Цахир сумын ЗДТГ

23/04/2026

22/04/2026

Цахир багийн иргэн Д.Лүндэндорж нь өөрийнхөө гудмыг болон урд хойд гудамнуудынхаа хойд урд талыг бүгдийг нь цэвэрлэж хүлээлгэн өглөө. Нийгмийн хариуцлагын хүрээнд иргэнийхээ үүргийг биелүүлж бусдадаа үлгэр дуурайлал болсон таньд болон танай гэр бүлд баярлалаа. Хоггүй цэвэр байхад иргэн бүрийн оролцоо чухал. Иргэн та өөрийнхөө хашааны хойд урд тал болон хүрээлэн буй орчныг цэвэрлэж нийгмийн хариуцлагын хүрээнд иргэний үүргээ биелүүлнэ үү..

20/04/2026

📢 ЗАРЛАЛ
Хоол үйлдвэрлэл, үйлчилгээ эрхлэгчдийн анхааралд!
Цахир суманд үйл ажиллагаа явуулж буй хоол үйлдвэрлэл, үйлчилгээ эрхлэгч иргэн, аж ахуйн нэгжүүдэд зориулсан сургалт зохион байгуулагдана.
🗓 Хугацаа: 2026 оны 04 дүгээр сарын 23
📍 Байршил: Цахир сумын Иргэний танхим
Сургалтаар:
- Хоол үйлдвэрлэл, үйлчилгээний стандарт, шаардлага
- Эрүүл ахуй, хүнсний аюулгүй байдал
- Үйлчилгээний соёл, чанар
зэрэг чухал сэдвүүдийг хамарна.
Та бүхэн идэвхтэй оролцоно уу.
Зохион байгуулагч:
Аймгийн Хүнс, хөдөө аж ахуйн газар (ХХААГ)
Сумын Засаг даргын Тамгын газар (ЗДТГ)
📞 Дэлгэрэнгүй мэдээллийг: ЗДТГ-ын ХАА-н мэргэжилтэн 99274725 дугаараас авна уу.

06/04/2026

Нуурын аманд 5 сарын 1-ээс эхлэн үйлчилгээ явуулах хүсэлтэй иргэн, ААН-ийн хүсэлтийг 4 сарын 20 хүртэл ЗДТГ-ийн бичиг хэрэг дээр хүлээн авах тул хүсэлтээ бичиг баримтын хамт бичгээр өгч бүртгүүлнэ үү? Жич: Зөвхөн нутгийн харьяалалтай байна. Асууж тодруулах зүйл байвал 99274725 дугаараас асуугаарай.

06/04/2026

Сумын Ахуй үйлчилгээнд өрөө авах хүсэлт гаргасан иргэд маргааш буюу 4 сарын 07 нд 15 цагаас иргэний танхимд хүрэлцэн ирнэ үү.

01/04/2026

Өнөөдрөөс эхлэн сумын төвийн хогийн үйл ажиллагааг Б.Баянбаатар даргатай "Сүүт сарлагийн шим" хоршооны хамт олон бүрэн хариуцаж явахаар Засаг дарга, ЗДТГ -тай хамтран ажиллах гэрээ байгууллаа. Тус хоршооны дарга болон гишүүд нь сумаа хоггүй эко сум болгох сум орон нутгийн удирдлагууд, ард иргэдийн санал санаачлага сум орноос хийсэн хөрөнгө оруулалтанд өөрсдийнхөө хичээл зүтгэл хувь нэмрийг оруулахаар Засаг дарга болон ЗДТГ-т хүсэлт тавьсанд, цаашид хамтран ажиллах болсондоо сум орон нутгийн засаг захиргаа баяртай байна. Хоршооны дарга болон гишүүд маш их судалгаа төсөл боловсруулж Хог бол Баялаг юм байна гэдгийг ойлгож өөрсдийнхөө болон сум орон нутгийн боловсруулсан төсөл хөтөлбөрийн дагуу хамтран үйл ажиллагаа явуулахад сум орон, байгаль дэлхий ч ЭКО болж ард иргэд, аялал жуулчлалын хүмүүс ч хогоо ачиж тээвэрлэхэд санаа зовох зүйлгүй өөрсдийнх нь гишүүд ч ажлын байртай болж амьдралдаа хөрөнгө оруулалт хийх боломжтой гэж үзэж байгаад баяртай байна. Цаашид сум орон нутгаас ийм хичээл зүтгэлтэй залуучуудтай, бизнесийн салбарынхан та бүхнийг дэмжин хамтран ажиллахад бэлэн байна. Сум орон хөгжихөд иргэн бүрийн оролцоо чухал тул залуучуудынхаа хийж эхэлж байгаа энэ үйл ажиллагааг бүгдээрээ дэмжиж баялгийг бүтээе. Хогийн цэгийн хог шатаах зуух/ утаа гарахгүй эко/, Хоёрдогч түүхий эд прэслэгч машин маань бүрэн үйл ажиллагаанд орлоо.

25/03/2026

Сумынхаа нийт ахмадууд та бүхнийг өргөнөөр хүрэлцэн ирж оролцохыг урьж байна