25/12/2025
ရခိုင်ပြည်သူတွေအတွက် လုံခြုံမှု၊ အောင်မြင်မှုနဲ့ စည်းလုံးမှုဆိုတဲ့ နိမိတ်ကောင်း
---------------------------------------------
လူမျိုးတစ်မျိုး၊ တိုင်းပြည်တစ်ခုအတွက်
မိမိတို့ရဲ့ သမိုင်းအရင်းအမြစ် နဲ့
ပျောက်ဆုံးနေတဲ့ အမွေအနှစ် တွေကို
ပြန်လည်တွေ့ရှိတာဟာ ဘယ်ဘက်ကပဲ
ကြည့်ကြည့် အင်မတန် မင်္ဂလာရှိတဲ့
ဖြစ်ရပ်တစ်ခု ဖြစ်ပါတယ်။
ဘုရင်မင်းဖလောင်းနဲ့ မင်းရာဇာကြီးတို့
လက်ထက်မှာ ရန်သူများ ကျူးကျော်လာပါက တွန်းလှန်နိုင်ခြင်း အောင်နိုင်ခြင်းအဖြစ်
"ယတြာခေါင်းလောင်း" ဖန်းတီးခဲ့ကြတယ်လို့
ဆိုပါတယ်။
အခုတွေ့ရှိခဲ့တဲ့ ဒီခေါင်းလောင်းမှာ
အင်း၊ အိုင်း၊ ဂါထာမန္တန်များ ပါရှိနေတာကြောင့်သာမန် ဘာသာရေး လှူဒါန်းမှုမဟုတ်ဘဲ
နိုင်ငံတော်အဆင့် "ယတြာစီမံချက်" တစ်ခုဖြစ်ကြောင်း ခိုင်လုံစေပါတယ်။
ရခိုင်ပြည်ကျဆုံးချိန်မှာ
မဟာမုနိရုပ်ပွားတော်မြတ်ကြီးကို
ပင့်ဆောင်သွားခဲ့သလို မဖြစ်ရအောင်
ရနိုင်သမျှ အဖိုးတန်ရတနာများနဲ့
နိုင်ငံတော်ဆိုင်ရာ ယတြာပစ္စည်းများကို
နောင်တစ်ချိန် ပြန်လည်ရရှိနိုင်စေဖို့
မျိုးချစ်စိတ်ရှိတဲ့ ဒေသခံများက
မြေမြှုပ်ဝှက်ထားခဲ့ကြတာ ဖြစ်ပါတယ်။
ဦးထွန်းအောင်က နှစ်ပေါင်း ၆၀ ကျော်
ဝှက်ထားနိုင်ခဲ့တာဟာ ရခိုင်တို့ရဲ့
နိမိတ်နဲ့ ကံကြမ္မာ" အပေါ် ယုံကြည်မှုကို
ပိုမိုခိုင်ပါစေတဲ့ သဓကဖြစ်ပါတယ်။
တိုင်းပြည်ကောင်းလို့ မင်းကောင်းပေါ်ရင် ဖွားဖက်တော်တွေ ပေါ်လာတတ်တယ် ဆိုတဲ့
စကားဟာလည်း ရခိုင်တို့ရဲ့ရာဇဝင်လာ
ရှေးထုံးစံတစ်ခု ဖြစ်ပါတယ်။
ဦးထွန်းအောင်က သူ့ လျှို့ဝှက်ချက်ကို
အာရက္ခတပ်တော် (AA) ထံ လွှဲအပ်ပေးခြင်းဟာ လက်ရှိရခိုင်ပြည်ရဲ့ နိုင်ငံရေးအခြေအနေနဲ့
လူထုရဲ့ယုံကြည်ကိုးစားမှုကို ထင်ဟပ်နေတဲ့
သမိုင်းမှတ်တိုင်တစ်ခု ပါပဲ။
ဦးဦးသာထွန်းတို့လို ပညာရှင်တွေဟာ
ရခိုင်ယဉ်ကျေးမှုရဲ့ ဝိညာဉ်ကို ရှာဖွေခဲ့ကြတဲ့
သူတွေဖြစ်ကြပါတယ်။
Dr. Forchhammerဟာလည်း ၁၉ ရာစုနှောင်းပိုင်းမှာ ရခိုင်ပြည်မှာ ရှေးဟောင်းသုတေသန
လုပ်ငန်းများကို အစောဆုံး စနစ်တကျ
လုပ်ဆောင်ခဲ့သူဖြစ်တယ်။
သူတို့ ရှာမတွေ့ခဲ့တဲ့ အရာကို အခုအခါ
ပြည်သူ့သစ္စာကြောင့် တွေ့ရှိရတယ်ဆိုတာ
စာပေအထောက်အထားကနေ
လက်တွေ့သက်သေ အဖြစ်သို့ ကူးပြောင်းသွားခြင်း
သမိုင်းသက်သေတစ်ခု ဖြစ်ပါတယ်။
ပုံပြင်လို့ ထင်ရတဲ့ ရာဇဝင်စကားများကို
လက်တွေ့သက်သေပြနိုင်ခဲ့တာပါပဲ။
တိုင်းပြည်ရဲ့ အတိတ်နိမိတ်ကောင်းများ
ပြန်လည်ပွင့်လန်းလာနေပြီလို့ ယုံကြည်နိုင်ပါတယ်။
ပြီးတော့ ဒါတွေဟာ ရခိုင်တို့ရဲ့ ရှေးဟောင်း သတ္တုဗေဒ၊ အင်းအိုင်ပညာနှင့် ဗိသုကာပညာရပ်များကို ကမ္ဘာက ပိုမိုစိတ်ဝင်စားလာစေနိုင်တဲ့
အချက်ပဲ ဖြစ်ပါတယ်။
အမျိုးသားရေး ဂုဏ်သိက္ခာနဲ့ ယုံကြည်မှုဆိုင်ရာ National Identity နဲ့ Confidence မှာလည်း
ရှေးဘိုးဘွားတွေရဲ့ အတတ်ပညာနဲ့ စီမံထားတဲ့ ယတြာခေါင်းလောင်း ပြန်ပေါ်လာတာဟာ
ရခိုင်ပြည်သူတွေအတွက် ငါတို့ဟာ သမိုင်းအစဉ်အလာ ကြီးမားခဲ့တဲ့ လူမျိုးဖြစ်တယ်ဆိုတဲ့
ဂုဏ်ယူမှုကို ပြန်လည်ရှင်သန်နိုင်စေတဲ့
အရာတွေပါပဲ။ ဒါဟာ ခေတ်သစ်၊
သမိုင်းသစ် တည်ဆောက်ရေးမှာ လူထုရဲ့ စိတ်ဓာတ်ခွန်အားဖြစ်စရာ တွေ့ရှိချက်လို့ ဆိုနိုင်ပါတယ်။
ရာဇဝင်ကျမ်းတွေထဲမှာပဲ ရှိတယ်လို့
အထင်ခံခဲ့ရတဲ့ အရာကို လက်တွေ့
မျက်ဝါးထင်ထင် တွေ့လိုက်ရတဲ့အတွက်
ရခိုင်ရာဇဝင်ဟာ ပုံပြင်မဟုတ်ဘူး၊
အမှန်တရားဖြစ်တယ်ဆိုတဲ့
သမိုင်းဆိုင်ရာ အမှန်တရားတစ်ခုကို
ကမ္ဘာကိုပါ သက်သေပြလိုက်နိုင်တာပါ။
ဒါဟာ ရှေးဟောင်းသုတေသန ရှုထောင့်က
ကြည့်ရင်လည်း အလွန်တန်ဖိုးရှိပါတယ်။
သစ္စာတရားနဲ့ တာဝန်သိမှုဆိုတဲ့
Loyalty နဲ့ Duty ကို ရခိုင်အမျိုးသား
ဦးထွန်းအောင်ရဲ့ လုပ်ရပ်က
သက်သေပြလိုက်တာပါ။
ဒါဟာ မြန်မာ့လူအဖွဲ့အစည်းမှာ
အလွန်ရှားပါးလာတဲ့ "သစ္စာတရား"
စောင့်ထိန်းမှုပါပဲ။
တိုက်နဲ့ ကားနဲ့ စည်းရုံးတာကိုတောင် မမှုဘဲ၊
မိမိယုံကြည်တဲ့ ခေါင်းဆောင်မှု ပေါ်ထွန်းလာတဲ့အထိ နှစ်ပေါင်း ၆၀ ကျော် စောင့်ဆိုင်းခဲ့တာဟာ ရခိုင်လူ့အဖွဲ့အစည်းရဲ့ နောင်လာနောက်သားတွေအတွက် အလွန် အတုယူစရာ "သမိုင်းပေးတာဝန်"
ကျေပွန်မှု ဖြစ်ပါတယ်။
ဒီခေါင်းလောင်းဟာ ရခိုင်ပြည်အတွက်
လုံခြုံမှု၊ အောင်မြင်မှုနဲ့ စည်းလုံးမှု ဆိုတဲ့ နိမိတ်ကောင်းတွေကို
ဆောင်ကြဉ်းပေးလာတယ်လို့ပဲ မြင်ပါတယ်။
ရှေးကဘုရင်တွေ ယတြာဆင်ခဲ့တဲ့အတိုင်း
အခုလည်း ပြည်သူတွေအတွက် အကာအကွယ်ဖြစ်စေမယ့် "ပြည်စောင့်ခေါင်းလောင်း" အဖြစ်
တည်ရှိနေမှာ သေချာပါတယ်။
Crd
