Буддист амьдралын хэв маяг

30/04/2026

“Бурхны зам мөрд суралцана гэдэг өөрийгөө танин мэдэхүй болой”

Зэн буддизмын их багш Доогэн

19/04/2026

Лянхуан Гурамсан судрыг эрхэмлэгч дэлхийн буддист номын садангууд АНУ-Ираны дайн хурдан зогсож, амь үрэгдсэн хүмүүсийн сүнс амирлаасай хэмээх зорилгоор энх тайвны номын уншлагыг Монголын цагаар шөнийн 2:00 цагт эхлүүллээ. Судрын 19-р бүлгийг Монгол хэлээр 9:40-ын үед уншина.
Та бүхэн доорх холбоос дээр дарж номын уншлагын явцыг үзнэ үү🙏

1 like. "Prayer for Peace: Threefold Lotus Sutra Recitation by the Rissho Kosei-kai International Community"

17/04/2026

Дөнгөж сая орчуулсан буддын сургаалын тайлбар маш гоё байсан тул та нартаа ч бас хүргэе🥰

Бага шунаж, ханахыг мэдэх

“Энэ хүмүүн болбоос тачаахуй өчүүхэн болоод ханахуйг мэдэхийн тулд сайтар Хотолд Сайны явдалд суралцах болъюу”.
Хөрөнгө мөнгө, эд материал, албан тушаал, нэр хүнд төдийгүй хүнээс хайр халамж, ямар нэг зүйлийг хийж өгөхийг хүсэх нь ч гэсэн шуналд тооцогддог. Бурхны сургаал номыг үнэнхүү дээдэлдэг хүн ийм зүйлд бараг л шунадаггүй, нэг их ач холбогдол өгдөггүй. Энэ бадгийн тухайд анхаарах зүйл бол ертөнцийн элдэв зүйлд шунахгүй байхын оронд сургаал номд суралцахдаа бол харин ч их шуналтай байх хэрэгтэй гэдгийг санаж яваарай. Олон юм хүсдэггүй байх чухал гээд туйлын үнэнийг танин мэдэх тал дээр тийм хандлагатай байх юм бол үүнийг зүгээр л залхуурал гэж хэлэх нь зүй.
Харин “ханахуйг мэдэх” гэдэг нь одоо байгаа орчин нөхцөлдөө сэтгэл хангалуун байхыг хэлнэ. Одоогийн нөхцөл байдлаа чамлалгүй, уужуу тайван байх гэсэн үг. Энэ нь мэдээж хэрэг өсөж дэвших хүсэлгүй гэсэн үг биш. Өөдөө тэмүүлэх хүсэл зорилготой боловч болсонгүй бүтсэнгүй гэж гомдоллохгүй, яг одоо хийж буй зүйлдээ хамаг хүчээ зориулaхыг хэлнэ. Гайхалтай нь ийм хүн үргэлж бусдаар хүрээлүүлж байдаг.
Хүмүүс тоохгүй байлаа ч гэсэн оюун санааны хувьд өөртөө маш итгэлтэй байдаг тул хувь хүн нь жинхэнэ аз жаргалтай байдаг.
**********************************

Ийм л хүн болохыг хичээе дээ😏

15/04/2026

Иран АНУ-ын дайн түргэн дуусаасай, дайнд үрэгдсэн хүмүүсийн сүнс амирлаасай гэсэн хүсэл зорилгоор "Rissho Kosei Kai Global Buddhist Movement" холбоо "Лянхуан Гурамсан Судар"-ыг дэлхийн өнцөг булан бүрээс хурахаар боллоо👍
Энх тайвны судар уншлага АНУ-ын салбараас Монголын цагаар 4 сарын 19-ны 03:00 цагт эхэлнэ.
Монгол дахь салбар нь 8:00-8:30 цагийн орчимд судрын 17-р бүлгийг Монгол хэлээр голлож уншина.
Энэхүү цахим номын уншлагыг Youtube-ээр шууд дамжуулах тул дэлхийн буддист холбооны олон хэл дээрх энх тайвны залбиралыг сонирхвол та доорх холбоосоор орж танилцаарай🙏

https://youtu.be/nkAkdQmWDCA

12/04/2026

Буддизмыг ихэнх хүмүүс шашин талаас нь хараад “мухар сүсэг” гэж ойлгодог. Буддизм сонирхсон, судалсан, ухсан нэгийгээ шоолдог. Угтаа буддизм бол амьдралын утга учир, орчлон ертөнц ямар хуулийн дагуу хэрхэн оршдог болохыг сургадаг.
Буддагаас нэг хүн асууж гэнэ:
- Чиний онолоор бол ертөнцийг хэн бүтээсэн юм бэ? Хариуд нь Будда:
- Би мэдэхгүй ээ, намайг төрөхөд ертөнц аль хэдийн байсан.
Буддизм үлгэр домог, байгаагүй зүйл ярьдаггүй, байгаа зүйлийн учир шалтгааныг олох гэж, тайлбарлах гэж хичээдэг.

30/03/2026

Эдогийн үеийн күнзийн гүн ухаантан Сазэн Сэккэй гэдэг хүний нэг ийм шүлгийг орчуулаадахлаа☺️

Хорвоо дэлхийд зүгээр л сайхан амьдар
Харин сайхан сэтгэлээ л байгаагаар нь түгээ


世の中はただ何となく住むぞ
善き心一つをすなおにはして
(佐善 雪渓)

*********************
Сэтгэл санаа зовоох, уур бухимдал төрүүлэх зүйл ихтэй, ямар нэг юм хийхгүй л бол хоцроод байгаа мэт мэдрэмж төрүүлэх өнөөгийн нийгэмд сэтгэлээ чөлөөлөн хорвоо ертөнцийн жам ёс, өнгө үзэмжийг мэдэрч, түүний дагуу зүгээр л байгаа зүйлдээ талархаж амьдрах. Гэхдээ хүн болж төрснийх төрөлхийн өөрт орших бурханлаг мөн чанар буюу энэрэнгүй сайхан сэтгэлээ бусдын төлөө зориулаад амьдраад байхад тэгээд болно доо гэсэн утгатай🥰

26/03/2026

Өнөөдөр ажлаа гялалзуулаад өгнө өө гээд л сэтгэл өөдрөг боссон юмсан💪🏻
Хүүхдээ цэцэрлэгт нь өгөх гэж уйлаан майлаан болоод санаа алдсан юм ажилдаа явлаа😔
Аяга кофе ууж сэтгэлээ байранд нь тавихын тулд хэсэг хугацаа шаардлагатай😗
Хором мөч бүрт хувьсан өөрчлөгдөх энэ сэтгэл гэдэг зүйлийг яанам бээ🤔
Миний буруу биш, хүүхдийн минь ч буруу биш, амьдралын нэг л хэсэг юм даа.
Ийм үед бурханы сургаал талаас яаж сэтгэлээ засвал зүгээр вэ?

18/03/2026

Ажилдаа яаран алхаж байтал арын хүн гутлын өсгий дээр гишгээд гутал сугалчихлаа.
"Ёоё, энэ нэг юм чинь" гэсэн бодлын араас "нээрэн би чинь бас хааяа ингэж хүнд төвөг уддаг шүү дээ" гэсэн бодол орж ирээд "за за зүгээр дээ" гээд дотроо уучилчихлаа🤗
Хүн танд ямар нэг тааламжгүй зүйл хийх үед би чинь өөрөө ингэдэг билүү, хэн нэгнийг шоолж, шүүмжлэх сэтгэл төрсөн үедээ хэрэв би энэ хүний оронд байсан бол яах вэ гэж бодоод үзэхээр оюун санаа эерэгээр ажиллаж эхэлдэг. Үүнийг бурханы сургаалд "Бодол санааны зөв дадал" гэдэг.
Бидний дотор бурхан ч бий, чөтгөр ч бий. Түүнийхээ алийг нь хөгжүүлэх вэ гэдэг ямар бодол санааны дадалтай, ямар хандлагатай байхаас маш их шалтгаалдаг.
Яг одоо таны бодол сөрөг байна уу, эерэг байна уу?

10/03/2026

Оройн Дээд Цагаан Лянхуа Сударын 28-р бүлэгт гардаг тарнийг Япон хэлнээс орчин цагийн монгол хэлнээ буулгаж үзлээ.
Өнөөг хүртэл ямар утгатайг нь огт ойлгохгүй уншдаг байсан болохоор маш сонирхолтой санагдлаа. Мөн гүн гүнзгий утга санааг нь ойлгохоор энэ тарнийг үнэн сэтгэлээсээ уншин дуудаж, оюун санаагаа төвлөрүүлэх юм бол энэ гайхамшигт бэлгэ билиг, эрдэм буяныг эзэмших юм байна гэж бодогдлоо. Мэдээж хэрэг энэ бүгдийг өөрийн болгохын тулд мятрашгүй хичээл зүтгэл хэрэгтэй нь ойлгомжтой.
Тарнийг уг самгард хэлээр нь уншиж байж ид шид, энерги хүчээ үзүүлдэг тул ингэж орчуулах нь илүүц байж болох ч ер нь бид юу уншаад байдагаа зах зухаас нь нэг гадарлаад авахад илүүдэхгүй шүү дээ тийм ээ😉
-------------------------------
Би үгүй, би-гээс хагацахуй, уран арга, энэрэхүй хийгээд амгалан, машид уян сэтгэл, буулт хийх сэтгэл, бурханы билгийн мэлмийн үүд, бурхдын хамаг амьтны төлөөх буян, хамгийг тогтоон олныг гэгээрүүлэхүй, өөрийн төлөөх бурханы үйл, зогсолтгүй эргэлдэх хүрд, хамаг Ном, хамаг эгогоос халихуй, хамаг үнэнд нэвтрэхүй, хамаг амьтны дууг ялган сонсохуй, туйлын үнэнд баясахуй🙏

09/03/2026

Орчуулж байгаа Лянхуан Гурамсан Сударын тайлбар номныхоо нэг хэсгийг танилцуулж байна.
Монголын бурханы шашин мухар сүсэг болж хувирсан нэг шалтгааныг энэ хэсгээс харж болохоор байна.
👇
"Цагаан лянхуа сударт "Энэхүү судар болбоос хамаг амьтнаа сайтар тусыг үзүүлэх болоод тэдгээрийн хүслийг хангах болой." гэсэн байна. Хамаг амьтны хүслийг биелүүлэх хүч нь өөрөө сургаал ном буюу эрдэм ном (орч: эд мөнгө, эрх мэдэл бус) гэдгийг энд айлдсан.
Мөн энд гарч буй “хүсэл” гэдэг нь эд материалаар элбэг хангалуун байж, амар хялбар амьдрах юмсан гэсэн түр зуурын хүсэл огт биш. "Хүсэл" гэдэг бол “амьдралын туйлын зорилго”-ыг хэлнэ. Хүн бүр өөр өөр туйлын зорилго (бодгаль хүсэл)-той хэдий ч тэр бүгд нь хүний төлөө, дэлхий ертөнцийн төлөө гэсэн бусдын төлөөх хүсэлд суурилсан байх ёстой гэдгийг ямагт санаж явах хэрэгтэй. Энд гарч буй “хүсэл” гэдэг зүйлийг хүний хүсэл шуналаас улбаатай амьдралын түр зуурын хүсэлтэй эндүүрч ойлгосноор судар номыг мухраар сүсэглэх асуудал үүсдэг. Сургаал номыг буруу ойлгож хүлээж авна гэдэг ийм аюултай тул сайтар анхаарвал зохилтой. "
-----------------------------
Буддын сургаал ном амьдралын судар бичиг атал Монголд мөргөж залбирснаар хүсэл шунал биелнэ гэж ойлгодог мухар сүсэг болж хөгжсөн нь харамсалтай. Угтаа үг өгүүлбэр, цаад нарийн утга санааг нь бүрэн ойлгож, амьдралдаа өөрөө хэрэгжүүлж, өөрөө хичээж шамдах чухал.
Ингээд үг өгүүлбэрийн утга санааг зөв ойлгомжтой тайлбарлаад өгдөг хүн дутмаг байгаад бас асуудал байна.
Энэ номонд энэ мэт буруу ойлголтыг маш гоё зөв, ойлгомжтой тайлбарласан болохоор сурангаа орчуулаад явдаг даа. Ийм ном орчуулна гэдэг бас их аз, хувь тавилан шүү🙏

06/03/2026

Туйлын үнэн бүхнийг удирдан чиглүүлдэг боловч юунд ч удирдуулдаггүй. Сансар огторгуйн хаан бөгөөд ертөнцийн хаа сайгүй оршиж, эрх чөлөөтэй илрэн гарч ирдэг.

Цагаан Лянхуа Судар-ын орчин үеийн тайлбар номноос