийг тодруулахад чухал хувь нэмэр оруулсан.Сурагч Мандухайн өвөө Б.Гансүх – уламжлал, өв соёл, хүн байгальтайгаа зохицон амьдрах тухай сонирхолтой дурсамж, амьдралын туршлага хуваалцаж, хэлэлцүүлгийг илүү дулаан уур амьсгалтай болголоо.
Мөн 3-р багийн аймгийн Иргэдийн Хурлын төлөөлөгч О.Энхзаяа уншигч, зурагчдын үйл ажиллагааг тогтмол дэмжин ажилласан бөгөөд энэхүү хэлэлцүүлгийг зохион байгуулахад шаардлагатай орчныг бүрдүүлэхэд туслалцаа үзүүлсэнд гүн талархал илэрхийлье.
Анги удирдсан багш нарт талархал
9а, 9б, 9в, 10а, 10б, 11а, 11б ангийн анги удирдсан багш нар сурагчдыг ном унших үйлд идэвхтэй хөтөлж, удирдан чиглүүлсэн нь хэлэлцүүлэг амжилттай болох нөхцлийг бүрдүүлэв.
Үр дүн
Сурагчид зохиолын санааг олон өнцгөөс ярилцаж, тухайн бүтээлийг зөвхөн унших төдийгүй өөрийн амьдрал, орчинтой холбон тайлбарлах чадвар нь дээшилсэн.
Ном унших сонирхол нэмэгдэж, 9–12-р ангийн сурагчдын дунд уншлагын соёлын өрнөл сайжирч буй нь анзаарагдлаа.
Уламжлал, өв соёлын талаарх ойлголт, бахархлыг нэмэгдүүлэхэд чухал нөлөө үзүүлэв.
Дүгнэлт
Энэ удаагийн номын хэлэлцүүлэг нь сурагчдын унших чадвар, сэтгэн бодох, илэрхийлэх ур чадварыг хөгжүүлэхээс гадна хамтын оролцоог нэмэгдүүлсэн үр дүнтэй арга хэмжээ боллоо. Ирээдүйд ийм төрлийн уншлагын хэлэлцүүлгийг тогтмолжуулж, илүү олон сурагч хамруулах нь зүйтэй гэж үзэж байна.
